الجزء الاول
__
(بسم الله الرحمن الرحيم)
تبدا قصتنا بعروس البحر الاحمر جده و في احد مستشفاياتها الكبيره وقعت الدكتوره حنان بانتهاء دوامها لاخر اليوم و توجهت للباب و ركبت مع السواق و بامر:يلا ساجد عالبيت.
ساجد:حاضر ماما.
و حرك ساجد عالبيت اللي يبعد عن المستشفى حوالي ٢ كلم.
حنان سندت راسها عالباب من بعد التعب و غطت بقيلوله و فزت لما سمعت ساجد:ماما وصلنا بيت.
حنان رفعت رأسها و انتبهت غ وصلت للبيت و إبتسمت:شكراً ساجد.
ساجد إبتسم و هز راسه:عفواً.
حنان نزلت من السياره و دخلت البيت و إبتسمت لما شافت ابوها جالس عالتلفزيون و ريحة طبخ امها بكل البيت، اخذت نفس:أحلى سلاام لأحلى أبوحنان في الدنيا.
إبتسم:فديتها و الله حنوني.
حنان باست رأسه و يده:كيفك يالغالي؟ ، و جلست جنبه.
ابوها:بخير الحمدلله، انتي كيفك و كيف دوامك؟
حنان بتعب:ماشي حاله، الله يكتب الآجر.
لفوا لصوت امها:انتي لو تهتمين بعيالك كثر الدوام يكون احسن.
حنان نزلت رأسها بحزن و تنهدت.
أبوها إبتسم لها:روحي يا بابا بدلي ملابسك و ارتاحي على بال ما نجهز الغدا.
حنان:ان شاء الله، عن اذنكم و طلعت.
ابوحنان انتظر لين طلعت و التفت لزوجته:الله يهديك يعني لازم ذا كلامك كل ما تشوفينها.
ام حنان:وش تبيني اسوي طيب عيالها صاروا متعلقين في اخواتها أكثر منها و ذا كله بسبب شغلها.
ابوحنان: إذا نسيتي ذا حلم حنان من زمان و شجعناها على ذا الشي و الحين تبين اقول لها خلي شغلك عشان عيالك، و انتي تعرفين كل ذا عشان ظروفها و عشان ما اصرف عليها و على عيالها.
ام حنان تنهدت.
ابوحنان بهدوء:يا ام حنان اللي في البنت يكفيها ليه تزيدين عليها أكثر.
ام حنان حطت يدها:خلاص باسكت و لا عاد باتكلم بكيفك أنت و بناتك يا عبدالله لكن لا راحوا العرسان الزينين من يدينا ذاك الوقت لا تندب حظك أنت وهم.
"مين مزعل الحب؟"
ابو حنان التفت:تعالي يا رانيا شوفي لأمك.
رانيا حضنت امها و باست خدها:وش فيك؟
ام حنان:و لا شي، وقفت:باروح أخلص الغدا، و مشت بزعل.
رانيا انتظرت الين راحت امها و لفت لابوها و بهمس:الموضوع نفس كل يوم.
ابوحنان هز راسه بايه.
رانيا:اوكيه، انا باروح أساعدها و أغير من مودها شوي ، و ارسلت له بوسه.
ابوحنان إبتسم لها و رجع يناظر للتلفزيون.
__
(بالدور العلوي)
دخلت حنان بهدوء لغرفة عيالها و قفلت الباب بهدوء، تسحبت لعند عيالها و باست ولدها غيث و همست:فديتك يا روح ماما.
و لفت شافت غزل نايمه و مغيره ملابسها بعد المدرسه و راحت و باستها و انسدحت جنبها و حضنتها، تنهدت:الله لا يجعلني أفقد حسكم بحياتي.
وقفت و فسخت اللي عليها و دخلت دورات المياه و تسبحت و طلعت بعد ما لبست و تنشف شعرها،
انتبهت لرانيا تدخل من الباب و همست:حنان نمتي.
حنان همست:لا وش فيه؟
رانيا وقفت جنبها:انتي بخير؟
حنان:ما فيني الا العافيه.
رانيا:طيب نشفي شعرك و انزلي لان ماما خلصت غدا و البنات جايين بالطريق.
حنان:إن شاء الله.
رانيا طلعت و حنان لحقتها:تعبوك العيال اليوم؟
رانيا هزت راسها بلا.
حنان:ما ادري كيف اوافيك حقك انتي...
رانيا حضنتها:انا أختك مو غريبه اكثر من مره اقول لك هالحكي، و بعدت عنها:خلصي و الحقيني.
حنان بابتسامه:اوكيه، انتظرت الين طلعت:الله يوفقكم يارب و يكتب أجركم.
__
(بعد دقايق)
ابوحنان يناظر الساعه و يهمس:كأن البنات تأخروا، رفع صوته:رانيا.
رانيا:لبيه يابويه.
ابوحنان:كلمي أخواتك شوفي وينهم؟
رانيا:كلمتهم حبيبي جايين.
ابوحنان:وين صارت الساعه ٤ العصر.
انفتح الباب بقوه و دخلت تصررخ:سلااام.
ابوحنان بعتب:ساره وينكم للحين؟
ساره:كل ذا التأخير عشان بنتك وئام.
ابوحنان:وش فيها؟
وئام دخلت بهدوء:السلام عليكم.
ابوحنان و ساره:و عليكم السلام.
وئام تقدمت و باست راس أبوها و بعدت عنه و ناظرت لساره:أنتي ما تعرفين تدخلين بهدوء.
ساره:ابوي سالنا ليه تاخرتوا قلت وئام...
وئام بتكشيره:خلاص خلااص، ناظرت لابوها:أعتذر يالغالي بس الدوام كانوا طالبيني اليوم لاجتماع مهم ،و ابتسمت:خبر راح يفرحكم مثل ما فرحت أنا.
ساره بحماس:قولي قولي.
وئام تنهدت:مو وقته الحين نتغدا و بعدها ان شاء الله راح اخبركم.
ابوها ابتسم:طيب يا بابا روحوا بدلوا ملابسكم و انزلوا نتغدا سوا امكم و رانيا حضروا الغدا يلا يلا.
وئام:ابشر من عيوني.
مشوا ثنتينهم
ابوحنان همس:الله يوفقكم يا نظر عيني.
ساره همست:وش فيك ما قلتي له؟
وئام بعصبيه:مو وقته الحين انتي.
ساره سبقتها للدرج عشان تطلع اول وحده ووئام ضحكت بخفه.
__
(الرياض)
كان عائلة ابوحسام جالسين بالصاله اللي يسولف و اللي عالجوال و كانت الجده معهم اللي كانت كبيره بالسن و ضعف عندها السمع و البصر.
حسام تنحنح:اذا ممكن ابي الكل يسمع.
ناظروا له كلهم.
ابوحسام:آمر يابو محمد.
حسام ابتسم:ما يامر عليك يا تاج راسي، فيه خبر اليوم فرحني و ان شاء الله بيفرحكم.
رهام دخلت عرض:قررت تخطب و تتزوج.
ام حسام بفرح:يوم السعد و الفرح والله.
سهام:خلوه يتكلم.
حسام:لا مو زوااج.
الجده:مين بيتزوج؟ حسام.
حسام ابتسم و رفع صوته:لا يمه ما باتزوج باقي بيتي ما خلصته.
رهام:اجل وش موضوعك؟
حسام ناظر لابوه:تذكرون قضية الحرمه اللي مات زوجها و آهله طردوها من البيت بحكم ان البيت باسم زوجها.
سهام:ايه ذيك المسكينه.
ابوحسام:بشرر.
حسام إبتسم:اليوم كسبت القضيه و صار بيت زوجها لها هي و عيالها.
فرحوا أهله و انبسطوا له كثير.
رهام:ربي فووق اخذ بنصرها هي و عيالها.
سهام:الله يمهل و لا يهمل، مسكت يده:مبروك حسام.
رهام:أخوي مو سهل دايماً يربح هالقضايا.
الجده نادت:يا ساره كلمك عبدالله اليوم.
أم حسام مسكت رأسها:لا يمه كلمني امس لما كنتي نايمه.
الجده:كأنه طول ما عاد كلمنا.
ابوحسام رفع صوته:تبين أكلمه ياخاله الحين.
الجده:اي والله دق عليه ابيي اسمع صوته وحشني يمكن ينزل يزورنا هنا في الرياض.
ابوحسام:ابشري من عيوني.
__
(جده، بيت ابو حنان)
بعد ما تغدا الكل، جلسوا بعد الغداء شاهي و سوالف.
وئام نزلت فنجالها:بابا فيه موضوع باكلمك فيه و كلكم يعني.
أبوحنان نزل فنجاله:ايه أنا منتظر تفتحين السالفه؟
ام حنان:أي سالفه؟
وئام:اليوم بالشغل عملوا إجتماع و قالوا انهم أرسلوا للفرع الرئيسي اللي بالرياض تصميمات الفساتين تبعي و أعجبوا بها كثير ووو......، سكتت.
أبوحنان:كملي حبيبي.
وئام اخذت نفس:اختاروا رسوماتي من بين أفضل خمسه مصممات و دار التصميم راح يكون لها حفل يعرض في التلفزيون و راح تكون أنا اللي ينعرض تصاميمها من هالفرع و قالوا ارد لهم خلال ذا الأسبوع عشان بيحطون واحده ثانيه مكاني لو ما أقدر،،، وش رايكم أنتوا؟
الكل ساكت.
أبوحنان ابتسم:أول شي أنا فخور في كل واحده فيكم، ثاني شي......
قاطعه التليفون لما رن:لحظه، رد بابتسامه:آلو،هلا ابوحسام حيا ذا الصوت.
نبض قلبها بقوه لما انذكر اسمه قدامها.
ابوحنان:كلهم طيبين الحمدلله و اخبار اللي عندك كللهم؟
ضحك:الله يجعلني فدا رجولها، اذا جنبك عطني اياها.
و بدا يكلم الجده....
وئام ناظرت لرانيا:تتوقعين ابوي يوافق اروح.
رانيا:انسي لوحدك.
وئام:يعني وش اسوي، هذا الشي اللي اتمناه من يوم توظفت في دار التصميم ان تصاميمي تنشهر.
رانيا تنهدت و كانت بتتكلم بس لفوا لابوهم لما قال:ابشري يمه حنا نازلين الرياض ان شاء الله و بنجلس عندك اسبوع.
حنان همست:ابوي و شغلي.
ابوحنان حط يده على فمه يسكتها.
وئام مصدومه.
و انتظروا لين خلص المكالمه و قفل.
ابوحنان ناظر لوئام:ذا حلمك و مستحيل اقولك لا.
وئام نطت بفرح:يا حبيبي يا بابا و حضنته:الله لا يحرمني منك.
ام حنان:عبدالله و الباقي وش بيسون يجلسون هنا؟
ابوحنان:لا طبعاً بيمشون.
حنان:بابا أنا مستحيل يعطوني اجازه.
رانيا:و أنا كمان يالله الاوف اللي اليوم طلع منهم.
ساره:انا عادي جداً.
ابوحنان تنهد:لا تخافون أنا بادبرها، أختكم محتاجتنا و لازم كلنا نروح و نوقف معها.
وئام:بابا إذا ما يقدرون نروح أنا و أنت نكفي.
أبوحنان:لا ما أقدر اتركهم هذا اولاً و الكل يروح عشان جدتكم هذا ثانياً.
حنان:بابا و غزل عندها مدرسه.
ابوحنان:مدرستها خاصه و ما أتوقع بيمنعونها يعني.
حنان:خلاص أمري لله أنا راح اشوف لمدرستها و للمستشفى إذا بيعطون إجازه أو لا.
__
(الرياض)
الجده بفرح:عبدالله يقول بيجي.
ابوحسام:ايه ياخاله كلمني و قال بيجون أسبوع.
سهام باستغراب:غريبه يجون كلهم و الدوامات.
ام حسام:صدقت سهام بنات أخوي ما يفوتون دوام.
ابوحسام:عبدالله قال بيجون عشان وئام عندها شغل هنا.
حسام بابتسامه:حياهم الله بس متى؟
ابوحسام رفع اكتافه:قال بيرجع يكلمني.
أم حسام:زين خل أمي تنبسط شوي.
الجده نادت:يا محمد.
ابوحسام:لبيه.
الجده:متى قال لك بيجي؟
ابوحسام:ذا الاسبوع يا الغاليه.
الجده:ودي اطلع البر معهم.
ابوحسام ابتسم:ابشري من عيوني اذا بيطول طلعنا يومين الثمامه.
الجده كررت:قال لي يجون أسبوع.
ام حسام تصرخ:إن شاء الله يمه.
الجده:ابي اروح غرفتي ارتاح.
رهام وقفت:أنا معك يا جده.
الجده:رهام.
رهام صرخت:أنا جنبك ،و مسكت يدها و مشتها لغرفتها.
سهام:يا حليلها أمي، مشتاقه لخالي عبدالله.
ام حسام:أخر عهدها فيه الصيف.
ابوحسام:بس عذره معه.
ام حسام هزت رأسها بايه:زين و هو يدق علينا.
حسام بأمل:ياليت ينقل هنا.
سهام خزرته:عشان تشويهم وئام.
حسام باستغراب:و ليه؟
سهام:لانها تحب جده حتى اذا جو هنا في الصيف يالله تكمل الشهر.
ام حسام:والله لازم تتعود عالرياض حكم أن نصيبها عايش هنا.
حسام فهم قصد امه و إبتسم.
سهام تصرف:مو بس وئام حتى حنان يمه من بعد موت زوجها ما تبغا أي مكان غير جده.
أبوحسام:والله ما يهمني غير حنان.
أم حسام:الله يكون بعونها.
حسام أخذ نفس:المهم اذا بيجون ذا الويكند أنا مو موجود، طالع البر مع زملائي.
ابوحسام بضحكه:زانت أموركم اخيراً.
حسام:ابشرك و الله وليد اللي كان عثرتنا ذا المره مسكناه بالقوه.
ام حسام بزعل:عافيه على ولدي الشاطر خاله بيجي و هو بيهج مع زملائه.
حسام بتكشيره:يمه حتى لو يجي أنا وش أسوي، هو بيجلس مع أبوي و البنات مع أخواتي و أنتي مع عمتي نوره و أنا وش أسوي بنفسي.
ام حسام سكتت.
حسام تنهد و وقف و راح لها و حضنها:لا تزعلين لكن و ربي إني اتضايق حييل لما أكون وحدي.
ام حسام:الله يحفظك وين ما تسير.
ابوحسام بمزح:يالاخو تراها مو حلا.
حسام بعد عنها:اعتذر بس تراها أمي.
ابوحسام:و أنا زوجتي يالحبيب.
سهام ضحكت عليهم و وقفت و أخذت جوالها و دقت على حنان.
__
(جده)
وئام دخلت لعند حنان و هي تضحك، أشرت لها:ارجع لك.
حنان اشرت لها:تعالي.
وئام دخلت و قفلت الباب و جلست قدام حنان.
حنان:ان شاء الله ما نترك مكان إذا جينا، حبيبي أنتي، بوسي لي عمتي و خالي و رهام و حسام و أمي.
وئام رفعت حاجبها.
حنان:باي و قفلت و ناظرت في وئام و استغربت شكلها:وش فيك؟
وئام بغيره:احلفي تبوس لك حسام.
حنان كشرت:كش عليك بمعنى السلام يعني.
وئام:اييه صدقت إنها بتروح تقول تسلم عليك.
حنان بابتسامه:أعتذر منك يا أختي العزيزه.
وئام ضربت يدها:المهم، جيت أكلمك عشان روحتنا للرياض.
حنان:وش فيها؟
وئام:إذا ما تقدرين راح اكلم أبوي.
حنان:لا تكلمينه و لا حاجه أنا ابي أروح اساساً عندي رصيد إجازات و عشان أغير جو و عشان غزل و غيث اوديهم لاهلهم يشوفونهم و يطمنون عليهم.
وئام بحزن:أنا آسفه، ادري إنك كارهه الروحه للرياض عشان ذكرياتك مع زوجك.
حنان إبتسمت و حضنتها:الله يرحمه مالنا الا الدعاء وش بيرجع الميت اكيد مافيه شي لا بكاء و لا دموع و لا حاجه و ربي يعوض شبابه بالجنه.
وئام بعدت عنها و تمسح دموعها.
حنان بضيق:وئااام.
وئام بضحكه:وش هو؟
حنان:المفروض تكونين مبسوطه بنجاحك اللي أنتي حققتيه مو تبكين يا مجنونه.
وئام هزت رأسها بايه.
حنان وقفت:يلا تعالي ساعديني بأجهز أغراضي من الحين.
وئام بضيق:أكره الرياااض.
حنان ضحكت:مصيرك بتعيشين هناك فلازم تحبينها.
و صارت حنان تطلع لبس و تاخذ رأي وئام في الألوان.
انفتح الباب بقوه و صرخوا البنات: حنان.
"ماما تذكرنا حاجه"
غزل بنت حنان كانت معهم.
حنان بعصبيه:و العاقل يدخل كذا وقفتوا لي قلبي.
وئام عقدت حواجبها:غزل وش تذكرتوا؟
رانيا نزلت غيث اللي أول ماشاف وئام استغنى عنها و راح لها.
ساره:خلاص انسي.
غزل:كذب كذب بس جينا نشوف وش تسوين؟
رانيا إبتسمت لهم.
وئام مسكت يد غيث:حنان تذكرت لازم أكلم العمل، البنات عندك شوفي لارائهم بدالي، بالإذن و طلعت و غيث طلع معها.
رانيا ناظرت لها:فيه شي ما حسبنا حسابه و بابا يقول لازم نمشي الخميس.
حنان:وش فيه؟
غزل بهمس:عيد ميلاد خاله وئام.
حنان صرخت:متى؟
ساره:اشششش.
رانيا:اسكتي تبين تسمعنا.
حنان حطت يدها و بهمس:متى طيب؟
ساره بهمس:الجمعه.
حنان:وش بنصلح؟
رانيا:ما في الا الرياض و ننسق مع بنات خالك.
ساره:خلوها علي و أنا باكلم رهام الحين أو إذا تبون بكره.
حنان بتأييد:ما فيه الا ذا الحل.
ساره وقفت:اذا بأروح أخلص أغراضي و بعدها أكلم رهام.
حنان:متى سفرنا؟ بر أو جو.
رانيا:الأربعاء بكره و بعده الخميس السفر و طيااره.
حنان:غريبه من بابا ما نروح بالسياره.
غزل:يقول عشان السياره خربانه و دام مو مطولوين نروح بطائره.
حنان مسكت خد بنتها و باستها:وه فديتها أنا اللي حفظت الكلام.
__
(عند وئام)
اللي دخلت غرفتها و قفلت الباب و جلست غيث عالسرير و اعطته لعبه يلعب فيها وهي أخذت جوالها تكلم مديرة دار التصميم.
الو، السلام عليكم،كيفك مدام صابرين،ابي البشاره،
اهلي وافقوا على عرضي اللي بينعمل في الرياض.
ضحكت:الله يبارك فيك.
و كملت معها كلام حول العرض و باي يوم و تفاصيل غيرها.
قفلت الجوال و ناظرت في غيث و باست خده و صارت تلعبه و انتبهت للرسايل و شافت اسم حسام
"أجمل من ينور الرياض يا نبض حسام"
إبتسمت و أرسلت له
"منوره بأهلها ♥️"
حسام:
"يا ليت الخميس يجي بسرعه مره مره"
وئام ضحكت:
"على خير يارب"
و كملوا سوالف مع بعض.
__
(الرياض)
أبوحسام قفل جواله وناظر في زوجته:اخوك جاي يوم الخميس طيااره.
أم حسام:يعني.
أبوحسام:يعني حسام يطلع ياخذهم الله يعينه.
أم حسام ببرود:مثل ما تحب.
أبوحسام عقد حواجبه:وش فيك وش مضايقك؟
أم حسام ناظرت له:بأقول بس لا تقول لي مو وقته.
أبوحسام:قولي.
أم حسام تنهدت:أم منصور كلمتني اليوم و خطبت سهام.
أبوحسام:و بكل فخر رفضتي.
أم حسام:لا قلت أشاور الأب و البنت و أرد لكم.
أبوحسام ببرود:و أنا مو موافق.
أم حسام باندفاع:و ليه؟
ابوحسام:كذا ما ابي بنتي لولدها غصب ازوجها له.
ام حسام:محمد ذا مو أول مره ترفضه وش القصه؟
ابوحسام:الولد مو بزين و يخسي ازوجه من بناتي.
ام حسام تذكرت:يا محمد الولد تاب من زمان.
أبوحسام ناظر فيها و بحده:ترا أنتي ما تدرين عن أي شي فخليني ساكت أحسن ولا أخذ ذنب الولد الليله.
ام حسام بضيق:بكيفك، وقفت و مشت لغرفة امها.
أبوحسام تنهد:الله يهديك، أخذ جواله و دق على حسام مارد عليه و رجع دق عليه و ما كان فيه رد، دق على سهام و ردت بصوت كله نوم:هلا.
ابوها:سهام حبيبي حسام قد جاء.
سهام:ايه سمعت صوت بابه قبل شوي، يمكن ياخذ شاور.
ابوها:طيب إذا ما عليك أمر اذا سمعتيه طلع تقولين له ينزل لي ضروري إذا خلص.
سهام:ابشر حبيبي و قفلت، كشرت:خليني أقوم له الحين لأني بانام.
و قامت سهام من فراشها و خرجت من غرفتها لغرفة حسام و دقت الباب ما رد، فتحت بهدوء و نادت:حسام.
و سمعت دش الحمام و قربت من الباب:حسام.
رد عليها و قالت له باللي طلب أبوها و لفت على رن الجوال:هذا هو دق بأرد عليه و أقول له و ردت:هلا يابوي.
"آلــو"
سهام عقدت حواجبها مستغربه من الصوت:آلـو.
"عفواً يا اختي جوال حسام"
سهام ناظرت للاسم و كان باسم(وليد)، غطت فمها بصدمه.
"آلـو"
سهام استجمعت شجاعتها:ايه جوال حسام فيه شي.
وليد انلخم:لا بس ابغاه لو سمحتي و بعدين ليه تردين على جواله.
سهام:و انت وش دخلك ارد أو لا.
وليد بصدمه:نعم.
سهام عضت لسانها وقفلت في وجهه وحطت جوال حسام عالطاوله:أنا ملقوفه ليه أرد أصلاً ، و طلعت.
__
(جده)
موعد السفر طلع الكل بالطياره و بدأوا بربط الأحزمه و أبوحنان يتأكد من مقاعد بناته و إذا كانوا مرتاحين أو لا.
و بدأت الطياره تقلع من مطار جده و متجهه لمطار الرياض بعد ما رددوا دعاء السفر.
حنان ما نامت عشان غيث رفض ينام و بين ماهي تقرأ تسمع ضحك غيث و لفت لهم و شافت واحد جالس بنفس الكرسي اللي بجنب أبوها و يلعب مع غيث و يطلع أصوات مضحكه، إبتسمت لهم و رجعت تقرأ.
"الله يحفظه لك يا ابو...."
أبوحنان:حنان.
بتفاجئ:بنت يعني
ابوحنان ابتسم:لا ولد بس ذا حفيدي
ابتسم:وش اسمه؟
ابوحنان:غيث.
"الله يخليه لأبوغيث و أم غيث"
أبوحنان:أم غيث آمين ابوغيث الله يرحمه و يسكنه الجنه.
سكت الرجال:أنا آسف.
ابوحنان:لا ولا يهمك ما أنت أول واحد يسأل.
غيث التفت و ضحك في وجه الرجال اللي إبتسم له بألم و حزن و شاله في حضنه و باسه و صار يوريه السماء من الشباك.
__
(مطار الرياض)
وصلوا حبايبنا و كانوا ينتظرون الشنط اللي استلموها كلهم ما عدا حنان.
أبوحنان:يا حنان امشي الحين و أنا راح أبلغ الإداره بهالشي.
حنان:يُبه كيف أروح و كل ملابسي فيها و أغراضي و كل شي.
وئام:باعطيك من ملابسي أمشي بس.
حنان تخصرت:تراني أضعف منك.
رانيا بطفش:اييييه أنتوا بعد خلونا نمشي و تلحقنا.
ابوحنان:انتظريني هنا باوديهم لحسام و أرجع لك.
حنان:اوكيه انتظرك بس ما راح اطلع إلا و هي معي.
ابوحنان:يلا امشوا يا أبوي امشوا.
مشوا كلهم و حنان تنتظر عند استلام الحقائب.
بعد دقايق، انتبهت لشنطتها تجي و حمدت ربها و بسرعه نطت لها و سحبتها بس كانت ثقيله و رجعت تسحبها ما فيه فايده، التفتت ليد سحبت شنطتها و صرخت:هييه.
حطها عالارض و ناظر لها:عفواً.
حنان:على وش هو؟ انك كنت تبي تاخذ شنطتي.
تنهد:والله ما ابيها بس رحمتك و سحبتها لك، عن إذنك، و مشى.
حنان كشرت:كذاب بس عشان يكلمني، ناظرت في شنطتها وتأكدت من إسمها و مشت وهي تسحب شنطتها بفرح.
__
(عند البوابه)
حسام و وليد كانوا واقفين و ينتظرون المسافرين.
حسام:يا ليت يطلع فهد قبل ضيوفي عشان أقابله مره واحده.
وليد:تعتقد بنفس الرحله هم.
حسام:مو تأكدنا قبل ما نجي و كان نفس الرحله.
وليد:ايه صح.
حسام ضرب كتفه:وش فيك أنت اليوم؟
وليد انلخم:وش فيني؟
حسام:وضعك مو مطمني؟
وليد إبتسم:ما فيني الا العافيه.
حسام بنظرة شك:والله إني شاك أن فيك شي.
وليد أشر عشان ينهي النقاش:ذولا أهلك.
حسام لف:لا مو هم.....إللي وراهم.
وليد:إذا أنا باتنحى على جنب.
حسام:خلك جنبي لا تبعد.
تقدم حسام و باس رأس خاله و عمته و ناظر في البنات:كيفكم صبايا؟
رانيا و ساره ردوا:بخير كيفك أنت؟
حسام و عيونه على وئام اللي نظرها بالجوال:بخير الله يسلمكم.
حسام:وين أغراضكم؟
أبوحنان:حسام حبيبي، خذ الأهل و العمال اللي يحملون الشنط للسياره و أنا جايكم بس حنان واقفه عشان شنطتها للحين ما وصلت.
حسام إبتسم:أبشر و أنت روح ولا يهمك.
وئام مسكت بكتف أبوها:بابا لا تروح شوفها جات.
التفت أبوحنان و شافها جايه و تسحب شنطتها و مبتسمه.
حسام إبتسم لما شاف فهد يسلم على وليد، تقدم لخاله:ياخالي ثواني من وقتك باسلم على صديقي.
ابوحنان لف عالمكان و شاف صديقه و تفاجئ:ذا كان معي في نفس المقعد.
حسام سحبه:تعال أعرفك عليه.
فهد لف و شاف حسام إبتسم:حتى أنت جيت؟
حسام:مو لك؟ و بعد عنه:بس خالي قال إنه شافك و حبيت تتعرف عليه.
فهد ابتسم و صافحه:تشرفت فيك والله.
ابوحنان:الشرف لي يا.....
حسام:فهد يا خالي، فهد الـــ...
ابوحنان:والنعم والله.
فهد:ما عليك زود.
حسام:و ذا وليد كمان من الاصدقاء.
ابوحنان بمزح:إذا هم اللي ياخذوك منا لا جيناك بالرياض.
استحوا العيال من الكلمه و ابتسموا بتسليك.
رانيا من بعيد:وااايه مااااا أجمله.
وئام بشك:مين؟
رانيا:صديق حسام.
حنان لفت:وينه؟ و انتبهت له انه نفس الشخص و كشرت:ماالت،
و ناظرت في أخواتها:تدرون إني تضاربت معه قبل شوي.
رانيا:ويين؟
حنان قصت لهم باللي صار و بتكشيره:و في الأخير ولد خالنا يطلع مصادق ذا الأشكال.
رانيا بهدوء :اسمحي لي، إلا ساعد واحده ما تنعطى وجه.
حنان بعصبيه:رانيا وجع.
وئام ببرود:إلا صدقت أنتي كل ما شفتي أحد يساعدك أو يبي يقول لك شي كشرتي في وجهه.
حنان تنهدت.
رانيا عدلت وقفتها:يلا حسام آشر لنا نمشي.
و مشوا كلهم و حنان ناظرت لفهد وهو رجع ناظر لها و بعدت نظرها عنه بسرعه.
__
بالسياره
بعد ما ركبوا كلهم بالسيارة الكبيره (السيكويا)
حسام و أبوحنان
أم حنان حنان و وئام و بحضنها غيث.
ساره غزل و رانيا.
أبوحنان بإعجاب:ماشاء الله جوكم معتدل.
حسام مبتسم:لانه راح البرد خلاص.
ساره بحزن:لا يا حسام لا تقول انتهى البرد.
حسام ناظر لها من المرايه:أنتي تبينه؟
ساره بتكشيره:أيوه لان جده ححرر.
ام حنان:طبعاً لإنك جيتي بالبرد مو مثل أخواتك بحر جده.
وئام بهدوء:ممكن ترجعونا المطار.
أبوحنان لف لها:نسيتي شي؟
حسام خفف سرعته.
وئام:لا بس ابي ارجع جده ما أحب الرياض.
ابوحنان ضحك و حسام إبتسم و ساره و رانيا صاروا يصرخون عليها.
غزل:اصلاً الرياض ماهي حلوه الا لما احنا جيناها و إلا من بعد بابا الله يرحمه يييعع .
سكتوا اللي بالسياره كلهم.
حسام بسرعه صرف الموضوع:صحح يا غزل عشان بس أنتي جيتي.
وئام كملت:أكيد لو ما أنتي معي ما جيت هنا.
غزل إبتسمت.
حسام ناظر لها بالمرايه مبتسم و عدلها على وئام اللي يعشقها من صغره يأمل إنه يشوفها من دون لثمه مثل باقي أخواتها.
__
بعد دقايق
وصلوا لفيلا أبوحسام و نزل الكل و حسام نادا على السواق ينزل الشنط.
استقبلهم أبوحسام و رحب فيهم و دخل أبوحنان و انتبه للجده جالسه تناظر، ابتسم و راح لها و جلس عند رجولها و مسك يدينها و باسها و باس رأسها و حضنها و هي تبكي.
أم حسام:يمه ليه تبكين؟ شوفيه بخير و صحه الحمدلله.
الجده تمسح دموعها:وحشني حبيبي و وحيدي و كل شي.
ابوحنان يمسح دموعها:فديت عيونك يالغاليه.
أم حنان تقدمت و مسكت كتف زوجها:خلنا نسلم عليها و جلسها جنبك، سلمت عليها و التفتت لما
أبوحسام مسك كتفها و سحبها معه:تعالي ياغاليه، بشريني عنك.
أم حنان إبتسمت:حبيبي أنت أنا بخير الحمدلله انتوا كيفكم؟
ابوحسام:بشوفتكم حنا بخير.
و اخذتهم السوالف، ام حسام لفت و شافت بناتها شايلين بيدينهم صحون حلا و خرابيط، عقدت حواجبها:وين رايحين به انتوا؟
سهام وقفت:عند البنات.
أم حسام:بدال ما أنتوا جالسين وحدكم تعالوا هنا مع خالكم و عمتكم.
سهام تذكرت وئام:يمه عشان وئام.
ام حنان:خلو وئام عنكم و تعالوا اجلسوا هنا تجلس بلثمتها اذا تبغا.
ابوحسام:لا والله ما تجلس بلثمتها و ان يجلسون كلهم جوا و يسولفون و ياخذون راحتهم.
سهام بطفش:وش الوضع طيب؟
ابوحسام:روحي يا بابا و انبسطوا.
سهام أرسلت له بوسه و دخلت عند البنات و انتبهت ان رهام قالت لهم باللي صار.
وئام بخجل:طيب أنا استحي وش أسوي يعني.
سهام:و لا يهمك يا قلبي ابوي حل المشكله و اصلاً حسام طالع ذا الويكند كلله مع أصحابه.
رانيا:أمي وش فيها كأن وئام الوحيده اللي تتلثم احنا كمان نتلثم ما عدا دكتورتنا الجميله.
حنان تنحنحت:قلتيها دكتووره.
ساره:امي قصدها انها تتلثم من حسام و احنا عادي نجلس بحجابنا معه.
سهام:خلاص فضوها سيره الحين قولوا وش الأخبار وش هالجيه المفاجأه و الحلوه.
حنان:تعرفين نحب الرياض.
وئام:مررره.
البنات ضحكوا على وئام.
سهام بضحكه:الحين أنتي وش بتسوين إذا تزوجتي واحد عايش هنا؟
وئام نزلت فنجالها و بمزح:اذا يبيني ينقل معي جده.
سهام و رهام:اووووه لا عاد.
وئام رفعت اكتافها ببرود:هذا شرطي.
رهام غمزت لها:بنشوف إذا بيرضى.
سهام:مصيرك تجين الرياض و تسكنين فيها بعد و من دون شروط.
وئام:نشوف.
رانيا غنت:الا يا اهل الرياض يا أول غرامي ،و غمزت لوئام.
رهام تكمل:تذوقته مع خل شفوقي.
حنان:على يدكم تعلمت المحبه و صافي الحب فيكم يالشروقي.
وئام غنت:اسعد الله لو يجي جده حبيبي.
البنات صرخوا:اووووه.
سهام:لهالدرجه زعلانه من الرياض و ما تحبينها.
"مين اللي زعلان من الرياض؟"
ذا كان صوت حسام من ورا الباب.
وئام حطت يدها على فمها و البنات انفجروا ضحك.
سهام بضحكه:ما عليك مصيرهم بيرضون.
حسام إبتسم:سهام تعالي الله يعافيك.
سهام استغربت و وقفت و طلعت له.
وئام بهمس:يلعن ابليسكم طاح وجهي.
رانيا ضحكت:اهم شي سمع الصوت الجميل.
رهام وقفت و ساره وقفت معها.
حنان:وين رايحين؟
ساره:باروح معهم الصاله.
حنان بامر:البسي طرحتك حسام برا و عدلي بلوزتك.
ساره كشرت:بيروح الحين.
حنان كررت:البسسيي طرحتك و عدلي بلوزتك.
ساره أخذت طرحتها و لبستها بسرعه و عدلت البلوزه و طلعت مع رهام.
__
عند حسام و سهام
سهام:امرني حبيبي.
حسام:سوال و تجاوبيني بصراحه.
سهام إبتسمت:ولا باكذب عليك.
حسام:حلو، وليد دق عليي البارح هل رديتي او قفلتي في وجهه؟
سهام اختفت ابتسامتها:نعم.
حسام:اللي سمعتيه.
سهام:فكرته أبوي و رديت بالغلط، نزلت رأسها:آسفه.
حسام قرب لها و باس رأسها:ولا يهمك أهم شي إني تأكدت إنك ما قفلتي في وجهه.
و إنتبهوا لرهام و سهام اللي طلعوا يضحكون.
حسام إبتسم لهم:و الله يهبلون فينا ذا الثنتين ،ناظر لها:تبين شي قبل ما اروح؟
سهام:سلامتك.
حسام تذكر:على فكره ترا ألغينا رحلتي مع أصحابي.
سهام:ليه؟
حسام بضحكه:خالي عبدالله أعطاهم كلمه في المطار و استحوا منه و ألغيناها.
سهام:و أنت وين رايح الحين؟
حسام:مزرعة أبو معتز و عازمين فهد هناك.
سهام:الله يحفظك حبيبي.
حسام:يلا سلام. و مشى.
سهام:الله معك، مسحت وجهها:يا فشيلتي، و دخلت للبنات.
__
(بيت فهد )
اللي وصله وليد لبيتهم و اتفقوا عالوقت اللي بيرجع ياخذه ، دخل بيتهم و انتبه لريحة القهوه و البخور، إبتسم و نادا:يا أم فهد.
ام فهد سمعت صوته و طلعت من المطبخ:يا جعلني ما أفقد هالحس يا روح أم فهد.
فهد راح لها و حضنها:فديت قلبك.
ام فهد شدت عليه:وينك يا أمي مو كأنك تأخرت.
فهد بعد عنها:كللها أسبوع يالغاليه وها شوفيني جيتك.
ام فهد:كأنها سنه ،و مسكت يده و جلست وجلس جنبها:اخبارك وش مسوي؟
فهد:بخير الحمدلله أنتي اللي اخبارك وش سويتي في غيابي و مع مين رحتي؟
ام فهد:والله اغتنمت فرصة غيابك و طلعت مع الشباب و تقهويت معهم في المول و....
فهد قاطعها:ماشاء الله مضبطه وضعك أم فهد.
ام فهد إبتسمت:أعجبك و إلا تفكر أنت تروح و تجي و أنا أجلس هنا مقابل التلفزيون.
فهد بمزح:و الله شغلي معك بس مو الحين بعدين.
وقف:أنا باروح أخذ شاور و أجي اتقهوا معك و أشوف وين رحتي بعدها؟
أم فهد ضحكت:انتظرك حبيبي.
فهد مشى و سحب شنطته معه و دخل غرفته، فتح خزانة الدولاب و اخذ منشفته و جهز له ملابس، ابتسم فجأه لما تذكر (المجنونه اللي بالمطار) و هذا الاسم اللي كان يتردد بعقله و يهمس لنفسه:شكلها ما يوحي إنها شرسه أو عصبيه، بالعكس يبين إنها هاديه و حنونه، تنهد:وش لك فيها يا فهد؟
أخذ منشفته و دخل ياخذ شاور.
__
(فيلا ابوحسام)
وئام وقفت:أنا أبيي أطلع أنام، و ناظرت جنبها:و بأخذ غيوثي معي.
سهام:والله صايره النانا حقته ،واشرت على حنان:و الأم وش دورها؟
حنان بنص عين:لا تفتنين بين الأخوات.
وئام شالت غيث:حنان لها عذرها عن اذنكم، و مشت من عندهم.
سهام:ترا غلط إنك تعلقينها فيه.
حنان بحزن:ايه يا أمي الثانيه قولي خِطابك اليومي.
سهام:حنان ترا أنا ما امزح.
حنان ببرود:ولا انا.
سهام:و اذا وئام تزوجت وش بتسوين؟ بتعطين ولدك لها.
حنان تكتفت:و اخوك متى ناوي يجي يطلبها.
سهام وخرت نظرها:ما...ما أدري بس قال فيلته بدأ يشطبها و بعدين عارفين حسام لوئام.
حنان:بيننا يا الاهل بس الناس لا، وقفت:اتركينا من هالكلام و قومي معي نروح نسولف معهم شوي.
__
عند وئام
دخلت الجناح الخاص فيهم اللي عامله لهم ابوحسام و على طول توجهت لغرفتها وحطت غيث على سريرها و فصخت عبايتها و انسدحت جنبه و صارت تلعب بشعره و باست جبينه و غمضت عيونها:أحلى شي بالرياض اني انام على ريحتك يا حسام.
__
(الدور السفلي)
وين ما كان الكل مجتمع رهام و ساره جالسين جنب بعض و يكتبون في دفتر و يتهامسون و لفت إنتباه أبوحسام هالشي وصفق بيده:رهام و ساره.
الثنتين رفعوا عيونهم لبعض و ردوا بنفس الهمس:هلاا.
أبوحسام:وش معكم؟
ساره ما ردت و رهام ناظرت في الدفتر:نخطط لميلاد وئام.
البنات صرخوا:رهااام.
رهام ناظرت فيهم و إلتفتت و كأنها تدور أحد:وئام هنا؟
أبوحنان ضرب جبهته:نسيت منه.
أبوحسام:و وين بتصلحونه؟
حنان:فوق بجناحنا.
أبوحسام:لا فوق لا اعملوه في الحديقه كبيره.
سهام:صدق.
الجده قطعت كلامهم:يا عبدالله نبي نروح البر.
ابوحنان رفع صوته:من عيوني يا أم عبدالله.
الجده:ابيي أشم ذاك الهواء الزين و نشب النار.
ابوحنان:تامرين أمر كم عندي فطيم أنا.
حنان بتفكير:ماهي بشينه فكرة أمي فاطمه؟
سهام بقرف:أقول اسكتي البر كله حشرات و زواحف وش تبين به؟
الجده صرخت:ياا عبدالله.
البنات نطوا من مكانهم.
ابوحنان:لبيه.
الجده:ابي أنام.
أبوحنان وقف:على عيني.
الجده بطفوليه:بس ما اقوم من نومي و ادورك و يقولون سافر ماتروح و تتركني.
ابوحنان باس راسها:حبيبة روحي أنتي لا مو مسافر جالس معك.
الجده و كانها ارتاحت:اشوا حسبالي بعد.
ابوحنان:يلا مشينا تنامين ، و مشت معه.
البنات كانوا يناظرونها بحزن و كيف أن جدتهم صايره مثل الطفل وتدلع عليهم و صاير عندها السمع ضعيف و النظر كمان.
__
(آخر الليل غرفة وئام و حنان)
حنان كانت نايمه بسريرها و بحضنها غيث و وئام صحت و تعسر لها النوم عشان المكان و كانت على سريرها ترسم موديل فستان و فجأه! سمعت صوت سياره، رمت بدفترها بسرعه و طفت الابجوره و مشت بمهل و تعثرت في شي قدامها و تعورت و صارت تعرج لين الشباك و فتحت الستاره و انتبهت لحسام ينزل منها، إبتسمت و هي تشوفه كيف ملامحه مكشره و فيه النوم، همست:فديت هالتكشيره.
قفلت الستاره و هي متطمنه إنه وصل بالسلامه.
__
(يوم جديد ، بيت فهد)
بعد صلاة الجمعه كان هو و أمه بالصاله و يشربون شاهي.
ام فهد:أنا قلت لك ببنت خالتك.
فهد:أي وحده.
ام فهد:بيان.
فهد:وش فيها؟ و بتخمين:تخرجت!
ام فهد:لا انخطبت.
فهد ابتسم:بالله عليك و مين أخذها؟
ام فهد بضيق:ولد جيرانهم.
فهد:الله يتمم لها يارب.
ام فهد:بس ذا اللي عندك.
فهد انلخم:وش أقول طيب؟
ام فهد بزعل:مو كنت أبيها لك.
فهد كشر:يمه الله يهديك ويني و وينها البنت صغيره مرره.
ام فهد:اجل متى افرح فيك؟
فهد ابتسم:قريب ان شاء الله بس انتظر الوقت المناسب.
ام فهد:عمرك صك الثلاثين يا عيوني، أبيي أشوف عيالك.
فهد مسك يدها و باسها:إن شاء الله تشوفينهم وتشيلينهم بين يدينك و يكبرون قدام عيونك.
__
(بيت ابوحسام، عند الصبايا)
وئام بطفش:بنات ابيي العصر اطلع.
رانيا:وين؟
وئام:أي موول بس أطلع.
سهام:طفشتي وئومه.
وئام:ايه عشان كذا ما أحب .....
البنات قاطعوها:خلااص فهمنا ما تحبين الرياض.
وئام تنهدت.
سهام:أنتي متى يبدأ دوامك؟
وئام:بكره و ليت بكره اليوم.
رهام:لذا الدرجه تحبين الشغل.
وئام:أحلى من الجلسه و الحش في خلق الله.
سهام وقفت:أنا اللي عرفته ان أمي بتاخذ السواق و تطلع مع عمتي نوره.
وئام:ترا لو أخذ ابوي و اطلع معه عادي جداً.
حنان بضحكه:تسوينها والله.
وئام وقفت:أنا بأروح أشوف لأبوي.
ساره وقفت معها:خذيني معك.
البنات وقفوا و لحقوهم.
وئام لما طلعت إنتبهت لحسام جالس معهم وقفت مكانها و اضربي يا ساره وراها، وئام لفت لها و بعصبيه:وش فيك؟
ساره:وش دراني سحبتي بريك فجأه.
البنات استغربوا من وقوفهم:وش فيكم؟
وئام عدلت لثمتها:تحبون اللقافه.
سهام مشت قبلها:ابي اشوف شكلك و انتي تطلبينه.
الكل انتبه لسهام اللي جايه تركض، أم حسام بادرت بالكلام:خير خير وش جابك؟
سهام جلست جنب أبوها و حسام:جايين بالحمله يا عيني و نبي نشوف مشهد طفولي.
وئام سمعتها:طفولي في عينك،
و جلست جنب ابوها:جايين وراي و متحديني اطلبك طلب.
ابوحنان:عيوني لك.
حنان:انت بس اسمع وش طالبه و بعدها نشوف رأيك؟
رانيا:بتعطيها كف تطيرها من جنبك.
ابوحنان عقد حواجبه:و من متى يا آنسه رانيا مديت يدي عليكم، و ناظر في وئام:قولي وش تبين؟
وئام:السوق.
ابوحنان:بس.
وئام:قالوا السواق مشغول مع عمه ساره و قلت اطلبك بس تحدوني الفتيات الفضوليات.
ابوحنان:من عيوني متى تبين؟
وئام:العصر و ما نرجع الا الساعه ١٢ الليل.
أبوحسام كشر:يا حبكم للسوق و الدواليب تنفجر من الثياب اللي من لبسه واحده.
سهام:يا بابا هي طالعه السوق عشان تمشي الوقت مو تشتري عاد تعرف الحلوه ما تحب الرياض ،و غمزت لها.
ابوحسام:ماعليش يا وئام مو اليوم أبوك معزوم عند واحد من الجيران.
ابوحنان ناظرلها:اي والله نسيت.
وئام ناظرت لهم:انبسطوا ما لقيت احد.
ساره:لا تزعلين ترا حتى أنا أبغا أروح.
رهام:و أنا بعد.
حسام يناظر لوئام:ولا يهمك يا خالي أنا باوديهم.
وئام ناظرت له بسرعه و كان يناظر لها:دام خالي مشغول باوديك أنا و اجلسوا هناك لوقت ما تحبون.
سهام:ما عندك موعد مع أصحابك؟
حسام هز رأسه بلا.
رهام:فدييت اخووي، و أرسلت له بوسه.
ام حسام:إيه مصلحه.
ساره:صدقيني لو عندي أخو مثل حسام بأحبه أكثر من أخواتي اللي جالسين قدامكم، و كشت عليهم.
حنان شهقت:سارون.
رانيا بزعل:ام وجهين انتي.
وئام:ما همتيني يا حلوه.
ام حسام بخوف:ويه ويه منكم يا بنات عبدالله، تعالي يا ساره تعالي جنبي.
ساره جلست جنبها و بتمثيل:شفتي يا عمه وش يسوون بسميتك.
أم حسام حضنتها:وحوش أخواتك وحوش.
ساره ناظرت لها:يعني موافقه تزوجيني حسام.
ضحكت أم حسام و ضحكوا اللي بالصاله كللهم.
وئام ضحكت بخفه لكن جواتها محتررقه و يا ويلك يا ساره.
__
(السوق)
وقف حسام السياره ونزلوا كلهم البنات معه، و دخلوا بهدوء و وئام بسرعه حددت المكان:على طول ديب ان ديب لا يمين و لا يسار.
حسام ناظر لرهام:وينه ذا؟
رهام:فوق و نطلع بالاصنصير.
سهام:حسام زحممه.
حسام:خليكم مع بعض عشان ما أحد يضيع.
و مشوا مع حسام الين وصلوا للكوفي المطلوب.
وئام شهقت لما شافت الكوفي مليان.
حسام ناظر لها:بسم الله الرحمن الرحيم، وش فيك؟
وئام بدلع:حسام ترا والله كل مشواري عشان ذا الكوفي و في الاخير زحمه.
حسام رفع حاجب و تنحنح:الحين أشوف لهم إذا فيه مكان فاضي خليتك تدخلين أول وحده.
سهام دقته:و احنا.
حسام همس لها:مو اليوم عيد ميلادها؟
سهام:ايه
حسام:لازم نلبي لها اللي تبي.
سهام بمزح:و انت ما صدقت من الله.
حسام ابتسم:سهام مو وقتك، لف للعامل و كلمه و قال ان فيه طاوله بس متوفر كرسيين.
حسام:إذا وئام تدخل و أي واحده منكم و الباقي ينتظرون.
رانيا:أنا باروح أتسوق و بأخذ ذا الثنتين معي.
ساره و رهام ناظروا في بعض و إبتسموا.
حنان مسكت يد سهام:و احنا كمان بنروح نتسوق.
حسام سكت و ناظر في وئام: تبين انتي كمان تتسوقين.
وئام:لا مو جايه اتسوق و هالشي أنا متفقه معهم فيه.
حسام:خلاص أنتوا روحوا تسوقوا و احنا هنا في ديب ان ديب ما ادري وش اسمه، و بأمر:ما أبغا تأخير.
سهام بفرح:تامر أمر ،و لفت بتمشي بس بسرعه لفت لما حسام مسك يدها و همس لها:لا تتاخرون ورانا مشوار.
حنان سمعته:إن شاء الله.
حسام لف و شاف وئام واقفه و بيدها الجوال، ابتسم و قرب منها:يلا نجلس.
وئام هزت رأسها بايه و دخلت قبله و جلست و جلس حسام مقابلها.
وئام و هي تناظر بالجوال:حسام اطلبه المنيو.
حسام:اطلبي اللي تبين بس، و ناظر فيها:على حسابي.
وئام على حالتها:بنتقاط فيها.
حسام:ما سمعت؟
وئام:مو أنت تدفع لوحدك نتقاط فيها.
حسام حط اصابعه على شاشتها:ناظري فيني لما اكلمك.
وئام كانت تناظر في اصابعه:ارفع اصابعك.
حسام رفع اصابعه:طيب ناظري فيني لان وحشتني عيونك.
وئام رفعت نظرها له بهدوء.
حسام ابتسم.
وئام رجعت ناظرت الجوال و تلعب فيه.
حسام اختفت ابتسامته و بزعل سحب جوالها:لما اكون قدامك ما تلمسينه.
وئام:ترا ما احب هالحركه و بعدين أكلم الدوام.
حسام بهمس:و انا ما احب احد يحقرني و خصوصا انتي.
وئام تنهدت و رجعت ظهرها ورا و تكتفت و هي تناظر فيه.
حسام أخذ المنيو:وش تبين؟
وئام:قهوه عربي مع كوكيز ايسكريم.
حسام:اوكيه و أنـا بأطـلب الكريب حقهم مع القهوه.
وئام تنهدت و نزلت نظرها عنه.
حسام اشر لصاحب الكوفي و اعطاه الطلب، حسام ابتسم و ناظر لها:قولي لي وش جيتكم المفاجئه للرياض؟
وئام بهدوء:عندي شغل.
حسام:تدرين إنها نورت لانك جيتي.
وئام بابتسامه:منوره باهلها.
حسام عقد حواجبه:وش فيك؟
وئام هزت راسها بلا يعني و لا شي.
حسام:وحشتيني ، و حط ذقنه على يده اللي شبكها ببعض و يناظر فيها بابتسامه.
__
عند البنات...حنان و سهام
كانوا بمحل عطور و يتخيرون بعطورات تحبها وئام.
حنان:ذا حلو ريحته.
البايع:ذا عليه خصم 30٪
سهام:طيب خذي لها ذا مو تعشقه.
حنان:الكل حفظ ريحة عطرها خلينا نغير لها هالمره.
سهام:براحتك.
"لو سمحت الاقي عندك عطر جادور"
"يعني مصمم انك تاخذه"
"الغاليه تحبه و مافيه شي يغلى عليها"
حنان عقدت حواجبها باستغراب، كأنها سمعت هالصوت من قبل لفت وجهها شوي و بحلقت عيونها لما شافته و شهقت.
سهام أستغربت و همست لها:بنت وش فيك؟
حنان لفت لها و بلعثمه:لا لا مافيه شي خلينا ناخذ العطر و نطلع بسرعه.
سهام ناظرت و انتبهت للشباب اللي واقفين و شهقت و همست لحنان:واو أصحاب حسام.
حنان تمثل الدهشه:من جدك.
سهام بهمس:اي والله بسرعه بسرعه خلينا ناخذ ذا و نمشي.
حنان رفعت صوتها:الله يعافيك اعطنا ذا العطر و شوف كم حسابك؟
البايع:حاضر مدام.
حنان همست:وش إسم اللي لابس قبوع أبيض.
سهام بنفس الهمس:فهد و الثاني معتز.
حنان:ذا قابلناه في المطار.
سهام:ما تصدقين اذا قلت لك أن فهد المزيون ما تزوج للحين.
حنان:الزواج ماله عمر و بعدين يمكن يحب واحده و اهله مو راضين.
سهام:للاسف سألت حسام و قال مافيه أي شخص بقلبه.
حنان رفعت أكتافها:إذا ابوه مخليه على راحته.
سهام أخذت الكيس و همست:يتيم الاب من عمره سبع سنوات.
حنان انصدمت و ناظرت فيه بحزن.
سهام:شكراً وناظرت في حنان:يلا، و طلعت قبلها.
فهد حس ان فيه أحد يناظر له لف و شافها قدامه، رفع حواجبه و آشر عليها:أنتي.
حنان إنتبهت لنفسها و ناظرت جنبها ما لقت سهام، إنتبهت للبايع اللي قالها:أي خدمه ثانيه يا مدام.
حنان بلعثمه:ل لا لا شكراً، و ناظرت في فهد اللي مبتسم لها و بسرعه طلعت لسهام.
فهد أتسعت إبتسامته و عض شفته السفليه و إنتبه للبايع اللي قال له:أمرني أستاذي، و صار فهد يطلب منه الشي اللي يبيه.
__
بالجهه ثانيه
حنان بزعل:وجع تركتيني وحدي.
سهام:قلت لك يلا ما سمعتيني وش أخذ عقلك؟
حنان:و لا شي، امشي بس أختي مع أخوك لحالها الحين دعت علينا حتى قالت آمين.
سهام:لا تخافين ما بياكلها، خليه يشبع منها لانه مشتااااق لها.
حنان ضربت كتفها:امشي امشي.
__
بجهه ثانيه شلة رانيا
ساره:رانيا ندخل ذا المحل.
رانيا ناظرت:كله فساتين.
رهام:نطل بس عليه.
رانيا:لا تعرفون إني ما أتحمل ابداً.
رهام:شوي.
رانيا:لا لا، و مسكت يدينهم ومشت و صقعت في شخص طويل و ناظرت له:ما تشوف.
"عفواً بس أنتي الغلطانه"
رانيا بعصبيه:لا والله مو كأنك أنت اللي ماشي قدامي.
رهام شهقت:معتز و فهد.
فهد مسك يد معتز و سحبه:آسفين يا أختي و حقك علينا.
معتز:ليش تعتذر و هي الغلطانه.
رانيا طنشته و مشت.
معتز بصدمه:ذي اللي باذبحها راحت ولا تكلمت ولا اعتذرت.
فهد:خلاص أنت بلا مشاكل.
معتز تنهد و مشى و إنتبه لفهد كيف يناظر كأنه يدور على أحد:تدور على أحد؟
فهد:هااه، لا لا.
معتز:متأكد.
فهد:ايه يابن الحلال وش فيك؟ و زفر بقوه.
__
بالكوفي.
وئام قربت من الطاوله:حسام نزل عيونك الناس كلها تطالع فينا.
حسام على وضعه:ما يهمني.
وئام:بس أنا يهمني.
حسام:خطيب و خطيبته عادي.
وئام ابتسمت بسخريه:حلوه الكلمه.
حسام حط يده و قرب وجهه:اهلي و اهلك يقولون ان حنا لبعض و بعدين احلفي انك ما تحبيني و تبيني.
وئام قربت جسمها:اهلي و اهلك مو هم اللي يقررون مين ناخذ و مين نرفض و ما يحتاج احلف لك او ابين لك لان......
يـــتبـــع —————->
