✨🍂✨
غسان يحكي ""
رجعت انا و بوعــڨربة للدار اللي كنا فاها .. على اعصابو دخلني للبيت .. عينيه حمر تتشاعل
بوعڨربة :- صحيح اللي سمعته ها شناتي ؟؟؟
أحمد وقف من بلاصتو -شنية اللي سمعتو ؟؟؟؟
-انتم من عام 2021 يخي تبصروا و لا تحكوا بالرسمي ؟
صقر قربلو يحكي - أي صحيح .. احنا عام 2021 .. و كان تشوف شنية صار عام 2020 حموم تعداااااااا حموم
قحرت لصقر بش رجع قعد مكتف يديه و انا لازمني نقنع سي الهم هذا اللي احنا بالحق كنا عام 2021
-لا انتم ضبعتوا .. نا الغالط اللي منعتكم من الخربة .. كان خليتكم ثم خير .. و الرهباني مسكين جدت اعليه ...
غسان :- يا سي بوعڨربة عيشك اهدا و اسمعنا ...
-اش نسمع ها شنتي .. تحبوا تعدوها اعليا
كريم وقف يصيح -تي بربي فك على **** ... سيب صالح عاد سيب ..كيفاش تحب تصدق ؟؟؟؟ و التاليفونات اللي تسخايلهم قنابل ... شنية هاكم ؟؟؟ لعبة ؟؟؟؟ و لبستنا و طريقة حديثنا ماتحسهاش من عالم آخر ؟؟ شنية تحب تعرف قووول ؟؟؟
بوعقربة :- كان عديتوها على الرهباني البوهالي ..مستحيل تعدوها اعليااااااا .. ناا ..
مسيو نضال قص اعليه - انتا بوعڨربة كبير الحومة فهمناها .. ( وقف يكوع بساقو قربلو اكثر يحكي ) اما مافيباليش اللي كبير الحومة بوهالي و مسطك
بوعقربة شيع راسو يقحر ل مسيو نضال - اش ڨلت ؟؟؟؟ ( عينيه وساعت يبقق فيهم في نضال )
نضال :- اللي سمعتو بالحرف الواحد .. يخي بجدك احنااااا من الخمسينات ... شوف صقر .. تو حالتو متاعى خمسينات ..و لا هيئتنا اللي كنا فاها .. و اعلاش بش نكذبوا اعليك و نعديوها اعليك شنية مربوحنا ؟؟ تي هانا قاعدين هناااا .. معاك
بوعقربة قعد يمشي و يجي كاينو يكنبص لحاجة
أحمد :- بالحق احنا ماعنا مانخسروا ..
قص اعليه وقت رهباني دخل .. يعدي في عينيه اعلينا - ڨلولي شكون بش يهز البطولة غدوة ؟؟؟
قربتلو و نطقت - الملعب التونسي ...
بوعقربة غزر ل رهباني مصدوم - بالحڨ الملعب تلعب غدوة ... ؟
رهباني -هاي تلعب .. كان هزت هي البطولة معنتها كلامهم صواب
بوعقربة :- غدوة نحكمواااا ..بش نهزكم الكل للقهوة تتفرجوا ... و كان هزتها الملعب .. نهزكم نااا بيديا للراجل بش يعاونكم ...
قربنالو الكل نعنقو فيه و هو يدز فينااااا
غسان :- يا عقرووب يا حنين .. يا ولدي وحدك في الوهرة
احمد :- بالحق حنين و قلبو طيب عمري لا ريت ...
كريم :- يااااااا ***** برجولية عمري لا ريت ...
بوعقربة :- هااا ضم فمك انتااااااا .. ( قحر ل كريم و صقر قربلو )
صقر :-تي سيبوووه ( جبدوووو من مرفقو ) انتي احلى راجل في دنيا و شلغومك على فكرة مواتيك برشا فيبالك موضة الشلغوم .. صحيح تشبه لسلطان العثماني اللي يجيبوه في نسمة ..اما انتي احلى ...
بوعڨربة - سيبني انتاااااااا ( نطرلو يدو ) انتا لازمك كبسة .. هيا تحرك ڨدامي ...
صقر :- لاااا وين بش تهزني ؟؟؟
-بش نعلمك الحجامة .. هيا تحرك ڨدااااااامي .
صقر : يا ميمتي مشيت فاها راني لولاد تكلمووو ( بقينا ساكتين ) مسيو نضال امان قلو ... مايهزنيش معااااااه
نضال :- بصراحة صقر لازمك بالحق كبسة ..عندو حق ...
صقر :-تو وليتو تهزولو في القفة خااطرو بش يعاونكم زايد كلا****ب وهف يلمكم و يهزكم مايرجعكم تفوه في وجوهكم واحد واحد ... أصحاب مصالح ... مش مشكلة ... كان عالكبس اتو نتكبس مش على خاطركم راهو على خاطري نفسي يا جماعة الشر ماعادش خير و اللي راكم يرا خير هوووووو .... يكب سعودكم سعد سعد ... إياه رتحت تووووو ... ( مشا و رجع و بوعقربة ماشي جاي معاه ) نسيت يرااااكم هوني محبوسين حياتكم الكل ... يراكم حزانة لابسة طواجن في ريوسكم راس رااااااااس
بوعقربة قعد حط يدو على خدو يستنى فيه
-يراااااكم وين تقبلو تزبلوووووا يراكم الله اعلم وين لا ماء لا علفة ... وجوه اللوح .... شواطن الشر ... بؤسااااااااااء متاع وذني
نضال :- بربي صقر و انا معاهم ؟؟
صقر :- انتي أولهم أستاذ الهانة و الرقاد في الجبانة انتي جرد كعبة طباشير ماتجيش بش تجي وجه أستاذ ... منظر هذااااااااا .. ما اخيب منضرك مذبال ...
بوعقربة :- كملتتتتتتش ؟؟؟؟؟؟؟
-هيا كملت يزيهم تو نكمللهم الباقي كيف نرجع تفووووووووه ...
✴✴✴✴
أنت تقرأ
🌛🏞️ شلة 50 🏞️🌜
Fantasyشلة "50" نوعية الكرو هاذي 🤎هي الكوميديا السوداء ... 🖤 : يعني الكوميدية الساخرة اللي تحكي على المشاكل و لا القضايا الكبيرة💙💜 ..اما بطريقة كوميدية 💛💚... " نبداو حلمتي اما بشرط التفاعل 🤍🧡 للكاتبة: سمر غالي♥️❤️
