الا ليت قلبي لم يستجب لحبك

الجزء الرابع عشر

الجزء الرابع عشر و الاخــيــر
__
حنان ضحكت بخفه و مشت لها رانيا وحضنتها والبنات حضنوها.
حنان:يا فديتكم كم وحشتوني؟
رانيا بعدت عنها:و أنتي أكثر.
ساره تناظر:وين عيالك؟
حنان:خليتهم مع فهد وجيت مع السواق، ومشت تجلس:وين أمي وأبوي؟
رانيا و البنات أختفت إبتسامتهم.
حنان صرخت:يمه يبه ويننكم أنا جيت.
رانيا:مافيه أحد منهم في البيت.
حنان بابتسامه:طالعين مع بعض.
البنات ساكتين.
حنان:اوكيه و وئام وين؟
رانيا ببرود:ماهي فيه.
حنان عقدت حواجبها:بنات وش فيكم كذا؟
و بشك:احد صاير له شي؟ و بحده:تتكلمووا.
رانيا:منصور طلق وئام.
حنان بحلقت عيونها:كذاابه.
رانيا كملت:طلقها بعد ما كانت عنده بالبيت وكان عازمها عالعشاء واكتشف انها تشتغل مع ابوي عشان تتجسس عليه و يمسكونه، بس الحيوان نزل فيها ضرب الين كانت بتموت علينا.
حنان مصدومه وتسمع لرانيا.
رانيا:صار لها خمسة عشر يوم غايبه عن الوعي وتوها صحت قبل ساعه.
حنان همست بصدمه:مستحيل، وبهدوء:ليه ما قلتوا لي؟
رانيا:كيف نقول لك وأنتي عروس.
حنان بعصبيه:و إذا كنت عروس يعني تخبون علي اللي صاير بأختي.
رانيا:خلاص وهذا أنتي عرفتي.
حنان:بأي مستشفى؟
ساره:بنفس المستشفى اللي تشتغلين فيه.
حنان فتحت شنطتها وتدور على جوالها.
رانيا:حنان أبوي يقول مافيه لها اليوم زياره عشان ترتاح و ترا ما أحد يدري بوضعها.
حنان رفعت جوالها:يقول لكم أنتوا بس أنا لا، و بغصه:ايه فهود وينك؟
تنهدت:تجي لبيت اهلي تمرني الحين، وئام بالمستشفى، وكملت وقصت له اللي صار.
__
عند وئام
أمها تحاول فيها تاكل وهي مثل البزر لقمه واحده و الثانيه و الثالثه يالله تكملها.
ام حنان:افتحي فمك.
وئام حاطه يدها و بتعب:ما أبيها خلاص.
أم حنان:بس ذي الواحده.
وئام برفض:ولا عاد أبيها مررره.
أبوحنان:خلاص يا نوره.
ام حنان ناظرت له وحطت الملعقه بقوه وبحده:هذا بدال ما تحاول فيها تاكل تدافع معها.
أبوحنان ابتسم:والمريض ماله بالاكل.
وئام عقدت حواجبها من الالم:اخخخ.
ابوحنان فز:وش فيك بابا؟
وئام:لا بس يدي توجعني.
ام حنان:ترا مو مفروض إنك جالسه كذا، لازم على بطنك.
وئام:ولا ابي حتى انسدح، تنهدت:عندي طلب.
ابوحنان:عيوني أنتي تامرين.
وئام:يبه طلعووني من هنا.
و هالكلمه كانت على دخلة حنان الي قاطعتهم و هي تناظر فيهم و إبتسمت:يا عمممري أنتي.
الكل بفرح نادوا اسمها و هي بسرعه ركضت لابوها وحضنته وباست رأسه ويده وأمها حضنتها بقوه وسلمت عليها و راحت لوئام:ألف سلامه عليك ياقلبي. و حضنتها وحطت يدها على ظهرها و هنا وئام صرخت:آه حنناان.
حنان بعدت بسرعه:وش فيه؟
ام حنان:ماعليش يا أمي مسكتي عالجرح.
حنان عقدت حواجبها:وش جرحه؟ ترا أنا بس سمعت إنك هنا انهبلت و جيت مع فهد قاطعين كم اشاره.
ابوحنان و ام حنان سكتوا.
وئام لفت بظهرها:ذي قصدك؟
حنان شهقت بقوه:يممه وش ذا؟ الله ياخخذذه.
وئام:شي بسيط.
حنان:وش شي بسيط أنتي بعد.
وئام بأبتسامه:مو ذا اللي يوجعني، اللي يوجع صوت السوط اللي انضربت فيه و اللي باقي احسه بأذني ماراح، وبغصه:صوت توسلي له بانه يوقف وهو رافض قلبه حجر صوت بكاي و صراخي كللها ذي هي اللي توجع أكثر من الجرح.
حنان نزلت دموعها:حسبي الله عليه.
وئام بلعت غصتها:الله يقلعه مني وبس، لفت لابوها:ابي أكلم حسام عشان أرفع عليه قضية خلع.
حنان:ترفعين قضية خلع وهو مطلقك كيف كذا؟
وئام ناظرت لابوها:صدق طلقني.
ابوحنان مسك يدها:ايه بابا بس قلنا نعطيك الاخبار بمهل.
وئام بابتسامه:طيب هذا أجمل خبر المفروض انك بشرتني فيه و ازغرط كمان و ارقص لو الوضع يسمح.
الكل:ههههههه.
وئام:طيب قولي اللي بعده و الأجمل.
ابوحنان:وش هو؟
وئام:حبس منصور اكيد مسكوه بعد ما أعترف لي.
أبوحنان سكت.
أم حنان بضحكه:للاسف هرب مثل الدجاجه و أبوك و ناظرت له:وش أقول؟ و ناظرت لوئام بتريقه:ماشاء الله عليه لحقه مثل الذيب.
أبوحنان بزعل:نوورره.
وئام ابتسمت:اوكيه، دامك هنا يا حنان أبيك تصلحين معي بين أمي و أبوي.
حنان ضحكت:ههههههه أما متزاعلين.
وئام:والله جد متزاعلين.
ابوحنان:هي اللي زعلانه مني و تسبني أنا ماقد قلت لها كلمه تزعلها.
ام حنان:زعلانه و ما راح أرضا أبداً.
وئام و حنان:اوووه.
ابوحنان غمز لها:آخر عمري بناتي يتريقون عليي بسببك.
وئام إبتسمت:ترا ابوي ماله دخل باللي صار لي و أنا اللي حطيت نفسي بهالشي.
أم حنان:هو كان يقدر يمنعك و غصب عنك.
ابوحنان:و أنتي ما تعرفين عناد بنتك.
حنان:اي والله كيف قدرتي تسوين كل ذا؟
وئام إبتسمت:قدرت و خلاص.
حنان:كنتي تكذبين علينا و على نفسك طول هالوقت.
وئام تذكرت حسام:اللي صار صار.
حنان باعجاب:صراحه شجااعه..... ، وشهقت.
الكل:وش فيك؟
حنان وقفت:نسيت فهد برراا.
وئام:هههههههههههه.
أبوحنان وقف معها:الله يهديك، و راح يفتح الباب.
حنان قفلت الستاره.
ام حنان:وش فيك تقفلين؟
حنان:مو بالعده هي.
ام حنان إبتسمت:ما عليها عده وهي ما راحت عليه.
وئام:الا حنان قفلي ما أبيه يشوفني كذا.
حنان قفلت الستاره.
و أبوحنان:هلا حياك تفضل.
إبتسم:هلا حسام أدخل يابوي.
"سلام، وين وئام؟"
وئام إبتسمت لما سمعت صوته.
بالجهه الثانيه كانوا سوالف و فهد وحنان زعلانين عليهم و أن ما عندهم خبر بهالشي و أبوحنان يرد عليه بان ماحبوا احد يعرف باللي صار لها.
حسام كشر:مافيه أخبار عنه يا خالي.
أبوحنان أستغرب:أخبار عن مين؟
حسام حك راسه من ورا:المشكله ما أبغا أقول اسمه.
فهد بضحكه:منصور.
حسام كشر أكثر.
ابوحنان:لا والله ما به اخباار و لا يعرفون وينه؟
حسام:حتى المكان اللي قلت لك عليه.
أبوحنان:ذاك المكان من ليلة الحادث فضي تماماً.
حسام:وين راااح أبيي أعرف ووويين راااح؟
فهد:مصيره بينمسك.
حسام:اااخ لو امسكه بيدي هنا يعتبر شهيييد.
ام حنان:ايه ايه انت بعد كمل على اللي طايحه علينا و خل المصيبه تصير ثنتين.
اندق الباب و وقف حسام يفتح و كان قدامه بوكيه ورد:مرحبا.
حسام:اهلاً.
مدها له:تفضل هذي للمريضه وئام.
حسام أخذها:شكراً و قفل الباب، استغرب:حنان امسكي.
حنان:ذي لي أنا.
حسام:لا لوئام.
حنان اخذتها و دخلت فيها لوئام:وررد و حركاات من مين؟ و غمزت لها.
اللي جالسين مبتسمين على كلام حنان.
وئام فتحت الكرت:من فهد.
حنان شهقت بقوه و طلعت له.
فهد من اللخمه رفع اصبعه:و الله ما أرسلت لها شي.
وئام تضحك:تعالي يامجنونه صدقتي.
حنان:وجع يوجع العدو.
وئام بضحكه وتعلي صوتها المبحوح:تعالي اسمعي.
حنان:هاه سمعينا.
وئام ضحكت:لا تفكرين ان اللي صار وقف لهنا، و تنحنحت عشان يبين صوتها:لا يا ماما مصيري إنتقم منك و من أبوك، منصور.
حنان بتكشيره:الله ياخذه.
أبوحنان جا لها:وين أرسلها؟
وئام أعطته الكرت و حنان أخذت الورد منها و مشت وكبته في الزباله:ما ناخذ من صراصير ورد، توه يتذكر يجيب لها و أول ما كانت ورده تدخل من باب بيتنا.
أبوحنان:هذا ناوي على شر و لازم ننتبه من الحين.
وئام قلبت فمها:صار كل شي عندي متبللد فيسوي اللي يبيه.
أبوحنان يناظر لها بحزن:لا تخافين انتي خلص دورك هنا و هذا درس لي اذا عاد دخلت شغلي بيتي.
حسام:خالي ممكن تجي شوي.
أبوحنان طلع:نعم.
حسام:أنا قبل لا أجي كلمت أبوي بالموضوع و قلت له إني بأكلمك دام وئام صحت.
وئام عقدت حواجبها باستغراب.
أبوحنان:وش يا أبوي.
حسام إبتسم:أنا أبيي وئام شريكة لحياتي و على سنة الله و رسوله.
__
(بعد ٤ شهور)
كانت صعبه و متعبه على وئام و على أهلها بسبب علاجها النفسي و السلوكي اللي تغير ، كوابيس اكتئاب توتر و قلق عاشتها بهالشهور و لأن الكل كان معها فكانت تتحسن بالتدريج، و باليوم الحالي كانت تناظر شكلها بالمرايه بإعجاب و أصابعها تتخلل بين شعرها و تقرب وجهها للمرايه عشان تشوف اذا فيه غلط بالمكياج أو لا، أخذت نفس و فتحت الباب و انصدمت لما شافت أخواتها واقفين و بنات خالها كمان و رافعين جوالاتهم يصورونها وبنفس واحد:ألف الصلاة و السلام عليك يا حبيب الله محممد و كللوش.
إبتسمت بفرح:يا حبايبي أنتوا.
البنات صاروا يصرخون:مبررووك.
حنان مسكت يدها:يلا ننزل لا تتأخرين على حسام.
سهام:أي والله موصي أول ما توقعون تنزلين له.
رانيا غنت:مبروك مبروك ياحياة قلبي مبروك ، ونزلوا الدرج و تصفيق و تصفير و غنى و زغرطه كل أنواع الفرح صايره لهم الليله وكله عقد وئام وحسام اللي اخيراً صاروا لبعض و اللي كانوا ينتظرون هاللحظه من زمان.
استقبلتها تحت أمها اللي حضنتها بحب و تبارك لها وعمتها اللي تفكر إنها أسعد أم بالدنيا و من لايمها و حسام وحيدها ، و بأصوات زغاريطهم عبوا البيت.
سهام مسكت يدها:يلا تعالي.
حنان:لحظه لحظه.
سهام:شوفي ذا كله أمر من زوجها أنا مالي دخل.
رانيا:اتركي يدها و خليه يجلس شوي نرقص لها هنا كم رقصه و بعدها نوديها له.
رهام:لا لا تروح الحين عشان ما تصير حرب.
أم حنان مسكت يد وئام و أشرت لسهام:الحين تروح.
سهام غطت على عيون وئام بقماش و وئام نطت:بسم الله الرحمن الرحيم ، و تتحسس عليه:وش السالفه؟
رهام:الحين تعرفين.
وئام بلعت ريقها بخوف:بنات ترا انا أخاف من الظلام.
ام حنان:انا هنا معاكي يا حبيبي.
وئام بترجي:يممه الله يخليك لا تتركيني لحالي.
حنان:وئام كلنا معك ما أحد تاركك.
تذكر الكل بعد آخر حادثه لها صارت تخاف انها تكون وحدها او تجلس بالظلام و كله هذا ناتج نفسي و اللي كانت تتعالج منه كل هالشهور حتى الجروح اللي بظهرها اخذت وقت عشان تلتئم و تختفي.
سهام:يلا امشي معايا.
وئام إبتسمت:والله شكلي باطيح على وجهي.
سهام:لا أنا معك.
و مشت لين الباب و وقفت والتفتت لرهام و رهام أعطتها الاشاره و دخلوا سوا.
سهام إنتبهت لحسام اللي جاء و إبتسمت لما آشر لها تسكت.
حسام اكتملت فرحته بشوفتها و قرب و مسك يدها:يسلمو أم عزوز.
وئام ابتسمت.
سهام بفرح:ربي يوفقكم حبيبي ، و طلعت.
حسام بس انقفل الباب قرب لها و باس خدها و بهمس:مبروك ياروحي.
وئام بابتسامه:الله يبارك فيك.
حطت يدها تبي تبعد القماش بس حسام رفع يدها و منعها:لا لا.
وئام بتكشيره:حسام طفشت منه.
حسام:الحين بافكه بس خليك واقفه، و باس أنفها و خدودها.
وئام بضحكه:تمام بس بطل تبوس.
حسام شغل موسيقى و جاء وراها و حط يده على القماش:Ready.
وئام:yes.
حسام فك القماش و حضنها:سبرايز.
وئام فتحت عيونها و شافت مفاجأة حسام لها و بصدمه:ذا لي كلله.
حسام هز رأسه بايه و بابتسامه:لك أنتي وبس.
كان كل الغرفه معبيها وررد أحمر و عامل لها قاتوه مستطيلة الشكل و فيها صوره لهم بسن الطفوله و مكتوب عليها:We get married.
هذا غير الشموع اللي كانت بالارض و معطيه منظر جميل.
وئام لفت له:أحبك ، و بغصه:و الله أحبك.
حسام:اشش وحضنها:إلا دموعك ما أبيها تنزل بوقت فرحنا.
وئام إبتسمت:الله لا يحرمني حسك بحياتي ، و حضنته بقوه.
حسام شد عليها:ولا منك ياروح حسام، و باس جبينها.
وئام بعدت عنه وهي تهف على نفسها ما تبي تبكي.
حسام تركها و فتح الباب:يلا رانيا.
رانيا جات و هي لابسه طرحتها:أحد ناداني.
حسام بابتسامه:حياك.
رانيا دخلت و بيدها الكاميرا و قفلت الباب:ناخذ كم صوره.
وئام تذكرت:متفقه معه و قبل شوي تقول نرقص و بعدين نوديها له.
رانيا إبتسمت:كلنا متفقين عليك.
حسام:يلا عشان العيال ينتظروني بالمجلس.
وئام لفت له:بتروح لهم و تتركني.
حسام ناظر لها:لا و الله بس هم جالسين بالمجلس مع أبوي و خالي و قلت لهم لا يروحون قبل لا يذوقون كيكة فرحنا.
وئام:دام كذا اوكيه.
رانيا:يلا عشان نصوركم أوقف حسام جنبها، و بدأت تاخذ رانيا صور لهم.
رانيا:كذا تمام.
حسام:يعطيكِ العافيه.
رانيا:يلاا تقطعون الكيكه عشان بنوزعها.
وئام مسكت السكين و يد حسام على يدها و قطعوها.
حسام أخذ قطعه بيده و حطها عند فمها:رانيا تكفين واحده.
رانيا بسرعه رفعت الكاميرا و لقطت الصوره و كانت وئام منزله رأسها و تضحك بخفه و حسام مبتسم ومقرب الكيكه من فمها.
وئام:لحظه ترا القطعه كبيره ، و فتحت فمها بمهل و قضمت لها قطعه صغيره.
حسام:حبيبي وش ذا.
وئام:ما أحبها بس أكلها عشانك.
حسام همس لها:ضعييفه ، و باس خدها.
وئام إبتسمت له.
رانيا قربت و بدأت تقطع الكيكه.
حسام بضحكه:إنتبهي لا تتضاربين معها.
رانيا ضحكت بخفه.
_
عند الرجال
سوالف و طقطقه على حسام و سالفه تاخذ سالفه.
أبوحسام و كانه تذكر:الا اقول لك صدق اللي سمعته عشان موضوع رانيا.
أبوحنان:سم.
معتز اللي سمع اسمها بس ترك جواله و عدل جلسته و يناظر له يكمل.
ابوحسام:موضوع فصلها.
ابوحنان:اي والله فشلتنا الله يهديها.
ابوحسام:وهو بعد ما لقا يخطب الا بشغلها.
ابوحنان:بعض الشباب الله يهديهم فاسخين الحيا.
فهد بابتسامه:أنا سمعت من حنان إنها انفصلت بس ما قالت لي السبب.
أبوحنان:شاب دخل عندهم بالريسبشن و طلب موعد و شاف رانيا ساكته و قرب منها و طلب إنه يخطبها و رانيا ما تحملت الموضوع شبت فيه و لمي اهل المركز كلله و أفصلها يالمدير بعد ما سبته بكم كلمه.
وليد صفر.
فهد ضحك.
ابوحسام:و بنتك لسانها من أول طولان عالرجاال.
ابوحنان:و ما صدقت انها فرغته لأحد و حسيت ان عقدتها ذي زادت من بعد حادثة أختها.
ابوحسام تنهد:الله لطف و انفصلت احسن من اي شي ثاني.
ابوحنان:اي و الله.
معتز ابتسم:شكلها اكثر وااحده متعبتك.
ابوحنان ابتسم:الشكوى لله بس.
معتز في نفسه:اوكيه ياتشيز كيك نشوف وش بتسوين؟
انتبه لحسام يدخل و بيده صحن و يصرخ:خلاص رانيا خليه عندك و الا ناولي فهد، و آشر له.
فهد وقف بسرعه و راح اخذه من يدها:تسلم يدك.
و دخل و حطه عالطاوله و وزع للي جالسين.
فجأه سمعوا صوت صراخ الحريم.
ابوحنان:الله يهديهم مع ذاالصراخ.
ابوحسام:اي والله.
حسام واقف و يسمع صراخهم، حط الكيك:يبه تدخل تشوف.
ابوحسام:خللهم اكيد متخانقين على  شي أو يلعبون.
حسام قرب للباب و بحلق عيونه:و الله ان واحده طايحه عليهم جوا و يصحون فيها و رجع سمع و ناظر لابوه:ينادون ع سهام يبه تكفى روح شوف لها.
وليد خاف:حسام بلا وسوسه.
حسام خرج و نادا:رانيا وش فيه؟
غزل خرجت له:خالو حسام خاله سهام طاحت علينا.
حسام:وش فيها طيب؟
غزل:ما أدري ماما عندها، ودخلت للرجال:أبويه محمد أمي نوره تبيك عشان خاله سهام طاحت علينا.
أبوحسام وقف و وليد وقف معه وطلعوا سوا.
ابوحنان:اللهم اجعله خير، ووقف وطلع.
فهد:غزل وين ماما؟
غزل:معاهم جوا تكشف عليها، وطلعت مع جدها.
فهد:اللهم اجعله خير.
__
عند الحريم
وئام لما سمعت الصراخ طلعت بسرعه ودخلت وهي خايفه:وش فيكم؟
رانيا:ما أدري يقولون طاحت كذا.
وئام تناظر لحنان اللي ترشها بمويه وتسمي عليها.
انتبهوا لصوت حسام ينادي رانيا.
رانيا لوئام:بعلك يناديني.
وئام:ذي المشكله انه يناديك وانا مهمشني.
رانيا ضربتها:لا تظلمينه وهو مفكر انك باقي بالغرفه، صرخت:لا احد يدخل يا حسام.
ابوحسام دخل لهم:وش فيه؟
حنان:صحت صحت.
أم حسام:بسم الله عليك.
أبوحسام:يلا عالمستشفى.
سهام بتعب:لا لا مافيني الا العافيه.
حنان:طيب انتي شفتي وجهك اول عشان تقولين ما فيني الا العافيه.
سهام عدلت جلسته:لاني ما قد أكلت شي من الصبح.
ابوحنان:وش فيها؟
"يا جماعه أبغا طريق عشان اتطمن "
وهذا كان صوت وليد اللي خلا البنات يدخلون للغرفه.
حنان وقفت واخذت جلال صلاه وجلست جنبها.
حسام:ندخل؟
ابوحسام:تعالوا.
حسام ووليد دخلوا وأم حسام وقفت:تعال حبيبي.
وليد:خليكي يا عمه.
ام حسام:خلك جنبها.
وليد جلس:وش فيه؟
حنان:وليد لا تكلمها وخذها على طول المستشفى.
وليد:و الله صار لها يومين مرريضه وأقول لها مستشفى تررفض.
حسام:الله يهديك بس.
سهام حست بدوخه ومالت على وليد ومسكها بسرعه.
ابوحسام:لا ماينسكت عالوضع.
ام حنان جات و أعطتهم كوب برتقال:اشربي ذا الكوب.
سهام بعدته:ما ابيه.
أبوحنان بحلق عيونه:يابنتي ليه تعاندين؟
سهام:مو عناد والله بس ما أقدر افهمووني.
حنان بابتسامه:وليد أنا باجيب لك العبايه و شيلها للمستشفى يكشفون عليها و ترتاح.
وليد وقف:وهذا هو، مسك يدها و وقفها معه:يلا.
حسام:أمشي معك؟
وليد:لا لا خلك مع زوجتك.
حسام ابتسم:طيب خذ عز معك.
وليد:ولا ابي أحد كثر خيركم.
سهام بزعل:الحين أروح و أخلي فرحة حسام اللي ما صدقنا عليها.
حسام قرب و باس جبينها:غدا يا روحي و شوفيك فرحتي معنا و المهم عندي صحتك و نتطمن عليك.
حنان لبستها العبايه و وليد ودعهم و أخذها وطلع.
أبوحنان:و وين وئام؟
حسام تذكر:أيوه وين وئام؟
حنان:جوا مع البنات، و مشت لهم و فتحت الباب:وئام كلمي أبوي.
رانيا:كيف سهام؟
حنان:آخذها وليد للمستشفى.
رهام:لا عاد.
حنان إبتسمت:لا تخافون ذي علامات ، و بهمس:حمل
وئام بفرح:يارب ، و طلعت لهم و إبتسمت لما شافت حسام جالس و يضبط الشماغ ومبتسم لاهله.
وئام:مين طلبني؟
لفوا لها كلهم و أبوحسام وقف لها و سلم عليها و بارك لها.
وئام تناظر وين تجلس؟
حسام فسح لها مكان صغير جنبه:تعالي.
وئام ابتسمت:ما يكفي.
ابوحنان:تعالي جنبي.
وئام ابتسمت و جلست بين أبوها و خالها.
أبوحسام:حسام قال لك الزواج بعد شهر.
وئام طيرت عيونها و ناظرت لحسام:لا ما قال لي.
حسام أتسعت إبتسامته:هاه و عرفتي الحين.
وئام رفعت يدها:احتتتتجج.
حسام اختفت ابتسامته:ليه؟
وئام:ماعليش بس ناسي عندي شغل و لازم ارتب له من قبل عشان أنا بنفسي اتفضا لتجهيزي و لزواجي و كل شي.
أم حسام:قلت لك لا تستعجل.
أبوحسام:يعني متى تبينه؟ و بمزح:بعد سنه تقريباً.
وئام فهمت:ايه كذا أحسن.
حسام انهبل:هيييه وش سنته؟
وئام:أحسن من شهر اللي ما أعرف يدي من رجلي.
حسام:شهرين و غيره ما أزيد يكفي الخطبه طولت.
وئام:لا نحدد الين أشوف الشغل يا حسام.
ابوحنان:و أنا رأيي من رأيها.
حسام باستسلام:اوكيه ،وقف:أنا بأروح للعيال، و مشى.
أبوحنان:تفضل.
وئام وقفت وهمست:ززعل.
أبوحسام بضحكه:الله يعينك الحقيه.
وئام مشت له بسرعه و مسكت يده:تعال أبيك.
حسام إبتسم و فك يده:بعدين بعدين بأروح للعيال الحين.
وئام:و الله ما تروح الين أكلمك، قفلت الفاصل.
حسام تنهد و وقف قبالها:ترا و الله زعلت من كلمتك.
وئام مسكت يدينه:و الله ما قلت الا الصدق.
حسام مرره لسانه على شفته السفليه:طيب.
وئام:اذا تبيه بعد شهر فأقول لك من الحين بيتنا ما عاد تدخله الا بعد زواجنا.
حسام بحلق عيونه فيها:انهبلتي.
وئام:و الله كذا العادات عشان أطل لك بطله حلوه في الزواج.
حسام:و أنتي تفكرين باسوي مثلهم.
وئام:أجل.
حسام:لا طبعاً.
وئام:إذا خلاص بعد ٣ شهور زواجنا يمدي نخلص أغراضنا و أغراض البيت و نطلع و نروح مع بعض.
حسام بتفكير:اممم أفكر.
وئام بتعب:حساااام.
حسام إبتسم و قرب منها و رفع راسها و باسها بشفايفها و بعد بابتسامه:تمام بس مو معتمد.
وئام صنمت مكانها ولا حتى رمشت.
حسام:وش فيك؟
وئام بعدت عنه شوي.
حسام همس:أقدر أروح الحين يا نبض حسام؟
وئام:ايه ، و لفت عنه و دخلت للصاله.
حسام إبتسم لما عرف انها خجلت و مشى.
__
بالمستشفى
وليد واقف و ينتظر برا و سهام طولت عند الدكتوره.
انفتح الباب و فز بسرعه و شافها الدكتوره و بخوف:طمنيني دكتوره وش فيه؟ ليه تأخرتوا كل ذا الوقت.
الدكتوره بابتسامه:المعذره بس كنا نتطمن و نعمل الواجب.
وليد:طيب وش السالفه؟ وش فيها؟
الدكتوره:روق طيب و اهدأ.
وليد:باهدأ إذا قلتي لي.
الدكتوره:مبروك الدكتوره سهام حامل.
وليد إبتسم و بفرح:امااانه.
الدكتوره:و الله اذا مو مصدقني ادخل لها.
وليد انحرج:لا مصدقك والله بس تعرفين....
الدكتوره قاطعته بضحكه:تفضل.
وليد:مشكوره، و دخل لسهام اللي كانت منسدحه و تناظر في الفراغ و ماحست بوليد الا و يطبع بوسه فوق راسها.
سهام ابتسمت و ناظرت له.
وليد همس:الف مبروك يا بعد الدنيا كللهااا.
سهام مسكت وجهه:يبارك بعمرك حبيي.
وليد مسك بطنها:اخيرا بيصير لي ضنا.
سهام:إن شاء الله.
وليد رفع راسه:الحمدلله و الشكر لك يارب.
__
بيوم جديد، ببيت فهد
كانوا جالسين بعد الغداء يتقهوون و حنان جايه لهم و مبتسمه و الجوال بيدها.
فهد انتبه لها و ابتسم:دووم هالابتسامه.
حنان:بااين مررره.
ام فهد:شكل معك اخباار زينه.
حنان شالت غيث و حطته بحضنها:اي والله معي و توني مقفله من سهام وخبرتني بانها حامل.
ام فهد و فهد انبسطوا و فرحوا لها و دعوا لها هي و وليد.
ام فهد:يلا تشيطيري و جيبي لفهد و لك.
فهد:لااا الوقت قدامنا.
أم فهد ناظرت له:وش وقته جيبوا لكم و أنتوا باقي أعماركم صغاار.
حنان:و الله هو يا خالتي اللي ما يبي.
فهد:ايه ما ابي و غييث باقي صغير لو كمل ٤ سنين قلت لك احملي.
ام فهد:وش هالكلام الله يهديك من اللي ما يبي الضنا.
فهد بهدوء:يمه يا قلبي مسألة وقت بس عشان عمر غيث ما يسمح الحين.
ام فهد:ما بيضيع يا أمك شوف عيال عمتك واحد ورا الثاني ماشاء الله و حولها و حواليها.
فهد كشر:بكيفهم يممه، و ناظر لغيث:تبي نجيب نونو؟
غيث هز رأسه بلا:نونو لا.
فهد ضحك:خلاص الشيخ غيث ما يبي.
حنان سكتت.
أم فهد تضايقت:براحتكم.
__
ببيت ابوحسام
أم حنان و بناتها عاملين زياره لهم و كل جلستهم ذي عشان تخطيطات لزواج وئام و حسام.
سهام اللي جالسه جنب أمها:وئام ممكن طلب؟
وئام ناظرت لها:امريني.
سهام:نفسي في كيكتك حقت التمر.
وئام ابتسمت و اشرت لها:من عيوني.
رانيا:اجلسي تبي تتعبك.
ساره:الا دلع و ليه ما تقومين انتي.
سهام:الحين قلت رانيا و ساره و الا قلت وئام.
رهام لرانيا و ساره:انتوا وش دخلكم بين الحماوات.
وئام:خلاااص، وقفت:باروح أنا بس تعالي رهام طلعي لي المقادير.
رهام وقفت:أبشري ،و مشت مع وئام.
ام حنان:اسمعي اللي بعيد نرسل لهم دعوات بالجوال و القريب نرسل لهم كروت دعوه.
ام حسام و كأن زانت لها الفكره:اي والله أحسن.
سهام لرانيا:بتجي حنان؟
رانيا:تقول جايه بالطريق.
ساره:ما تحلا الجلسه الا بحنان يعني.
سهام بابتسامه:يب.
رن الجرس.
رانيا:وصلت حنان.
فجأه انفتح الباب و قال بصوته:يممه.
رانيا و ساره نطوا أخذوا طرحهم و لفوها عليهم.
أم حسام صرخت:ادخل يا حبيبي.
حسام مشى و إبتسم و سلم عليهم و لما شاف سهام:فددديتها الأم.
سهام إبتسمت:فديتك أنت.
حسام باس رأسها و جلس مكان وئام:كيفك؟
سهام:تمام.
حسام بإستغراب:وش هاللمه المفاجئه؟
رانيا:عشان عررسك يا حظي.
حسام:اها، ناظر لعمته:يا عمه وش رأيك بالقصر اللي اخترناه.
ام حنان:مرره حللو حبيبي و موقعه حلو بالوسط.
رانيا بفرح:الله يسعدك حسام ذاك القصر أمووت عليه.
ساره:فخخم و مرتب.
حسام بابتسامه:و وئام عجبها؟
سهام:ما بادرت بأي كلمه.
حسام اختفت إبتسامته:أفا، ليه؟
سهام:عادي حبيبي مثل أي عروسه أهم شي فستانها و مسكتها.
رهام طلعت من المطبخ.
حسام بحلق عيونه:مستحيل إنك طالعه من المطبخ.
رهام جلست:كنت مع زوجتك في المطبخ و السبب ذي، و أشرت على سهام.
حسام:وش طالبتها يا سهام؟
سهام بحزن:كيكة تمر.
حسام ضحك:وش فيك تقولينها بحزن؟
"الله ياااخذك"
كانت هذي صرخة رانيا اللي خلت الكل يلف لها مصدوم.
ام حنان:رانيا وصمخ.
سهام:وش فيك؟
رانيا و هي راصه على أسنانها:فيه عندي مشكله بالجوال هنا، و تضغط عليه بحقد.
رن الجرس...
سهام بلهفه:أفتحوا أكيد حنان.
ام حنان بضحك:وش فيك لا يكون متوحمه عليها.
سهام:والله مشتاقه لها.
ساره:توكم قبل يومين كنتوا مع بعض.
دخلت حنان و غيث معها اللي مشى قبلها و سلمت.
سهام:تعالي بسرعه أحتاج حضضن.
حنان ضحكت.
"يا جعلها تررحب ملايين"
وئام طلعت من المطبخ و شافت غيث ولد حنان ولا انتبهت لحسام.
غيث إبتسم و مشى لها.
وئام مسكت قلبها و بتعابير حزن:ما أتحمل أنا عالكشخه واللبس، نزلت لمستواه و فتحت يدها و حضنته و باست خده بقوه و رجعت حضنته و شدت عليه.
حسام بزعل:اييه و أنا و عيالي وش خليتي لنا.
وئام بحلقت عيونها:متى جيت؟
حسام:من زماااان.
وئام ابتسمت و بعدت عن غيث و وقفت و مدت يدها له و مشت له و صافحته:كيفك؟
حسام مد يده بابتسامه و صافحها:تمام و أنتي يا روحي كيفك؟
أم حسام:تسلمين عليه كذا؟
وئام جلست و ببرود:قدامكم كذا.
سهام غمزت لها:امي تبغا اللي مو قدامنا.
حنان مدت يدها لوئام:كيفك؟
وئام انتبهت و بسرعه مدت يدها:هلا و غلا.
حنان جلست:كيفكم؟
الكل:بخير، الحمدلله، طيبين.
حسام همس لوئام:انتي عاجبك القصر و الا نغيره.
وئام عقدت حواجبها:اي قصر.
حسام:اللي بنسوي فيه زواجنا.
وئام:لا ليه نغيره مافيه شي.
حسام:متأكده.
وئام قربت وباست خده بخفه:المهم ان الزواج يعدي و نكون بعدها مع بعض.
حسام ابتسم لها بحب.
ام حسام :وئام وش لون مسكتك؟
وئام ناظرتها:لسى ما اخترت، ليه؟
ام حسام:متى تختارين ابي اسوي الطاولات بلون يليق على فستانك ومسكتك.
وئام بحلقت عيونها:بهالسرعه يا عمه.
ام حنان:ايه يا ماما عشان ما يصير شهر الا و احنا مكملين كل الطلبات.
وئام:اوكيه بس إلى الحين ما أدري ما أخترت الفستان ولونه هل بيكون أبيض ثلجي أو سكري أو.....
حسام قاطعها باعتراض:لا لا أبيه أبيض.
حنان:الحين يمه شوفوا لكروت الدعوه و كم بتدعون و الباقي بعد كم أسبوع نحجزه.
أم حسام بتفكير:صادقين.
وئام وقفت:بأشوف للكيكه.
أم حنان بتفكير:وش رأيك نعزم أم منصور.
أم حسام رفعت اكتافها:بكيف....
وئام قاطعتهم لما لفت و بعصبيه:ولا يطري لكم تعزمونها ولا يطري لكم، و بحده:سامعين.
ام حنان نست وجودها:أبشري حبيبي.
وئام بعصبيه:الا هالأشكال ما تحضر زواجي، و مشت.
ام حنان مسكت راسها:يا ويلي على نفسي اكلتني بقشوري.
ام حسام ضحكت.
سهام:من لايمها يا عمه.
رانيا:اي والله وش لنا علاقه فيهم يكفي اللي جاء أختي منها هي و ولدها.
حنان:قفلوا عالموضوع لان خلصناا مننه.
الكل سكت.
رانيا وقفت بتعب من الازعاجات اللي توصلها بجوالها و دخلت واحده من الغرف و بسرعه دقت على رقمه و لما جاه صوتها:انتوا وش تبون في حياتي، ياخي انقلع أكرهك و أكره جنس آدم اللي يشبهك كللله.
كلمها بصدمه:ذا جوال رانيا.
رانيا بهدوء:ايه أنت مين؟ و بعصبيه:يعني بالله ما تستحون على وجيهكم يوم انكم ترسلون لبنت صوركم و تزعجونها بالاتصالات و كل واحد منكم عنده اخت و......
رد عليها:لحظه لحظه.
رانيا سكتت.
اخذ نفس:ووه فقعتي طبلة أذني.
رانيا بهدوء:أنت مين؟
ابتسم:أنا معتز.
رانيا بحلقت عيونها:معتز.
معتز:ايه، انصدمتي صح.
رانيا تخصرت:مين أعطاك رقم جوالي؟
معتز:باباكي.
رانيا:كذااب.
معتز سكت.
رانيا حطت يدها على فمها:Sorry.
معتز:ما كذب والله يوم قال لي بتاكل بوجهك.
رانيا ابتسمت:طيب وش بغيت؟ و ليه ماخذ رقمي من جوال أبوي أقصد أعطاك رقمي.
معتز:اوكيه أجلسي عشان تفهمين مني.
رانيا ناظرت في الغرفه كلها:وش عرفك إني واقفه.
معتز إبتسم و كانت الكلمه طالعه منه لا شعورياً:اعرف كل شي عنك بس اجلسي و اسمعي لاني مشغوول و ابغا اخلص.
رانيا جلست:أسمعك.
معتز:انتي مطروده من الشغل صح.
رانيا:ايه.
معتز:و أنا عرفت من حسام أن عندك شهاده جامعيه و لقيت لك شغل بمدرسه خاصه و لازم تباشرين من يوم الاحد لهم و تقدمين لهم كل أوراقك و اهم شي السيره الذاتيه حقتك.
تنهد:أنا كلمت ابوك على طول و علمته بهالوظيفه و طلب مني اني اقول لك عشان يعني تستحين مني و تفزين على رجولك و تدورين على وظيفه.
رانيا:اوكيه شكرًا عالمساعده.
معتز همس:تشيز كيك.
رانيا:وش هو؟
معتز:لا سلامتك بس طمنيني اول باول عشان هالوظيفه و تعالي ابي اسألك مين اللي يرسل لك صوره.
رانيا:يصير خير و شكرًا لك، و قفلت.
معتز ناظر في الجوال بصدمه و ابتسم:ما عندها وقت.
رانيا طلعت من الغرفه و انتبهت لحسام متوجه للمطبخ و جلست مع اهلها.
_
عند وئام
اللي دخلت بتكشيره للمطبخ وشافت للفرن اللي باقي شغال، تنهدت و مسكت رأسها و لفت تعمل الصوص لانها ما تبي ترجع لهم و هي مكشره و متضايقه.
حسام دخل للمطبخ و شافها معطيته ظهرها و مشغوله باللي في يدها، مشى بهدوء و حضنها من ورا و حط ذقنها على كتفها و بهمس:وش فيك؟
وئام بهمس:هلا يا نبضي ولا شي.
حسام باس خدها و همس:ما ابي شي يضايقك و خصوصاً سيرة التبن و أمه.
وئام بلعت ريقها و ناظرت له:تدري متى أرتاح، إذا سمعت بانه مات أو مسكوه و حكموه مؤبد ذا اللي صدق بيريحني و يمنع عني كوابيس الليل اللي باقي تزورني و باستمرار.
حسام حضنها:ان شاء الله حبيبي يمسكوونه بس أنتي انسي.
وئام بعدت عنه:أحاول.
حسام مسك ذقنها و رفعها له:أحبك.
وئام ابتسمت له:و أنا أكثر.
حسام غمز لها:تجين معي غرفة جدتي.
وئام حمرت من الخجل:حسام عيب.
حسام همس:وش عيب و أنتِ صرتِ ملكي و حلالي.
وئام بابتسامه:لبى حلالي و ملكي اللي الله يخليه لي، لفت عنه:أجلس عشان بأسوي ذا الصوص للكيكه و أبيك تحكيني كيفك مع شغلك؟
حسام جلس جنبها:الشغل تمام التمام الحمدلله، و أنتي؟
وئام:ماهم مقصرين صاروا هم اللي يضبطون كل شي بعد أوامر الاستاذه أماني.
حسام:إيـه سمعت من عمتي إنها ما قصرت معك.
وئام تنهدت:بنت حلال، سمعت منبه الفرن:اووه خلصت الكيكه.
حسام:إنتبهي يا نبضي لا تحترقين، و طلع جواله.
وئام طلعت الكيكه و إبتسمت بنجاحها و حطتها عالطاوله:وش رأيك؟
حسام ناظر لها و للكيكه:تسلم يدين اللي سوتها.
وئام:الله يسلمك، قطعتها بمهل و تناظر لحسام اللي يناظر لجواله و كيف ملامحه بين الابتسامه و الهدوء و كيف يمسح على وجناته و ذقنه، و إبتسمت بحب حطت الصوص عالكيك و وزعته بسرعه و نثرت عليه لوز مبشور و خلت الصينيه و مشت لحسام و حضنته من ظهره و ناظرت له و ناظر لها و إبتسم.
وئام باست بشفايفه و بعدت عنه و شافت كيف كانت نظرته نظرة تفاجئ و همست له:أنت في يوم قلت لي ليت قلبك ما استجاب لحبي، و أنا أقول لك الحمدلله أن قلبي ما استجاب إلا لحبك أنت.
حسام إبتسم لها و رجع باسها بحب.
__
ببيت فهد
اللي كان جالس بغرفة النوم و يخلص أوراق لشغله قبل دوامه، حنان كانت جالسه مقابله له و بيدها كرتونه و تلفها.
فهد تنهد و رفع يده يحركها يمين ويسار و ناظر في حنان و إبتسم:اذا فيك نوم نامي أنا باقي مطول.
حنان إبتسمت و وقفت و مشت له و جلست عالطاوله و رمت الكرتون قدام فهد و بهدوء:فهد أنا قررت اترك الحبوب.
فهد انصدم و ناظر لها:نعم.
حنان:اللي سمعته حبيبي، و وقفت.
فهد مسك يدها:حنان و الاتفاق وين راح؟
حنان ناظرت له:اتفاق انك ما تبي ضنا ايه، لكن أمك تبي تشوف عيالك اليوم قبل بكره.
فهد:حبيبي حنان مو قصة ما أبيهم بس عندنا غزل و غيث و.....
حنان قاطعته:غزل و غيث عيالي و عيالك ايه ، بس عند أمك عيال الغريب، أنا شايفه هالشي في عيونها و كمان كل يوم تسأل حملتي حللتوا العيب منك أو منه ومن هالأمور اللي أنت ما سمعتها ولا تبي تسمعها.
فهد:و الحل طيب؟
حنان رفعت الكرتون:نرمي ذي ونفرح أمك.
فهد تنهد:اللي تشوفينه.
حنان صرخت بفرح و حضنته:أحبك أحبك أحبك.
فهد شد عليها وبهمس:ايه خذي بعقلي حلااوه و بعد هالحضن ما راح أتركك.
حنان بعدت بسرعه و أخذت الكرتون و رمته بالسله و ناظرت له:أنا شخص وراه دوام و أنت أقعد كمل شغلك و إذا خلصت شغلك أنا هنا، و غمزت له:و اذا نمت الرجاء عدم الازعاج.
و غطت نفسها باللحاف بعد ما انسدحت و طفت الانوار و الابجوره اللي جنبها.
فهد بزعل:طيب يا حنان حسابي معك ما خلص.
حنان كاتمه ضحكتها و ما ترد عليه.
__
صباح جديد
وين ما كانت رانيا واقفه قدام باب المدرسه اللي وصفها لها معتز، استهدت بالله و دخلت و انتبهت لشخص يلف عالساحه و كانها اداريه، راحت لها و سلمت عليها و صافحتها و طلبت انها تشوف المديره بخصوص وظايف و كان الرد منها:آسفه حبيبي بس مافيه وظائف.
رانيا:طيب أنا ما جيت الا و سامعه عندكم وظائف.
الاداريه بابتسامه مستفزه:و أنا اقول لك مافيه، و بأمر:توكلي.
رانيا كشرت بوجهها على طريقتها و بسرعه طلعت الجوال و كلمت معتز و رد عليها:لبييه.
رانيا بعصبيه:أنت قليل أدب.
معتز عقد حواجبه:وش فيك؟
رانيا بحده:كيف تقول لي أن فيه وظيفه لي و لما دخلت قالوا ما فيه، انت ما تستحي على وجهك رجاال طوولك و عرضك و يكذب، لوين تبي توصل.
معتز ساكت و بهدوء:خلصتي.
رانيا:معتز أنت وش تبي مني؟
معتز:انتي رحتي للمديره.
رانيا:لا ما رحت لها قابلت واحده في الساحه.
معتز:طيب و انا راسلك للمديره مو لها، تنهد:اطلعي الاصنصير و اضغطي ٢ و على يدك اليسار فيه غرفتين اتركيهم و الغرفه الثالثه هي غرفة المديره دقي عليها و ادخلي و قولي انا من طرف معتز سطام ال...... و بس.
رانيا بهدوء:اوكيه.
معتز:يلا و إذا خلصتي طمنيني.
رانيا:تمام، باي.
معتز:باي و قفلوا اثنينهم.
رانيا اخذت نفس و طلعت الاصنصير ماشيه على وصف معتز لها و لما وصلت للباب المطلوب قرات اللوحه(غرفة المديره) ، اخذت نفس و دقت الباب و دخلت: السلام عل...... و بحلقت عيونها بصدمه في اللي جالسه تكتب.
المديره رفعت عينها و ناظرت لها:اهلا تف......
تركت كل شي و وقفت بفرح:رااننيا.
رانيا ابتسمت و بصدمه:لمياء.
لمياء مشت لها بهدوء بسبب بطنها البارز.
رانيا مشت لها و سلمت عليها و جلسوا مع بعض.
لمياء:وش هالمفاجأه الحلوه.
رانيا بابتسامه:من اسمها مفاجأه.
لمياء:قلبي انتي و وقفت:وش تشربين؟
رانيا:اجلسي لمياء انا ما ابي شي.
لمياء جلست:ما يصير يا قلبي.
رانيا حركت راسها:و لا ابي شي بس جايه لان احد قال لي ان عندكم وظايف.
لمياء بحلقت عيونها:وظيفه.
رانيا تعبت و قالت لها:جايه من طرف معتز ال.... و هو سبب وجودي هنا.
لمياء انصدمت و لما استوعبت انفجرت تضحك.
رانيا خجلت و نزلت راسها بهدوء.
لمياء سكتت:يلعن ابليسه، ابتسمت:أنا و الله اني ابي اكلمك من أول، انا قربت ولادتي و لا اقدر اترك المدرسه من دون إداره و مثل ما تعرفين مدرستنا خاصه و لازم واحده تكون مكاني و هالشي شكيته لاهلي و ذكرني معتز فيك و راح اكلمك انا بس...... ، ابتسمت:معتز سبقني.
رانيا:إداره احس صععب.
لمياء:مو صعب عليك ماشاء الله لانك من قبل مسكتي الاداره في مكانين و ابدعتي.
رانيا ابتسمت:طيب تعطيني مهله افكر.
لمياء ابتسمت:براحتك ما راح اضغط عليك.
رانيا:لان تدرين القرار مو لي وحدي حتى اهلي لازم اكلمهم بالموضوع.
لمياء:قلت لك حبيبي براحتك.
رانيا وقفت:انا استئذن.
لمياء وقفت:يعني تروحين كذا من دون ما اضيفك.
رانيا:اشربها بسلامتك إن شاء الله.
لمياء:يارب.
رانيا حضنتها و سلمت عليها و طلعت و انتبهت لساجد واقف و ركبت معه و مشوا من عند المدرسه، كانت ثواني و جوالها يرن باسم معتز، ابتسمت:نعم.
معتز:ما فيه غير كلمة ايوه او خير تردين علي بها.
رانيا اتسعت ابتسامتها و بسرعه:كيف تبيني ارد عليك؟
معتز:هلا، لبيه، يالله حييه.
رانيا هنا انفجرت ضحك.
معتز ابتسم:فديت هالضحكه و الله.
رانيا سكتت و بابتسامه:وش معك طيب؟
معتز:هاه بشري وش سويتي؟
رانيا:و لا شي.
معتز اختفت ابتسامته:كيف و لا شي؟
رانيت:لازم اخذ رأي اهلي لانه يهمني قبل رأيي و رأي غيري.
معتز:ما أعتقد بيرفضون هالشي.
رانيا:اكيد لا بس رأي الاهل قبل كل شي.
معتز ابتسم و تنهد:اوكيه و ان شاء الله اسمع اخبار حلوه.
رانيا:إن شاء الله.
معتز:يلا حبيبي اخليك ،مع السلامه.
رانيا:مع السلامه. و قفلت و ابتسمت بخجل عالكلمه.
__
بيوم جديد و بجامعة ساره
باخر الدوام كانت ساره بحرم الجامعه و بطفش تكلم ساجد:انت وينك؟
بحلقت عيونها:كيف مسافر و انت اليوم توك موصلني.
تنهدت:خلاص خلاص مع السلامه. و قفلت.
و بغبنه:وش اسوي بعمري انا، دقت على وئام و كلمتها و قالت انها جايه مع حسام و هنا ارتاحت ساره.
سندت راسها و غمضت عيونها.
"ساره"
ساره فتحت عيونها و ابتسمت:هلا ترف.
ترف بحقد:انتي واحده قليلة ادب.
ساره اختفت ابتسامتها:عفوًا.
ترف:اللي سمعتيه.
ساره:ليه وش صار عشان تسمعيني هالكلام.
ترف بعصبيه:أنتي تعرفين لا تسوين نفسك بريئه.
ساره رفعت حاجبها باستغراب:وش قالوا لك الجني الازرق.
ترف:الا الجني بنفسه، يلعن ابليسك حاطه عينك على رجال كبر ابوك و ما فكرتي انه متزوج و عنده عيال.
ساره اشرت على نفسها بصدمه:أنا.
ترف تخصرت:لا أنا، ماشي ساره مصيري ادعي عليك و على أهلك و يحطك بنفس موقفي و لا تفكرين ان  رفضك له بيرجع كل شي بيننا، و مشت.
رن جوالها و ردت:هلا.
وئام:يلا حبيبي اطلعي.
ساره:اوكيه ،و قفلت جوالها و هي تبلع غصتها بقوه و بسرعه لبست عبايتها و طلعت و ركبت السياره و سلمت بهمس.
حسام:هلا حيا الله سارون.
ساره ساكته لو تكلمت انفجرت تبكي.
وئام ناظرت لها:شكل المزاج صفر لان رهام مو معك اليوم.
ساره هزت راسها بلا.
حسام وهو يناظر لها:مين يلومها من تعب الدوام.
ساره نزلت دموعها بصمت و بقهر، كلام ترف كان قاسي عليها و مو عارفه هي وش تتكلم عنه.
حسام رفع في الراديو يسمع وئام:ذي جميله اسمعيها.
وئام ابتسمت و تسمع الاغنيه و حسام يغني و يأشر لها مع الاغنيه.
وئام نسيت من ساره اللي اساسا كانت بعالم ثاني ، مسكت يد حسام و حضنتها بيدها الثانيه و تلعب فيها.
و بعد دقايق وصلوا البيت و نزلت ساره بسرعه و دخلت البيت و انتبهت لاهلها جالسين و بسرعه مشت لابوها و بصوت كله بكا:بابا ابغا الصدق مو الكذب.
ابوحنان انهبل بشكلها و دخولها:بسم الله وش فيك؟
ساره واقفه:قول لي الصدق فيه احد خطبني منك او لا.
ابوحنان عقد حواجبه باستغراب:ايه يا بابا بس انا رفضت لانه كبير بالسن و أنا ما أرضا فيك ابداً.
ساره حضنته و بكت.
ابوحنان تنهد:مين قال لك هالكلام؟
ساره ببكا:ما يهم مين قال مااايهم.
ام حنان:هذا عشان تسمعين كلامي لما اقول لك لاعاد تركبين مع احد.
ساره بعدت عن ابوها:بس انا كنت راكبه مع بنته مو لوحدي و كنت مضطرره.
ابوحنان:طيب يا بابا انتي مين قال لك؟
ساره بحزن:بنته قالت لي، حتى انها دعت علي و عليكم.
ابوحنان:و لا يهمك يا بابا أنا رفضته و هزأته على طلبه السخيف و انتي أنسي و روحي غيري ملابسك و تعالي تتغدين معانا.
ساره مسحت دموعها:طيب، و مشت.
ابوحنان مسح وجهه:حسبي الله و نعم الوكيل.
ام حنان:قلت لك بتعرف اليوم قبل بكره.
ابوحنان:و الانسه رانيا مو راضيه توافق عالولد اللي ينتظر من ١٠ ايام.
ام حنان وقفت:بنتك عندك انا ما راح اتدخل.
ابوحنان:الله يصبرني بس، و صرخ:و وئام ما دخلت للحين و الا بتتعدل مع حسام في السياره.
انتظرها ترد و لا اعطته جواب.
__
ببيت ابو معتز
معتز جالس و ينتظر اتصال مهم و كل شوي يناظر للجوال و يترقب اتصال ينتظره من ١٠ أيام و يقول له:مبروك وافقت.
تنهد بقوه وفتح عالواتس وارسل لها:أنا تعبت من الانتظار و انني ما تعبتي من التفكير او اقول من الصد و التطنيش، نزل جواله لما شاف أمه جايه و بيدها صحن فواكه.
معتز وقف و أخذه منها و جلسوا.
ام معتز تناظر:ما فيه اي رد؟
معتز هز راسه بلا.
ام معتز:مو كأنهم طولوا.
معتز:طولوا ايه بس وش اسوي قلبي ما يبي غيرها.
ام معتز:الله يكتب اللي فيه الخير و بعدين وقتك كمان غلط قبل زواج أختها تخطب.
معتز:و الله يمه وش اسوي البنت اللي حبيتها و ابيها قبل ما ياخذها غيري
ام معتز ابتسمت:فديت اللي يحب.
معتز ابتسم ونط لما سمع صوت الجوال و رد بسرعه:هلا ارحب.
ابتسم لما سمع صوته:حياك ياعم.
معتز ملامحه جامده و يردد:اي والله صادق النصيب من كنا ببطون امهاتنا.
مسح وجهه:اي والله صادق.
ناظر لامه:كثر خيرك يا عم ماقصرت.
ام معتز توترت و بهمس:بشر.
معتز ابتسم:اللهم امين،خلاص انا باكلم ابوي و اخليه يتصل فيك و يكلمك، الله معك مع السلامه.
ام معتز:بشر يا امي.
معتز ابتسم:وافقت.
ام معتز تهلل وجهها من الفرح و انبسطت و حضنته:قلبي انت الف مبروك.
معتز:يبارك فيك يالغاليه، و بعد عنها:اكلم ابوي ابشره.
رن تليفون البيت و ردت امه:آلو.
ابتسمت:هلا سطام وش لونك؟ ابي البشاره.
سكتت و بحماس:يعني بشارتين اليوم.
ضحكت:اقول لك أنا اول يعني، طيب بيت ابوحنان ردوا علينا و البنت وافقت.
اتسعت ابتسامتها:اي و الله ماشاء الله، قول لي وش بشارتك؟
انصدمت:بذمتك، متى صار هالشي؟ ،أي مستشفى و بنتي طيبه فيها شي.
غمضت عيونها:الحمدلله.
معتز استغرب مكالمة امه و ابوه وملامح امه اللي تتغير بين كلمه و الثانيه:وش فيه؟
ام معتز:اختك ولدت و اعطت السماعه لمعتز:ابوك بيكلمك و هي نطت بسرعه لفوق.
معتز ابتسم:هلا يبه...يبارك بعمرك.
__
بيت فهد
كان واقف عند باب دورة المياه و متكتف ينتظر حنان، دق الباب:حناني مو كأنك طولتي.
حنان ضحكت:لحظه بس.
فهد تنهد:تعبت و انا واقف بسرعه.
حنان فتحت الباب و طلعت بابتسامه:كيف انك حاار و ما تقدر تصبر لك شوي.
فهد:طيب قولي لي وش النتيجه؟
حنان رفعت قلم الاختبار:انت قول لي وش تشوف؟
فهد اتسعت ابتسامته:خطين يعني positive.
حنان:ايه.
فهد شالها بين يدينها و دار فيها:يعني باصير اب اخيرا و وقف:صدق باصير اب.
حنان مسكت وجهه:و أجمل اب كمان.
فهد باس يدها:أحبك و أعشقك يااحلى شي بدنيتي.
حنان:و أنا كمان احبك، الله لا يجعلني افقد حسك بحياتي.
فهد نزلها عالارض و مسك خصرها و باس خدها و حط يده على بطنها:الله يخليه لنا و يقومك لي بالسلامه انتي و هو.
حنان:آمين، وش رايك ننزل نخبر خالتي بهالخبر الحلو.
فهد:اي والله بتنبسط نبع الحنان.
و نزلوا مع بعض و انتبهوا لام فهد جالسه و بحضنها غيث نايم و تمسح على شعره و جلسوا معها و بشرها فهد بالخبر اللي طارت من الفرح و من دون شعور زغرطت بقوه و باركت لهم.
__
باليوم الموعود
و اللي الكل ينتظره من زمان و خصوصًا العرسان وئام و حسام و عايلتهم.
كانت أجواء الزواج جميلله من ديكورات و استقبال ريحة العود و البخور و ديكورات الصاله و الوانها المتناسقه و الشي الجميل كوشة وئام اللي كانت شبه عربة سندريلا مربوط فيها الخيل الأبيض و بالزاويه شكل قمر مكتمل ابيض و ينعرض فيه صور وئام و حسام من سن الطفوله الى عمرهم هالوقت.
الطاولات كانت كلها بين الابيض الموف و الازرق السماوي مع الورد و الشمعدانات الفضيه.
__
غرفة العروسه
وئام كانت تتصور لحالها من دون حسام لانها تبي تنزف قبله عشان تشوف صديقاتها و وصت الكل ما يقولون له.
المصوره:و بكذا نكون خلصنا بس باقي العريس.
وئام:صوري أنا و العريس بعد ساعه أو ساعتين.
المصوره:اوكيه و الله يتمم لكم.
وئام بابتسامه:آمين و يعطيكي العافيه.
المصوره:الله يعافيك، عن اذنك بانزل أشقر على مكان زفتك و الكوشه، و طلعت.
وئام تنهدت و اخذت جوالها و دقت على امها:يمه وينكم؟
ام حنان:تحت يا امي.
وئام:تعالوا خلاص ابغا انزف.
ام حنان:مو صاحيه انتي، باقي الساعه واحده و نص.
وئام:عارفه بس اتفقت مع البنات الساعه ٢ انزف و وحدي و بعدها يدخل حسام.
ام حنان:براحتك و قفلت.
وئام بهمس:اخخ يا نبع الحنان حاسه فيك.
انفتح الباب و كانت حنان و ابتسمت:كيف عروستنا؟
وئام:طيبه بس ابغا انزف.
حنان بهدوء:انتظري الين ٢ و نزفك و بعدها يدخل حسام.
وئام:ما تزفونه الا الساعه ٣.
حنان:و ليه ما تبين تنزفين معه؟
وئام:مو ما ابي بس عشان ابي أفرح مع صديقاتي كمان.
حنان:اوكيه حبيبي، اللي يريحك.
وئام و كأنها تذكرت:وين غيث؟
حنان ابتسمت:مع فهد، يلا تبين شي.
وئام هزت راسها بلا.
حنان طلعت و وئام تنهدت بطفش، فتحت جوالها و فتحت عالسناب و صارت تفتح السنابات و هي مبتسمه و تشوف الكل يبارك لها هي و حسام بالسناب.
فتحت سنابه و شافت كيف هو لابس و كاشخ و الشباب متصورين معه، ابتسمت:الله لا يحرمني منك.
طلعت من السناب و فتحت الواتس و عقدت حواجبها من الرقم و دخلت عليه:
_مبروك يا عروسه.
_لا تفكرين ان اللي بيننا انتهى.
_راح اظل وراك الين اتمكن منك يا حرم حسام.
_ اكرر تبريكي لك ......منصور.
انهبلت من هالكلام و طلعت بسرعه من الواتس و هي ترجف ،خافت منه و من كلامه و ذي اول مره تخاف، حست ان ذاكرتها رجعت لها صوت السوط و الضرب و صراخها.
اخذت نفس عميق و زفرت بقوه، تعوذت من الشيطان و صارت تسمي و تقرأ الاذكار.
اندق الباب و دخلت أمها و ملامحها بارده:فيه أحد يبي يسلم عليك.
وئام بغصه:ما أبي أحد.
ام حنان:تسلم و تروح لانها مستعجله، ناظرت للباب:تفضلي.
دخلت بهدوء و ناظرت في وئام و ابتسمت:مساء الخير.
وئام بحلقت عيونها و أشرت بصدمه:انتي.
ابتسمت:الف مبروك و مشت تسلم عليها بس وقفت لما وئام صرخت:اوقفي مكانك و لا تتحركين ابداً.
و بحقد:انتي وش جابك؟ ليه جيتي للييييه؟
ام حنان:جات عشان الواجب.
وئام ناظرت لامها:ما ابي اي شي منها و ناظرت للحرمه:ما ابي منك شي سمعتي يكفي اللي صار لي من ورا ولدك و عماايلله و بصراخ:اطلللعععي برررااا.