الجزء الخامس
__
(بخيمة الحريم)
كان هدوء بعد ما شافوا فهد يدخل الخيمه و لما وصلوا العيال بيدخلون ام وليد سالت ولدها و قال لها بإنه فهد ودخلوا جوا، حزنوا الحريم عليه و لما دخلت حنان سألوها عنه و قالت رضوض بس لازم أشعه.
حنان دخلت و هي تحس بجواتها شي مكتوم و تحاول تاخذ نفس، ماهي قادره تناظر في وجهه ابداً ظنت فيه و حقدت عليه ماحست إلا بدمعه تنزل على خدها و كانت حااره و بدأت شهقاتها بس بصمت، سكتت و بلعت غصتها و أطلقت زفره قويه طلعت لدورات المياه و غسلت وجهها و نشفته و طلعت من الخيمه و شافتهم يركبون السياره و ناظرت لأبوها و قالت له بتمشي و توجهت معهم و ركبت مع حسام قدام.
__
(بالمركز الصحي)
لما عرفوا بحالة فهد أخذوه بسرعه و عملوا له اللازم، أخذوا الضغط و السكر و خيطوا الجرح اللي بجبهته و كانت كويسه، عملوا له أشعه و كانوا ينتظرون بالغرفه و حنان على أعصابها تسمع سواليفهم و ضحكهم و فهد كان يبتسم و يسولف عالصامت ما تسمع له صوت و هي بالها بمكان ثاني.
الدكتور دخل مبتسم و بيده الأشعه:أستاذ فهد.
ناظروا له كلهم و حنان وقفت:طمنا دكتور.
الدكتور رفع الأشعه:كل الأشعه سليمه الحمدلله.
حنان أخذتها من يده و رفعتها ببرود و كان مافيها أي شي، ناظرت له:و أشعة الرأس وين؟
الدكتور ببرود:ما عملنا للرأس.
حنان:بس أنا طالبه للرأس.
الدكتور ناظر لفهد:بس هو ما أشتكى من الرأس.
حنان رفعت صوتها:أنا قلت لازم تعملون له أشعه شاااممللله قلت أو لا؟
حسام وقف:حنان هدي.
الدكتور:يا خاله ما يحتاج.
حنان صرخت:تخلخلت عيونك......أنا دكتوره و انا أأمرك إنك تسوي له أشعة للرأس و الحين.
الدكتور سكت.
فهد تكلم بتعب:حنان أنا بخير مافيه داعي.
حنان ما التفتت له و كلمت الدكتور:ليه باقي واقف تحرك يا دكتور.
الدكتور:حاضر، و طلع.
حسام:يا بنت الحلال وش فيك عليه؟
حنان بعصبيه:وش فيني يعني...أنا قبل ما أدخل طالبتهم أشعه شامله و جايبين بس الصدر و اليدين، يعني واااضح كلامي شااامله و بعدين هو أقسم إنه بيخلص بشغله فلازم يسوي هالقسم.
فهد بهدوء:ما قصرتي بس أنا والله بخير.
حنان ناظرت له و بنفس الهدوء:أنت تقول إنك طيب بس بأخر الليل صدقني ما تقدر تنام من الوجع فالحين نشوف كل شي و نتطمن.
فهد إبتسم لها.
معتز بإعجاب:ليت كل الدكاتره مثل اخلاصك و الله يا دكتوره حنان.
حنان سكتت و تنهدت.
__
بالليل و بعد ما عملوا العشاء و كان الحريم و الرجال يتعشون بالخيام.
رانيا شبعت و وقفت:الحمدلله.
ام معتز:وش فيك يا أمي؟
رانيا إبتسمت لها:شبعت والله ، و مشت.
ام حنان:أكلتها كذا.
رانيا و هي طالعه كانت لابسه بس عبايتها و الطرحه و من دون لثمتها رفعت يدها و قربت من المغسله و غسلت يدها و بعد ماخلصت وقفت و أخذت مناديل و نشفت يدها، كانت بتمشي بس طلع معتز في وجهها و بحلقت عيونها و حطت طرحتها على وجهها.
معتز وقف لما شاف بنت تغسل يدينها إبتسم لما عرفها من عبايتها و كان واقف و إنتبه لوجهها كله و إبتسم لما شافها و همس:اخيررراً عرفت شكلك زين و صوتك و اسمك.
نزل وجهه لما انتبهت له و مشت من عنده، ناداها:رانيا.
رانيا التفتت ببرود و من دون أي كلمه.
معتز بابتسامه:ترا إلى الحين انتظر إعتذارك.
رانيا عقدت حواجبها:اي إعتذار؟
معتز آشر بيده:اعتذارين واحد اللي بالمول و الثاني اللي عندكم بالبيت.
رانيا ضحكت بخفه:تحلم أعتذر لك ، و دخلت.
معتز لف بابتسامه:نشوف يا بنت أبوك ، و غمض عيونه يسترجع شكلها.
بعد ما شبع الكل و شربوا الشاي و ارتاحوا الحريم طلعوا في الجلسه اللي برا و شغلوا السماعات بعد ما استئذنوا من الرجال، كان في البدايه ازعااج و رقص و البنات يضحكون.
و بعدها شغلوا أغنيه حتى الرجال اللي كانوا يتكلمون سكتوا و أبوحنان ناظر في حسام و إبتسم و حسام بادله الإبتسامه و بنفس الهمس:وئام.
كانت مشغله اغنيه لمحمد عبده
ياليل خبرني عن أمر المعاناه
هي هاجس يسهر عيـونـي و لا بات
أو خفقة تجمح في قلبي عصـية
هي صرخة تـمردت فوق الأصـــوات
أو ونة وسـط الضمايـر خفـية
أو عبرة تعـلـقت بـيــن نظرات
أو الدموع اللي تسابق هميـة
أعاني الساعة و أعاني مسافـات
و أعاني رياح الزمان العتية
و أصور معاناتي حـروف وأبيـات
يلقى بها راعي الولع جاذبية
و لاني بندمان على كـل ما فـات
أخذت من حلو الزمان و رديـه
هذي حياتي عشتها كيف مـا جـات
آخذ من أيامي و أرد العطيـة
[انتهت الاغنيه]
ابومعتز:جميلله هالاغنيه.
ابوحنان رفع جواله و رن على جوال وئام:ايوه بابا حطي شي ثاني لابو نوره.
ابووليد:على ذوقها مثل اللي قبل شوي.
ابوحنان:سمعتي عمك ابووليد...يقول على ذوقك مثل اللي قبل شوي.
ابتسم:حلوه بس ما تقصدين فيها شي، ضحك بخفه:يلا بابا، و قفل.
معتز بفضول:وش الاغنيه؟
ابوحنان:بتسمعونها الحين.
و بدأت الموسيقى.
أبو وليد يلحن:كلما نسنس من الغرب هبوب...
معتز:عاش عمي عااش.
العيال ضحكوا عليه.
كلمّا نسنس من الغربي هبوب .. حمّل النسمة سلام
وإن لمحت سهيل في عرض الجنوب .. عانق رموز الغرام
بهذا المقطع كانوا الرجال الكبار يغنون معه و العيال انبسطوا و رفعوا جوالاتهم يصورونهم سناب.
لك حبيب ما نسى .. كلمته دايم عسى
أطلب الله وأرتجيه .. صبح يومي والمسا
كل زين أشهاده وأنتم بعيد ..منوتي ليتك معي
وإن سهرت الليل أهوجس بك وأعيد .. هل لأجلك مدمعي
وإنت هاجس خاطري .. وإنت فرحة ناظري
يا قريب ويا بعيد .. فيك أمس وحاضري
نشوتك تلعب مع قطر المطر .. وانتشى قطره معك
والسحاب يطاردك بين الشجر .. خالق الزين أبدعك
الندى في وجنتك .. صار عطر بلمستك
والهوى غنى طرب .. تستثيره بسمتك
كلمّا ضمّت عيوني منك طيف .. يا بعد كل الطيوف
قلت ما مثلك على الدنيا وصيف .. لا حشا مالك وصوف
لا سحاب ولا مطر .. لا نسيم ولا زهر
لا طيور ولا زهر .. ولا مع باقي البشر
و انتهت الاغنيه...
معتز:اماانه حسام قل لهم اغنية حلوه و مغروره.
حسام بشك:ما عندك أخت تكلمها.
معتز دق عليها و هو مكشر في وجه حسام و كلمهم:ايه لمو بالله اغنية مغروره لرابح صقر.
لمياء:طيب، بنات يبون مغروره.
واحده من البنات:لا لا ما راح اشغل.
لمياء:يقولون لا.
معتز:من ذي.
لمياء ضحكت:رانيا.
معتز ناظر في الرجال:مين اللي معه بنت اسمها رانيا.
ابوحنان ابتسم:انا ليه؟
معتز قفل في وجه أخته و بترجي:تكفى كلمها و قول لها يا عم.
ابوحنان:عاد ذي اكثر واحده في بناتي مزااجيه و عنيده.
حسام:بادق عليها، و دق:ايوه رنوش ممكن مغروره.
رانيا:لا يا حسام .
حسام:عشان خاطر عمي تكفين.
رانيا:ما أحب اغانيه و بعدين بابا ما يحب ذا النوع.
حسام:أدري والله بس حنا كمان نبي لنا نصيب يعني.
رانيا:يلا عشاني بس، صرخت:وئااام حطي مغروره. قفلت في وجه حسام.
حسام ناظر في خاله بصدمه:والله ماعاد اكلمها بنتك ذي قفلت في وجهي.
الرجال ضحكوا عليه.
ابوحنان:خلها هي و كلم وئام.
حسام:أساساً وئام إللي ماسكه السماعه ليه اكلمها المتوحشه.
ابو حسام:ترا ما ارضا عليها لانها أختك.
حسام إبتسم.
معتز بسرعه طلع جواله و أرسل للمياء.
لمياء:هلا يا ناكر الجميل.
معتز تذكر:😅 اسف يا روحي بس طلبتك ذا الاغنيه اهداء من معتز لرانيا.
لمياء:😨.
معتز:لمو بينك و بينها و أنا أعلمك بالسالفه بعدين.
لمياء:اوكيه.
معتز:😘، و قفل جواله، و إبتسم لما سمع الاغنيه:رابح صقر
لمياء همست لرانيا:اسمعي الاغنيه ذي اهداء من معتز لك.
رانيا ناظرت فيها باستغراب.
لمياء:أنا ما أعرف وش بينكم بس قال بيعلمني بعدين ،و غمزت لها.
رانيا بعدت وجهها و سكتت.
و بدأت الاغنيه
وجهها مثل البدر نوره سبحان من سوى هالصوره
بس الزين مايكمل حلوه وجاهله ومغروره
مره تبخل بالسلام مني ماتسمع كلام
تجهل دروب الغرام تغرق في الحب وبحوره
عيونها تهوى الغزل حبها بقلبي نزل
تمزج الجد بالهزل وأقول يا لحبيبه معذوره
صغيره أنتي ما تدرين بعد الخمس تكمل العشرين
عندها كالقمر تبدين يبان الصوت والصوره
رانيا سكتت و لا قالت كلمه.
وئام:اي اغنيه خاصه للمتزوجات.
الحريم إبتسموا لها بمجامله.
حنان:حطي أغنيه و قولي اهداء من الحريم.
وئام:لا ما راح أقول هم يرسلون لهم.
حنان:تحفرين هنا.
وئام ضحكت و أرسلت:حسامي روحي، شوف للرجال يبون يهدون حريمهم شي.
حسام إبتسم:يا كل روحه طيب أبشري، تكلم:تبون تهدون حريمكم اغنيه؟
الرجال سكتوا.
حسام:وش فيكم ترا عادي.
وليد:صادق والله ما فيها شي.
معتز:ترا يسوون ثقيلين.
ابوحنان:وش لون ماغليك لخالد عبدالرحمن.
العيال:اوووه.
فهد ضحك بخفه.
حسام:لعيونك، و أرسل لوئام:بسرعه خالد عبدالرحمن وش لون مغليك و اهداء لعمتي نوره.
وئام:اخخخ خالد عبدالرحمن😌.
حسام:نعم😐.
وئام:😚.
حسام ناظر لهم:وصل.
معتز:ذا اللي عايش شبابه ماشاء الله.
حسام ضحك:خالي عبدالله يموت في ذا الاشياء.
ابووليد:أرسل لهم قول حتى أنا إهداء بعد.
العيال:ههههههههههههه
وليد:غااار أبوي.
ابو وليد:تفكرون هالحركات لكم أنتوا بس حتى احنا نهدي.
أبومعتز:حط أبو معتز دخول.
حسام:ههههههههه.
العيال و الرجال:ههههههه.
و بدأت اغنية خالد عبدالرحمن.
حسام كتب:اهداء من الرجال ماعدا ابوي لحريمهم.
وئام:و خالي ليه؟
حسام:شي خاص هو.
وئام أعطتهم خبر بدأت شغلت الاغنيه خالد عبدالرحمن وشلون مغليك.
حسام:بعد هالأغنيه حطي حسين الجسمي من أبوي لأمي.
وئام:من عيوني.
و بعد ما إنتهت الأغنيه على طول حطت وئام هالاغنيه و صرخت:عمه ساره ذي اهداء من خالو محمد.
ام حسام إبتسمت.
و بدأت الاغنيه و البنات صرخوا و صفروا.
انت عندي حاجه غير
هذي مافيها كلام
عمري وحبي الكبير
منتا واحد والسلام
يعني خذ مني ضمان
باختصار وكلمتين
انت حاجه في هالزمان
ماتكرر ماتكرر ماتكرر مرتين
وحدك اللي من تغيب
ماتغيب ومن غلاك
لو سأل عنك غريب
جاوب فعيوني لقاك
ام ساره ارسلت له:هالاغنيه اهديتها لي انا خصيصاً.
ابوحسام انتبه لجواله و ارسل:لا.
و عقد حواجبه لما شاف اسم حنان:خالو محمد تكفى اهدي عمه ساره اي اغنيه الله يخلييك.
ابوحسام طلع من اسمها و فتح على اسم زوجته:اللي قبل لا بس هذي ايه لك.
ام حسام:متأكد يا محمد منك انت مو من حسام.
ابوحسام متردد:....... و كتب:اسألي وئام.
ام حسام:ليه اسألها و أدري إنك ما تكذب.
ابوحسام:فديتك.
ام حسام:😚.
حسام ارسل لوئام:اللي بعدها اهداء من حسام لروح قلبه.
وئام:مين؟
حسام:مين يعني؟
وئام:اسم الاغنيه و مين الفنان؟
حسام:قال أحبك قالها بالصوت الاصلي.
وئام:طيب.
و شغلتها:أخيراً قالها قال أحبك قالها وأنا قلبي قلبي نبضه توقف بعده أَخِيرا قالَها قَآل أَحْبكَ قالَها وَأَنا قلبَيَ قلْبَيَ نَبِضّهُ توقف بَعْدِها من فديت أنا العيون ، قال أحبك وبجنون ودي أطير ودي أعيش ، في الدنيا بقربها واحد أحبه من زمان وما يحس أحبه كان وأنا كل دعاني من زمان أحس بوقتها اخيرا قالها قال احبك قااللهااااااا.
و من بعد هالاغنيه
استئذن كل من عائلة ابووليد و عائلة ابومعتز بعد ما تركوا وليد و معتز عند فهد.
__
(خيمة النساء)
حنان قبل ما تنام رنت على حسام و رد عليها:هلا أم غزل.
حنان ابتسمت:هلا حسام صحيتك؟
حسام:لا جالسين بررا.
حنان:كلكم.
حسام:ايه ماعدا أبوي و خالي نايمين.
حنان:طيب الحين لازم أغير و أطهر جرح فهد.
حسام:طيب تعالي.
حنان:اوكيه ، و قفلت لبست عبايتها بسرعه و إنتبهت لسهام:وين رايحه؟
حنان:أشوف لفهد و أرجع.
سهام يمزح:كثرت روحاتك له.
حنان إبتسمت لها و طلعت و بيدها شنطة الإسعافات و إنتبهت لهم جالسين في الجلسه و يسولفون و كان وليد يسولف عن طالب في المدرسه إنه طق واحد و فك رأسه و قطعت عليهم يوم سلمت.
العيال ردوا السلام.
حنان:كملوا السوالف لاني بأغير جرح فهد ولا باقاطعكم.
وليد:ولا يهمك.
حنان جلست قدامه و إبتسمت:كيفك الحين؟
فهد إبتسم:بخير.
حنان قربت منه و فكت الشاش كله و تسمع سوالف وليد:المهم الولد ذا مسكته و قلت له أنت بتنفصل أسبوع و بأكلم ولي أمرك يربيك من جديد عشان ماعاد تطق اصحابك، فجأه الولد تغيرت ملامحه وبكى، أنا استغربت وش فيه و جاء في بالي أن أبوه شديد أو يخاف منه.
كملت معه بتريقه:اييه الحين يوم قلت أبوك بكيت.
الولد هز رأسه بلا طبعاً و أستغربت أنا:أجل ليه تبكي؟ و جاوبني ابوي ميت.
وليد مسك قلبه:والله يا قلبي إنه أوجعني علللييه حييل، وش سويت؟ حضنته و الله و ربي حضنته ماقدرت امسك نفسي و أبكي معه.
حسام:الله المستعان.
حنان و هي تشتغل:المره الجايه تنتبه لان مو كل مره تسلم الجره.
وليد:والله ما دريت، ليه؟ لان الولد شاطر و أول مره يطلع منه هالشي فأنا كنت مصدوم.
حنان انفعلت شوي:حتى لو ما تدري...وبعدين وش دخل إنه ممتاز ترا اصابع يدك مو سوا و اليتم شي مو بسهل.
معتز قمط:صدقت والله.
وليد:صار لي درس ما عاد أمسك إداره نهائي.
حسام:حنان ترا الاولاد أشرس من البنات إذا كان قصدك مثل قصة غزل.
حنان:غزل يا حسام ....، و سكتت لما فهد كشر و عقد حواجبه و سالته:أوجعتك؟
فهد بلع ريقه:شووي.
حنان شبت على الجرح و كملت لحسام:غزل يا حسام مساالمه بس تمسك نفسها حتى وقت و بعدها تنفجر و أنت عارف وش سوت ضربت البنت لما قالت لها مالت على أبوك و امسكي شعر البنت و عيت لا تفكه كانت بتموت.
فهد بتخمين:و ضربتيها؟
حنان هزت رأسها بلا:ابداً لاني عارفه بنتي ما تمد يدها الا عاللي يغلط و وقتها أبوها ما صار له الا شهرين ميت و هي تعبانه، بس كلمتها و قلت لها عيب نمد يدنا عالناس و كذا.
فهد:حلو.
حسام:بناات خالي عبدالله أحسهم بيطلعون أمهات مثاليات في التربيه.
حنان إبتسمت.
معتز دخل عرض:الا رانيا بيطلعون عنيدين مثلها.
الاولاد: هههههههههه.
حنان إبتسمت.
فهد مسك يدها و هي وقفت:يحرررق.
حنان و هي تناظر في يده و يدها:ما عليش تحمل بقى شويات.
فهد تنهد و ترك يدها:اخخخ.
معتز:بالله رانيا كذا عنيدده.
حسام:هو عنيده بس مو على طول.
حنان:قلبها طيب و مسألة التربيه يعني أحسن مني أنا و وئام.
حسام:وئام غيير.
وليد همس له:وئام خطيبتك؟
حسام هز رأسه بايه و هو مبتسم.
حنان طلعت شاش و لفت فيه على رأس فهد و ناظرت له و إبتسمت:خلصنا و قدامك العافيه إن شاء الله.
فهد:الله يعافيك و تسلم يدك.
حنان وقفت:يلا تصبحون على خير.
العيال:تلاقين الخير، الله معك.
وليد انتظر لين دخلت و سأل حسام:كيف حياتها بعد زوجها؟
حسام:عايشه و صابره ماشاء الله عليها.
معتز:و كيف أهل زوجها؟
حسام:طيبين والله و يحبوونها مرره لان ماشاء الله عليها تزورهم و تودي عيالها لهم يعني ما حرمتهم من شوفة العيال.
معتز:الله يعوضها مسكينه.
فهد:الله يكتب اجرها.
حسام:آمين.
معتز:جاء احد خطبها من بعد زوجها؟
حسام:كثيير بس ترفض رغم أن زوجها قال لها عيشي حياتك بعدي و من بين الرجال جاء أخو زوجها بس رفضت.
فهد بصدمه:خخير.
حسام:قال يعمل بوصية أخوه و حنان رافضه انها تتزوج بواحد معه أطفال و عيال و لاراح تزيد بعيالها عليهم تقول لازم يرضا فيني أنا و عيالي.
وليد:الله يكتب لها النصيب الزين و الطيب.
الكل:آمين.
حنان لما دخلت كانت تناظر في يدها حطتها على أنفها تشم ريحة عطره اللي تعشقه.
___
(صباح جديد)
و بآخر يوم في المخيم جهزوا أغراضهم و بيمشون و كانوا ينتظرون أصحاب الخيام.
أبوحسام نادا:حسااام.
حسام:لبيه.
ابوحسام:بنمشي أنا وأمك و خالك و عمتك و جدتك كمان معنا و أنت الله يعينك أنتظر أصحاب الخيام.
حسام انغبن:طيب على خشمي.
ابوحسام:إنتبه للبنات.
حسام:بعيوني.
ابوحسام:يلا في أمان الله.
حسام:بحفظ الكريم.
و دخل للعيال:خلاص أنتوا أمشوا و أنا بأنتظر أصحاب الخيام.
وليد:و أهلك مشوا.
حسام:ايه الا البنات باقي معي.
فهد:حلوه تنتظرهم لوحدك.
معتز:مهبول أنت و معك البنات ذولا كللهم.
حسام:يابن الحلال وش بيصير يعني خلاص أنتوا امشوا.
وليد:معصي نمشي و نتركك وحدك.
معتز:و أنا مع وليد.
حسام:بكيفكم ، و طلع للبنات:يا سهام.
سهام:نـعـم.
حسام:بأدخل.
سهام جاوبته بعد ثواني:أدخل.
حسام دخل لهم:بنتاخر شوي عشان أهل الخيام ما ردوا للحين.
سهام:طيب خسنا هنا أفتح لنا السياره.
رهام صرخت:قبل ما نقوم.....، و ناظرت وئام:كملي حلمك.
وئام:قلت لك ما راح أحكيه.
ساره:ما بنروح نفسره بس أنتي قولي وش هو؟
وئام و هي تناظر جوالها:قلت ماراح أتكلم.
رانيا:أحد بيموت.
حسام:وش فيكم؟
سهام ناظرت له ساكته.
رهام:من يوم صحت و هي مكشرره و لما سألناها قالت حلمت حلم مزززعج.
حسام:طيب ليه الززن عليها ما تبغا تتكلم لا تضغطون عليها.
غيث طلع من الغرفه و صفق بيده لما شاف حسام.
حسام إبتسم و شاله و باس خده:أنا بأروح للعيال و غيث معي يا حنان.
حنان:اوكيه أساساً جايه أغير على جرح فهد.
حسام:ترا فكها اليوم و تهزأ من أبوي.
حنان:أكيد لأن الخيوط تسبب حكه.
حسام:حتى هو يقولها، ناظر لوئام اللي واضح مكشره و طلع.
سهام همست لها:كثرة العمليات الجراحيه للمريض.
حنان ضحكت:حيوانه و الله إني على نياتي.
سهام غمزت لها:أيوه أيوه.
حنان حمرت خدودها:أنا وين و أنتي وين؟ ، وقفت و أخذت شنطة الإسعاف و طلعت مع غزل.
نادت حسام و قال لها تعالي و دخلت مع غزل و هي تناظر للعيال يضحكون على غيث اللي يعلمونه كيف يصفر.
وليد:أنتي ما تدخلين الا في وقت غلط.
حنان إبتسمت:آسفه بس وش معكم.
معتز بضحكه:المره ذي في ولدها.
غزل:ماما متى نمشي؟
حنان جلست قدامه:كيفك اليوم؟
فهد:كيف تشوفيني؟
حنان إبتسمت و عقدت حواجبها لما حطت يدها عالشاش:فكيت الشاش.
فهد ابتلش ولا قادر يرد.
حنان نادته:فهد.
فهد:لبيه.
حنان وقفت يدها:فكيت الشاش.
فهد ناظرها و بطفوله:ايه.
حنان هزت رأسها و فكته كله و أخذت المطهر و بدأت تطهر الجرح و غزل جنبها:ماما لا تعورينه.
حنان إبتسمت لها:حاضر.
فهد إبتسم:ما يعور حبيبي.
غزل:بتزعل اذا رحنا جده.
فهد باستغراب:بتسافرون؟
غزل:أيوه الليله بنروح جده و بعدين نجي الرياض مره ثانيه.
فهد لحنان:مو أبوك نقلوه هنا.
حنان:إيه بس باقي ما راجعهم و طالبين أوراق و كذا و بنرجع و بعدها يرجع هنا.
فهد:و أنتي.
حنان و هي تمسح الجرح:أنا وش هو؟
فهد مسك يدها و حنان ناظرت فيه:ما بترجعين يعني.
حنان بلعت ريقها:.......الا مع أهلي إن شاء الله.
فهد ترك يدها:ترجعون بالسلامه.
حنان و هي تناظر:الله يسلمك.
فهد ناظر لها:خلصتي.
حنان:لا ، و بسرعه أخذت القطن و لفت على رأسه: عوافي يارب.
فهد ناظر و مافيه أحد بالخيمه حتى عيال حنان، ناظر لها:ما أدري كيف بأسوي إذا رحتي تعودت أنتي اللي تغيرين عالجرح يدك خفيفه.
حنان ابتسمت:فيه كثير بالمستشفى يكون إيدهم خفيفه.
فهد:الا يدينك غير ، جعل ما تمسها النار.
حنان سكتت و تناظر فيه.
فهد أخذ أغراضه و التفت شافها واقفه كان بيسألها وش فيك تناظرين بس حسام دخل بسرعه:يلا مشينا يا جماعه.
فهد:جوا أهل الخيام.
حسام:إيه فررجت ابشرك.
فهد طلع و طلعت حنان بعده.
حسام:عالسياره حنان.
حنان:أخذوا الاغراض طيب.
حسام:إذا أغراضك إيه أخذوها.
حنان:اوكيه، و فتحت الباب و سألت أخواتها و جاوبوها بنفس جواب حسام و ركبت.
حسام ركب و ركبت سهام جنبه بعد ما شقرت على كل شي.
حسام إبتسم لما شاف وليد يقرب له:وش تبي؟
وليد:أبيي ام غزل.
حسام:كلمني انا وش تبي بها؟
وليد صرخ:أم غزل نبي غزل معنا.
حنان:و الله خايفه عليها.
وليد:طلبتك و ترا والله العظيم فهد اللي أرسلني.
حنان:أخاف تضايقكم و الا شي.
وليد:لا ما تضايقنا وش دعوه؟
سهام تكلمت:خليها تروح يا حنان.
وليد من دون شعور لف ناحيتها و ناظر في عيونها و ربي ستر إن حسام يناظر لحنان و الا كان زعل منه على هالحركه.
حنان:غزل تبين تروحين مع فهد؟
غزل:طيب.
حسام:يلا أنزلي معهم و إذا قربنا من البيت نركبك معنا.
غزل:حاضر.
سهام لفت وجهها و انتبهت لوليد يناظر لها وصدت بسرعه.
وليد بعد نظره و انتبه لغزل جايه ناحيته فتح يده و شالها و آشر بباي.
حنان:استودعتها الله.
و تحركوا كلهم راجعين للرياض.
( بعد وقت )
وصلوا لمحطه و عبوا سياراتهم بنزين و حسام شاف طلبات البنات و نزل ياخذ لهم.
أما سيارة الشباب معتز إللي نزل يأخذ لهم و سياراتهم كانت جنب بعض و وليد اللي كان يسوق و نظره على سهام اللي جالسه تسولف و تأشر بيدها و لا أنتبهت له.
__
(سيارة حسام)
حنان كانت منتبهه لنظرات وليد و كانه شوي و يجي يتكي معهم.
حنان:بنات، و ناظرت ورا و شافت ساره و رهام غاطين في نوومه.
رانيا:وش فيك؟
حنان:صديق حسام شوي و ينط معنا.
سهام ناظرت له و كان فعلاً يناظر لها، بعدت نظرها و إنفجرت ضحك.
حنان استغربت:وش فيك؟
سهام:تذكرون السالفه اللي قلت لك عنها.
حنان:أي وحده و يا كثر سوالفك.
سهام:صديق حسام اللي دق و رديت عليه و هزأته ترا هذا هو.
حنان ضحكت.
رانيا:شكله حااقد عليك يا سهام.
وئام:بس وش عرفه إنها هي و احنا كثير.
سهام سكتت و ناظرت لهم بسرعه و شهقت:عرف قبل شوي لما كلمتك يا حنان.
البنات:ههههههههههه.
وئام بضحك:يعني لو ما كلمتيه ما كان عرف.
سهام:ابدداً.
رانيا أنتبهت:حنان بنتك نزلت الشباك.
حنان نزلت الشباك بابتسامه:هلا ماما.
غزل:وين غيث؟
حنان:نايم هنا مع خاله وئام، طفشتي.
غزل:لا عمو فهد مشغل لي dvd و يتابع معي.
حنان:الله يسعده، يعني ما تبين معنا.
غزل هزت راسها بلا.
حنان:الله يحفظك.
غزل:ماما خالو فهد شرا لي حلويات و اشرت لها بباي و قفلت الشباك.
البنات:هههههههه.
حنان:عشان لا أقولها لا.
رانيا بتريقه:سحبت سحبه على أمها.
حنان:الله يحفظها.
وئام حضنت غيث:فديت اللي نايم.
حسام ركب و أعطى سهام الكيس و انتبه لوليد و نزل القزاز:هلا.
وليد:وش فيكم تاخرتوا؟
حسام:انحسنا جوا.
سهام ماسكه ضحكتها لما سمعت صوته.
حسام:كيف غزل؟
وليد:مبسوطه مع فهد ورا.
سهام أعطت حسام بيبسي:تبي تركب معنا؟
حسام ناظر لها:أيش؟
سهام إنفجرت ضحك و البنات لما سمعوا كلمتها انفجروا ضحك.
حسام أستغرب من ضحكهم و ناظر في وليد اللي مبتسم:ما عليش بس.......
سهام تضحك.
حسام إبتسم:ما عليش النوم له فعايل.
وليد:عـادي.
سهام تضحك صامت بس وليد يشوف كيف تنهز من الضحك.
حسام:سهام وش فيك؟
و البنات يضحكون ورا بس مو مثل ضحكها.
حسام:يلا أشوفك، و قفل الشباك.
سهام مسكت على صدرها:وييه يا ربي.
حسام بزعل:بالله وش ذا الضحك.
سهام:أنت سمعت وش قلت؟
حسام:لا بس ما تضحكين كذا قدامه.
سهام:لو عرفت السالفه من أول عذرتني و بعدين لا عاد تنزل القزاز اذا تبي أنزل له.
حسام:أبشري.
وئام أعطت رانيا غيث:شوي بس.
رانيا مسكته.
وئام قربت للتكايه و همست:حسام.
حسام التفت لها يفكرها حنان و عرفها و إبتسم:يا نبضه.
وئام:وش جبت لي؟
حسام:اللي تحبينه، سهام اعطيني ذا الكيس اللي وحده.
سهام أعطته:تفضل.
حسام أعطاها الكيس:تفضلي.
وئام:تسلم.
و مشوا كلهم من المحطه لما جاء معتز و بعد ثواني
حسام:تكفون شغلوا أي شي أحس زهقت من السكوت.
رانيا:أنا باشغل عندي لكم أغنيه تجنن.
و شغلتها رانيا:خلك بحر
حسام:عرفتها مررره حلوه كأنها تتكلم عن واقعنا.
