شلة "50" نوعية الكرو هاذي 🤎هي الكوميديا السوداء ... 🖤 : يعني الكوميدية الساخرة اللي تحكي على المشاكل و لا القضايا الكبيرة💙💜 ..اما بطريقة كوميدية 💛💚... " نبداو حلمتي اما بشرط التفاعل 🤍🧡
للكاتبة: سمر غالي♥️❤️
👆خولة👆 أحمد يحكي "" خولة تجري ورايا و انا كيف المهبول ندور ... بش نهبل مخي ةتحرق و أنا نخمم فاها .... ملي طاح السقف بيناتنا .. و انا مرعوب اعلاها خولة تجبد فيا -ستنى أحمد اززززح تلفتلها كشاكشي طالعة -عف بربي عففني .... لازمني نلقا عايشة .... ( حيرتي اعلاها خلات خولة تفد قلبت عينيها ) -ماتخافش تو تلقاها أختك ...( نزلت على كلمة " أختك "..تسسومم اعليا ..مش ناقص غيرتها الزايدة تو ) -اي بش نلقاها عاااايشة ..( عديت يدي على شعري بالقووووي ...كل شي ظلام في عينيا .. ). -أختتتتتك أحمد عايشة أختك..... كنت مدور وجهي ... من العصب قربتلها خطفتها من اكتافها نحكي و نرص على سنيا من الغزول اللي مكني - هيييي كل شي باااااهي ؟؟ هي أختي ..و عشيرتي ..و صاااحبتي هي كل شي.... و مش ناقص الغيرة متاعك تووووو دزيتها بالقوي بقات تقحرلي ... - هي أختك كهو احمد ... ماترفزنيش -يخي تحس اللي الوقت و المكان مناسب بش نحكيو في الموضوع هذااااااا هزتني و حطتني و انا باقي مخي مهمش ... وقفنا في وسط " الكور " ..الفاك ولات مجرد خربة .. الحيوط مهدودة ... التراب معبي البلاصة ..الأرض تشقت و خرجت البرة ... خولة كبشت في مرفقي ترعش- مش نووورمال اللي صار يا أحمد .... يخي هذا الكل و مامتنااااش ؟؟ ( بالرسمي يخي صاااار هذا الكل و مامتناش ؟؟ سمعت صوت صياح تلفت نلقاها تجري و اطيح ... مش مصدقة مشيتلها نجري ..) أنييييييييسة ؟؟؟ كبشت في يدي – أحمممممممد مش مصدقة وأخيراااااااا .... خولة خلطت اعلينا -أنيسة لبااااااس ....؟؟؟ تغزرلنا مسكينة مربوثة -اش من لباس .. كنت الفوق في اللابو ... يخي فجأة دنيااااا تزعزعت ( تحكي بيديها و تلهث بلعت ريقها بالروووووح .. طاحت على ركايبها تبكي و تنوح ) اأأأأأأأأأأأأه يا ربي ... اااااااااه مش مصدقة اللي صاااااااار ... طاح بيا سقف نلفا روحي اللوطة مش فاهمة كيفاش بقيت حية أصلااااااااا...نطلعش متت ؟؟؟ نطلعش متت ( تضرب في روحها ) شبي مش حاسة بيديااااااا ..( تغزر ليديها و انا بالحق حسيت نفس اللي هي حستو .. خولة طبست اعلاها ) خولة :-شمعناها ماكش حاسة بيديك ؟؟؟ أنيسة :-كانت عندي وجيعة في الابراي في سنيا ماعادش نحس باها ... حتى الجرح اللي تحلي في مرفقي ( وراتنا الدم ) بالححححق كايني من داخل نتنفس في ماء مش في ترااااااب شوووف الدنياااااا كيفاش تقلبت سافيها على عاليها .. و مش نحس في شي خولة :-حتى انااااااا كيفك والله من بكري نحس في روحي عاااادي كاينو ماصارلي شي اصل ... زعمة شنية اللي قاعدين نعيشو فيه ؟؟؟؟ ( غزرتلي و انا مصدوم اكثر منهم ) احمد :- قوموا لازم نلوجو عالشلة .. بااااز مزالو عايشين ...
🔙الحلقة 9...🔙
نضال يحكي "" باقيين نمشيو في الكلوار تاع الفاك الحاجة الوحيدة اللي بقات ماتهدتش وين الكلاص اللي نقري فيه ... ورايا هي و زميلها ... نتصور اسمو صقر من بكري و هو مكبش فاها ... يتمرعش ... قداش تظهر أقوى منو ..كااسحة و شجاعة صقر :- اووووه شبي عزاااه هالكلوار طووويل ..يخي فديت انا .... حليت الباب التيلاني نلقا الدنيا فضاء و هوااااء الدروج تهد بقوة الزلزال شعرا لا طحت .. جبدتني بالقووووي رانيا :--رددددد بالك مسيوووووووو ( اطل اللوطة مرعوبة... قربتلي عاللخر تغزرلي درا كيفاش ) انتي لااباااس .؟؟؟ ياح شعرا لا طحت ... " غريبة الأطوار " خايفة اعلياااااا ؟؟ لا مانصدقش ... صقر :- اوووه عليا شعرا لا جيت مكبوب على وجهك .... نضال -هيا نمشيو الثنية هاااذي ... رانيا تحكي "" بقينا ماشيين مش عارفة وين ... اما حاجة فيا عاطية الثقة فيه " نضال" .. قربلي صقر يوشوش – ملا حنطويلة هالبروف ... ( ضربني ب كتفو على كتفي و غمزني ) توايتو بعضكم انتي قزمة و هو زرافة ههههههههه عينيا وساعت نسكرلو في فمو -بلللع ازح لا يسمعك و زيد مش وقت مساطتك راهووووو صقر :- يخي حبينا نوصلو ازح .... -يخي تعبت ؟؟؟؟ يعني حاسس بتعب ؟.؟؟؟ -لا مانيش حاسس ب شي اقسمب الله تقوووول ريشة ...( نفخ في وجهي ) ريشة هايمة عالأرض ... عندي إحساس اللي احنا متنا و كملنا .. -يزي من هبالك أمان قالو متنا -_- -يخي انتي تعرف اش تحس كيف تموت ؟؟؟؟؟ بالكشي احنا موتى تو ... ( شهق حط يدو على فمو ) آآآآآهى كان متت و ما زلت ماحققتش احلامي -بربي شنية أحلامك .. ؟؟؟ -_- -نحب نعرس و نكون عائلة و نكون أب أسرة متحكم في أسرته المصغرة و نجيب صقروشات صغاااااار ..( قالها بالحلة .. شدني الضحك وليت نضحك بالعمل صقر استغرب من حالتي ) يا كالسبة تضضضضحك نضرب فيه على كتفو – يعطييييييك يا صقر قتلتني بالضحك .. مسيو نضال غزرلنا يتبسم من ضحكتي ..رشق عينيه فيا بالحق ملا غزرة عندو ...صقر فاتنا و باقي يتمتم وحدو – حياتها الكل مكشبرة صار زلزال ولات تضحك ههههههه ... قربلي مسيو نضال اكثر -يخي فما حاجة اضحك ؟؟؟؟ -ميسالش ماهووو نضحكو شوية ... ولا تحبنا نوحو و نبكيو على سواد سعدنا ( قلتها بطريقة تمنيت بعدها نقص لساني ... مسكين الراجل .. عضيت شفتي و هو تبسم على جنب .. ) نضال :- الزلزال اثر فيك ظاهر فيه ...( غزرت ل تبسميتو لا هو بدا يأثر فيا مش الزلزال ... حطيت يدي على رقبتي و هزيت عيني الفوق ) -خااااطر انااا نضحك عادي و انتي تقلي شبي ... ( نحكي بدلال اول مرة نحس روحي نحكي هكا استغربت من روحي ... سكت و هو عقد حواجبو ) لا بالحق مسيو فما حاجة تبدلت ... شبيني هكاااااا ولييييييييت ؟؟؟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
