الفصل الرابع
دلفت الي المرحاض الموجود بالملهي الليل وهي تمحو دموعها بقوه كل شئ انتهي في حياتها بدلت ثيابها الخاصه بالعمل وارتدت ثياب اخري محتشمه خرجت من المكان باكمله ثم اخرجت هاتفها وقامت بالاتصال بنوجا حتي تخبرها بكل شئ يجب ان تتخلص من تلك المشكله ...
لم تصدق نوجا كلمات رانيا التي اخبرتها بها علي الهاتف عمر لم يفعل شئ كهذا من قبل ...
هتفت نوجا :
طيب اهدي انتي دلوقتي وانا اول ما يطلع الصبح هروح لعمر واشوف حل
_ تشوفي ايه؟!! بقولك انا حياتي ادمرت اتجوز ازاي بعد كده واعيش حياتي!!!
زفرت نوجا بملل وهي تقول :
رانيا قولتلك انا هتصرف يلا روحي دلوقتي
انهت رانيا المكالمه معها اما رانيا ظلت تسير في الطريق وهي تفكر في تلك الكارثه ..
وصلت الي منزلها ثم دلفت اليه لتجد والدتها تغفو علي الاريكه
اقتربت من والدتها ثم حركتها برفق قائله :
انا جيت يا ماما روحي نامي في اوضتك يلا
استيقظت والدتها علي صوت ابنته اعتدلت في جلستها ثم هتفت بصوت ناعس :
اتاخرتي ليه كده يا رانيا نهارده قلقتيني عليكي
_ شغل كانت كتيير نهارده معلش
قالتها رانيا وهي تجلس علي الاريكه بارهاق واضح
_ يا بنتي قولتلك اتكلمي معاهم تاخدي وردايه الصبح وبلاش بتاعه نص الليل دي
اجابتها رانيا :
مينفعش كده يبقي مش هعرف اروح كليه واحضر محاضراتي وردايه بليل دي مظبطه الدنيا معايا بروح من ساعه 12 وارجع مع الفجر اريح كام ساعه وانزل علي الجامعه
_ كان ايه لازمته الشغل ده بس معاش ابوكي مكفينا والحمدالله
نهضت رانيا من مكانها هاتفه بانفعال :
مكفينا ازاي سوري؟ نصهم بيضيعوا علي الادويه بتاعتك ونص تاني بيروح علي ايجار بيت والكهرباء والميه الي بيتبقوا يدوب يدوب يقضونا ناكل اما بند اطقم لبس وشنط وجذم ليا مش موجود انا اشتغلت عشان اصرف علي نفسي واجيب كل الي نفسي فيه تصبحي علي خير
______________________
وفي الساعه الثالثه عصرآ
استيقظ من نومه علي صوت رنين هاتفه تناول الهاتف ثم قام بالرد دون ان ينظر لاسم المتصل وصل اليه صوت نوجا وهي تقول :
ايه الي عملته مع رانيا ده ؟!
_ وانتي مال امك غوري يلا
قالها ثم انهي المكالمه والقي الهاتف علي الفراش وعندما استمع الي صوت رنين مره اخري صرخ بغضب وهو يزيح الغطاء وينهض :
يووووووووووه
جلس علي الاريكه ثم تمسك بزجاجه الخمر الموجوده علي الطاوله من امس ثم رفعها لاعلي فوق فمه وارتشفها لم يهتم بالخمر الذي انسكب علي ملابسه وبللها
