الجزء الثالث عشر
__
بيوم جديد
و بمكتب ابوحنان بالمركز، كان يراجع بعض الملفات مع العسكر، جاه إتصال و رد:هلا.
"السلام عليكم"
ابوحنان ناظر للجوال و كان منصور و آشر للي قدامه يسكتون:هلا و عليكم السلام.
منصور:كيفك يا عم المعذره دقيت عليك بوقت غلط.
ابو حنان:لا لا عادي دق باي وقت تبيه، أمرني.
منصور:ما يامر عليك بس حبيت أعزمك أنت والأهل الليله عالعشاء و عندي بالبيت.
ابوحنان:تسلم حبيبي بس والله معزومين عند أبو وليد.
منصور:سبقني يعني.
ابوحنان:المعذره والله كلمني من أمس و تعرف العزيمه لولده و عروسته، بس أبشر بغير مره أو..... بارسل لك وئام.
منصور كشر:لا خلاص ما أخرب عليكم عزيمتكم و خصوصاً إنها تبغا مع البنات و كذا.
ابوحنان:لا هي رافضه تروح بحجة شغلها و الا تخجل عشان يدها المكسوره فأنا بأقول لها و أرجع أنت كلمها.
منصور:تم.
ابوحنان:يلا مع السلامه ، و قفل و ناظر للعسكر:الحل الوحيد لمعرفة متى الخطه الأخيره هو اقتحام مكتب منصور.
الرقيب:صح ،لكن لا تنسى البيت كله كاميرات و مراقبين.
أبوحنان:مافيه الا زوجته اللي تقدر تدخل هناك و راح يكون الليله إن شاء الله بس لازم أعطيها خبر و لازم أعطيها العده اللي تتواصل معنا فيه أو معكم أنتوا.
الرقيب:أتمنى هالخطه تنجح لو اني ما أحب ان بنتك تجازف بحياتها.
الرقيب الثاني:لا باين عليها ذكيه بسم الله عليها و هي اللي لها الشكر من بعد الله بنجاح خطتنا السابقه و قتل أحد أهم رجال الزعيم.
ابوحنان إبتسم:ان شاء الله هالمره تنجح و بعدها نخلص من هالقضيه كللها.
الكل:يارب.
__
عند وئام
قفلت جوالها وهي متضايقه ولا تبي تروح عند أحد بس أبوها و لا تقدر ترفض له طلب.
شافت إسم منصور و ردت:هلا منصور.
منصور:كيفك؟
وئام:بخير.
منصور:عمي كلمك بخصوص الليله.
وئام بكذب:لا وش فيه؟
منصور:غريبه قال بيكلمك أول و بعدها ارجع انا اكلمك.
وئام عقدت حواجبها:أبوي أكيد مشغول ، وش السالفه؟
منصور:الليله راح تكون فيه عزيمه عندي بالبيت و أبوك اعتذر و قال بأرسل لك وئام و دق عليها.
وئام:اها.....و وش مناسبة هالعزيمه؟
منصور:عزيمه عاديه.
وئام:اوكيه........أشوفك الليله.
منصور:راح أرسل لك السواق عالمغرب.
وئام:بعد صلاة العشاء لاني باكون بالشغل و ارجع البيت اخذ شاوور و أنام و تعرف لبس و ميك أب و هالاشياء.
منصور:و لا يهمك، تبين شي.
وئام ببرود:سلامتك.
منصور:باي و قفل.
وئام كشت عالجوال و رمته عالسرير باهمال.
__
بيت ابومعتز
لمياء كانت جالسه مع أمها و خجلانه و امها تزغرط و بفرح:ألف ألف مبروك ياروحي.
لمياء:يمه خلاص ترا أخجل والله.
ام معتز ضربت يدها:يلا بس تخجلين و ذي سنة الحياه و بعدين أنتي بتصيرين أم و أجمل أم.
لمياء حضنت أمها:أنتي والله اللي أجمل أم.
معتز نزل لهم و باستغراب:خير خير وش هالزغاريط، افرحونا.
أم معتز:تعال تعال حبيبي تعال يا خالو و أسمع هالخبر.
معتز أتسعت إبتسامته:أماانه إنك حامل يا بزر.
لمياء كانت مبتسمه و اختفت ابتسامتها لما سمعت كلمة بزر و بزعل:يمممه.
ام معتز:خليه عنك والله هو البزر و الا اللي بعمره تزوجوا وعندهم بزران و أخوك باقي يبي يشبع بحياته.
معتز ضحك على كلام أمه.
لمياء:عز من جد ليه إلى الحين ماقد نويت تعرس.
معتز قلب فمه:باقي ما لقيت فتاة الأحلام.
لمياء:كذاااب.
معتز بحلق عيونه:أنا كذاب.
ام معتز:وش فيكم أنتوا؟
لمياء سكتت بابتسامه.
معتز:عالعموم باسأمحك على هالكلمه بس عشان اللي جاي في الطريق و الا أنتي سوقك طااح.
لمياء:يطيح عندك بس عند أمي و أبوي لا.
معتز بتحدي:نشوف، معزومه أنتي لبيت أبو وليد.
لمياء هزت راسها بايه:ايه و حسون كمان.
معتز بتريقه:حسوون.
داليا ضربته بالخداديه:مع نفسك.
ام معتز:الحمدلله والشكر ، جايبه بزران أنا.
__
بحوش فيلا أبوحنان
حسام كان واقف بسيارته ينتظر خالته و البنات و بسبب ان أبوحنان يطلع من عمله لبيت أبووليد.
انتبه لثلاث بس اللي يطلعون و خالته فتحت الباب:السلام عليكم.
حسام بابتسامه:وعليكم السلام.
أم حنان مدت يدها و هو مسكها و باسها:كيفك يالغالي؟
حسام:بخير.
انقفلت البابين و سلموا رانيا و ساره.
حسام:خلااص.
ام حنان:ايه حبيبي.
حسام:غريبه ناقصين.
ام حنان:وئام معزومه عند زوجها.
حسام كشر:بالله.
رانيا:كان يبينا كلنا بس أبوي اعتذر له و أرسل له وئام عشان يسكت.
حسام بضيق:الله يعين.
__
عند وئام
كانت تكلم أبوها عالجوال و جنبها شنطه فيها سماعه و مايك كان بشكل بروش ذهبي.
حطت السماعه باذنها و علقت البروش و تكلمت:بابا تسمعني.
ابوحنان:ايه بابا سامعك و أنتي.
وئام:إيه تمام التمام.
أبوحنان:متى بتتحركين؟
وئام ناظرت للساعه:تقريباً ربع ساعه و أمشي.
ابوحنان:اوكيه بابا راح يكون معك عالمايك الرقيب عبدالعزيز وراح يكون بينكم الكلام و حاولي قد ما تقدرين تكونين طبيعيه قدامه لا تتوترين.
وئام:حاضر طال عمرك.
ابوحنان إبتسم:يلا انا ماشي و أي شي تحسين فيه أو ما ترتاحين له اطلبي منه الدعم لان فيه دوريات بتكون قريبه من الفيلا.
وئام:اوكيه.
انتبهت لجوالها يرن:بابا الزفت يدق، باي و ردت:آلـو.
منصور:اطلعي للسايق.
وئام:اوكيه ، و قفلت ضبطت نفسها و لبست عبايتها و حطت يدها على الايربيس:أنا طالعه من البيت.
"اهلاً وئام أنا الرقيب عبدالعزيز وراح أكون معك بدال الوالد"
وئام:تمام، أنا طالعه من البيت الان.
عبدالعزيز:لا تخافين إحنا معك نسمعك و نشوف تحركاتك.
وئام:اوكيه، أخذت نفس و طلعت بهدوء و انتبهت للسايق واقف، سمت بالله و ركبت معه و مشوا و كانت تراقب الخط و قلبها يرقع بقوه.
دخلوا من البوابه و استغربت مافيه أي سياره غير سياراته وتكلمت عشان يسمعون:احمم ليه ما فيه سيارات للحين.
السايق:ما يعرف مدام بابا يقول جيب زوجه مال أنا و بس.
وئام:بابا قال فيه عزيمه رجال الليله.
السايق:مافيه معلوم.
عبدالعزيز:وئام وش فيه؟
وئام:شكل ما فيه الا أنا ضيفة هالليله.
فتحت الباب و نزلت.
__
ببيت ابو وليد
الهيصه و الازعاج و السوالف و اللمه كلها هناك و البنات مبسوطين بسهام اللي رجعت لهم و هي شوي مستصحه و باين بوجهها الراحه و الفرح.
رانيا:يعني الزواج هو اللي محليك.
سهام متخصره:وش رأيك؟
رهام:يسعد وليد شكله يأكلك أحسن منا.
البنات:هههههههه.
سهام:ايه اتريقوا مثل ما تبون؟ وبحزن:وينك عني يا حنان.
ساره:بدبي و غاطسه أكثر منك.
سهام:كيف كانت حفلتها أمانه.
رانيا:صورنا لك كل شي.
سهام:ايه بس الصور مو مثل الحقيقه.
رانيا:مبسووطه يا قلبي مبسووطه.
سهام:يا قلبي الله يهنيها دووم.
الكل:آمين.
لمياء:و العقبا لرانيا نفرح فيها.
رانيا:لا حبيبي مرتااحه بالعزابيه و مع أبوي دلع و دلال وش لي وللهم.
سهام:تكلمت المعقده.
لمياء غمزت لها:بيعجبك.
رانيا صدت:لا شكراً.
ساره:لا تحاولين لمياء لاننا قد جربنا من قبل ولا نفع.
ام وليد جت لهم:يلا تفضلوا يا حبايبي عالعشاء.
ساره همست لرهام:مو كأنه بدري.
رهام بهمس:اششش عزيمه ترا مو عرس.
رانيا انتبهت لأم منصور و بحلقت عيونها و ناظرت في ساره:شوفي مين هنا؟
ساره ناظرت و استغربت:وش تسوي هنا؟
رانيا رفعت اكتافها:والله ما أدري ،استودعت الله بنتنا.
__
عند الرجال
حسام يبي يرسل لوئام و متردد مره يكتب حرف و حرفين و يحذفه، خايف يكون منصور جنبها، و قرر يرسل:آلـو وئام
_كيف عزيمتك؟
_طمنيني يا قلبي.
و قفل جواله على أمل إنها ترد عليه.
__
عند وئام
دخلت من الباب وهي ترجف، تعوذت من الشيطان و انتبهت لمنصور:هلا والله و غلا.
وئام إبتسمت و فكت لثمتها و سلمت و مدت يدها تصافحه.
منصور حضنها:فدييت اللي جات ولا كسرت بخاطري ، و باس خدها و طلع صوت و هي بسرعه حطت يدها عالمايك.
منصور بعد عنها و كان بيبوسها بس حطت يدها:ياخي لحظه وش فيك؟
منصور ضحك:وش فيك؟
وئام:أبيي أفصخ عباتي وين أحطها؟
منصور:ارميها بأي مكان و تعالي.
وئام فصختها و لفتها مع بعض و مسكت يد منصور اللي سحبها بقوه:بتكسرني،
و طلعت معه لبرا و انتبهت للحديقه اللي كانت اضاءتها مللونه و عامل لها طاوله قماشها حرير أبيض و عليه شيفون موف و مشجر و كاسات قزاز شفاف و صحنين لشخصين مع طقم الملاعق و الاشواك و ورد بمزهريات قزاز و شفاف.
وئام انبسطت و ناظرت له:كل ذا لي.
منصور حضنها من ورا:أنتي وش رأيك؟
وئام بإعجاب:جمميييله، ضغطت على البروش عشان تقفل الصوت و لفت لمنصور:يعني هالعشاء عشاني أنا.
منصور:أكيد حبيبي.
وئام:طيب ممكن نجلس نتعشا لاني جوعاانه.
منصور:تامرين ،و مشى و سحب لها الكرسي:تفضلي.
وئام جلست و بسرعه ضغطت عالبروش و جاها صوت عبدالعزيز:وئام تسمعيني.
وئام بتصريفه:ايوه....يعني مناسبه خاصه.
منصور:بالضبط أنا و حبيبي بس.
وئام بنبرة تريقه:اهممم.
عبدالعزيز إبتسم على نبرتها.
و بدأ ياكلون و يسولفون و كانت ماره ساعه عليهم، رن جوال منصور و رد:هلا ،إيه تكلم أنا منصور.
عقد حواجبه:متى صار هالشي؟ توتوتو خلاص خلاص أنا جاي بعد شوي و الا إن عندي ضيوف بس ماعليك باتصرف مع السلامه، و قفل.
وئام:خير إن شاء الله.
منصور:كل خير، أعتذر منك عمي طايح بالمستشفى و لازم اروح، تبين أوصلك او أرجع لك؟
وئام:لا لا روح أنت و أنا أنتظرك.
منصور:خايف تزهقين.
وئام:بتطول.
منصور بتفكير:تقريباً ساعه كذا.
وئام:لا روح أنت و أنا بأنتظرك عادي.
منصور قرب وباس خدها وهي غطت عالبروش عشان الصوت.
منصور بعد عنها:يلا باي.
وئام:مع السلامه.
منصور خرج و ناظرت له:و الحين.
عبدالعزيز:لا تتحركين الين نعرف صدق إنه خرج من المكان كلله.
وئام:اوكيه، طلعت جوالها و إنتبهت لرسالة حسام و إبتسمت:هلا، إيه أنا طيبه الحمدلله.
عبدالعزيز:وئام تقدرين تتحركين الحين.
وئام حطت جوالها بالشنطه و أخذتها و دخلت للصاله و بهم:من وين ابدأ.
عبدالعزيز:منصور عنده مكتب تحت حاولي تدخلين و تبدأين تدورين على ملف اسمه غريب.
وئام:غريب كيف؟
عبدالعزيز:يعني يكون مثلا بكلمه انجليزيه و الثانيه عربي.
وئام:اوكيه، و دخلت و بدأت بدروج المكتب تدور و تحوس ولا لقت شي، و بتعب:ما لقيت شي.
و رجعت فتحت أدراج ثانيه ولا لقت شي، دورت برف الكتب اذا كان فيه شي و كمان ما لقت:ما لقيت شي ابدا.
و ناظرت:بس فيه خزنه هنا أحاول افتحها.
عبدالعزيز:اوكيه بس إذا بارقام اتركيها.
وئام قربت وبغبنه:ايه بارقام، بس باجرب حظي و دخلت اربع ارقام ولا دخل.
عبدالعزيز:خلاص اتركيها.
وئام تركتها و لفت و رجعت عالمكتب و تفتش بالاوراق و فجأه سمعت صوت مثل الجلد و نطت بخوف:بسم الله.
انفتح الباب و دخل منصور و بحده:وش تسوين هنا؟
وئام وقفت بخوف:هلا منصور رجعت.
عبدالعزيزانصدم:من جدك أنتي ماجاني بلاغ إنه وصل.
منصور:أنا ما رحت عشان أرجع.
وئام:و عمك؟
منصور قرب منها و ضربها كف و من قوته صرخت و طاحت في الأرض و مسكت يدها ولا انتبهت ان الاير بيس طاح و بغصه:منصور حرام عليك يدي.
منصور نزل لها و مسك شعرها و شده و هي صرخت:اي اي منصور شعري.
منصور هزها:قولي وش تسوين هنا؟
وئام ماسكه يده باليمين و الثانيه رافعتها:بر بردت و دخلت هنا مكتبك بس.
منصور هزها بقوه و ماسك شعرها:كذاابه.
وئام بألم:ما اكذب....... والله.........
منصور:قولي لي أنتي تشتغلين مع أبوك تتجسسين عليي ،و صرخ:قولللي.
وئام بألم:لا لا ما أشتغل مع أحد.
منصور رماها بالارض وطاحت على يدها اليمين و تبكي.
عبدالعزيز فقد صوتها:وئام ردي علي.
الرقيب الثاني:شكلها طاحت الاير بيس.
عبدالعزيز:حتى الصوت فقدنااه ، و يضغط في اللي عنده.
الرقيب:نرسل اللي عندهم بالمكان.
عبدالعزيز:لا يمكن ترجع تكلمنا مثل قبل شوي نعطيها دقيقتين.
منصور جالس:كنت شاك من أول يوم إنك ما تحبيني و ما تبيني، عرفت إنك كذابه ومنافقه و تتعاملين لصالح أبوك، خنتيني مع حبيب قلبك حساام و انا اشوفكم بعيوني و ركبتي معه و لحقتيني تبين تشوفين أنا وين أروح و عند مين؟ و اكتشفتي كل شي، أبوك قتل صديق عمري و يبي ينهي حياتي و مستقبلي و أنتي انتتي خنتيني مع اللي إسمه حسام بس أنا، وقف و أخذ السوط:صبرت عليك كثير و لازم أعاقبك.
وئام لفت بدموعها:منصور أنا.... و بحلقت عيونها يوم شافت السوط بيده و صرخت:لا لا تكففى منصور تكككفففى.
منصور بحقد:والله لاحرق دمك مثل ما حرقتي دمي.
وئام:منصووور.
وضربها طراااخ وضرب الثانيه بظهرها و الثالثه و الرابعه و كل واحده اقوى من الثانيه وهي تصرخ بقوه و تستنجد فيه لكن قلببه حجر ولا سمع لها.
__
ببيت ابو وليد
عند الحريم
أم حنان جالسه تهف على نفسها، أم حسام انتبهت لها:وش فيك يا بنت الحلال؟
ام حنان:ما أدري قلبي قابضني واحس بضيقه ، و نزلت دموعها:أعوذ بالله من الشيطان الرجيم.
أم حسام أخذت مويه و أعطتها شوي و أم حنان طلعت جوالها:كلمي حنان شوفي لها.
ام فهد قربت:وش فيك يا أم حنان؟
ام حنان:قلبي قابضني على بناتي، و تشهق من البكا.
ام فهد:ارتاحي يا قلبي توني مكلمه فهد الحين وهم في الفندق بينامون، وبكذب:و البنات سمعتهم يكلمون بالجوال و يتريقون أكيد على وئام.
أم حسام تهف على وجهها:تعوذي من ابليس.
ام فهد جلست جنبها و مسكت يدها و تقرأ عليها آية الكرسي.
أم حنان بتعب:كلمي حسام و قولي له ابي أرجع البيت.
__
عند منصور
جالس بتعب وهو يشوفها طايحه قدامه وما تتحرك و تون من الألم.
خرج بسرعه و أخذ عبايتها و دخل لها و شالها من الأرض و لبسها و بسرعه شالها و أخذ شنطتها و طلع بالسياره و رماها بالمقعد الخلفي و قفل و مشى بيركب بس وقف على صوت الموظف و لف:طال عمرك.
منصور بحده:وش فيه؟
الموظف:ذا صك الطلاق اللي طلبته.
منصور اخذه:لا تروح الين أجيك.
الموظف:حاضر طال عمرك.
منصور ركب السياره و مشى فيه لين البيت و نزل بسرعه و شالها و مشى فيها و نزلها بهدوء في وسسط الحووش و رمى عليها الورقه و ناظر لها باستحقار:ذا جزاتك، و مشى و ركب سيارته و تركها بالحوش لوحدها.
__
عند ام حنان
مشت مع حسام و بناتها مشوا معها ما قدروا يتركونها لحالها و هي منهاره كذا.
حسام ماسك يدها:اذا تحسين بشي نروح للدكتور ياعمه.
ام حنان هزت رأسها بلا.
حسام زفر و يناظر للطريق:استغفر الله يارب.
رانيا رن جوالها و كان أبوها:هلا يبه، طيبه حبيبي، لا باقي ما وصلنا، ابشر من عيوني، مع السلامه و قفلت.
حسام:خالي يسأل عن عمتي؟
رانيا:ايه، وبمزح:ما يستغنى الحب.
سارة:أكيييد.
أم حنان إبتسمت و حسام إبتسم معها،
أخذ لفة البيت و دخل الحوش و الكل انتبه للي طايح عالارض و وقف حسام و يناظر بتركيز و فجأه شهقت أم حنان:ببنننتي، و نزلت بسرعه.
حسام فتح الباب و نزل معها.
ام حنان تقدمت و بعدت الطرحه و ضربت خدها:وئام ، صرخت:يممه بننتتي وئاااام ردي علي يا أمي رددي عللي.
البنات انهبلوا و خافوا وصاروا يبلعون غصتهم بخوف.
ام حنان ببكا:حسام ما ترد علي بنتتي ما ترردد.
حسام ضرب وجهها و بخوف:وئام تسمعيني، و حط يده عند رقبتها يشوف النبض و كان ضعيف، لف ناظر لعمته:لازم آخذها المستشفى.
ساره شهقت:يممه دم يممه ددم.
حسام انهبل و رفعها من الارض و طاحت العبايه و كان ظهرها كله مخطط و احمر.
ام حنان و بناتها صرخوا بصدمه و حسام انهبل لما حس ان ظهرها كله غرقان ويناظر في يده و أحمر نزلت دموعه غصب و بغصه:لازم المستشفى امشوا معي.
و مشى حسام فيها للسياره ولحقوه و ركبوا معه و حركوا عالمستشفى.
__
بالمركز
قالوا له باللي صار و باللي سمعوه و انها الى الان ما فيه اي خط بينهم و بينها.
ابوحنان بعصبيه:انتوا لما سمعتوا ذا كله ليه ما أرسلتوا أحد يتطمن عالاقل.
عبدالعزيز:مو مثل ما قلت لك سبق و قفلت هي الصوت و رجعت تفتحه.
ابوحنان رن على جوالها و لا كان فيه اي رد:ما ترد ، و قفل و نزله:الحين وش السواة كيف أعرف وش اللي صاير جوا هااه.
رن جواله و اخذه بسرعه و كان رانيا:اللو.
رانيا ببكا:بابا.
ابوحنان عقد حواجبه:وش فيك يا رانيا؟
رانيا:بابا احنا في المستشفى لقينا وئام..... ،و بكت.
ابوحنان بحده:رانيا تكلمي وش فيها اختك؟
رانيا:احنا بالمستشفى تعال بسرعه و تعرف ،و قفلت مو قادره تقول له.
ابوحنان نزل جواله و ناظر لهم:وئام صارت بالمستشفى بنتتي صارت بالمستشفى الحيوان ما أدري وش صلح فيهاا و أنتوا كمان بتتعاقبون ، و صرخ:الله ياااخخذك يا منصوور ، و آخذ أغراضه و طلع.
__
بالمستشفى
واقفين عند باب الانعاش و ينتظرون الدكتور يخرج و كل مره تدخل ممرضه ويخرجون عشر.
أم حنان اللي كانت جالسه من الصدمه كانت تدعي لها:بنتي ياربي احفظها لي يارب بنتتي ما أبيي غيررها يارب احففظهاا.
رانيا واقفه و تبكي و تدعي لها بقلبها.
ساره جنب أمها و تبكي بصمت.
حسام واقف و كل ثوبه دم بعد ما شالها و مسح يدينه بثوبه و بحالة صدمه.
أبوحنان وصل لهم و وقف مصدوم:وين وئام؟
رانيا لما شافته ركضت له وحضنته وبكت.
حسام بغصه:باقي داخخل.
أبوحنان:وش صاير؟
حسام رفع أكتافه:ما أدري جينا عليها وهي مرميه في الحوش و تنزف و فاقده الوعي.
ابوحنان:و الحين؟
حسام:الدكاتره جوا عندها من لما وصلنا.
أبوحنان بعد رانيا عنه و مشى معها لين ما زوجته جالسه:حبيبي نوري.
أم حنان ناظرت فيه:وش تبي؟ اتركني اللي فيني مكفيني.
أبوحنان مسك يدها:أنا معك هنا.
أم حنان شالت يدها و بلوم:أنت السبب كل اللي في بنتي أنت سببه.
ابوحنان بهدوء:اششش اهداي.
ام حنان بصراخ:لا مو اشششش سكت كثير على تصرفاتك ياما قلت لك خرج بنتك من هالسالفه بس انت رفضضت رااكب رااسك و شوف النتيجه.
حسام و البنات استغربوا كلام ام حنان.
الدكتوره طلعت:عفواً أنتوا أهلها؟
ابوحنان تقدم:ايه أنا ابوها.
الدكتوره:وش اللي مسوينه ببنتكم؟ ما بقلبكم رحممه عليها البنت كانت بتفقد حيااتها لولا لطف الله كان بينها هي و الموت تكه واحده.
ام حنان غطت فمها:يمممه بنتتي.
ابوحنان:يا دكتوره بنتي متعرضه لذا كله من خطيبها اللي ما بقلبه رحممه، مد يدينه:و الا يدين ذي ماعمري مديتها على أحد منهم و ربي يشهد على كلامي.
الدكتوره:بنتك يا استاذ غايبه عن الوعي و ما ندري متى بتصحا بكره بعده بعد أسبوع او سنه يمكن ماني عارفه كل مكان بجسمها مضروب وبينزف و واصله لنا جثه، يعني اذا رجعت فتحت عيونها فربي رايد لها حياه جديده.
رانيا:يعني هي ما تدري عن أحد الحين.
الدكتوره:للاسف لا و بتظل بالإنعاش ألين تفتح عيونها، عن إذنكم ، و مشت.
أبوحنان بلع ريقه:و الله ما أخليه الكلب يفلت من يدي.
أم حنان ببكا:وش صار ياعبدالله ليه سوا فيها كذا؟
ابوحنان رفع جواله و قرر يقول لهم و بهمس:منصور تاجر مخدرات، اكتشف إنا مراقبينه و ان زواجه بوئام جزء من الخطه، لف عنهم:هلا عبدالعزيز....
الكل كان بصدمه ماعدا أم حنان اللي تبكي، رانيا و ساره عرفوا أن زواجها من منصور كله عشان خطه بينها هي و أبوها يعني ماتكره حسام و ضحت بحياتها و حبها علشان كذا.
حسام شبك كل الأحداث و يتذكر كلامها بالسياره و انه بيعرف الحين أو بعدين و هذا هو عررف كل اللي مسويته عشان تساعد أبوها و تمسك منصور.
حسام إنتبه لابوه جاي مع خاله و عقد حواجبه و ببحه :أبوي.
ام حنان ناظرت و انتبهت له جاي نحوها و سلم عليهم و إبتسم لأخته وحضنها و بغصه:محمد بنتي بأفقدها.
ابوحسام:اششش لا تتفاولين عليها و ادعي لها.
أم حنان تبكي.
حسام لخاله بحقد:وش بتسوي بتسكت مثل كل مره عالحيوان و الا بياخذ جزااته.
ابوحنان:و أنت وش رأيك؟ بعد ما ذبح بنتي تبيني اتركه ،توني مرسل الحين دوريات يجيبونه من راسه.
حسام:انا ما ابي الدوريات تاخذه، ومن قلب:أنا ابيه قدامي و العب فيه مثل ما لعب ببنتنا أبيي أذبحه بيديني الثنتين.
ابوحسام:و ليه توصخ يدك فيه؟
حسام من القهر اللي فيه مو قادر يمسك لسانه:بكيفي مزاجي أبيي أذبحه أنا.
أبوحسام وقف و مسك أكتافه:و إذا ذبحته وش بيصير فيني أنا و أمك من بعدك؟ و عمرك كمان.
ابوحنان رن جواله و رد:هلا عز.
بحلق عيونه:من جدك انت؟ و صرخ:وين رااح عللمنني.
مسح وجهه:كيف يعني فتشوا لي كل المطارات وجيبوه لي بسرررعه، و قفل.
حسام بتخمين:هرررب.
ابوحنان بحقد:هرب الكللب.
ام حنان:اكيد بيهرب تفكر انه بينتظرك.
ابوحنان يناظر لها.
ام حنان بحقد:لا تطالع فيني كذا انت السببب بكل شي اننت.
ساره:بابا، تقدمت له و اعطته الورقه:ذي لقيتها مرميه جنب وئام.
ابوحنان عقد حواجبه و أخذها و فتحها و قرأ محتواها و قفل عيونه.
رانيا:وش فيه؟
ابوحنان:ورقة طلاق...منصور طلقها.
__
بعد أسبوعين
فتحت عيونها بمهل و هي تحس مثل الحراره بجسمها، كانت الغرفه فاضيه و تحس بحركه جنبها لفت رأسها و شافت أمها تصلي و إبتسمت بحزن.
انفتح الباب و قفلت عيونها و سمعت حس أبوها داخل و هو يقول:لا اله الا الله ، و ينقفل الباب و يمشي و يجلس.
أم حنان سلمت و وقفت و عطفت السجاده و جلست من دون ما تعطيه أي كلمه.
ابوحنان:ترجعين معي البيت؟
ام حنان ببرود:لا.
ابوحنان:ارجعي معي ترتاحين لك يوم و اتركي رانيا تجي مكانك.
ام حنان بزعل:انت بالذات مالك دخل فيني، سمععت.
ابوحنان ابتسم:نوري أدري إنك زعلانه مني و يحق لك، لا تكلميني طيب بس لا توجهين لي كلام مثل كذا الله يخليك.
ام حنان:أنا أبيي أعرف ليه ما تسمع كلامي، قلت لك من قبل شغلك لا يدخل البيت اترك بنتي برا الموضوع ما سمعتني و النتيجه، و أشرت على وئام:هاه بين الحياه و الموت، لها ١٥ يوم على هالحال ولا رمشت حتى رمش واااحد.
ابوحنان:استهدي بالله يا بنت الحلال.
أم حنان تنهدت و سكتت.
وئام إبتسمت و فتحت عيونها وبصوت تعب:أخيراً سمعتكم تتخانقون.
أبوحنان و أم حنان فزوا من مكانهم و ركضوا لها و أم حنان:أمي أنتي فيكِ شي؟
أبوحنان:فديت روحك يا روح روحي، و يبوس جبينها.
أم حنان بخوف:تحسين بشي؟
ابوحنان:ننادي الطبيب؟
وئام ببحه:وش فيكم كذا؟ أبيي بس مويه.
ابوحنان:باروح انادي الدكتور أفضل، و طلع.
__
ببيت أبوحنان
رانيا:أمانه يا ابوي، و بفرح:الله يبشرك بالجنه.
ساره و رهام نطوا من مكانهم:وئام صحت.
رانيا هزت رأسها بايه:خلاص بنجيك الحين، اوكيه مع السلامه و قفلت.
رهام:سامحين بالزياره.
رانيا:ابوي يقول اليوم لا و بكره بيسمحون.
ساره:وش فرق طيب؟ حنا كل يوم عندها.
رانيا:بس صدق لازم ترتاح اليوم دامها فتحت و اللي اتمناه ان امي تجي تنام لها كم ساعه واروح لها انا.
رن الجرس
رانيا صرخت:افتحي يا بالين.
ساره:اكيد حسام.
رانيا سحبت جلال و رمت لساره واحد.
بالين:مين؟ اوكيه و فتحت.
دخلت بابتسامه:يا أهل البيت.
البنات صرخوا:حنااان.
__
يـــتبـــع ——->
