✨🍂✨
عايشة تحكي ""
باقي نعزرلهم كيفاش احمد جبدها من مرفقها -وين عندك ماشية يخي انتي ؟؟ هيا ماتهبلنيش .. ابقا ترص في بلاصة وحدة
شوف كيفاش تتبسملووو .. قلبت عينيا قداش قربها منو يوترني و ينرفزني قعدت بجنب غسان مسكين يرعش بكلو
عايشة :- غسان لاباس ؟؟؟
غزرلي على جنب و دور وجهو -شبيك غس ؟؟ ماكش لاباس مش هكاااا ؟؟؟
-تووو فقت اللي انا مش لاباس ؟؟( يحكي بصعوبة قداش سخفني ... ) ولا متلاهية ب سي أحمد متاعك ... و هو متلاهي في حاجات أخرى
غزرتلو كيفاش معنق خولة و هي تتزعبن عندو .. -شنية تحب توصل بكلامك هذا غسان ؟؟؟
-نحبك تفيق ع..على روحك ..( عقد حواجبو ) نعرف اللي انتي تحبو
قحرتلو على جنب – على شكون تحكي ؟ مافهمتكش
-ههه نفهم فيك عايشة ..
-بربي كان تلهيت بجرحك كان خير شوف حالتك ازح ...
غسان يحكي" "
رماتلي هالجملة و قامت مشات قعدت بعيد ... حتى بش تحط يدها على جبيني تتفقدني ماحطتهاش قداش وجعتني .. نقلها فيق على وضعك و انا اللي لازمني نفيق على وضعي مش هي .. تلفت لأنيسة كيفاش حاطة يدها على خدها تغزرلي ... هي الوحيدة اللي جات حطت يدها على جبيني و تفقدتني .. هي الوحيدة اللي خافت اعليا في هالظروف ... زعمة أنا كنت معمي و مانيش قاعد نشوف شكون اللي يحبني بالحق و شكون لا ؟؟؟
شاورتلها بعينيا بش تجي فهمتني جاتني تعجل في مشيتها قعدت بجنبي - انيسة يخي مابردتش ؟؟
عدات صوابع يديها على زندها – لا مانيش بردانة و زيد او سي بوعقربة بش يجيبلنا حاجة نسترو باها رواحنا
ضحكتلها و هي شدها الضحك تلفتتلي مرة أخرى -من وقتاش تخمم فيا انتي ؟؟ و لا للا عايشة متاعك دزتلك بونو و نبزتك ؟؟
اعطيتها قحرة خليتها تقوم و ترجع لبلاصتها اما عندها حق ..عايشة مش نبزتني برك .. وجعتلي قلبي اما ميسالش .. بالكشي اللي ضارلنا هذا يبدل فيا حاجة و يكسحلي قلبي من ناحيتها ..
رانيا تحكي ""
دخلت اعليهم انا و كريم نلقا مسيو نضال باقي في نفس البلاصة و صقر مش موجود ... قربتلو مفجوعة كيف شافني ولا يصيح
-يخخخخخي وينك ؟؟؟؟ وين كنت ازززح ؟؟؟ ( شد ساااااقو موجوع طبست اعليه )
-هاني جيت ... بيخي صقر وين ؟؟؟؟
نضال :- مانعرش اعليه يسخايل روحو باتمان قال بش يمشي ينقذك كيف بطيت .. ( غزر ل كريم ) يخي اصحابك عايشين
شاورتلو براسي -أي اماااااا تو ناقصنا صقر ازح وينو الهم ...
احنا اكاك و نسمعو فيه يصيح دخل اعلينا يرعش بكلو و يلهث جبدو كريم
كريم :- شبيييييييك صقر شصارلك ؟؟؟؟؟؟؟
صقر :- كان تشوفو شنية ريت كيف حليت الباب التيلاني متاع الفاك كان تشوفو المنظر مش مصدق اناااا مش مصددددددق ايجااااااو معايا
يجري و يتمرعش انا تنطرت مع كريم نشوفو ماه وين يصب ها صقر حللنا الباب و وقفنا نغزرو مصدومييييين من المشهد اللي مقابلنا ... تقول في بلاد أخرى مش بلادناااااا ... كراهب غريبة .. طيرازها قديم ...بنايات قديمة زادة تقول من عهد بورقيبة تصدمت صدمة عمري .. عينيا وساعت و انا نبقق في المشهد اللي قدامي ...
رانيا :- يخي وين مشينا احنا ؟؟؟ احنااااااا وين ؟؟؟؟
كريم :- نتصور احنا متناااااا ....
( المشهد اللي شافوه وراء الفاك 👇)
أنت تقرأ
🌛🏞️ شلة 50 🏞️🌜
Fantasyشلة "50" نوعية الكرو هاذي 🤎هي الكوميديا السوداء ... 🖤 : يعني الكوميدية الساخرة اللي تحكي على المشاكل و لا القضايا الكبيرة💙💜 ..اما بطريقة كوميدية 💛💚... " نبداو حلمتي اما بشرط التفاعل 🤍🧡 للكاتبة: سمر غالي♥️❤️
