بين الماضي والحاضر اختلاف جذري

البارت الثاني والسبعون

البارت الثاني والسبعون

بقلم الكاتبة الزهيرية الزهيرية

لا تهتم بمن يكون رائعاً في البداية
اهتم بمن يبقى معك رائعاً حتى النهاية
ففي البداية كلهم رائعون

محمد/ طبعًا الشك قاتل يعني اذا اگول بالدقيقة أموت إلف مره قليله لان الشك ياكل بروحي يعني دائماً من أشوف الرقم متصل ويه رقم أوسم أموت ارجع بمخيلتي من چنت اني ووسناء بعلاقه وشلون چانت تحبني وتتغزل بيه وتغار عليه أموت اگول اكيد هسه نفس الشي ويه أوسم

أنوب خطر على بالي شي چان غايب عني وهو أنه اني من چنت بعلاقه ويه وسناء چانت بينه علاقة جنس هسه اكيد ويه أوسم هيچ تخبلت بحيث اگوم اصعد فوگ واخلي أذني يم باب الغرفة النايمه بيها وسناء بس ما أسمع شي واظل أفتر الليل روحي تلوج الى ما يطلع الفجر وأنام ورب العالمين يرحمني من انام حتى لا اظل الشك ياكل بروحي والأنسان عادةً من ينتظر حدث يصير يحس الوقت ما يمشي وآني أنتظر عرس حوراء بفارغ الصبر حتى تروح وسناء ويه حوراء لصالون حتى أجيب مهندس يشكل الكاميرا بغرفة وسناء

وقبل عرس حوراء بيومين خابرتني زوجة خالي وهي ام حنين أني خليتها دگ انوب اني اعرف الي يدگ مره مرتين وما يجي رد يغلق الخط الا اني ام حنين استلمتني كرسته وعمل اتصال واحد بعد واحد ما تنطي مفكه لجهاز أبد أخير شي مصطفى ضاج گد ما جهازي يدگ

گال / محمد دخيل ربك رد على موبايلك نسطر دماغي

گتله/ هاي زوجة خالك وما أريد أرد عليها

گال / يمعود رد عليها بالموبايل أحسن ما تجي زياره مفاجأة وتگعد على گلبنه

اني هم أقتنعت بحچي مصطفى ورديت عليها
وهي استلمتني على مرتك بالچذب ما تسأل عليها عايشه لو ميته وحتى مصرف ما دز إلها وما تگول شلون تاكل وتشرب

گتلها/ عمه شنو شلون تاكل آو تشرب قابل هي گاعده عند ناس غرب غير هي يم أهلها قابل انتوا ما طبخون لو من اجتي يمكم صرتوا تطبخون على مودها

وچان تگلي / عيني اني مو على الطبخ اني احچي على أبنك البطنها

اني گالت ابنك لو شاطت روحي للخالق لان اني چنت متأمل اطلگها ومن گالت ابنك فهمت حنين حامل تخبلت گتلها/ ليش حنين حامل

گالت / اي حامل واني گلت اخابرك وابشرك راح يجيك ولد بالطريق من حنين يتربى بعزكم

گتلها/ يمعوده يا عزنه هي بنتچ سباحه ما تسبح أنوب أجيب طفل حتى يخيس وياها

وهي ظلت تحچي بس اني غلقت الخط بوجهه ومصطفى ظل يضحك عليه ويگلي/ حمدلله انت طفل واحد ما راح تگدر عليه أنوب 2

واني انسطرت من المفاجأه لا أكثر بس غلست ما رحت عليها أريد عرس حوراء يخلص وانصب كاميرا وبعدين أروح عليها وبنفس اليوم اتفقت ويه واحد مهندس ينصب كاميرات وأتفقت واي يوم وأتصل عليه اگله تعال يجي وهو الولد ما گال شي گلي محمد شوكت ما تريدني اجيك وعدت عليه الأيام الباقيه مرار واجى يوم عرس حوراء