✨🍂✨
رانيا تحكي ""
كنت في بيت السطح سمعت كلامهم الكل تصدمت ..ك حطيت يدي على فمي مصدومة كيفاش كان مسيو نضال قاسي لدرجة هاكي .. الطفلة مشات و انا خرجتلو
رانيا :- اعلاش تصرفت اكاك معاها ؟؟؟
دور وجهو مش عاجبو كلامي قربتلو جبدتو من مرفقو – نحكي معاك راني ...
-شنية تحب رانيا ...؟؟؟
-طفلة صغيرة حلت عينيها فيك اعلاش تعاملها بالطريقة هاكي لين رمات روحها للموت ؟؟؟ تسخايل كيف تعاملها بقسوة بش تتحمل ؟؟ تي هي مراهقة ... عادي تتوجع عادي تتصرف بطريقة غير عقلانية ...
-رانيا ماتتدخلش اصل حكاية قديمة و وفات ...
-ماوفاتش .. ماهاش بش توفا في مخك .. تعرف أي انتي السبب في موتها
عينيه وساعت مصدوم – انا السبب ؟؟
-أي و انتي عارف اللي انتي السبب .. اما تتناسى ... ( عينيا دمعت ) تسخايل المراهقة ساهلة وجيعتها ؟؟؟ انتي بطريقتك الخايبة في رفضها .. خليتها تشوف روحها مش مزيانة و عادي تولي معادش عندها الثقة في روحهاااااا ...
-زادة عندها مخ
قصيت اعليه -تو انتي أستاذ ؟؟؟؟؟؟؟ هذا مخ أستاذ .. تعرف المراهقين كيفاش يفكروا ؟؟؟ تعرف ولا لا ؟؟؟ ( بقا مبهم فيا ) ماتعرفش اكيد ... خاطر انتي في مراهقتك تلقا عايلة تساندك و توريك الدنيا اما نبصملك بالعشرة اللي الطفلة هاكي ماكانش حد ينصحها و يوجها للثنية الصحيحة ..
-يخي انتي جاية معاها ؟؟؟؟؟
-لا انا ضد اللي عملتو .. اما هي تسخايلهم بش ينقذوها .. مسكينة ازح
-بربي قلي كان جيت في بلاصتي شنية تعمل ؟؟؟ كان جاء طفل مراهق اصغر منك و قلك نحبك ... شتعمل ؟؟؟؟
-نلطف اجابتي بش مانوجعوش .. نجيه ب سياسة مش نقلوووو مانحبكش طوووول ليني تصدم و يتوجع عاللخر .. هي تشوف فيك انسان مثالي لا يزي صورتك تشوهت في مخها لا يززززي وجعتها بإجابتك بالححححق قداكش انسان اناني
-يعني نمثل اللي انا نحبها
-سااااااايسها تعلم ... الطفلة أصلا مراهقة و لا كبيرة و لا عزوزة المراااااااا راهي حساسة هذا اللي انتوما الرجال مش حابين تفهموه .. المرا كلمة تهزها كلمة تجيبها ..كلمة اداويها كلمة تكسرها ... كان لطفت منطقك و عاملتها بسياسة و فسرتلها بطريقة الصحيحة .. يمكن راهي حية تو يمكن راهي عااااايشة راهي مكملة حياتها عادي راهي حققت اهدافهاااااااااا .. اعلاش عملت اكاك ؟؟؟؟؟ اعلاااااااش ؟؟؟؟؟؟
-شبي ردة فعلك هكا رانياااااا ؟؟؟ بالحق مستغرب ردة فعلك هاذي
-خااااطر انا عشت نفس اللي عاشتو الطفلة هاكي .. حبيت حد اكبر مني .. ببرشا .. صحيح رفضني اما بطريقة الصحيحة .. اقنعني بكلامو .. و انا اقتنعت ... قلي حياتك مازالت قدامك .. انا شنولي عزوز و انتي شتبقى صغيرة هههه يخي هو بقا صغير راهو .. أصلا الرجال مايكباروش هههه اما انا جدت اعليا ..قلت يخي شنعيش مع عزوز ... قلي شتولي تقرا في الفاك من بعد و تتعرف على ..
حط يدو على خدي .. بقا يثبت في وجهي ..بلعت ريقي بالروح قربو منو خلا مخي ياقف على التفكير تبسم على جنب و نطق -كمل احكي .. تتعرف على شكون ؟؟؟
نحس في قلبي شيخرج من بلاصتو ..شبيني حاسة هكااا ؟؟؟ عينيه و هو يغزرلي بدعوا بحالي - نتعرف على أولاد ...
هز حاجبوا -يخي وليت عايشة في قوقعة و ترا في دنيا كلها موجات سلبية
-انا دوايا الريف كيف ماقالت ماماتي ... قررت بعد مانرجع نمشي نعيش في الريف ...
-نمشي معاك ؟؟؟
جيت شنجاوبو و نسمعو في صياح .. طلينا من فوق السطح الناس خايضين .. يصيحوااا
– حرب صااااااارت حرررررررب ... ( غزرنا لبعضنا مصدومين ... )
رانيا :-حرررب ؟؟؟
جبدني من يدي هبطنا من السطح -لازم نمشيو ا رانيا فييييسع ... فييييسع ...
أنت تقرأ
🌛🏞️ شلة 50 🏞️🌜
Fantasíaشلة "50" نوعية الكرو هاذي 🤎هي الكوميديا السوداء ... 🖤 : يعني الكوميدية الساخرة اللي تحكي على المشاكل و لا القضايا الكبيرة💙💜 ..اما بطريقة كوميدية 💛💚... " نبداو حلمتي اما بشرط التفاعل 🤍🧡 للكاتبة: سمر غالي♥️❤️
