بين الماضي والحاضر اختلاف جذري

البارت الخامس

بقلم الكاتبة الزهيرية الزهيرية

لا يبكي الناس لكونهم ضعفاء
بل لانهم صمدوا وقتًا طويلًا

محمد/ بحكم شغلي صارت عندي خبره بالعلاقات النسائية من نظره وحده اعرف هاي البنيه زينه لو مو راحه ولا اني ما يهمني زينه على نفسها والموزينه هم على نفسها اني سبق وآن ذكرت موضوع الحب لاغي من حياتي سبق وگلت گد ما اسوي علاقات مو زينه دائماً في بالي ماكو وحده تستحق آنه اسلمها گلبي في حين اني لو اطلع من الوحله الي أني بيها اكيد راح الگى بنات مؤدبات
استمريت بهذا وضعي طبعاً اني دراسة ما مخلص حتى شهادة الثالث ما عندي يعني اي تعين على اي وظيفة بالدولة ما اگدر اقدم لكون ما عندي شهادة

لهذا بس الاعمال الحره گدامي وچان شغلي بالموبايلات أفضل حل الي اما صديقي قاسم دخل جامعه قسم تحليلات مرضية اهلي وعنده هم محل قريب على محلي قاسم النصب عنده صار عملي بالجامعه اني بقيت بالالكتروني

اما حياة اهلي نفسها بأستثناء والدي الي تعرف على وحده موظفة زوجها توفى وهي أول بداية چانت وفيه لزوجها ومتريد تزوج بعدين والدي ظل بحچي وياها وقنعها وهي صارت بينهم علاقة حب وقرر يزوجها بقت على موافقة امي وبالفعل امي موافقة على زواج أبويه لكن عدها شرط انه يزوج عليها بس شرطها يشتريلها بيت بغير منطقة ارقى من المنطقة الي ساكنين بيها لآن المنطقة الساكنين بيها ريفية من النواحي وابويه چان موافق على شرطها

ومن أبويه راد يزوج إلي يحبها جابها لأمي وعرفت امي موافقة على زواج ابويه لكن سبحان الله امي نيتها صافية كل ما يريد يزوج عليها ما صير ابد وهاي الي يريد يزوجها تريد يشتريلها بيت وابويه يريد يأجرلها وهي متقبل تريد الا بيت بسمها وهم ما صارت

واني في وقتها گعدت أفكر أريد شي انزله على الفيس بحيث اجذب بي اكبر عدد من البنات ولازم إختار منشور بحيث اكون كامل من كل شي ويصورن اني بس اريد بنيه احبها

وسناء/ بعد ما جابني رافد الطريق كله يغلط عليه وعلى أهلي يعني هو ما أهتم من امه وخالته يحچن عليه اهتم بس من طلعت إني صحيح في وقتها طلعت أركض من البيت وگلت ويه نفسي لو أرجع لبغداد وحدي ولا ابقى يهينون بيه
وهو كل شويه يعيط بيه / على وين تريدين تولين متخافين منطقة زراعية وما گلتي اخاف اضيع لو أنتي عرمه لچ خاف عبالچ ما اگدرلچ والله اكسر راسچ تعيدين امجاد امچ يمي فهمتي لو اعيد

گتله/ انت لو رجال مو طلع لسانك يمي روح طلع لسانك يم أمك وخالتك

اجتني حركة غير متوقعة من رافد وتفاجأت بيها وهي ضربني على حلگي ورجع
يگلي / لچ بنت الكلب منو مو رجال ولچ اني لو بيه خير مو چان من البارحه لليوم انتي يمي وما سويتلچ شي اني لو مو رجال چان گلت هاي مرتي وماكو واحد اله حاجه يمي بس هينه وسناء ألا افرك حلگچ على هذا كلامچ وأريد أعرف الي رباچ شلون رباچ على طولة اللسان وخلي في بالچ هذا لسانچ من تجين يمي الا اخرسچ وهسه شوفين رافد على حقيقته