✨🍂✨
رانيا👆
غسان يحكي ""
وجودها معاه يستفزني ... فكرة اللي هوما أصلا يعيشو مع بعضهم في نفس الدار بش تهبلني ... مش حابب نخمم في شي نحب نسرح نحب نعدي نهار كامل نمشي نحب نقلع .. نحب نهرب ... بقيت ماشي وراء الفاك .. لين عرضوني كريم و بجنبو "رانيا " ... هو يدندن عالجيتار و هي تمشي في راسها و تجيب ... مغمضة عينيها تقول عايشة الغناية ... تقول يعملو في كليب .. هو يغني ببحة صوتو اللي تقشعر البدن ... ملا شلة بالحق مقربعة و مهبلة طحت بينهم .. قعدت بجنبهم ماشافونيش اصل غاطسين في هبالهم و نوبتهم ...
كريم -" امان اماااااان ... امااااااان ... مان مااااان ماااان امان ماااااان ... ما قعد نفس و غاب هواك دمعة سخونة تقتل شيطان ماتبرد غلي عاللي شواك ..."
هو يغني و رانيا قامت تميل في راسسها و هزت يديها ..ضربت على راااسي عالهبال اللي عندهم الاثنين ...
غسان :- رانيا شبيك لبسك جن ؟؟؟
غزرولي الاثنين و كريم ضرب عالجينتار بالقوي - اشششششششششششش ....
فجعوني ملا مرضى طايح بيهم .. باقي نتفرج في عجب ربي ..
كريم - "خليك عندي موالهم ببلاهم ... قلبي ليك ظهري للكرتوش حتى يخرج لعدا لي فيهم معايا ربي كان هوما جيوش"
هو يغني بالقوي و هي بدات تشطح تميل في بدنها الكل حطيت يدي على خدي مصدوم ...
كريم :-
حبيتك امان امان ملي ريتك امان امان ملوّح ما رميتك امان امان وحدك في ثنيتك امان امان امان ما نويت و بغيتك امان امان تهت و خبيتك امان امان ما خليتك امان امان تهت و دفّيتك امان امان امان"
غزرتلي جبدتني من يدي تشطح فياااا معاهاااا .. عينيا وساعو -والله بش نضربك رانيا اركح هاا كئيبة يعن****
نطرتلي يدي .. و طبست راسها ... حزينة .. طبطب على اكتافها -ماتغشش مني رنوش ... نفدلك راهو
غزرتلي ملا غزرة عندها تخوف اللطف ... دارت و مشات مطبسة راسها .. غزرلي كريم -بربي اعلاش ماصدقت شاخت شوية ازح
-يخي شباها هي ؟؟؟
-اكتئاب حاد كالعادة .... 😑 و انتي جيت فزدت الجو الكل ... خر**يت فيه ...
غسان - أصلا أنا بربي من وقتاااااش نركح في الجو .. انا ديما نفسسسسد انا ديما اللي نعمل في مشاااااكل .. فيا العيب ديماااااا...
كريم حط الجيتار على جنب .. -شبيك غسان يخي صارت حاجة ؟؟
-عايشة ...
كريم قلب عينيه -برا عاد من سيرة عايشة يخي ماتفدش ؟؟؟
-مشات تريفز معاااااه ... عارفو عاملها بالعاني بش مانريفزلهاش انا ..يحب يستفزني يحب يعمل أي حاجة تكرزني ..
-يخي مش بكري قتلك ريفزلي قلتلها لااا ... ؟؟
-كان فيبالي هو بش يرفزلها راني ... ( كبست على قبضة يدي بالقوووي و تنطرت ) برجولية انا بش نمشيلها ... يا أنا يا هووو ... حتى بكري جيت نفرغلها في قلبي ماقعدتش بحذايا مشات هربت مني ..ماصدقت بش تتخلص مني ...
كريم :-برجولية صااحبي انتي هوني تغلط الطفلة فدتتها من التفلسيف متاعك و التشاؤم ..و اللوم ... تقولش اعلاها صاحبتك و لا خطيبتك ..يا بش تمشي تحكيلها على مشاعرك تجاها و اللي انتي حاجتك باها و لا مش لازم أصلا تكرها في عيشتها بغيرتك الزايدة
أنت تقرأ
🌛🏞️ شلة 50 🏞️🌜
Fantasíaشلة "50" نوعية الكرو هاذي 🤎هي الكوميديا السوداء ... 🖤 : يعني الكوميدية الساخرة اللي تحكي على المشاكل و لا القضايا الكبيرة💙💜 ..اما بطريقة كوميدية 💛💚... " نبداو حلمتي اما بشرط التفاعل 🤍🧡 للكاتبة: سمر غالي♥️❤️
