The Resurrected Emperor (Complete - Bl)

Vol ; 1Chapter (15)

(Unicode)

Chapter - 15

အင်ပါယာ နန်းမြို့ရိုးရှေ့ကို ရောက်တော့ ရှန်ဖေးက မြေပြင်ကို ခြေတစ်ချက် စောင့်လိုက်ပြီး အထဲသို့ ခုန်ဝင်လိုက်သည်။ ထို့နောက်တွင် သူ့တို့ကို မည်သူမျှ မမြင်နိုင်အောင် အလျှင်အမြန်ပဲ သူ၏ နန်းဆောင်ဆီသို့ သွားကာ တံခါးကို ခြေဖြင့် အသာကန်ရင်း ဖွင့်လိုက်၏။ သူက မည်သူမျှ မမြင်စေလိုသော်လည်း မျက်လုံးတစ်စုံကတော့ သူတို့ကို သေချာပေါက် မြင်လိုက်ရသည်။ ထိုမျက်လုံး၏ ပိုင်ရှင်မှာ ဝမ်ကျောက်ယွီပင် ဖြစ်လေသည်။

ဝမ်ကျောက်ယွီသည် ကောင်းနိုင်ငံမှ ပြန်ရောက်လာသည့် အချိန်ကတည်းက အင်ပါယာထံသို့ သွားရောက်ခဲ့သည်။ သို့သော် အင်ပါယာ၏ အစေခံနှင့်သာ တွေ့ခဲ့ရပြီး အင်ပါယာအား တွေ့ရခြင်း မရှိပေ။ ထို့အတွက်ကြောင့် သူက အင်ပါယာအား တွေ့မြင်နိုင်ရန် နန်းဆောင်တစ်ခု၏ အမိုးထက်တွင် တက်၍ တစ်နေ့လုံး စောင့်ကြည့် နေခဲ့သည်။

သူထင်မှတ်ထားသည်က အင်ပါယာက သူ၏ နန်းဆောင်ထဲ၌သာ ရှိနေသည်ဟူ၍ ဖြစ်၏။ သို့သော် ယခုမှ သူသိလိုက်ရသည်က အင်ပါယာက တစ်နေ့လုံး အပြင်သို့ ရောက်ရှိနေခြင်းပင်။ ထို့အတူအင်ပါယာ၏ ရင်ခွင်ထဲ၌ လူတစ်ယောက်ရှိနေသည်။ ထိုလူက မည်သူ မည်ဝါဖြစ်​ကြောင်းကို သူမသိပါ။ ထို့အတွက်ကြောင့် သူက ပူလောင်မှုကို ခံစားလိုက်ရသည်။

ပထမတွင် အင်ပါယာ၏ အနား၌ ရှိနေသည့် ဟွားကိုဖြစ်ပြီး ဒုတိယ တစ်ယောက်ကတော့ ရှီးမာအင်ပါယာမှ ရှီးမာသုချန်ပင် ဖြစ်သည်။ သူက ထိုနှစ်ယောက်ကို မုန်းသော်လည်း ထိုနှစ်ယောက်သည် ယခု အင်ပါယာ၏ ရင်ခွင်ထဲ၌ ရှိနေသည့် ကောင်လေးကဲ့သို့ နီးကပ်သောဆက်ဆံရေး မရှိချေ။

အင်ပါယာနိုင်ငံကို ပြန်ရောက်တော့ သူက အင်ပါယာနှင့် နှင်းပွင့် ကြင်ယာတော်တို့၏ ဆက်ဆံရေးကို စုံစမ်းခဲ့သည်။ သူသိရှိရသလောက် အင်ပါယာသည် နှင်းပွင့် ကြင်ယာတော်အား ချစ်မြတ်နိုးခြင်း မရှိပေ။ မင်္ဂလာညတွင်ပင်လျှင် ကြင်ယာတော်၏ အဆောင်တော်သို့ ကူးခဲ့ခြင်းမရှိခဲ့ပါ။ ထို့အတွက်ကြောင့် အင်ပါယာသည် ရှီးမာသုချန်အား နှစ်နိုင်ငံ အရေး မျှော်တွေး၍ ကြင်ယာတော်အဖြစ် တော်ကောက်ခဲ့ကြောင်း သိသာလှသည်။