✨🍂✨
غسان يحكي ""
واقف مقابلو نقرق بيه -بربي يا بوعڨربة خليني نمشي نشوف اختي
بوعڨربة – و نا منين نعرف اللي هي أختك ؟؟؟؟ ( ضيق عينيه فيا ما لقا وقتاش يستعمل المادة الشخمة متاعو كان تو )
غسان :- انا متوحش اختي و خايف اعلاها ...
بوعڨربة :-ماتخافش اختك في الحفظ و الأمان ماتخافش اعلاها
جاء بش يمشي ناديتلو – راهي اختي مهبولة شوية
تلفتلي – واش معنتها ؟ اش تڨصد بمهبولة ؟
-يعني ضاربة كان مانهديهاش انا عادي تعمللكم الفضح و زيد تمشي عالنوم و تتكلم زادة .. عادي تخرج في ليل من الدار في حالة .... ( تنهدت بالقوي نفلم اعليه ) برجولية بوعڨربة اختي راهي ضاربة في مخها اخر مرة خرجت من الدار بدبش النوم تخيل...
-ب قش النووووووم ؟؟؟؟؟ ( عينيه وساعت )
-هااي عادي تخرج تسب بورڨيبة في الشارع ... وقتها يشدوك انتاا ..
-لاش يشدوني نا اش مدخلني في أختك المضبعة
-مالا خليني نمشي نهديها .. نقلها كلمتين و برا
-باهي امشي ڨدامي تحرك ...
مشيت معاه .. وقف قدام دار – يخي وين جبتني ؟؟؟
-هاذي دار انسابي ماو عندهم لمة الليلة .. مريم هزت البناويت بش يبدلوا الجو شوية ..
دق الباب يحكي – ها مريم حلي حللللللي
مريم :- انتا منهووووو ..
-نا راجلك ها بنت الناس .. بوعڨربة
مريم :- لااااا مشني متوكدة اللي انتااا راجلي ناااااااااا ...
ضرب ساقو بالقوي في الباب – حلي الباب حلللللللي لا نحلف وجهي معادش تشبحيه ..
مريم :-واشبيك تغششت .. انتا وحدك ؟؟؟
-لا لفي روحك ڨبل ..
شوية أخرى و حلت الباب دخللها يحكي – اسمعيني ها مريم جيبي أنيسة تووووو
-واش معنتها ها بوعڨربة نجيبلك أنيسة ... وااااااش معنتهاااااااا
صوتها بدا يعلا و هو صاح – ضمممممممي فمك و وطي صوتك و وطي راسك و وطي عينيك و دنڨزي رڨبتك
مريم :- باهي سي بوعڨربة سامحني .. اما نا نغير اعليك راهووو ... واش تحب منها البنية .. -_- من حڨي نغير اعليك ...
بوعڨربة :- مشني نااااا نحب اعلاها واش ندي باهااااا ... تي نا حاير في مرا وحدة ..
مريم :- بربي ؟؟؟
بوعڨربة – موشو وڨتو ..بري ناديلها خوها معايا يحب يحكي معاهااااا ...
مريم :-منهو خوهااااا ؟؟؟
-و انتي اش يهمك في جد والديه هياااااا ماتخليش الكل**بة بنت الك**لب تطلعلي لراسي ... نشد نفشخك بطريحة نباشت قبور
فصعت تجري منو ... و هو خرجلي – نا هاني ماشي .. ربيع ساعة و نرجع اب تحدث مع اختك .. ابڨا هناا لين تجيك
قداش حسيت بالراحة تو يمكن اللي عندي إحساس كبير اللي أنيسة تعرف المعلومة .. بعد شوية خرجتلي
أنيسة -انتي خووويا ؟؟؟؟؟؟
جبدتها على جنب نوشوش – أنيسة عيشك لازمك تعاوني
-في شنية نعاونك يخي غسان شنية صار ماتخوفنيش عيشك
-تي ماتخافش ..يمكن لقيت طريقة شنرجعوووو ل 2021 .... مرهونة في إجابة .. نتصور انتي تعرفها
-و شنية هي ؟؟؟؟
-شكون هز البطولة عام 56
-بربي تحكي بجدك تو انتي ؟؟؟؟؟؟؟
-تي انطق ازح شكون هزهااااا ؟؟؟ صقر قلي اللي انتي تبع الكورة و مغرومة برشا
بقات تخمم -نتفكر بابا ديما يحكيلي عالكورة و عالملاعبية القدم اما يخي بجدك بش نعرف شكون اللي هز البطولة عام 56 تي عام 2000 مانعرفش ...
ضربت على راسي -اوووه على توننننس اووووووه ... يخي شبيني ساعات نحس روحي مانيش تونسي
عينيها وساعات و جبدتني من اكتافي – تووووو..تونسي ؟؟؟ تونس يا غسااااااااان هو التونسي
-شنية تونسي ؟؟؟؟؟ يخي فاااش تحكي ؟ شبيك تكونسيت يا هم ؟؟
-تفكرت مرة لعبت جمعيتي ضد الملعب التونسي و سألت بابا على الملعب التونسي قداش هزت من بطولة قلي يمكن في الخمسينات هزت ... مانعرش في 56 و لا قبل .. و لا بعد ... اما جرب حظك يخي شنية خااسر انتي ؟؟؟
تعدا فر**خ صغير جبدتو – واش بيك عمي واش بييييييييك ؟؟؟؟
-قلي شكون يلعب غدوة .؟؟؟ الملعب التونسي تلعب ؟؟؟؟؟
-هااااي تلعب ...
رجعتلها و هي تنادي -غسااااان وين مشيت ؟؟؟؟ وين ؟؟؟ ( جبدتها من راسها بستها بالقوي ... بقات مصدومة من حركتي )
غسان :- فيبالك انتي أرجل مرا عرفتها في حياتي... ( بقات حالة فمها سكرتلها فمها و بستها من خدها من الربثة مسكينة طربقت الباب في وجهي )
✴✴✴✴
أنت تقرأ
🌛🏞️ شلة 50 🏞️🌜
Fantasiaشلة "50" نوعية الكرو هاذي 🤎هي الكوميديا السوداء ... 🖤 : يعني الكوميدية الساخرة اللي تحكي على المشاكل و لا القضايا الكبيرة💙💜 ..اما بطريقة كوميدية 💛💚... " نبداو حلمتي اما بشرط التفاعل 🤍🧡 للكاتبة: سمر غالي♥️❤️
