بين الماضي والحاضر اختلاف جذري

البارت الرابع والسبعون

البارت الرابع والسبعون

بقلم الكاتبة الزهيرية الزهيرية

الدنيا دواره
تصيب الظالم بما ظلم
والشامت بما شمت والمسيء
بما اساء لا تحزن ربك أعدل العادلين

محمد/ اني من رحت على وسناء للمستشفى گلي مصطفى حالتها خطره بس ما چنت متوقع بهاي الخطوره يعني فوگ 3 ساعات هي بالعمليات وامها ما خلت احد ما نذرتله شمعه شنو ربط الشمعه بحالة وسناء ما اعرف الظاهر هذا معتقدهم آخر شي گعدت امها بالگاع ويمكن عدها سكر لإن شفتها صارت بيضه وراحت هديل ما اعرف منين جابت مي وانطتها

وبقت هواي أسئلة براسي ما إلها اجابة يعني مثلًا منو بلغ أمها ومنتظر من سألته شلون آخذت صوره لوسناء وقاسم گال زهراء گالتلي زين زهراء شنو ربطها بالموضوع وحسين صاحبي شجاب رقمه يم وسناء وشنو هاي التجمع العجيب غريب يعني تجمع أشخاص ما إلهم لأزمه ابد

وظلت أمها لوسناء ما أدري تدعي وتغلط عليه ما ادري تدعي لوسناء مشكل يا لوز وبعد ما طلعوا وسناء من العمليات وچانت فاقده بعدها طلعوها دى يحولوها لردهة بس امها ما قبلت وحولتها على غرفة وحدها بالخاص ومن دخلوها للغرفة وهي تحت تأثير المخدر تكرر بسمي بس تگول محمد
اذا اريد احچي بشعوري ما اعرف اوصفه يعني دى تموت وماكو غير اسم محمد على لسانها بعد ما گدرت أسيطر على دموعي

ما اعرف الظروف چانت ضدنه لو احنه ما فهمنه بعضنه لو ما انطينه فرصه لحبنه لو شنو السبب الوصلنه لهاي المواصيل بعد ما گدرت أبقى عفتها وعفت المستشفى كلها ومن طلعت مصطفى چان بعده خارج المستشفى رجعنه اني ويا للبيت

واول ما وصلت دگيت الباب غرفة زهراء وهي
صاحت منو گتلها أني محمد

گالت /ادخل

دخلت يمها وطبعًا زهراء من طلعناها من المستشفى من حرگت نفسها صارت انطوائيه بشكل مو طبيعي دخلت يمها تحسنت هي بس شكلها تغير هوايه گعدت قريب عليها وسألتها على صحتها وبعدين حلفتها انه هي بلغت منتظر على موعد وسناء وقاسم

گالت / صحيح اني گتله

گتلها/ بس أريد اي واحد منكم يريحني ويگلي وسناء ليش التقت بقاسم

گالت / من چان حيدر يهدد حوراء امي طلبت من وسناء تلتقي بقاسم وتتفق ويا يجي يخطب حوراء حتى حيدر بعد ما يگدر يهدد وهي راحت واني ما أدري انه منتظر مصورهم لوسناء وقاسم الا بعد ما گام منتظر يهدد وسناء

گتلها/ حلو انعم واكرم بشنو چان منتظر يهدد وسناء گليلي لان ما شاء الله احنه نايمين ورجلينه بالشمس وكل شويه وتحفونه بمفاجأة

گالت / من منتظر صورهم طلب من وسناء أنه تروح ويا لمكان خاص بس هي ما قبلت وغلطت عليه وگالت لو أموت تحت اي ظرف من الظروف ما أخلي آحد يلمسني وشيريد يسوي خلي يسوي ما يهمني طالما آني محافظه على نفسي