الجزء الثاني
__
وئام قربت جسمها:اهلي و اهلك مو هم اللي يقررون مين ناخذ و مين نرفض و ما يحتاج احلف لك او ابين لك لان...... و سكتت و رجعت ظهرها ورا.
حسام عقد حواجبه:كملي لان وش هو؟
"Excause me"
حسام لف و انتبه للعامل شايل الطلب و ابتسم:اوكيه ثانكيو.
و بدا العامل يرص الصحون و لما انتهى حسام شكره مره ثانيه.
حسام رجع ناظر لوئام:كملي وئام انا انتظر كلامك تنهينه.
وئام بضيق:ما عندي اي شي اقوله.
حسام:اذا ما عرفته الحين باعرفه بعدين.
وئام ابتسمت:قصدك اخواتك و هزت راسها:مو شي جديد.
حسام:لا مو اخواتي أنا اللي باعرفه.
وئام تنهدت و قربت منه و بشجاعه:مو لا زم احلف لك او ابين لك لاني اعرف انه ما يهمك و لو يهمك كان حنا الحين تحت سقف واحد.
حسام رفع حاجبه باستغراب على كلامها:طيب فلتنا ما قد خلصناها و أنا حالف ما تسكنين إلا فيها.
وئام كملت اللي بقلبها:السنوات تمشي يا حسام و أنا صبرت بما فيه الكفايه و ما أعتقد أن عندك حجه لهالشي و يكون بعلمك كثير رفضوهم أهلي بسبب إني مخطوبه و هالشي مو صحيح و صدقني يا حسام أول شخص بيجي يخطب راح أوافق عليه و هالكلام أنا إللي أقوله مو أحد من اهلي.
رجعت مكانها و أخذت الدله و صبت قهوه و أعطت حسام الفنجان بس حسام كان يناظر لها مصدوم من كلامها يعني بيجي يوم و تحتار واحد غيره و الحب اللي بينهم هالسنين بينتهي فجأة و كانه كان ولا شي.
"سلااام"
وئام ناظرت و انتبهت لحنان و سهام:هلا خلصتوا؟
حنان جلست جنبها:ايه خلصنا و بهمس:خربنا عليكم.
وئام همست:الا لحقتي علي ما انذبح.
حنان بحلقت عيونها:وش سويتي؟
وئام:بعدين أقول لك.
حسام تنهد و وقف:وين الباقي؟
سهام:جايين الحين.
حسام بضيق:أنا باروح أتمشى شوي و أرجع لكم.
حنان:حسام و ذا اللي طلبته مين ياكله؟
حسام إبتسم:بالعافيه أنا مالي فيه.
سهام مسكت يده و بهمس:حسام وش فيك؟
حسام:مافيني شي يا قلبي بس ابيكم تاخذون راحتكم و إذا انتهيتوا كلموني.
سهام:اوكيه، خذ راحتك.
حسام ناظر في وئام ثواني و طلع و حنان قربت لوئام:وش فيه؟
وئام قصت لها بكل اللي صار.
حنان بحلقت عيونها:انهبلتي انتي.
وئام ببرود:لا بس اللي بقلبي قلته لمتى يا حنان و أنا انتظر و الناس بدأت تتكلم و أنا أنا باموت ياحنان كل مره اقول لنفسي ما يحبك ما يهتم فيك يحب غيرك. ....... و، سكتت و غطت وجهها.
حنان قربت لها و حضنتها من الجنب:اششش خلاص وئام.
سهام ناظرت لهم و انصدمت:وش فيكم؟ وقفت و راحت لهم و جلست جنب وئام:ايش فيه؟ أنا اصلاً عرفت ان فيه شي من وجهه اللي متضايق.
وئام بعدت يدها عن وجهها و مسحت دموعها:أنا جايه انبسط مو أبكي و أغث نفسي.
سهام:اوكيه حبيبي تعوذي من الشيطان و خذي نفس و تقهوي لك ذي القهوه اللي ريحتها ماشاء الله.
حنان:ايه يلا، و أنتي تعرفين اليوم بالذات ما أبغا أي دموع لانه مميز عندك و أجمل يوم كمان.
وئام مسحت دموعها و هزت رأسها بايه.
#روايات #ريلام
"سلااام، سلاام عليكم"
سهام:اششش نزلوا اصواتكم.
حنان:داخلين زواج.
ساره:آسفين مو قصدنا.
رانيا حطت الاغراض و جلست مكان حسام و نزلت لثمتها و بدأت تاكل.
حنان بحلقت عيونها:هييي بنت انتظري نطلب و بعدها كلي ،ذا لحسام.
رانيا و لا همها:أخذ له بعدين و أنا طالعه.
ساره:لا أحد يكلمها تضاربت مع واحد.
رانيا لفت لها:انكتمي.
حنان:و لييه؟
رهام:هو الغلطان كأنه مو شايفها و ضرب فيها.
وئام بضحكه:صارت طلعتنا مضاربات.
رهام:بس الزين إنه معتز صديق حسام.
رانيا لفت لها ببرود:يصير رجاال.
حنان بصدمه:قابلتوهم.
ساره:قابلنا مين؟
سهام تصرف:بسرعه اطلبوا لأن حسام يقول ما نتأخر باقي ورانا مشوار.
__
عند حسام
اللي جلس بكوفي ثاني و كان يفكر بكلام وئام و كيف إنها كانت جاده بكلامها، تنهد و هو يكلم نفسه:معها حق لمتى تنتظر يا حسام المفروض يكون عندك ولدين بهالسن، بس مستحييل تكونين لغيري وئام مستحيل أشوفك بحضن أحد غيري و يدك شابكه بيده ،غمض عيونه و عقد حواجبه لما احد مسك كتفه لف و انتبه لفهد، ابتسم:هلا و غلا.
فهد:أجمل صدفه، و سلموا على بعض.
و انتبه لمعتز و سلم عليه:أحد قال لكم عن مكاني.
و جلسوا مع بعض و سولفوا.
فهد:اهلك معك؟
حسام هز راسه بايه:أخواتي و بنات خالي.
فهد إنتبه و ناظر لمعتز:ياخي وش فيك؟ باقي مأثره عليك البنت.
حسام عقد حواجبه:اي بنت؟
معتز بضيق:وحده لولا الخوف من الله سنعتها.
حسام:وش لك فيها خلها تروح الله يستر عليها.
معتز بلا اهتمام:مع السلامه.
و رن جوال حسام و رد:هلا سهام، يلا، و قفل:أنا استئذن منكم.
فهد:وين تونا جالسين.
حسام:مره ثانيه إن شاء الله خلوني اخلص منهم و من مشاويرهم و لنا لقاء، يلا مع السلامه.
__
( بيت أبوحسام)
ابوحسام:اسمع بالويكيند بنروح للبر و راح نخيم هناك.
ابوحنان و باله في مكان ثاني:إن شاء الله.
ابوحسام :و كل ذا عشان أمك.
ابو حنان:اي و الله.
ابوحسام عقد حواجبه:عبدالله سامعني.
ابوحنان لف له:إيه سامعك.
أبوحسام عدل جلسته:أنت من مكالمتك اللي قبل شوي و غبت ساعه عرفت أن فيه شي.
أبوحنان إنتبه له:لا لا ما فيه شي قوي.
أبوحسام آشر على نفسه:تكذب عليي، أفا عليك بس.
أبوحنان مسح وجهه و ناظر فيه:أنا بأقول بس أعرف إني باموت من هالهم و هالقرار.
ابوحسام:تكلم قول وش فيه؟
ابوحنان: العمل طلبوا مني إني انقل هنا الرياض.
أبوحسام بفرح:طيب خبر حلو.
ابوحنان:يا محمد الخبر حلو لك و لامي و لساره و لنوره بس مو حلو لحنان و وئام و خصوصاً حنان اللي ما صدقت إنها تنسى زوجها و تعيش، و الا وئام اللي ما تحب المدينه ذي بكبرها ذا اللي شايل همه يا محمد.
ابوحسام:طيب كلمهم بالموضوع و شوف وش بيكون ردة فعلهم.
ابوحنان:اعطيك من الحين وئام مستحيييل توافق.
ابوحسام:و اللي يهم حنان.
ابوحنان:لا الموضوع مو بس حنان يا الكل يوافق يا لا.
أبوحسام رفع اكتافه باستسلام:براحتك.
__
(سياره حسام)
كانت سهام جالسه مع حسام بالمرتبه الاماميه،
و المرتبه الوسطانيه حنان وئام و رانيا،
و آخر مرتبه ساره و رهام.
حسام:ترا أنا عازمكم عالعشاء اليوم و الحين ندور على مسجد و ننزل نصلي و بعدين نكمل للمطعم.
حنان:الله يكرمك يا أبو محمد.
حسام بزعل:ترا زعلت منك لما ما أخذتي غزل.
حنان:بنتي من يوم جت الرياض و هي مع بنت جارنا و الله لو أمي مادريت عنها.
وئام:و غيوثي كمان لا تنسينه.
حنان:عاد أنتي كل شي الا غيوثي.
وئام همست:ابغا البيت متى نرجع.
حنان همست:انكتمي ترا عزومته ذي عشانك أنتي مو عشان وجيهنا.
وئام تنهدت بصوت مسموع و بحلقت عيونها ما كانت داريه بنفسها.
رانيا لفت لها:صلي عالنبي يا شيخه وش ذا كله.
وئام همست:اللهم صلي عالنبي.
حسام ناظر لها في المرايه:وئام شي يوجعك؟
وئام في نفسها:انت والله اللي موجعني، هزت راسها بلا:لا.
حسام كمل يناظر في الطريق و هدى بالسرعه لما شاف مسجد، نزل الكل يصلي صلاة المغرب و رجع الكل يركب ما عدا وئام و رانيا و حنان.
ساره بصوت:انتي وش قصتك مع حرف M.
رهام عقدت حواجبها:اي حرف M.
حسام لفت انتباهه كلامهم و ناظر لهم من المرايه.
ساره:كل جوالك من ذا الحرف ما أدري وش تحسين فيه.
رهام كانها تذكرت و إبتسمت:ذا بعد عيد ميلاد بابا سويت له فيديو و بعدها نسيت امسحها.
ساره تتكلم من دون ما تحس:أنتي و وئام كل ما أفتح جوالها كله H و الا دفتر رسوماتها و الا النوته اتشات و الا اسم حسام بالانجليزي كانكم في مراهقه متأخره.
حسام إبتسم و ناظر في سهام اللي مشغوله بجوالها:وش فيك؟
سهام بغضب:المستشفى يسألوني عن ملف كأن أنا اللي قلت لهم ضيعووه.
حسام:طيب و انتي وش دخلك؟
سهام تأشر على جوالها:قول لهم.
حسام إبتسم:الله يعينك.
انفتح الباب و كانت حنان:المعذره يا حسام تأخرنا عليك بس عشان مسافرين و جمعنا.
حسام:لا ولا يهمك يا دكتوره.
وئام ركبت و جنبها رانيا و قفلت الباب:حنان أبوي دق عليك.
حنان:ما سمعت جوالي دق.
رانيا:تأكدي و أنتي وئام تأكدي.
وئام و حنان طلعوا جوالاتهم و إنتبهوا إن أبوهم دق عليهم.
وئام:أبوي دق.
حنان ناظرت لهم:أنا كمان.
ساره من ورا:و أنا بس ما لحقت عليه.
وئام دقت بسرعه:هلا بابا وش لونك، دقيت؟ عسى ما خلاف.
ابتسمت:بعمري حنا كنا نصلي و مصمتين الجوالات بغيت شي؟ ، طيب حبيبي الله يحفظك، و قفلت.
حنان:وش من علم؟
وئام:يبي يتطمن علينا.
ساره بمزح:فكرت عنده معرس لك.
وئام:انكتمي.
البنات ضحكوا.
رانيا تبي تقطع السالفه:بنات تخيلوا ننقل هنا الرياض.
ساره و رهام:يالليييت.
سهام لفت لهم:أتمنى هالشي و احسه مستحيل.
وئام كشرت:الله لا يقولها.
حسام ناظر لها:و ليه الله لا يقولها.
وئام سكتت.
سهام بضحكه:ردي عليه.
وئام:نفس الاسطوانه.
حسام:أنا متفهم وضعك، عني انا أحب جده لأنكم فيها بس أحب الرياض أكثر لاني عشت فيها.
رانيا:شوفني والده في جده بس أحب الرياض مووت.
رجع دق جوال وئام و ردت:هلا بابا، رايحين نتعشا مع حسام، و بخوف:بابا فيه شي صاير؟ جده فيها شي أمي و عمه ساره طيب، حطت يدها على قلبها و ارتاحت:طيب حبيبي الله معك و قفلت.
ساره نطت لها:وش يبي؟
وئام ناظرتها:جايب لك عريس.
البنات انفجروا ضحك و ساره إبتسمت.
وصلوا المطعم و دخلوا بمكان الحجز و بدأوا يطلبون عشاء.
حسام:إذا بأطلب باستا روبيان تاكلون معي؟
وئام ناظرت له:حسام ناسي إنك تتحسس من الروبيان.
سهام:ايه صادقه.
حسام إبتسم لها:صح نسيت، و رجع ناظر في المينيو.
و كل واحده منهم طلبت لها صنف مختلف و بعد العشاء حسام وقف و طلب منهم يجون يشيلون اللي بعدهم بس طلب من البنات يكونون جالسين و جلس معهم.
ساره:حسام ما نمشي.
حسام:شوي بس عشان نحلي، و ناظر في وئام.
وئام كانت تناظر الجوال و رفعت رأسها على صوت تصفيق و اغنيه HBD و انتبهت للحلا اللي عالطاوله و مكتوب إسمها بالشوكولاته و إبتسمت،انتظرت لين خلصوا من الأغنيه و صفقوا:شكرًا من قلبي، أنا نسيت ان اليوم عيد ميلادي و أتمنى انه ما أفقد حسكم بحياتي يارب و ناظرت في حسام:و اسفه اذا غلطت عليكم بيوم من الايام و احبكم.
البنات صفقوا لها و حسام قال لها:كل سنه و انتي سالمه و العمر كله يارب.
وئام بابتسامه:و أنت سالم يارب.
ساره باستهبال:لا حسام.
رانيا ضحكت بسخريه:هاهاهاها ما تضحك.
ساره همست:كذا اللي نفسيه.
رانيا طنشتها و صارت تاخذ لها من الحلا.
__
(البيت)
ابوحسام:يعني أنتي ما عندك مشكله.
ام حنان ببرود:لا بس ،و ناظرت في زوجها:البنات.
ابوحنان بضيق:مو هم اللي شاغلين بالي.
ابوحسام:البنات أبوهم بيتفاهم معهم و يكلمهم، وقف:فين ساره؟
ام حنان:مع عيال حنان فوق دايخين نوم و هي معهم.
ابوحسام:عن إذنكم، و مشى.
ام حنان لفت لزوجها:عبدالله أنت متأكد من قرارك.
ابوحنان:غصب عني و الا ما بغيت هالنقل مضططر.
ام حنان متفهمه شغل زوجها و بابتسامه:وين ما تروح انا معك.
ابوحنان ابتسم لها و مسك يدها و باسها:الله لا يحرمني منك و من حسك بحياتي.
ام حنان:آمين.
انفتح الباب و لفوا و شافوا البنات داخلين و مبسوطين.
ساره بصراخ:سلام يالحب.
أبوحنان مبتسم:هلا هلا.
البنات سلموا و جلسوا.
حسام:أنا عن اذنكم بأطلع.
ابوحنان:لحظه يا حسام ابيكم بموضوع.
حسام وقف مكانه.
أبوحنان يمهد لهم الكلام:كيف انبسطوا؟
ساره:ايه الحمدلله.
حنان:اي والله و كل الشكر لحسام اللي غير علينا جو.
رانيا:نردها لك بزواجك.
حسام ضحك بخفه.
ام حنان ناظرت له:تسلم حبيبي.
حسام رفع اكتافه:ماسويت شي.
ابوحنان:الله يسعدكم جميع،
اخذنفس:شوفوا أنا لما جيت هنا ما كنت أدري بأي شي و كل تركيزي إنا جايين عشان أختكم و عشان تنبسطون و تغيرون جو.
البنات يناظرون له يكمل.
ابوحنان كمل:و ربي اذا أراد بشي حنا ما نمتنع عن قضاءه و قدره و نقول عنه خير.
وئام بخوف:تكلم يا بابا لان قلبي صار بمعدتي.
ابوحنان إبتسم:الكل بخير و بصحه بس الموضوع يتعلق بشغلي.
حنان بحلقت عيونها:فنشووك.
أبوحنان:لا حبيبي.
رانيا:رقوك بمرتبة عقيد.
أبوحنان ضحك:لا لا شكل شغلي ماثر على حياتكم.
ساره:قول بابا وش فيه.
أبوحنان:كل اللي قلتوه مو مضبوط بس....،سكت و ناظر في وئام:تم نقلي هنا بالرياض.
البنات سكتوا
وئام لما استوعبت صرخت بصدمه:نعععم.
ساره نطت:اخيراً.
رهام بفرح:الله يبشرك بالجنه يا خالي.
سهام و حسام:ألف مبروك.
حنان مصدومه:لحظه لحظه.
الكل سكت.
حنان:متى صار هالكلام؟
ابوحنان:اليوم العصر، بس أنا ما قد رديت لهم أي قبول الين اشوف رأيكم أول و يهمني و غصب عني كمان.
ساره رفعت يدها:موافقه.
رانيا:أنا كمان.
أم حنان رفعت يدها:و أنا كمان و ٣ ضد ٢.
ابوحنان:وئام وحنان اللي متوقع انهم ما راح يوافقون.
حنان:لا يبه مو معناته مو موافقه بس متفاجئه كذا من دون انذار تم نقلك و فتحت لنا الموضوع ووو بس.
ابوحنان:و أنتي يا بابا (وئام).
وئام ناظرت له و ساكته.
ابوحنان:انا اسمعك.
وئام ببرود:تجاوبني بصراحه.
ابوحنان:اللي تبينه اسويه.
وئام:وش سبب النقل؟
ابوحنان إبتسم:قضيه مو قادرين يحلونها لها حول ٣ سنوات.
وئام:و ما أحد بالدنيا غيرك بيحلها.
حسام:وئام هالشي طبيعي لانه ضابط و رتبته عاليه هذا غير الأخبار اللي طلعت عنه و تكريمه و الأشياء الثانيه اللي أنتي عارفتها.
ابوحنان:يا بابا والله لو ما أنتوا موافقين انا باقدم اوراق اعتذار بس قلتها لكم مجبووور.
ساره و رانيا:لا يا بابا لا والله.
حنان ببرود:اللي يريحك.
الكل يناظر وئام تتكلم.
وئام بنفس البرود:اوكيه.
ابوحنان:يعني موافقين.
حنان وقفت:أنا اذا تسمح لي أفكر بالموضوع و أرد لك بكره.
ابوحنان هز رأسه بطيب.
حنان:عن إذنكم و أشرت لحسام و سهام و طلعت.
حسام وقف و وقفت سهام معه:عن إذنكم و طلعوا ورا حنان.
رانيا حست ان فيه شي و لحقت وراهم.
ساره بتعب:أنا باطلع أنام.
رهام:خذيني معك، وسحبتها ساره.
أبوحنان ناظر في أم حنان اللي أشرت له على وئام.
ابوحنان:حبيبي وئام.
وئام قاطعته:انا موافقه بس بشرط.
ابوحنان:لك اللي تبين.
وئام:شرطي هو..........
أبوحنان و أم حنان انصدموا من شرطها.
__
(الدور العلوي)
حنان دخلت غرفتها هي و وئام و نادت على سهام و حسام، جلست على سريرها:أول شي أنا مصدومه.
سهام جلست جنبها و حسام جلس مقابلها على كرسي وئام.
حنان ناظرت لحسام:أنا في حلم.
حسام:حنان ندري هالشي بياثر عليك بس أنتي قويه.
حنان تنهدت و هزت رأسها:أنا أحس إني محتاره.
رانيا دخلت عليهم:عارفه وراكم إجتماع.
سهام إبتسمت لها.
رانيا:وش ردك؟
حنان:ما ادري.
سهام:عادي اتكلم.
حنان ناظرت لها:قولي.
سهام:أنا اشوف نقلكم الرياض بيكون أحسن، اولا و قبل كل شي عشان جدتي و ثانيا عشان خالي عبدالله احس كل راحته هنا و ثالثا عشان و ضحكت بخفه:وئام تاخذ عالرياض و تتحاول تتاقلم قبل زواجها و...
رانيا قاطعتها:خليهم ينخطبون لبعض اول.
سهام:مو عشان كذا اقول لك كيف بنخطبها منكم و أنتوا بجده و حنا بالرياض، المهم... رابعا عشان عيالك و أهل أبوهم شوفي نفسك لما تجين الصيف تضطرين تودينهم و يجلسون اسبوع و الا اسبوعين و بعدين تتمشورين لهم و عذااب فأنا لو مكانك والله أوافق و أنا مغمضه.
حنان تضايقت.
حسام بهدوء:الحين حنان أنتي وش الشي اللي مايخليك توافقين.
حنان:ولا شي.
حسام:طييبب.
حنان:بس إذا أنا وافقت وئام بترفض أبوي يوقف معها دائمًا.
كلهم سكتوا.
حسام إبتسم:خلوا وئام عندي.
رانيا:تراها وئام و تراك ما تعرفها زيين.
حسام:لا ما عليك عارفها.
حنان:دام كذا اذا أنا موافقه.
البنات فرحوا و حضنوها
"مجتمعين عند النبي ان شاء الله"
لفوا و شافوا وئام عند الباب
و دخلت بهدوء و وقفت عند سريرها:وش معكم؟
حنان:وافقتي و الا باقي.
وئام ببرود:ما قلت شي الين يوافق على شرطي.
رانيا بضحكه:الله يكفينا الشر و وش هو شرطك؟
وئام جلست:اطلعي منها لاني ماراح اقول لك.
سهام بفرح:حنان موافقه.
وئام ناظرت لها:صدق.
حنان:ايه و كله عشان جدتي و عيالي.
وئام قلبت فمها:توقعتك بترفضين لاني وافقت.
رانيا بطفش:وافقت و رفضت كانكم مثل الخطابات.
وئام:انتوا تدرون ابوي لو يطلب عيوني ما أقوله لا و ظروف شغلي كمان ما اقدر اقول الجواب النهائي الين يخلص العرض.
رانيا:و انتي ماوافقتي الا لما قبل شرطك.
وئام هزت رأسها بايه و وقفت.
حسام:وش هو الشرط؟
وئام ناظرت له و ناظرت للبنات و بشجاعه:نسكن في العليا.
صرخوا كلهم:لااااااا.
رانيا بعصبيه:والله انك مريضه.
حنان بحزن:بعيييده العليا.
سهام:ليه يا وئام؟
حسام وقف بقهر و بحزن:العليا و ليه؟
ابتسم على جنب:يعني كل ما اقول تقربين لي تبعدين اكثر، كل ما اقوول بتصيرين قدام عيوني تهربين، و بحزن:ليييه؟ ليه يا قلب حسام ليه؟
اشر على نفسه:واللي خلقني و خلقك اني احبك و احب قربك و اني مجنون لو بعدتي عني اكثر.
وئام بلعت ريقها و ساكته.
حسام باستسلام:الله يسامحك، و طلع.
وئام ناظرت للبنات:إذا فيه باقي سواليف اطلعوا برا أبغا أنام وراي دوام، وفكت لثمتها و عبايتها و اخذت روب الحمام و دخلت تتسبح.
سهام تنهدت:الله يستر بس، وقفت:أنا باروح انام عن اذنكم.
حنان وقفت:تجين نشوف للعيال.
رانيا تنهدت و طلعت معها.
__
(صباح جديد)
عالساعه ٩ كان الشيبان صاحيين يفطرون و معهم حسام اللي وراه جلسه بالمحكمه.
نزلت وئام و انتبهت انه قاعد معهم و لفت لثمتها عليها و عدلت عبايتها و شنطتها و نزلت و بهدوء:صباح الخير.
الكل ابتسم:صباح النور.
ابوحنان لف:تعالي افطري حبيبي.
وئام: مالي نفس والله.
ام حسام:تعالي حبيبي اعمل لك ساندوتش و احط لك كوب شاهي.
وئام رفعت يدها:تسلمين عمه مالي في شي.
أبوحسام:يبه ما يصير تروحين من دون اكل.
وئام تصرف:أنا بأمشي مع السواق لشغلي، يلا في أمان الله.
ام حنان:تروحين من دون فطور.
وئام:مااابيه، و ناظرت في حسام اللي كان يفطر بهدوء و مشت:مع السلامه.
ابوحنان وقف:ساره اعطيني الساندوتش و الشاهي.
أم حسام ناولته اللي طلب:تفضل.
ابوحنان:مشكوره و طلع يركض.
حسام تنهد و مسح فمه و وقف:أنا كمان بأمشي.
أم حسام:وش فيك؟ خلص صحنك.
حسام ارسل لها بوسه:شبعت يا جنتي، يلا في أمان الله و طلع.
ام حنان:الله يحفظكم.
ابوحسام:كلمتوا البنات عشان موضوع النقل.
ام حنان هزت رأسها بايه.
ام حسام:بشري.
ام حنان:وافقوا كلهم.
ابوحسام و ام حسام انبسطوا:زين، حلو حلو.
ام حنان:وئام شرطت على ابوها تسكن في العليا.
ام حسام انصدمت:من جدك.
ابوحسام إبتسم:قويه بنتك.
ام حنان:اللي قاهرني ان أبوها مواافق.
ام حسام:الله يهديه وهو يعرف انه بيكون بعيد عن أمـي.
__
(أبوحنان)
لما طلع و شاف وئام تركب:يا بابا لحظه.
وئام لفت له:لبيه.
ابوحنان:خذي حبيبي كلي في الطريق.
وئام كشرت:مالي نفس والله.
ابوحنان:ماعليش عشان خاطري.
وئام:أبشر من عيوني، و أخذته و باست خده:يلا مع السلامه.
ابوحنان:الله معك، و انتبه لين ركبت و مشت.
حسام:تبي شي يا خالي؟
ابوحنان ابتسم له:لا تسلم.
حسام لف بيمشي بس وقف لما قال خاله:حسام سواقكم ثقه.
حسام:ايه يا عمي، ليه؟
ابوحنان:أسأل لانه جديد.
حسام ابتسم و عرف انه خايف على بنته، ركب سيارته و المقطع يتكرر في راسه حرك من البيت و مشى ورا سيارة السواق و كله عشان يتطمن هي توصل أو لا.
__
دخلت وئام بمكان شغلها و إنتبهت لمديرتها اللي واقفه و تنتظرها،ابتسمت لها:وئام وينك؟
وئام تقدمت و باستها خدود:المعذره عالتاخير.
المديره:لا حبيبتي جايه عالوقت.
وئام و كأنها ارتاحت:اشوا.
المديره:يلا تعالي ندخل لمديرة الفرع.
وئام:توكلنا على الله، و دخلوا سوا.
__
بالبيت
حنان كانت نازله و معها عيالها وصبحت عليهم.
غزل حضنت جدها:أبويه صباح الخير.
أبوحنان اللي حضنها:صباح النور حبيبي.
غزل تخصرت:كيف تفطر من دوني.
ابوحسام متخرفن:جعلني فطوور.
أبوحنان:عشانك نايمه.
حنان:يلا غزل تجلسين.
غزل لفت و شافت أمها ساحبه كرسي لها، مشت لها و جلست.
أبوحنان:وش فيك مصحيتهم بدري؟
حنان:ابيهم يفطرون عشان بنروح لعمتي.
أبوحنان:خليها لبكره.
حنان:بكره عمتي بتروح مكه و لازم أروح لها اليوم و أجي بالليل، طبعًا بعد إذنك.
أبوحنان:أبوي أنتي اذا كذا براحتك.
حنان بحب:الله لا يحرمني منك.
__
عند حسام
اللي وصل لشغله و كان توه داخل و يسلم على الموظفين و يسولف معهم و يضحك، لف لواحد يناديه:حسام الـ(....).
حسام لف و عقد حواجبه:نعم.
كان الرجال يتنفس بقوه و وجهه باين عليه الغضب و الحقد، رفع المسدس على حسام:قلت لك إني بأنتقم منك حتى لو تروح المرريخ.
حسام بحلق عيونه:يابن الحلال اهدا و .....
حسام ما امداه يكمل الا و الرجال يضغط على الزناد و صوت الطلق يتردد صداه بالسيب.
__
عند وئام
طاح الفنجان من يدها و سمت المديره.
وئام بخوف:المعذره والله.
المديره:انكسر الشر حبيبتي.
وئام مسكت رأسها و غمضت عيونها.
المديره قربت:وئام انتي بخير.
وئام ابتسمت لها:ايه الحمدلله.
المديره:طاح الشر حبيبتي.
و تغير الموضوع:شوفي يا قلبي،،،الفرع اختار مصممات غيرك من فروع ثانيه و أنتي ان شاء الله راح يكون يوم العرض الكبير اللي هو الثلاثاء والاربعاء.
وئام بابتسامه:إن شاء الله.
المديره تكمل:طبعا الازياء اللي حنا اخترناها راح تكون صيف وشتاء ٢٠١٨ و راح يكون ختام العرض باجمل فستان فرح صممتيه عندنا بدار الازياء.
وئام:أنتي ما تعرفين يا أستاذه قد أيش أنا مبسوطه بهالنجاح، مبسوطه لأني حققت حلمي و مفتخره لاني متدربه تحت يدك.
المديره:حبيبي أنتي نجاحك هو سبب تعبك يا قلبي.
وئام همست:الحمدلله.
__
بعد الظهر
وئام وصلت البيت و دخلت و انتبهت لازعاجهم و سوالفهم و كشرت من صداع رأسها اللي يوجعها... دخلت بهدوء و سلمت.
الكل سكت و رد السلام.
وئام لما شافته نزلت لمستواه و فتحت يدينها عشان تحضنه و بسرعه نط لها و ضحكت بخفه:حبيبي أنا،
شالته و نزلت لثمتها و جلست.
ابوحنان:كيف دوامك؟
وئام:الحمدلله تمام.
ام حنان:متى حفلك؟
وئام:الثلاثاء و الاربعاء، اليوم داومت بس عشان اشوف الخطه وش هي؟ و من بكره راح أداوم دوامين.
ابوحسام:الله يوفقك حبيبي.
ام حسام:الحين نقدر نحضر عرضك.
وئام إبتسمت:ايه تقدرون لانه بس بيكون نسائي بس فيه تصوير يعني بعباياتكم.
ساره:و ايش بتستفدين منه؟
وئام:انشهر حبيبتي و اصير مثل المصممين المعروفين.
رانيا:اخس عليها اللي بتصير صديقة ايلي صعب.
وئام تبسمت لها:ان شاء الله أطلع أحلى منه.
ابوحنان بثقه:اكييد.
وئام وقفت:عن اذنكم باروح اناام راسي بينفجر.
الكل صار يرد عليها:الله معك، نوم العوافي، اذنك معك.
ابوحنان:تغديتي يا بابا.
وئام من دون ما تلف له:ايوه أكلت قبل ما اجي(و هي كذابه لان مالها نفس)، و قبل لا تطلع لفت لهم:وين جدتي؟
ام حسام:مرتاحه في غرفتها حبيبي.
وئام هزت راسها بطيب و صعدت لفوق و فتحت الباب و دخلت و لما شافت سريرها فكت العبايه و انسدحي بملابسها اللي ما غيرتها.
__
عند حسام
اللي وصل للبيت و اخذ نفس، كيف بيدخل لهم بهالوقت و هو كان بيموت بين يدين شخص قبل كم ساعه.
<<<<<
حسام قفل عيونه و فتحها و شاف الشرطي اللي بسرعه ابعد يد الرجال لفوق و اطلقها بالهوا، اخذ نفس و هو يلمس نفسه و كان الزملاء حوله و يسألونه:حسام أنت بخير، تحس بشي، أنت جاك شي.
حسام و يحس نفسه ضايع:ايه ايه بخير.
و يناظر للرجال اللي يصارخ و يبغا يضربه، رفع صوته:لحظه لحظه خله يجي مكتبي.
واحد من اللي جنبه:مجنون أنت خله يروح.
الثاني:كان بيذبحك يا ابن الحلال.
حسام:أبي أفهم منه وش صاير و ليه سوا كذا و اذا تركته ما راح يتركني انا.
حسام ناظر للشرطي:خله يجي لمكتبي.
الشرطي سحب المسدس من يد الرجال و صار يفتشه و ناظر لحسام:مافيه اي شي.
حسام إبتسم للرجال اللي هدأ شويه بس نظراته نظرات حقد، مد يده:تعال مكتبي أنا و أنت نتفاهم لوحدنا.
الرجال مشى بهدوء لحسام و حسام مشى قبله و فتح الباب:تفضل و دخل قبل حسام، حسام غمز للشرطي و همس:خلك واقف هنا.
الشرطي هز رأسه بطيب و وقف جنب الباب.
حسام رد الباب و دخل:تفضل تفضل، وش تحب تشرب؟
الرجال بعصبيه:أنا مو جاي أشرب أنا جاي أقول لك ليه سويت فيني كذا.
حسام عقد حواجبه:أنت مين و وش سويت لك أنا؟
الرجال آشر على نفسه:أنا عبداللطيف ال.... تذكرني.
حسام يتذكر هالاسم اللي يمكن قد مر عليه و بحلق عيونه:انت زوج عبير ال...
عبداللطيف بغصه:أنت عرفتني الحين بس ليه خليتها تخلعني،،،،،انا أحبها و الله أحبها.
حسام بهدوء:كيف تحبها و أنت طاقها.
عبداللطيف بحزن:و الله ما صاار والله، كل هالمسرحيه سوتها لانها ما تحبني و أنا رجال على قد حالي بس أنا أحبها و أعشق الأرض اللي تمشي عليها و الله أحبها، و نزل راسه.
حسام تنهد:عبود انت لازم تعرف ان ربي اراد هالشي قبل ما تتكلم و مكتوب من يوم انك ببطن امك و اللي خلق عبير خلق غير عبير.
عبداللطيف:يعني وش هو؟
حسام:يعني اذا هي ما تبيك غيرك يتمنااك.
عبداللطيف:بس أحبها.
حسام:حتى لو كنت تحبها يمكن عبير كانت لك درس بالحياه و إذا كملتوا مع بعض كان أنت إلى الحين تتعذب لانها عايفتك و الا جبتوا عيال و تاخذون ذنبهم إثنينكم و أسباب أنت تعرفها ما يحتااج اقولها لانك عارفها كوويس.
عبداللطيف بلع ريقه و إبتسم.
حسام كمل:(و عسى ان تحبوا شيئا و هو شراً لكم).
عبداللطيف هز راسه و وقف و مد يده:شكراً و آسف عاللي سويته.
حسام صافحه:ان شاء الله زيارتك الثانيه لي تكون دعوة زواجك.
عبداللطيف:إن شاء الله، و توادع حسام منه و طلع.
جلس حسام و هو يتنهد و بدا يشتغل باوراقه وعدت عليه ١٥ دقيقه و دخل عنده الشرطي و وجهه مخطوف:استاذ حسام.
حسام ناظر له:هلا.
الشرطي ما يعرف كيف يقول له بس سمع صوت الاسعاف.
حسام عقد حواجبه و وقف:وش فيه؟
الشرطي:الرجال اللي عندك صدمته سياره و هو طالع من هنا ووو اعطاك عمره.
حسام بحلق عيونه و مشى بسرعه لبرا و انتبه للرجال اللي متجمعين و بعدهم:شوي لو سمحتوا، وقف بصدمه لما شافه ممدد عالارض بدمه و كان مبتسم.
حسام انهبل و لف بسرعه وجهه و بغصه:لا اله الا الله، انا لله و انا اليه راجعون.
>>>>>
مسح وجهه و نزل من سيارته و قفلها و توجه لباب البيت و كان متردد يدخل او يرجع السياره، فتح الباب و دخل و سمع اصوات البنات و صرخ:يااولد.
ابوحسام:لحظه يابوي.
البنات استغربوا من جيته الحين و بهالوقت وقفوا كلهم و طلعوا لفوق ماعدا سهام.
ام حسام:تعال حبيبي.
حسام دخل لهم و سلم و جلس بتعب.
ام حسام:وش فيك حبيبي ليش جاي بدري؟ عسى مو تعبان.
حسام ناظر لها:لا والله مو تعبان.
اكتفى بهالكلام و ابتسم.
ابوحسام اللي يعرفه زين:شكلك متخانق مع احد.
حسام هز راسه:لا والله بس كنت باموت اليوم.
ام حسام ضربت صدرها:ولدي اسم الله عليه.
حسام:يمه وش فيك؟
ام حسام بغصه:ما تسمع كلامك.
ام حنان:حبيبي وش صار لك؟
حسام قال لهم بالسالفه كلها و هم انصدموا و حزنوا عالرجال.
حسام وقف:أنا باروح ارتاح بغرفتي.
سهام:ماتبي تتغدا.
حسام هز راسه بلا:من وين لي نفس، يلا عن اذنكم. و طلع و هو يسحب رجوله سححب من بعد اللي صاير له اليوم.
