بين الماضي والحاضر اختلاف جذري

البارت الثامن والثلاثين

البارت الثامن والثلاثين
بقلم الكاتبة الزهيرية الزهيرية

من رحل لن يعود
ومن ابكاك سيأتي من يبكيه
لا تقلق لن يضيع حقك ابدً

محمد/ أكثر الأحيان الآنسان ما يحتاج يحچي حتى يبين الي بداخله وأكثر الأحيان الآنسان يكابر حتى فقط لا يعترف بمشاعره وهذا چان حال وسناء من لزگت يمي حنين وتحچي ويه زهراء وتگلها/ ما بقى شي راح آجي يمكم بالبيت

لا والمصيبه تشهدني يعني شحچي ووسناء موجوده يمي بالمطبخ وهي من حچت حنين گبل باوعت عليه بس بعدين أتظاهرت إنه الموضوع ما يعنيها

وگفت ارتچيت على الكاونتر وأراقب بيها انتبهت عليها دموعها تنزل وكل شويه تغسل وجهه وحنين بعدها سولف شلون راح تأجر البدله وشنو الغرفة ألي تريدها وبعدها حنين ذكرت إنه اني وياها متفقين نبقى 3 ايام بالفندق وبعدها نطلع لتركيا حتى ماكو أحد يزعجنه

گبل ظلت تباوع عليه بس بعدين حتى المواعين عافتهن وطلعت من المطبخ
وهي تگلها لزهراء / كملي المواعين انتي والمطبخ هم

وراحت وراها زهراء ووسناء بعدها على الدرج تريد تصعد وگالتها زهراء/ تعالي وين رايحه شنو كملي المطبخ وأنتي شنو احنه راح نخدمچ وانتي گاعده

گلتلها لزهراء/ حبيبتي اتعودي على عدم وجودي قريبًا راح اطلع من هذا البيت آذن اني هم ما مضطره اخدمكم في حين اني ما الفجر وياكم بعد وين گاعده

وخلت وصعدت فوگ رادت زهراء تحچي گتلها/ اش ولا كلمه انتي وحنين كملن المطبخ
وصعدت للغرفة وره وسناء ومن دخلت للغرفة ما لگيتها بس سمعت صوت المي بالحمام عرفتها هي بالحمام ردت ادگ باب الحمام عليها حتى احچي وياها سمعتها تگول / الصبر منك يا رب ارحمني

آني ابتعدت عن باب الحمام وگعدت على الچربايه انتظرها تطلع من الحمام

وأول ما طلعت شافتني وتجاهلتني وراحت وگفت گدام المرايه اجيت وگفت يمها وگتلها / شوفي وسناء مال كل شويه مكرره انه راح تروحين هاي ما أقبلها فهمتي

گالتلي / اني ما گايله شي ما موجود ولا شي غريب بده العد التنازلي لطلعتي منا حسب اتفاقنه وما ظل شي راح تجي چنة هذا البيت قريباً خلوها تتعلم على شغل البيت

جريتها عليه وگتلها/ دخيلچ وسناء كافي مشاكل تقبلي واقعچ والله ما أريد غيرچ ليش هيچ سوين بيه

گالت / ما أريدك بعد الي صار مستحيل نرجع سوه ابد

حچيت ردت منها أبد مصممه على موقفها خبلتني لهذا بعد ما خلت گدامي غير حل ابو عباس عفتها ومر يومين واني يوميه اخليلها من مي إلي انطى السيد واخلي الها بمي الليمون مالتها

اول يومين چانت تشرب المي طبيعي بس يوم الأحد الظهر من گعدت أصيح عليها ماكو واني ما بيه حيل احرك روحي ظليت بفراشي اگلب بموبايلي الى ما حظرتها اجتي وتگول/ چنت جوه ويه عمتي دى إشتغل بالبيت