روايه سـهـرة منتصف الليل

الفصل التاسع

الفصل التاسع

_ قاعده شايله طاجن ستك فوق دماغك كده ليه ؟
قالها عمر وهو يجلس بجانبها علي الطاوله

نفخت بضيق وهي تقول :
مفيش هموت من السعاده الي انا فيها هطق بجد منها

ابتسم ثم قال :
هو انتي لسه شوفتي حاجه السعاده الي بجد حايه ورا

لتجيبه فريده :
ادينا مستنين يا استاذ عمر

لمح عمر سيف وهو يهبط الدرج فهتف :
ايه ده سيف هنا وانا اقول المكان منور جامد ليه النهارده

لم يهتم بحديثه واكمل طريقه للخارج ولكنه توقف عندما وصل اليه صوت ليلي وهي تقول :
استني يا سيف

اغمض عينيه بالم ثم التفت اليها وهو يقول :
ايه يا ليلي تاني قولتلك الي عندي خلاص

_ لا كلامنا لسه مخلصش انت مستحيل تطلع كده مش معقول انا اتخدع فيك بشكل ده

_ والله يا لولا انا حاولت كتير افهمه واقوله لا يا صاحبي ليلي بتحبك بلاش تمسك عليها صور عشان تجيبها تشتغل هنا وهو يقول لا يا عم دي واحده شمال
قالها عمر يحرك ذراعيه بقله حيله نظر اليه سيف بضيق واضح لتقول ليلي :
لا انت كداب سيف ميقولش كده صح يا سيف ؟

صمت سيف ليس لديه اجابه لتقول ليلي وهي تجلس علي الارضيه وتضرب بكفه يديها الارض وتقول بانهيار
طلعتي غبيه يا ليلي غبيه وحماره كمان غبيه غبيه

وعمر يتابع المشهد بابتسامه نصر واضحه وسيف عينيه تنطق الكثير والكثير

نهضت فريده من مكانها ثم اقتربت ناحيه ليلي هدائتها ثم انحنت ناحيه اذنيها وهي تقول بصوت هامس :
قومي معايا فوق انا هخلصك من كارثه دي زي ما هخلص نفسي متخافيش

تحركت ليلي معها وذهب كلاهما لاعلي ليقول عمر :
عجبني جدااا كلامك معاها الي كان فوق ده لسه شايفه علي فون وانا في طريق كده

_ انت مركب كاميرات في ال Night club!!! يعني البنات الي بتشتغل هنا بتسجلها ؟!!!
قالها سيف بعصبيه ليقول عمر :
لا يا عم دي اعراض ناس انا مركب في اوضه المكتب بس

_ لا وانت الشهاده لله بتفهم اووي في الاعراض

_ طبعاااا اومال انت فاكر ايه اتفرج بقي بليل علي الي هيحصل
____________________

_ يخربيت ذكائك ازاي تبعتي صورك بمنظر ده لواحد عشان بتحبيه

_ انا مش عايز اي كلام لو سمحتي عارفه اني غلطت بس قوليلي هتخلصيني ازاي من مشكله دي

تنهد فريده وهي تقول :
قبل اي حاجه كل كلام الي بينا يكون في الاوضه دي لان ده مكان الوحيد الي متاكده ان مفهوش كاميرات وان الحلوف الي تحت مش هيشوف ولا يسمع حاجه

_ هو في كاميرات في الكباريه ده ؟!!

ضحكت فريده وهي تقول :
المكان كله يا روحي ملغم بالكاميرات بس انا هتصرف متلقليش واخلصك واخلص نفسي من مصيبه دي وبعدين هروح ابلغ عنه هو وصاحبه مباحث الانترنت واوديهم في ستين داهيه