(Unicode)
Chapter - 33
အလောတကြီး အခန်းတံခါးကို တွန်းဖွင့်လိုက်တော့ ခုတင်ပေါ်တွင် ငြိမ်သက်စွာ ထိုင်နေသည့်ဝမ်မေ့။ မျက်လုံးတို့က အသိသတိ ကင်းလွတ်နေပြီး ခံစားချက်တို့ ပျောက်ရှလျက်။ မိမိ ဝင်လာသည်ကိုတောင် တစ်ချက်ကလေးမျှ လည်ပြန်၍ ငဲ့မကြည့်။
" မေ့အာ... မင်း သတိရလာပြီလား "
သူ အသံထုတ်ကာ စိုးရိမ်တကြီး မေးလိုက်ပေမဲ့ လှည့်ကြည့်မလာသည့် တုန့်ပြန်မှုကြောင့် ရှန်ဖေးက ရှေ့ဆက်ရန် လမ်းစမတွေ့သကဲ့သို့ ။ မင်း ငါ့ကို တကယ်ပဲ မုန်းသွားပြီလား မေ့အာ။
" မေ့အာ... ကိုယ် "
" အရှင်... အခုချိန်မှာ မေ့အာကို ဘာမှမပြောရင် ကောင်းမယ် ထင်တယ် "
ပြောမည့်စကားတို့က ဟွားဟွား၏ တားဆီး ပိတ်ပင်မှုနှင့်အတူ ပျောက်ဆုံးသွား၏။ ဝမ်မေ့က မည်သူ တစ်ဦး တစ်ယောက်ကိုမှ မကြည့်ဘဲခံစားချက် ကင်းမဲ့စွာဖြင့်...
" တစ်ယောက်တည်း နေလို့ရမလား "
ထိုစကားသံက သူ့ရင်ကို အရှိန်နှင့် ပြေးဝင်လာသည့် မြားတစ်စင်းပမာ။ စူးအောင့် နာကျင်မှုတို့က မည်သည့်အရာနှင့်မှ နှိုင်းဆမရ။ မေ့အာကသူ့ကို တကယ်ပဲ မုန်းသွားခဲ့ပြီ ထင်ရလေ၏။ မုန်းလိုက်ပါမေ့အာ မင်းသာ အဆင်ပြေမယ်ဆိုရင် ကိုယ်က ဒီအမုန်းတွေကိုလည်း ခါးစီးပြီးခံယူဖို့ အသင့်ပါပဲ။
ဟွားဟွားကို ကြည့်လိုက်တော့ သူ့အကြည့်တွေက သူ့ကို ပို၍ ခံရခက် စေသည်။ အခု အချိန်မှာဘယ်သူကမှ သူ့ကို မလိုချင်တော့ ဘူးလား။ သက်ပြင်းရှည်ကို လေးတွဲစွာ ချလိုက်ရင်း နှစ်ယောက်စလုံးကို ကြည့်ကာ အခန်းထဲမှ လှည့်ထွက် လာခဲ့သည်။
အမှားဟူသည့် အရာက တစ်ကြိမ် မှားမိလျှင်တောင်မှ အမှားအဖြစ် ကျန်ရှိနေဆဲပင်။ အမှားကို မည်မျှပင် အမှန် ပြင်ပါစေဦးတော့ မူလအမှားသည်တော့ ကျန်ရှိ နေဦးမည်သာ။ နောက်ဆုံးတော့ သည်အမှားကို လွန်ကျူးမိခဲ့သည့် သူက သူကိုယ်တိုင်ပင်။ ထို့အတွက် ပြန်ရရှိလာမည့် တုန့်ပြန်မှူ အားလုံးကိုလည်း သူကကျေကျေ နပ်နပ်ဖြင့်သာ ခံယူမည်သာ။
YOU ARE READING
The Resurrected Emperor (Complete - Bl)
Fantasy(Uni Code) သာမန်လူတစ်ယောက်က အင်ပါယာတစ်ပါးရဲ့ ခန္ဓာကိုယ်ထဲ ကူးပြောင်း ဝင်ရောက်သွားတဲ့အခါ...။ (Zawgyi Code) သာမန္လူတစ္ေယာက္က အင္ပါယာတစ္ပါးရဲ႕ ခႏၶာကိုယ္ထဲ ကူးေျပာင္း ဝင္ေရာက္သြားတဲ့အခါ...။
