✨🍂✨
رانيا تحكي ""
حياتي الكل هاربة من البشر و ريحتهم .. عندي عقدة منهم .. ميكن نفاقهم اللي مسيطر اعليهم ..و طريقتهم في العيش و التعامل مع بعضهم ... كل ما نتخيل انسان قدامي ينافق فيا ..اعصابي تتوتر .. اذاكا اعلاش ديما بعيدة اعليهم .. ماعندي الثقة في حد ... حتى اقرب الناس ليا ديما نافرتهم و بعيدة اعليهم .. نخاف منهم و من قلبتهم .. يخي وليت نتقلب اعليهم قبل ما يتقلبوا اعليا ...قداش تمنيت نكون في وقت غير وقت و بلادي غير بلادي و حتى قرن مش قرني ..ديما نحس روحي قديمة في برشا حاجات في التفكير و المعتقدات .. مانيش معاصرة .. و في ليلة و نهار نلقا روحي في الخمسينات .. مش مستوعبة شي .. كايني في وسط خرافة من خرافات جدي اللي حكاهملي قبل ... الألوان هوني باهتة في عينيا تميل للأبيض و الأسود ... حكاية غريبة عايشينها .. الله أعلم شنية نهايتها ..
مريم هزتنا للحمام .. اخر ما صدر انا بش نخالط البشر مرة أخرى ؟؟ بالكشي يطلعوا خير من البشر اللي كنت معاهم ..
دخلنا للحمام يملا و يفرغ .. جاتنا مراا بصحتها شوية .. لابسة جبة محزوقة اعلاها قصيرة .. و معصبة راسها بمحرمة اكا اللي خرجوا موضة هالأيامات .. حطت يدها على حزامها - شنيييية للا مريم ؟؟ قداش من رقبة جايبتلي ؟؟؟؟
مريم :- اسمعيني خديجة نا نجي مرة في الفال ... ماتبديش ...
خديجة :- هاااي ماتقليش كل وحدة و حارزتها
مريم :- لاش كل صبية بحارزتها ..جيبي حارزة وحدها تفكرهم مع بعضهم
تصدمنا غزرنا لبعضنااااا و رانيا حلت فمها -شمعناها حارزة وحدة تفركنا كل ؟؟ واااه ... ماتعملوش ماساج هوني ؟؟؟
خديجة حلت فمها -فاش تحكي هاذي ؟؟؟ منين جبتها ها مريم ؟؟؟؟
مريم قحرت ل رانيا على جنب -اسكتي انتي .... ( رجعت تغزر ل خديجة ) هياااااا عاد بش نبقو هكاااااااا ...
خديجة :- مدي 300 فرنك الرقبة
مريم :- شنهي 300 فرنك الرقبة ؟؟؟ مش كانت 200 ... -_- بوعڨربة يڨول لراجلك ...
خديجة - هاتي بركااا هاتي ..نفختيلي راااسي ..
خلصتها و دخلنا ... النساء خارجين عراية ... اللي يقطع و يريش و اللي شادة سطل و اللي خرجت عارية قدامنا و عايشة تغمض في عينيها
عايشة :- يا شومي .. شنةي هذااااااا
انيسة :- عمرك لا مشيت ل حمام ؟؟؟؟ -_- ( انيسة جبدت سطل و مشات تعبي فيه ) هيا تحركوووا فاش تستناااو ...
رانيا :- يخي ديما تمشي للحمام ؟..
أنيسة :- كل جمعة نمشي مع أمي .. يخي تسخايلني كيفكم ... تحبو ادوش في دار ..تو تشوفو الخمج اللي يخرج منكم ههههه
مريم :- انتي ها طفلة حبيتك أنيسة .. تفهميلهاااا ... شدي الطفل ( مدتلنا الطفل و خولة حطتو في وجها عالبلاصة )
خولة :-واااااو ماسك الطفل ..مش نووورمال فيبالكم هذا ينحي الكحولية اللي في الوجه ( تحكي بيديها و عايشة مدورة وجها تغزل اعلاها ..)
مريم :-و اضااااا السواك ..
جبدتو انيسة من يدها تفرك فيه في سنيها
أنيسة :- فيبالكم ما ينظف السنين كان السواك العربي زايد والله ....
بقينا اكاك و مريم بعد دخلتنا ل بيت السخون بقينا غادي .. نستناو لين جات الحارزة مرا قصيرة عاللخر ... في يدها حكاكة و صابونة خضراء ..
الحارزة :- ب شكون نبدا هياااااا تحركولي عندي عروسة ...
مريم مدتنا الكل الأربعة و نطقت - افركيلهم الكل مع بعضهم ...
حطتنا اكاك رصفتنا و بدااااات تفكرلناااااا عينيا وساعت و هي تحكلي في ظهري اقسم بالله شعرااااا لا تقلع من بلاصتووووو و خولة تصيح
خولة :- ااااااااااع ظهري يا تاتا شسمك بالشوية بربي اعلاش هكاااااااا أي أي أي .... ( جبدتلها رقبتهااااااا و عايشة تضحك )
عايشة :- ههههههههههه إياه يا ربي .. اياااااااااه محلاها التدويشة ... ( هي تقصد في خولة ههههههههه كملت فركتلنا ماشاء الله اعلاها في ربع ساعة كملتلنا الكل ... )
انيسة :- ملا تفرشيكية والله هايلة فركة الخمسينات ...
قمنا كان خولة باقية اكاك ... انيسة تقوم فاها و هي تقول ماتت ...
خولة : ااه ظهري معادش فيااااااا ..ملا مجودرة الحارزة و لا شكون مش نورمااااااااال ... قتلتني قتتتتتتتتتلتني
مريم :- ڨووووم اتحرررررررك .. و نقص بالدك متاعك ... مالا باش بش تولي مراااااااا و صنديدة .. و زيد شوفي الخمج اللي خرج منك
خولة قامت على اعصابها تحكي - انا عندي خممممج ؟؟؟؟؟ بربي ؟؟؟؟ ( تغزر ل بدنها شككتها في روحها )
مريم :- الخمج في الڨلب بنية عمي مش في البدن .. اما احنااااا نغطيوا في خومجية ڨلوبنا ب ريحة الڨوارص اما ڨلوبنا خرجوا الريحة ..
✴✴✴✴
أنت تقرأ
🌛🏞️ شلة 50 🏞️🌜
Fantastikشلة "50" نوعية الكرو هاذي 🤎هي الكوميديا السوداء ... 🖤 : يعني الكوميدية الساخرة اللي تحكي على المشاكل و لا القضايا الكبيرة💙💜 ..اما بطريقة كوميدية 💛💚... " نبداو حلمتي اما بشرط التفاعل 🤍🧡 للكاتبة: سمر غالي♥️❤️
