✨🍂✨
أحمد يحكي ""
أحمد :- يخي بجدك تحكي رانيا ؟؟؟؟ بش تصدقوووو ؟؟؟؟
عايشة :- مش وقت تفدليك رانيا عيش اختي ..شوف حالتنا ازح لا و زيد شوف شنية ملبسنااااااا .... يخي بش تصدقوا راجل مانعرفوهوش ؟؟؟
كريم :- بالحق احنا رينا البلاد كيفاش تبدلت .. نتصور كلامو صحيح
قربلنا مسيو نضال يكوع بساقو يحكي موجوع – نتصور عندهم حق ... اللي صارلنا الكل يدل انو احنا رجعنا بزمان بالتوالي
عايشة :- امااااان يزيوا من الهبال يخي هاذي حكاية متاع أفلام رجعنا بالزمان . للماضي و بش ندخلو في دوامة و درا شنية ...
صقر قربلنا يحكي :- يا جماعة الخير شبيكم يخي ماتصدقوش فاها ؟؟؟ البلاد تقلبت سافيها على عاليها ... وا عليا وااااا علياااااا مشينا فاهاااااااا ( طاح في القاعة يخبط على ركايبو ) اوووه مشينا فاها اوووووه .... حياتنا عدم في عدم ... اناااااااااا صقر بكلو نموت مع شلة كيفكم ... نحب نموت في بحر مالديف نحب نموت تحت بيومة هكا تضربني ... اعلاااااش ؟؟ اعلاااااااش ؟؟؟ آآآآآآآآآآه
بوعڨربة:- نوووض هاااا شنتي نوض من الأرض ..و انتا تنوح ك الولية ... انتا لازمك سفساري تغطي بيه روحك زادة
مشا جبد من عند عايشة السفساري -هاتيه تو نعطيك قشبيتي لفي باها روحك ..
صقر هز راسو مضيق عينيه :- -شكووون هذا المشلغم خيييت ملا منضر فيه ...
تلفتلو عينيه بش تخرجو - تتحدث معايا نااااااا ؟؟؟؟
صقر قربلو حط يدو في حزامو و شبرلو يدو يحكي معاه بالحلة - انا صقر .... يخي ماتعرفنيش ؟؟؟؟ معروف برشا هوني ...
-هوي هوي انتا صقررررر ؟؟؟ انتا جرد رخ ماتجيش ... تعرفه الرخ ؟؟؟؟
صقر حل فمو يغزرلنا كالبوهالي :- شبيه هذا ؟؟؟ يخي منين جبتوه ؟؟؟ ( قربلو يحكي معاه ) ...باااه وي انا راني نعرف الرخ ... كيف تححححب توصل للهدف متاعك ..مثال انا ..ناقف قدام المراية و نقول بصوووت عالي عاااااااالي ... الرخ لاااااا لاااا ... و انتي يا جماعة الخير .. ا ش سماك ربي ... احكي بالباهي معايا ...خير ما نشد نتفلك اكا الشلاغم اللي يكتفوا بهيم ....
ضرب العصا في القاعة و شبر عينيه فينا -صاحبكم اضااااا لازمه كبسة و خلوها اعلياااا.
صقر :- انتي ناقص كبستين اثنين ... هيا برا على روحك
رمالو السفساري في وجهو – البسه ..
-شنية بش تلبسني سفساري نورمال في مخك ؟؟؟؟؟ راجل أناااااااا راجل مانيش مرااااااااااا ....
-ڨتلك البس و لا نحلف مانخرجكمش من هالخربة ... و كيف يحلف بوعڨربة يفعللللللل .... نااااااا هاني ڨتلك
بوعڨربة عينيه وساعت و صقر قام يرعش بكلو لبس السفساري لف بيه روحو ملا منضر فيه شدنا الضحك و هو تلفتلنا يقحرلنا من تحت السفساري -شي مايضحكش يا جماعة الخير ... نورمالمون تبكيو على حالتي
بوعڨربة :-يبكيو على حالك هيا تحركوا ..النهار راح من جرتكم ماخلطش على بورڨيبة و هو يتحدث
خولة :- ياح بورڨييبة مات وشبع موت
-اسككككتي لا يسمعوووووك .. بورڨيبة حي يرزق ... تحركواااااااا هيااااااا
خرجنا معاه شادين في بعضنا اللي يتوجع من اللي صارلوا اللي يبكي و ينوح بالحق ملا مصيبة طحنا فاها ... لين نلقاو رواحنا قدام خربة كبيرة تلفتنا للبلاد كيفاش ولات ... تصدمنا من المشهد اللي قدامنا تقول بالحق في عهد الخمسينات بقيت نحل و نغمض في عينيا نطلعش نحلم ... رانيا قربتلي ترعش بكلها -مش قتلك شوووووف شووووووفو بعينيكم شنية صار ... مشينا فاهااااااا
خولة لصقت فيا – يخي وين احناااااااااا ؟؟؟؟ وين ؟؟؟؟؟؟
بوعڨربة :- سوڨوا بعضكم بش نهزكم للحوش .. بش نتعدوا على الاحتفالات ماتعملوليش الفضح ثانا ... ملا كارثة طحت فاهاااااا ...
أنت تقرأ
🌛🏞️ شلة 50 🏞️🌜
Fantasíaشلة "50" نوعية الكرو هاذي 🤎هي الكوميديا السوداء ... 🖤 : يعني الكوميدية الساخرة اللي تحكي على المشاكل و لا القضايا الكبيرة💙💜 ..اما بطريقة كوميدية 💛💚... " نبداو حلمتي اما بشرط التفاعل 🤍🧡 للكاتبة: سمر غالي♥️❤️
