✨🍂✨
نضال يحكي ""
قاعد فوق السطح الدار الللي هزتني لاها رانيا ماكانش عندي حل آخر غير اللي انا نتبعها و نشوف آخرتها ... كلهم عرفوا السبب وراء اللي صارلهم هذا كان انا شيعت عينيا للسماء - اعلاش انا هنا ؟؟ اعلاش يا ربي اعلاااااش .. ( سألت بحرقة .. لين عيني دمعت .. انا اكاك و نحس في صوت ورايا تلفت .. نلقاها مقابلتني .. مش مصدق عينيا بقيت نسكر فيهم و نحل من الصدمة )
نضال :-ش..شتعمل هوني يخي ..؟؟؟ ( عوجت راسي ..)
قربتلي بالشوية ..و انا باقي نتبع في خطواتها خطوة ب خطوة .. تمشي بالرنة تقول تمشي على حبل .كانت لابسة روبة بيضة طويلة و شعرها مفترش و كانت حفيانة .. عينيها محوقين منضرها بالحق يفجع ...قربتلي و تبسمت
-هاك مازلت تتفكرني ؟؟؟ ( حطت يدها على خدي بعدت وجهي ) ههه
-شنية تحب اخر ؟؟؟ انتي اللي جبتني هوني ؟؟؟ انتي السبب مش هكااااااا ؟؟؟ اما انتي ميتة ؟
-صحيح انا ميتة امااااااا ناقمة ...
-نااااااقمة ؟؟؟؟ على شكون ؟؟؟
-عليييييييك ( قالتها بغل )
-اعلاش ناقمة اعلياااااااا ؟؟؟ انا ماعندي ماعمتلك ..
-انتي السبب في موتي
قصيت اعلاها - انتي اللي قتلت روحك .. انا ماعندي حتى دخل في تفكيرك و ضعف ايمانك و في الهوس متاعك
بقات ترمش في عينيها -صحيح ماعندك حتى دخل .. اما انا كان عندي فراغ كبير ...
-كان عندك هوس ... الحب مش بالسيف راهو ..
-انا كنت صغيرة ..حليت عينيا اعليك .. انتي الراجل الوحيد اللي نراه ديماااااا ... كنت ولد حومتي و مش هذا كهو ..انتي استاذي .. حبيتك شنعمل ل روحي ؟؟؟؟؟ حبيتك عاللخر ... و كيف قتلي لاااااا و رفضت حبي ليك توجعت و أول مرة في حياتي نتوجع
-كنت بلا عقل ..كنت فر***خة و ماتعرفش تتصرف ... و شنية فاها كان رفضتك ؟؟ كلنا ترفضنااااااا ... اما انتي دلولة ... ماحملتش الوجيعة و مشيت انتحرت .... تو جايبتني ل هوني اعلااااش ؟؟؟ تحب تحاسبني ؟؟؟؟؟؟
-لااااااااا ( صاحت في وجهي ) لا مانيش بش نحاسبك اما انتي عمرك لا حسيب بالذنب تجاااااهي ..حتى كيف متت قلت الله يرحمها و تأسفت شوية و تعديت .. ماتوجعتش .. كيف ما انا توجعت ...
-خااطر المشاعر ماتنجمش تفرضهم اعليا بالسيف ... تحب حد يجي يغصب اعليك حاجة انتي ماتحبهااااااااش ؟؟؟؟
شدتلي يدي بحرقة تحكي - اعلااااااش ؟؟؟ نضال احكي اعلاش ؟؟؟ ..شنية ناقصني ؟؟؟؟؟؟ اعلاش من جرتك شبابي تقصف
-مازلت تقوووووول من جرتي ؟؟؟؟؟؟؟ ( نطرتلها يدها ... بلعت ريقي بالروح ) قلي اعلاش جايبتني لهوني ؟؟؟؟؟
-نحبك تحس بياااااا تحس اللي انا انتحرت خااطرني توجعت من رفضك لياااااااا
-انا مش مسؤول على قلة النضج متاعك و على الفراغ اللي انتي كنت فيه ...تحبني نوقف حياتي خاطر طفلة صغيرة حبتني ؟؟؟؟؟؟ و بعد كيف قلتلها لاااا مشات انتحرت ؟؟؟؟؟
-انتي ماكنتش تعرف شنية حسيت وقتها ...
-شكون قلك اللي انا ماكنتش حاسس بيك ؟؟
-اعلاش ما بكيتش اعلياااااا ؟؟؟
ضربت راسي - اعلاش بش نبكي ؟؟؟؟؟؟؟ وقت انتي ماسخفتش على روحك ؟؟؟؟ كيفاش تخمم اللي الناس كانوا بش يسخفوا اعليك ؟؟؟؟؟؟ انتي حبيت تموت و مت صايى
-ماحبيتتتتتتتتتش نموت اناااااااااا حاولت ننتحر نسخايل روحي بش ننجى .. و نسخفك و تحبني
عينيا وساعت من كلامها و هي ضيقت عينيها فيااااااا - انا نسخايل بش ينقذوني .. يخي حد ما طلع يعرف يعوم و غرقت .. (شدت رقبتها بالقوي تلهث ) تعرف شنية الل يوجع في الموت ؟؟؟ هي حرارة الروح الباقي مش مهم ...
اعطاتني بظهرها و بقات تممشي قربتلها نحكي -كهووو ؟؟؟ جاية ترميلي في زوز كلمات و ماشية ..
-نحبك توصل لعايلتي اللي انا ماحبيتش نموت انا غرقت بالحق .. (تلفتتلي موسعة في عينيها ) انااااا حاولت نمنع روحي ..والله حاولت .. قلهم .. قول لأمي .. عيشك ماتخليهاش تخمم في اللي انا انسانة خايبة ..
جيت بش نجاوبها و نسمع في صوت راجل طالع في دروج ..اول ما لمحها جبدها من مرفقها -وين كنت ؟؟؟؟ عندي ساعة نلوج اعليك ...
مشاتلو و بقاو يحكيو و هوما هابطين و انا باهت في عجب ربي .. يعني جايبتني لهوني بش تحكيلي هالكلمتين ؟؟ العذاب هذا الكل هي السبب فيه ؟؟؟ يمكن كان حزنت على موتها راهو ماصارش هذا الكل ...
✴✴✴✴
أنت تقرأ
🌛🏞️ شلة 50 🏞️🌜
Fantasyشلة "50" نوعية الكرو هاذي 🤎هي الكوميديا السوداء ... 🖤 : يعني الكوميدية الساخرة اللي تحكي على المشاكل و لا القضايا الكبيرة💙💜 ..اما بطريقة كوميدية 💛💚... " نبداو حلمتي اما بشرط التفاعل 🤍🧡 للكاتبة: سمر غالي♥️❤️
