(unicode)
"မောင် ပြန်ကြမယ်လေ ဆေးရုံမှာအကြာကြီးနေစရာအကြောင်းမှမရှိတော့တာ"
"အွန်းပါ ပြန်မယ် ခဏနော် မောင် ဆရာဝန်ကိုမေးစရာရှိတာလေးသွားမေးလိုက်အုံးမယ်"
"အွန်း မြန်မြန်ပြန်လာနော်"
"ဟုတ်ကဲ့ပါ သခင်လေးခင်ဗျ ခဏနေရင်ပြန်လာမယ်နော်"
"ဟီး"
စနောက်ပြောပီးမှဆရာဝန်ရှိရာသွားနေသော မောင့်ကြောင့်နာကျင်နေတဲ့ခြေထောက်တောင်မနာကျင်တော့ဘဲ သက်သာလာသလိုပင် မောင်ကဆရာဝန်မဟုတ်ပေမဲ့လမင်းဒဏ်ရာကိုတော့သက်သာစေနိုင်တဲ့အစွမ်းရှိပေသည်
"အကိုရောင်နီနဲ့လမင်းကသိပ်လိုက်ဖက်တာပဲ နှစ်ယောက်အတူရှိနေရင်ဖြစ်ပေါ်လာတဲ့အပြုံးတွေက ဘေးကပန်းချီ့ကိုပါကူးစက်စေတယ်"
"ကျေးဇူးပါ ပန်းချီရယ် ပန်းချီကလမင်းထက်အသက်ကြီးပုံရပေမဲ့ ရင်းရင်းနှီးနှီးဖြစ်ချင်လို့အကိုတပ်မခေါ်တော့ဘူးနော် ရမလားဗျ"
"လမင်းစိတ်ကြိုက်ခေါ်လို့ရပါတယ် တမန်တောင်ပန်းချီလို့ပဲခေါ်တာ"
"တမန်နဲ့ပန်းချီကအရင်ကတည်းကသိတာလား"
"ကိုယ်နဲ့ပန်းချီကအရင်ကတစ်ခါဆုံဖူးတယ် ဒါပေမဲ့ရောင်နီမောင့်ညီမှန်းတော့ ကိုယ်မသိခဲ့ဘူး"
"အော် အဲ့လိုလား အခုကရေစက်ပါလို့ထပ်ဆုံကြတာပဲ"
"ကမ္ဘာကြီးကကျဥ်းကျဥ်းလေးဖြစ်လို့နေမှာ အခုလိုဆက်နွယ်နေကြတာလေ"
"ဟုတ်လောက်မယ် ဒါနဲ့နောက်ကြပန်းချီ့ကိုသိမ့်ကြည်ဖြူနဲ့မိတ်ဆက်ပေးရအုံးမယ် ကြည်ဖြူနဲ့တမန်ကကြောင်နဲ့ကြွက်တွေလိုပဲ"
"ဟုတ်လား"
"ဟုတ်တယ် မတည့်အတူနေမမြင်ရင်ချောင်းကြည့်တွေလိုပါပဲ သူတို့နဲ့ခင်တာကြာရင်ပန်းချီသိပါလိမ့်မယ်"
"ပန်းချီကအဖော်မက်တာနဲ့ကွက်တိပဲ လမင်းသူငယ်ချင်းတွေအကုန်လုံးနဲ့မိတ်ဆက်ပေးနော်"
"လမင်းကသူငယ်ချင်းသိပ်မရှိဘူး တမန်နဲ့ကြည်ဖြူနှစ်ယောက်ပဲရှိတာ အော် ဟိုဟာဒုတိယနှစ်စာမေးပွဲပီးရင်လျှောက်လည်ကြမလို့အဲ့ကြရင်ပန်းချီပါလိုက်ခဲ့နော်"
