بين الماضي والحاضر اختلاف جذري

البارت السابع والعشرين

البارت السابع والعشرين

الكاتبة الزهيرية الزهيرية
تتغير المرأة كثيراً
حين يظلمها احد او يقلل من قيمتها
او يجرحها متعمدًا ومهما كان مقدار
معزتها لهذا الشخص ستقلل حديثها
وعلاقتها معه

محمد/ بعد ما حچيت ويه وسناء وهي ما عدها جملة غير ما اريدك يعني شلون ما أريد اصير وياها زين بس متقبل بكل شي مني حرت وياها شسوي والمشكلة ما اگدر أرجعها لأهلها وهي تريد ترجع عليهم شلون تنحل ما اعرف

وظليت اتگلب بفراشي وهي نامت واني شوكت نمت ما اعرف حسيت على امي من حچت تريد وسناء تنزل تشتغل وياهم بالبيت گعدتها ورجعت نمت

وحمد لله البيت صاير عدنه سوگ هرج كل شويه تگب العيطه بمكان وما لحگت أنام هواي حتى گعدت على صوت ضربت الباب قوي طبعًا عرفتها هاي اللاگفه وسناء وحچت واني گوه أفهم وأجمع الحچي الي گالته

ردت أرجع أنام بس گمت أشوف بلوة حياتي شبيها دگيت عليها باب الحمام مترد وبس اسمعها تبچي وصوت المي گلت خلي ادخل عليها للحمام هي زوجتي بعد وإذا تكون بدون ملابس بعد احسن توفر عليه الوقت

بس من دخلت وشفت فخذها والله انقهرت عليها نزلت على أمي لگيتها عالگه مصطفى وأبويه على أمي

گتلها لأمي/ بس گليلي ليش هيچ مسويه بيها يعني الله يرضاها رجلها مصلوخه

وچان امي گبل گبت علينه على انتوا كلكم ادافعولها واني صرت غريبه بينكم وتگلي وانت تريد مرتك نايمه بحضنك واحنه نخدمها

گتلها/ يمه يمعوده كافي هي غريبه هنا وما عدها احد واجتي مذلوله أنوب انتي فوگ راسها وهسه اگلكم اذا يظل هذا وضعكم وياها اخذها واطلع ببيت وحدي

وعفتهم ورحت فوگ ما لگيت وسناء لا بالغرفة ولا بالحمام بصراحة فكرت شردت مثل قبل يوم نزلت أركض وطلعت للگراج شفتها شايله جلاكان مال نفط وتفرغ على نفسها

وسناء / صعبه الأنسان من تتحول حياته من الرفاهية الى مستوى أدنى من عيشته والي يكمل عليك التعاسة إنه تعيش ويه اشخاص يمرمرون عيشتك وصح الي گال اكل مر واشرب مر بس لا تعاشر مر واني وصلت مرحلة بعد خلاص ما عندي أعصاب اتحمل بين يوم وليله احس نفسي شلون واحد شمروه من السطح

من نزلت سمعت الهوسه جوه بس ما اهتميت اخذت الجداحه وطلعت للحديقة وفتحت الجلاكان مال النفط وظليت اذب على راسي بحيث غرگت بالنفط وحق الله چنت راح أشعل النار بنفسي بس صار گدامي محمد ومن شافني صاح بيه

وبس أنتبهت عليه گال / لا وسناء ولچ لا تحرگين گلبي عليچ ماكو شي يستاهل سوين بنفسچ هيچ على موده

گتله/ اسكت كل الي صار بيه بسببك والله أموت وبعد ما أبقى يمك

گلي/ وسناء شتريدين اني حاضر والله