(Uni code)
Chapter - 5
နောက်တစ်နေ့ အလင်းရောက်တော့ အင်ပါယာနန်းတော်က သာမန်နေ့များထက်ပို၍ လှုပ်ရှားမှု စောစီးလွန်းနေသည်။ အင်ပါယာ နားနေဆောင်၏ ရှေ့၌ အရိပ် ကိုယ်ရံတော် သုံးဦးထဲမှ နှစ်ဦးက အနီရောင် တောက်တောက် ဝတ်စုံကို ဆင်တူဝတ်၍ ဘေးတစ်ဖက် တစ်ချပ်စီ၌ ရပ်၍ နေကြသည်။ မျက်နှာတွင်တော့ အနီရောင်တစ်ဝက် မျက်နှာဖုံးကို တပ်ဆင် ထားကြ၏။
အင်ပါယာမင်သည် မနေ့က သူ့အား အနီကပ်စောင့်ရှောက်ရမည့် အရိပ်ကိုယ်ရံတော် သုံးဦးအား နာမည်ပေးခဲ့ပြီး သူမှလွဲ၍ အခြားသူများ ကိုယ်ရံတော်တို့၏ မျက်နှာကို မမြင်တွေ့နိုင်ရန် အတွက် မျက်နှာဖုံးများ တပ်ဆင်စေသည်။ ယခု အင်ပါယာ နားနေဆောင်ရှေ့၌ ရပ်နေကြသည့် ကိုယ်ရံတော်နှစ်ဦးမှာ ဟွား နှင့် မုန့် ဖြစ်သည်။ ထိုအမည်နှစ်ခုက အင်ပါယာမှ သူတို့နှစ်ဦးအား မှည့်ထားခြင်းလည်း ဖြစ်၏။
[ စာရေးသူ - ဟွား ဆိုတာက မြန်မာလို ပန်းဖြစ်ပြီး မုန့်ဆိုတာက အိပ်မက်ဖြစ်ပါတယ်။ ]
မိနစ်အနည်းငယ် အကြာတွင် အင်ပါယာ၏ နားနေဆောင် တံခါးက ပွင့်ဟလာပြီး ရှန်ဖေးက အင်ပါယာ နဂါးကိုးကောင်ကသည့် အင်ပါယာဝတ်စုံကို ဝတ်ဆင်ထားသည်။ သူက အပြင်သို့ ရောက်သည်နှင့် ဟွားက...
" ပတ္တမြားမြင်း ခုနှစ်ကောင် ဝေါယာဥ်ကို အင်ပါယာအတွက် ပြင်ဆင် ထားပါတယ် အင်ပါယာက ကုန်းလမ်းက သွားလိုပါသလား "
" ပတ္တမြားမြင်းလား ကောင်းသားပဲ သွားကြရအောင် "
ပတ္တမြား မြင်းဟုကြားသည်နှင့် ရှန်ဖေးက ထိုမြင်းတို့ကို မြင်တွေ့လိုသည့် စိတ်အား မနည်းထိန်းထားရသည်။ သူက သမိုင်းဌာနမှ နောက်ဆုံးနှစ် ကျောင်းသား ဖြစ်သည့်အတွက် ထိုမြင်းအကြောင်းကို သိသည်။ ပတ္တမြားမြင်းများကို တစ်နည်းအားဖြင့် ဒဏ္ဍာရီလာ နတ်မြင်းများဟု လူသိများသည်။
အဘယ့်ကြောင့်ဆိုသော် ထိုမြင်းများက တစ်သိန်းလျှင် တစ်ကောင်သာ တွေ့ရတတ်ပြီး သူတို့မျိုးစိတ်က အလွန်ရှားပါးသော ကြောင့်ပင် ဖြစ်လေ၏။ ပတ္တမြားမြင်း (ဝါ) ဒဏ္ဍာရီလာ နတ်မြင်းတို့သည် အပြေးမြန်ပြီး တစ်လတိတိ မရပ်မနား ခရီးဆက်နိုင်သည်။ အထူးခြားဆုံးအချက်က သူတို့ထွက်သည့် ချွေးများက ပတ္တမြားကဲ့သို့ အနီရောင်များ ထွက်ခြင်းပင်ဖြစ်သည်။ ထို့အတွက်ကြောင့် ထိုမြင်းများကို ပတ္တမြားမြင်းများဟု ခေါ်ခြင်းပင်။
YOU ARE READING
The Resurrected Emperor (Complete - Bl)
Fantasy(Uni Code) သာမန်လူတစ်ယောက်က အင်ပါယာတစ်ပါးရဲ့ ခန္ဓာကိုယ်ထဲ ကူးပြောင်း ဝင်ရောက်သွားတဲ့အခါ...။ (Zawgyi Code) သာမန္လူတစ္ေယာက္က အင္ပါယာတစ္ပါးရဲ႕ ခႏၶာကိုယ္ထဲ ကူးေျပာင္း ဝင္ေရာက္သြားတဲ့အခါ...။
