الا ليت قلبي لم يستجب لحبك

الجزء الرابع

الجزء الرابع
__
(يوم جديد)
وصلت العائلتين الثمامه و كانت خيمتهم ناصبه و تنتظرهم و كان متوفر فيها كل شي المطبخ الصغير الwc الفرش و الأسره و الكراسي كل شي،
الكل نزل مبسوط و فرحان و يشمون الهواء.
الجده:يا زين الجو.
أبوحنان باس رأسها:مبسوطه يُـمه.
الجده:مبسوطه لما أشوفكم مبسوطين.
ساره جت لابوها و بخوف:بابا ما فيه عقارب ولا ثعابين.
أبوحنان مو عارف يرد:والله يا بابا فيه بس إذا قرأتي الأذكار ما تجيك ان شاء الله.
ساره زاد خوفها:و ننام كماان.
أبوحنان ضمها:يا بابا عادي ليه خايفه؟
ساره:من حقي أخاف و أحنا بننام بالخلا.
ابوحنان ضحك بخفه و باس خدها.
وئام تصرخ:ييع يا غيث.
غيث كان يلعب بالرمل مبسوط و يسمع وئام ولا كأنها تكلمه.
حسام رد عليها:يا ويلك خليه يللعب.
وئام:خايفه يطلع له شي.
حسام:استودعيه الله و بس.
وئام ناظرت له:استودعت الله في الجميع.
حسام إبتسم.
غزل صرخت:أبويه ابغا دبابات.
حنان:لااا يا غزل.
غزل:ليش ماما؟
حنان:تتعورين بعدين.
غزل:طيب.
رانيا:خليها دام طلبت أبوي لانه مستحيل بيركبها لوحده.
حنان:لا لا أكرره الدبابات لو تشوفين الحالات اللي تجينا بسببها تعذريني.
رانيا سكتت.
بعد دقايق....
جالسين برا و يتقهوون و وئام جالسه بنفس الصف اللي فيه حسام عشان تاخذ راحتها و تتقهوا على كيفها.
الجده:مين سوا الكيك يا ساره؟
أم حسام إبتسمت:وئام يمه.
الجده:مين ذي؟
ام حسام:وئام وئام بنت عبدالله.
الجده:خطيبة حسام.
وئام شهقت و البنات ضحكوا.
ام حسام:إيه ان شاء الله.
حسام ابتسم.
الجده؛الله أعلم أنا افرح فيهم و إلا يجي و أنا بقبري.
ابوحسام:لك طولة العمر يالغاليه.
الجده:وينها وئام؟
وئام اشرت لها:هنا يُـمه.
الجده إبتسمت:بوسي يدك وجه و قفا ربي معطيك عمة تجنن، و تمسح على كتف أم حسام.
وئام:فديت روحك و روحها يا جنة الدنيا.
أبوحنان يناظر:وين نوارتي؟
ام حنان:هذاني جيت ، و جلست جنبه و صب لها قهوه و مد لها التمر.
أم حسام فهمت قصد أمها و تذكرت كيف تعبت بحياتها عشان أم محمد اللي كانت قويه و شديده و تدخل بحياتها و مع ذلك ساره عمرها ما غلطت عليها بحرف أو قالت لها بكلمه تزعلها، تذكرت محمد كيف كان يعاملها بإحترام بس مو مثل عبدالله جريء و يبوسها قدامهم ولا همه، حمدت ربها ان ربي اعطاها احلى ثلاثه اغنوها عن الكل حتى ابو حسام و رغم موت أمه إلا أن محمد نفس الشخص و الطبع ما تغير لكن قدام الكل بس تنهدت بخفه و وقفت و مشت قدامهم بصمت.
سهام اللي عرفت وش في أمها تركتها شوي ترتاح و بعدها راح تقوم لها بس تراجعت لما شافت ابوها وقف و راح لها، ناظرت في حسام بحزن و حسام اشر لها بالسكوت.
حنان كانت خطوه بخطوه مع سهام و عرفت وش قصة عمتها؟ و قررت تسوي اللي براسها.
حنان قفزت لما غيث صرخ:وش فيه؟
غيث كان متضايق من الرمل اللي دخل لملابسه و كان يصارخ.
الكل ضحك عليه و هو يبكي.
وئام وقفت و نفضت اللي عليه و هو يأشر لها تشيله.
وئام:شاور.
حنان بحزن:بيمرض يا وئام.
وئام شالته:من متى اشاورك ،و باست خده و مشت.
رهام:ونعم الام.
حنان:و لييه اتعب نفسي و هي اللي تسويه يريحني.
رانيا:مصيرها تتزوج و تقولين ليتك يا وئام و ليتك و ليتك.
حنان:أنتي موجوده.
رانيا بمزح:اييه اذا لقيتيني.
حنان:و سارون الحب.
ساره؛عيالك مو عيالي.
حنان:مالت عليكم ماكانكم أخواتي مافيه الا وئام.
حسام رفع حاجبه:و هم قالوا لك مصيرها تتزوج و تروح.
حنان تنهدت بتعب و سكتت.
_
عند ام حسام
دخلت و هي متضايقه من كلام أمها و كأنها تودع حياتها، بكت بخفه و حست بأحد يدخل و هي ما رفعت رأسها.
حضنها:ساره حبيبي.
ام حسام بعدت عنه بصوت بكا:اطلع محمد ما ابي أتكلم مع احد.
ابوحسام تنهد:الحين مو وقته هالدموع اللي فات فات.
ام حسام ناظرت له:و مين قال لك اني ابكي عشان الماضي أنا ابكي علشان أمي يا محمد أمي.
ابوحسام:وش فيها ما فيها الا العافيه.
ام حسام:أنت ما تحس بس أنا اللي أحس بأمي، و كملت تبكي.
أبوحسام رجع حضنها و هو يمسح على ظهرها.
__
عند وئام
حممت غيث و غيرت له ملابسه و عملت له ببرونه و انسدحت جنبه و صارت تمسح على شعره و تقرأ عليه الاذكار الين نام، باست رأسه و وقفت تلبس عبايتها و طرحتها و طلعت لهم و هم يضحكون.
حنان:وين ولدي؟
وئام:نام.
حنان تخصرت:يا سلام وقته مو الحين ترا.
وئام جلست جنبها:ترا صاحي من بدري يا الحبيبه.
رانيا:وئام....حسام متحدينا عالكيرم بعد الصلاه معنا أو لا.
وئام و هي تناظر الجوال:طيب.
حسام رفع جواله لما هز جواله أكثر من مره، ناظر و بحلق عيونه لما شاف اسمها.
"حسام"
"من الحين اقول لك انسحب لانك راح تخسر قدامي"
"و ابي هديه بعد"
حسام ابتسم و أرسل لها:
"ماشي حبيبي"
"اذا كل واحد له هديه"
"وش رايك"
وئام ابتسمت:
"اوكيه اتفقنا؟ بس وش الهديه"
حسام:
"نشوف مين يفوز و بعدها نقرر"
"😍😘"
وئام:
"❤"
و قفلت جوالها و انتبهت لابوها:وئام صدق بينقلونك هنا.
وئام:ما اعطيهم خبر لين ارجع لك.
حسام:وافقي دامكم ناقلين هنا.
وئام:النقل إذا وافقت عليه بيكون بعد شهرين و إذا نقلنا هنا مو على طول ناقلين ،هي سنه بس ، و ناظرت لابوها:صح.
ابوحنان:إيه سنه بس لو تبين تنقلين بعد ما نخلص أنا موجود.
وئام إبتسمت:فديت روحك، و في نفسها:أنا اذا جيت هنا ما راح اطلع منها لان كل شي بيتغير يابوي، ناظرت في حسام و إبتسمت.
رانيا وقفت:اقول ترا جينا ننبسط و نفلها مو نجلس نتقهوا و بس.
حسام ناظر لساعته:باقي نص ساعه عالاذان اتركوا السماعات لبعد العشاء.
رانيا:لا لا أبيي نشاط وحركه.
ساره:قصدك نجري بالرمل.
رهام وقفت و ناظرت لساره:خليك يالخوافه مكانك، و ناظرت لرانيا:امشي.
رانيا:اللي يبغا ينبسط يجي، و مشت و خلتهم.
ساره وقفت و بتكشيره:يللعن ابليسكم، و مشت وراهم.
اللي جالسين ضحكوا عليها.
حنان وقفت معهم:يلا غزل ، و مشت غزل معها.
وئام ناظرت للمكان ماعاد فيه أحد إلا حسام و جدتها و أمها و ابوها اللي جالسين يتكلمون بهمس و سهام اللي جالسه و بالها مو معها.
وئام وقفت و جلست جنبها:بنت وش فيك؟
سهام ناظرت لها:ولا شي.
وئام:عيونك فاضحتك ترا.
سهام تنهدت:أمي لها يومين مو طبيعيه.
وئام عقدت حواجبها:وش فيها؟
سهام:مو مرض لا شي كذا شاغل بالها و أبيي أعرف منها بس ترفض تتكلم.
وئام:إن شاء الله مافيها إلا العافيه.
سهام:يارب.
حسام ناظر لوئام:ابيي كيك يا وئام.
وئام:شوف هنا في الصحن.
حسام:لا ذا ماكول منه ابيي قطعه جديده.
وئام وقفت:طيب أشوف لك اذا باقي ، و راحت فتحت الصينيه و كان باقي حبتين أخذتها كلها و حطتها في صحن و أعطت حسام:آخر حبتين بالعافيه.
حسام:يعافي قلبك.
سهام وقفت:نمشي وئام.
وئام:يلا، بابا تبي شي قبل ما اروح.
ابوحنان ناظرلها:فديت روحك ابيي سلامتك.
وئام مشت مع سهام اللي مسكت يدها و مشت.
حسام لف يناظرهم و عنده أمل انه يشوفها لو بالغلط عشان يرتاح ، له خمس سنين من تغطت عنه ولا يعرف لها وجه لو بالغلط.
__
عند أم حسام
بعد ما سكتت ناظرت في زوجها.
ابوحسام إبتسم:ارتحتي يا روحي.
ام حسام:ايه الحمدلله.
ابوحسام:تبين نرجع عندهم.
ام حسام هزت رأسها بايه:شوي بس اغسل وجهي.
ابوحسام:يلا لاني ما باطلع الا بك.
أم حسام غسلت وجهها و نشفته و طلعت مع أبوحسام وهو ماسك يدها.
__
عند البنات
رانيا رفعت جوالها و صرخت:يلا يلا سلفي.
البنات كلهم اجتمعوا عندها و بابتسامه:تشيييز.
أخذت رانيا اللقطه.
سهام:الصوره ناقصه و ناظرت ورا:حسااام.
حسام ناظر لها و قال لها بيده وش تبين؟
سهام صرخت أكثر:تعال بسرررعه.
وئام:تتعنين عليه يجي من هناك عشان التصوير.
سهام:الصوره ناقصه لازم كلنا.
حسام وصل لها:وش فيكم؟
سهام:نتصور و نبيك معنا.
حسام رفع جواله:يلا كلكم قربوا.
و أخذ حسام أجمل لقطه لهم.
البنات شافوا الصوره و انبسطوا بها كثير و كل واحده منهم طلبت حسام يرسل الصوره.
مشوا البنات و ظل وئام تصور مع أغاني خلفيه.
حسام وقف جنبها و مد الجوال:ناظري بسرعه عشان أصور معك.
وئام ناظرت لجواله و حسام لقطها بسرعه و ناظر لها:أجمل صوره، وباسها في الجوال.
وئام:دام صورتني أنا كمان بأصورك.
__
بعد المغرب
الكل جلس داخل الخيمه و في الوسط طاولة الكيرم و جلست وئام و مقابلها حسام و جنبها حنان و الجهه الثانيه سهام.
حسام اخذ المضرب و بدا:يلا بسم الله و بدأ ضرب بالحبات اللي قدامه و دخل ٢ اسود و ضرب مره ثانيه و لا دخل شي.
سهام اخذت المضرب و ضربت و دخل لها أبيض و ضربت الثانيه و دخلت ٢ أسود.
وئام:ما تلعب الدكتوره.
سهام:ابي الوردي و ضربت و ما نزل شي.
وئام اخذت المضرب و ضربت الوردي و معه ابيض و رجعت ضربت و طيحت اسود و المره الثالثه و طيحة اسود و الرابع ما طيحت شي.
حسام:مش بطاله يا بنت.
وئام ابتسمت.
حنان ضربت و جات ضربتها خفيفه و كشرت:وين أنا و وين اللعب.
ضحكوا عليها.
حسام ضرب و طيح أسود و رجع ضرب و لا طاح شي.
سهام ضربت و لا طيحت شي و أعطت وئام و ضربت و دخلت اثنين أبيض و بعدها أسود و بعدها و لا شي.
حنان ضربت و دخلت أسود و انبسطت و رجعت ضربت و لا طيحت شي، و خلصت الجوله بفوز وئام.
حنان و سهام انسحبوا من اللعبه و حسام سأل البنات اللي تبي تلعب و رفضوا.
وئام:يلا نبدا التحدي.
حسام:يلا نشوف شطارتك.
و بدأ وئام و حسام باللعب و بدأت وئام باللعب و لا طيحت شي.
حسام ضرب المضرب و تحركت من مكانها و كل مره و احد يضرب و لا نزل شي.
حسام تنهد:الحين عيني عليها كلها الا ال٥٠.
وئام:ال٥٠ هي الفوز.
حسام:لا مو شرط يمكن انا اجمع ١٠٠ من دون ال ٥٠ و ضرب المضرب و طاحت عشرتين، ناظر لها:شفتي، و رجع ضرب و لا طاح شي.
وئام ضربت و طاحت لها عشره و رجعت ضربت و طاحت لها خمسه و بعدها ١٠ و بعدها و لا شي.
حسام:متحمسه، ضرب واحده و ضربت في ثانيه قدامها و رجع ضرب و طيح و رجع ضرب و طيح ثنتين و رجع ضرب و طيح ٥٠ و رجع ضرب و لا طاح شي.
وئام توترت و حست باحد يمسك كتفها و ناظرت و كان غيث،ابتسمت:هلا حبيبي و باست خده و جلسته بحضنها و بدات لعبت و طيحت خمسه و المره الثانيه بتضرب لكن غيث بكا، ناظرت له:وش فيك يامي؟ حنان تعالي شوفي لغيث.
حنان جات و اخذته منها.
حسام:يلا قدامك أربع و اذا طيحتيها بتفوزين.
وئام:بالعقل أنت الفايز.
حسام:يمكن بذا أنتي تفوزين.
وئام ناظرت له و حسام غمز لها، توترت و ضربت اللي قدامها كلها و دخلت واحد و ضربت الثانيه و دخلت و الثالثه لا.
حسام ضرب الثنتين و ما دخلت و وئام رجعت ضربتها و دخلت الثنتين.
حسام:يااولد، يلا عدي اللي فزتي بها.
وئام عدتها و ناظرت له:٤٥
حسام ابتسم:٩٠ مبروك يا روحي.
وئام ضحكت بخفه.
حسام:طيب ابي الجائزه بعدين مو الحين.
وئام:وش هي طيب؟
حسام غمز لها:كل شي بوقته حلو.
وئام:نرجع نلعب طيب.
حسام:لا لا ما صدقت تخسرين.
وئام بحلقت عيونها و حطت الحبوب:ما توقعتك خواف يا حسام.
حسام:قولي اللي تبين أهم شي إني فزت و بتنفذين اللي باقوله.
غيث صوت بكاه وصل لاذاني اللي جالسين.
أبوحنان صرخ:وش فيه يا حنان؟
حنان صرخت:ددللع، وئام تعالي.
وئام وقفت و راحت لهم.
ابوحنان:الله يعين عليهم.
__
عند وئام
فكت لثمتها و دخلت:وش فيه؟
حنان بانزعاج:يبي يرجع ينام.
وئام فصخت عبايتها:احس اني ضقت بذا العبايه.
حنان همست:حتى أنا.
وئام جلست و حطت غيث في حضنها و باسته، ناظرت لها:و بكره بنكون بعباياتنا ما نفكها إلا وقت النوم.
حنان تنهدت و همست:فهد بيجي بكره.
وئام:أكيد لإني سمعت حسام يكلمه و خالو محمد كمان و عزمه هو و أمه.
حنان:خير إن شاء الله.
وئام ناظرت لغيث و كان نايم، إبتسمت:رجع ينام.
حنان كشرت:الله يسامحك شفتي ماعاد يرجع ينام آخر الليل.
وئام:و أنتي تفكرين بننام الليل.
حنان:أبغا انبسط في الليل و اروق و أبغاهم ينااموون.
وئام:أنتي اسكتي لانه بينام.
سمعوا صراخ برا و حنان وقفت بسرعه و وقفت وئام بعدها و مشت للباب ولما طلوا كانت جدتهم طايحه.
حنان صرخت:وش فيه؟
ابوحنان:تعالوا حنان و سهام.
حنان:بعدوا شوي بعدوا.
سهام:مويه بسرعه.
حنان سدحت جدتها زين و ضربت خدها بهدوء:يمه تسمعيني.
الجده تنهدت:بخير يمه بخيير.
حنان:وش تحسين به؟
الجده:دوخه يمه و خمول بجسمي.
سهام لفت:جيبي يا ساره جهاز السكر و الضغط بسرعه.
ساره هزت راسها بطيب و هي تبكي.
حنان لابوها:شكل السكر منخفض ارتاحوا انتوا.
ابوحنان مسك وجهه بتعب.
الجده بتعب:جلسوني يمه ما أحب انسدح كثيير.
حنان:على خشمي يا قلبي بس أقيس لك الضغط و احللك السكر.
الجده:كل ذا عشان ما أخذت الحبوب بس.
ابوحنان:و ليه يمه؟
الجده:نسيت منها يابوي.
ساره اعطتهم الاغراض و بدأت حنان تاخذ الضغط و تكلمت:الضغط حلو.
و حللت تاخذ السكر و عضت شفايفها:يبه منخفض مررره.
أبوحنان:خلاص جلسيها و خلينا نعطيها تمر و قهوه و الا كليجه.
حنان و سهام جلسوا جدتهم و بسرعه ساره بنتها جلست جنبها و هي ماسكه نفسها أخذت قهوه و تمر و أعطت أمها.
ابوحسام:يمه إذا تبين رجعنا البيت الحين.
الجده اشرت بلا:ما أبيي أرجع البيت أنا بخير يا أمي.
سكتوا كلهم و هم يناظرون لها بحزن.
أبوحنان لف لحسام:حسام حبيبي ولع الفحم خلنا نقدم العشاء عشان جدتك.
حسام وقف:أبشر.
أم حنان وقفت:أنا بأساعدك ، و طلعت معه يجهزون الفحم.
وئام خرجت لهم:وش فيها جدتي؟
رانيا همست:السكر منخفض.
وئام:و أمي ليه طلعت مع حسام؟
رانيا:أبوي يقول نجهز العشاء بسرعه عشان جدتي.
وئام:وش تنتظرون قوموا نجهز الدجاج و السلطات.
رانيا:أي والله عشان نرتاح.
وئام:بأدخل ألبس عباتي الحين.
رانيا طلعت الدجاج و الخضار و بدأت تقطع الدجاج و تغسله و وئام واقفه معها و عملت تتبيلة الدجاج و بدأت تتبله و هي تناظر لجدتها و أبوها اللي يسولفون و إنتبهت لكلام جدتها:وصيتي عليك بناتك.
ابوحنان:بعيوني الثنتين.
الجده:و وئام انتبه لها زين لاني أعرف شغلها مختلط و حنان كمان زوجها اللي فقدته بعمري عنها و عيالها كللهم يمه.
ابوحنان:على عيني ياعيوني.
وئام لرانيا:جدتي مو طبيعيه.
رانيا:منخفض السكر مسكينه.
وئام:رانيا جالسه مع أبوي و توصيه علينا كأنها بتفارقنا.
رانيا بخوف:يومي قبل يومها.
وئام بخوف:أنا من جد خايفه يصير شي.
رانيا:امشي خلينا نطلع لهم برا و نعطيهم الدجاج و العده.
وئام:طيب ،غسلت يدها و ضبطت لثمتها و طلعت مع رانيا اللي انتبهوا لعمتهم ساره تبكي و جنبها خالهم محمد و أمهم ، حطت الدجاج عند حسام اللي ولع الفحم و يهف عليه و رانيا حطت العده و دخلت.
وئام لحسام:وش فيها عمتي؟
حسام و هو يمسح وجهه بكتفه:عشان جدتي.
وئام تنهدت:مين لايمها يا حسام والله لو سمعت وش تقول لأبوي جوا تعذر أمك.
حسام عقدحواجبه:وش قالت؟
وئام بحزن:توصيه علينا كلنا.
حسام:حبيبي عادي هالشي.
وئام:عادي عادي أنت و رانيا.
حسام ابتسم و أرسل لها بوسه خفيفه.
وئام إبتسمت و قامت من عنده و راحت لعمتها و أمها عشان تهرب من حركات حسام اللي تذبحها.
__
بأخر الليل
البنات رموا الاونو من يديهم و صارت كل وحده توقف و تتمنى لهم ليله سعيدة.
بقى سهام و حسام و وئام.
سهام لحسام:أهل وليد بيجون كلهم بكره؟
حسام:ايه كان بيجي هو اليوم بس قال لا مع أهله بكره، و ناظر لها:ليه تسالين؟
سهام هزت رأسها بلا:و لا شي بس عشان أمه قالت لأمي اذا ما جاء وليد أنا ما راح اجي.
حسام:لا كلمته قبل شوي و قال جايين كلنا بكره.
سهام وقفت:حلو، يلا تصبح على خير.
حسام:و أنتي من اهله.
سهام:وئام تصبحين على خير.
وئام حاطه السماعات ولا تدري باللي حولها.
سهام ضحكت:في عالم آخر ، و مشت.
(بقى عصافير الحب)
حسام ترك الجوال و ظل يناظر فيها و فعلًا ما كانت حول أحد.
وئام حست بنظرات و رفعت رأسها و شافت المكان فاضي و ما بقى غيرهم، فكت السماعه و ناظرت له:وين البنات؟
حسام:دخلوا من زمان ينامون و أنتي عقلك بالجوال.
وئام إبتسمت:كنت أناظر مسلسلي، وقفت:أنا بأدخل تبي شي؟
حسام وقف:ايه.
وئام:وش هو؟
حسام مشى لها:هديتي.
وئام مشت:بعدين بسـ..........، وقفت لما حسام مسك يدها و سحبها له:والله ما راح أسوي شي لك.
وئام تنهدت بتوتر.
حسام سحبها من يدها و راحوا ورا سيارته.
وئام كان ظهرها عالسياره و حجزها حسام بيدينه:أبيي أشوفك.
وئام منزله عيونها:مستحيل.
حسام بترجي:تكفين وئام.
وئام ناظرت له و قلبها يضرب طبول أول مره يكون بهالقرب:حسام مو الحين ، و تناظر تشوف اذا فيه أحد يشوفهم.
حسام مد يده على لثمتها:أبيي أشوفك بس.
وئام سكتت.
حسام بعد يده:والله إذا مو راضيه ما راح أبعدها بس ترا كان بيننا تحدي.
وئام ناظرت له:إذا كانت ذي الهديه اللي تبيها فأنا ما راح أقول لك لا أنت فزت عليي و الفايز يسوي إللي يبي و مو أنا اللي أتراجع عن كلمتي.
حسام إبتسم و همس:أحبك و الله أحبك.
وئام إبتسمت له:مو كثري أنا.
حسام:أوعدك أول ما نرجع من هنا راح أكلم خالي و أخطبك منه.
وئام:حسام لا توعد بأي شي لان ما نعرف وش راح يصير بكره.
حسام:صدقيني لو علي الحين أخذك و اهرب فيك و لا ارجعك الا بكيفي.
وئام مسكت يدينه و ناظرت له و غنت:مكتوبه ليك اني انا اللي تعيش لها
مكتوبه على اسمك حياتها كلها
اول ما قلت بحب كانت لي أنا
من تستاهلها غير او تنقال لها.
حسام همس:ما أحد بهالدنيا يستاهل يكون لي غيرك.
باس جبينها و تنهد و ناظر لعيونها.
وئام فكت لثمتها و ناظرت له بابتسامه.
حسام ضحك بخفه و مسح على خدها و متخرفن:يالبييه.
وئام مبتسمه له.
حسام:طلعتي تشبهين رانيا بس انتي.....أجمل.
وئام همست:خلاص ارتحت.
حسام و هو يمسح على خدها:والله حرام عليك مخبيه كل ذا عني حراام عليك.
وئام ساكته و تناظر له بحب.
حسام مسك ذقنها و رفع رأسها لفوق و قرب منها و طبع بوسه على شفتها.
وئام شهقت و بعدت و همست:حسام أنت وعدتني.
حسام:آسف بس والله وسكت، زفر:حرام عليك والله حارمتني من وجهك والله.
وئام:خلاص أنت وعدتني بشيء و إن شاء الله يصير.
حسام متخرفن:اخخ بس... باسويه ان شاء الله.
وئام عدلت لثمتها:خلاص تحدي و سويته، ممكن اروح انام.
حسام:ينفع أنام معك.
وئام بحلقت عيونها:حساام.
حسام:اوكيه آسف آسف.
وئام:تصبح على خير.
حسام:لو كنتي مكاني و فزتي وش بيكون طلبك؟
وئام إبتسمت:لو كنت جريئه مثلك كان قلت احضني بس لا قلت أطلب منك آيسكريم من باسكن روبنز.
حسام إبتسم و سحب يدها و حضنها:حققت لك واحده.
وئام صنمت مكانها و تنهدت بصمت، و حضنته و إبتسمت و همست:يا ويلك لو تعطي أحد غيري هالمكان.
حسام:أبداً ، و باس خدها.
وئام بعدت عنه مكشره.
حسام:وش فيك؟
وئام:ريحتك كلها شووي.
حسام شم نفسه:اي والله، آسف يالحب.
وئام:تصبح على خير و لا تنسى تتحمم.
حسام أرسل لها بوسه و إنتبه لها لين دخلت الخيمه.
وئام دخلت و هي متشققه من الفرح و متوتره فصخت عباتها و انسدحت و هي مبسوطه.
__
عند حسام
اللي دخل و اتحمم و بعدها انسدح و مسك جواله و كتب لها:
يا سيدتي: أنت خلاصة كل الشعر.. ووردة كل الحريات.
يكفي أن أتهجى إسمك.. حتى أصبح ملك الشعر.. وفرعون الكلمات.. يكفي أن تعشقني امرأةٌ مثلك.. حتى أدخل في كتب التاريخ.. وترفع من أجلي الرايات..❤
و أرسلها لها و أنتظر الين ردت عليه
وئام كتبت:حسام نام.
حسام إبتسم:ما انام الين تردين على رسالتي.
وئام:😌
حسام:بسررعه.
وئام:اوكيه
حسام كان يناظر مكان اسمها و هي تكتب....
وئام ارسلت:
في قاموسي أحبك تعني: أن أحٌبك بقوة مرهقة وضعف فاضح، أن أشتم قلبي حين يغضبك ، وأشفق على نفسي في غيابك، أن أثمل بك وأبكي من لذة الوقوع فيك ... تعني أن يكون سقوطي بك عميقاً، للحد الذي أعجز فيه من أنقاذي، أن أستمر بالسقوط فيك بلا وعي ولا تفكير بالنهاية ولاتساؤل عن الوصول للقاع،
معناها أن يتعثر بي الجميع، ولا يسقط قلبي إلا بين ذراعيك، معناها أن اتورط بك وأبحث عني ولا أجدني إلا معك.
حسام ابتسم و ارسل لها:اااااخخخ بس.
وئام:حسام نام.
حسام:بعد ذا الكلام انام.
وئام:ترا بانام أنا.
حسام:لا لحظه ارسل لك صوره بكلام جمميل.
وئام:خمس دقايق و بعدها بانام ترا.
حسام:اوكيه.
و ظل حسام يدور صوره عشان يركبها مع الكلام اللي في باله.
كتب لها: "هناك انتي حيث لا غيرك في الارض يعجبني"
و حط لها صوره مع الكلام.
وئام ردت عليه بكلام اجمل و ظلوا يتراسلون الين أذن الفجر.
وئام شهقت و همست:يلعن ابليسك يا حسام ، و أرسلت له:شفت أذن و حنا ما نمنا.
حسام:هههههههه آسف.
وئام:بأقوم أصلي و أنام و ما عاد بارجع اكلمك بانام سمعت بانناام.
حسام:نوم العواافي يا روحي.
وئام إبتسمت و قفلت جوالها و قامت تتوضا و تصلي ، صحت الكل يصلي و هي حطت رأسها و نامت.
__
بيوم جديد
و بعد ماصلوا صلاة الجمعه، أم حسام ضغطت كبسه من يدينها و البنات مساعدينها بالتحضير و التقطيع و التجهيز و مابين ماهم ياكلون ابوحنان رفع راسه و شاف بناته:وئام وين؟
حسام رفع راسه و توه ينتبه انها مو موجوده.
رانيا:نايمه.
ابوحنان:صحيتوها طيب.
ام حنان:صحيتها حتى انفجر قلبي قامت صلت و رجعت تنام مو قادره تفتح.
أم حسام:شكلها سهرت البارح.
ساره:أكيد لان مو قادره تفتح عيونها.
أبوحنان نفض يده و وقف.
حنان إنتبهت له:بابا خلها ترا بقينا لها آكل.
ابوحنان:بأروح أشوف لها لا يتكون مريضه.
أم حنان همست:الله يهديك.
أبوحنان توجهه للغرفه و دخل و إنتبه لها غاطه في نومتها، جلس جنبها و هزها بيده اليسار:بابا وئام.
وئام نايمه.
ابوحنان تنهد:بابا وئام، و صار يهزها:وئام.
وئام فتحت عيونها بانزعاج و ناظرت فيه:نعم.
أبوحنان إبتسم:أزعجتك، قومي وش ذا النوم.
وئام بنوم:بابا أبغا انام ممكن.
ابوحنان:نمتي متاخر.
وئام و تغمض عيونها:ايه.
ابوحنان:طيب قومي خلاص بتجي الساعه عالثلاث و يأذن العصر و أنتي نايمه و الضيوف يجون.
وئام بصوت كله نوم:أبغا أنام.
ابوحنان:أعطيك نص ساعه و أرجع ماشي.
وئام هزت رأسها و رجعت تنام.
أبوحنان إبتسم و طلع لهم:وين غيث؟
حنان:هنا جنب أمي.
ابوحنان:إذا ما صحت لي أرسلت غيث يصحيها.
حنان:لا تتعب نفسك لانها بتحضنه و تنام معه.
رانيا:صادقه و ولدها يستسلم و ينسدح جنبها.
حسام إبتسم و في نفسه:من يلومه اذا حضنها يغني عن الدنيا كلها.
الجده:يا عبدالله ماتغديت.
عبدالله:أكلت يا عيون عبدالله.
غزل وقفت:الحمدلله.
غيث وقف معها و قال جملتها بطفوله.
حنان:لا لا أنت لا.
غيث صرخ.
أبوحنان:خليه خليه.
حنان بحزن:ما أكل شي.
ام حنان:شي جديد.
أم حسام:فديت مقفاك.
غيث لف لها و إبتسم.
ام حسام تكلمه:اي والله اني أحبك أكثر من ماما و جده، مسكته و باست خده.
سهام:حسام صفر على عيالنا.
حسام إبتسم لها.
أبوحنان مسكه بيده و راح غسل فمه و يدينه و غسل يدينه معه و نزله:يلا عند خاله وئام.
غيث صفق و مشى قدام جده ناظر لهم و صفق و طلع صوت و ضحكوا عليه.
أبوحنان مسك يده و دخله عند وئام و غيث لما شافها نط عندها و بعد اللحاف و يبعد شعرها عن وجهها و يضرب خدها.
وئام غمضت عيونها و ناظرت إبتسمت لغيث و أخذته في حضنها و باست خده.
ابوحنان انهبل:لا والله جبته يصحيك و تاخذينه في حضنك.
وئام تنهدت و قامت:حرام عليك يابوي مانمت زين.
ابوحنان:و ليه؟
وئام:عشان تغير المكان و بعدين احنا في البر و حررر.
ابوحنان تنهد:خلاص يلا قومي.
وئام و هي مكشره:خلاص أرتاح ما عاد بانام.
غيث وقف عالفراش و صفق.
ابوحنان و وئام ضحكوا عليه.
ابوحنان شاله:احنا بنتقهوا في الخيمه الثانيه عشان تاخذين راحتك، طييب.
وئام هزت رأسها بايه.
ابوحنان طلع و ناظر فيهم:جيبوا الشاهي هناك عشان البنات ياخذون راحتهم، و طلع
حسام وقف عند الباب و رفع صوته عشان تسمع:ياااا سهام.
سهام لفت له:نـعـم.
حسام رفع اكثر:بالله كوب شاهي خادر زين عشان اصحصح و يطلع النوم من راسي.
سهام:ابشر حبيبي.
حسام ابتسم و طلع، انتبه لسيارة فهد اللي جايه و راح للخيمه:وصل فهد يبه و البنات لا تطلعون الا بعباياتكم.
حنان دق قلبها ألف لما عرفت انه وصل.
غزل مشت بفرح:خالو حسام باجي معك اسلم عليه.
حنان:لحظه غزل اغير ملابسك.
غزل بتكشيره:نظيفه ملابسي يا ماما.
حسام:خليها تبدلينها بعدين.
حنان:خلاص روحي.
غزل مسكت يد حسام و طلعت معه.
حنان قربت من باب الخيمه و انتبهت له ينزل من السياره و كان لحاله امه ماجات رجعت عن الباب شوي، ناظرت كيف إنه شخص أنيق لابس بنطلون أسود و تيشيرت عنابي ماركة أديداس و كاب عنابي و أبيض و الشوز كان أبيض و فيه مثل لون البلوزه و نظاراته الشمسيه ، إبتسمت لما فتح فهد يدينه يستقبل غزل اللي كانت تمشي له بخجل و حضنها بقوه و باس خدها و كان يقول لها عن شي و هي تهز رأسها بايه.
سهام من وراها:طلعت عيونك.
حنات لفت لها بخوف وضربت كتفها بخفه:خوفتيني فكرتك أمي.
سهام ضحكت بخفه.
حنان دخلت و سهام وراها:غريبه أمه ماجات.
حنان فكت عبايتها:اسأليه.
سهام جلست و ناظرت لها:بكره بتسافرون.
حنان:ان شاء الله.
سهام ابتسمت:يلا كلها اسبوعين و تجون.
وئام:مين جاء؟
البنات ناظروا لها و بنفس واحد:فهد.
وئام طلعت بعد ما غيرت ملابسها.
سهام ناظرت لحنان:تدرين إن اختك جالسه سهرانه مع حسام البارح.
حنان ابتسمت:أمانه.
سهام إبتسمت:والله، دخلت أنام و هم جالسين سوا و بعدها بوقت هي دخلت و جالسه عالجوال و تضحك و ما أدري متى نامت.
حنان:مثل حسام و وئام حلو إنهم يتعرفون على بعض قبل ما يرتبطون ببعض.
سهام تنهدت:ياشيخه أبغا عرس و ططق.
حنان إبتسمت:مو زواج اخت معتز بعد شهرين.
سهام:لا ملكه و الزواج بعدها بشهرين.
حنان وقفت:ما عنده وقت العريس و غمزت لها:على سيرتهم قومي تجهزي قبل لا يجون.
سهام طلعت لسانها بمزح.
حنان ضحكت و طلعت من الخيمه.
__
عند الرجال
بعد ما سلم فهد عليهم جلس و فصخ نظارته الشمسيه و إنتبه لغيث جالس يلعب.
ابوحنان:كيفك يا فهد؟
فهد ناظر له و إبتسم:بخير الحمدلله.
أبوحنان:جت الوالده معك.
فهد:لا والله خالتي تعبانه ولا قدرت تجي.
أبوحنان:حياك الله حبيبي.
فهد:الله يسلمك، و ناظر لغيث و ناداه:غيث.
غيث ناظر له و إبتسم.
فهد آشر له:تعال.
غيث إبتسم و كمل يلعب.
أبوحسام:مشغول مو حولك.
غزل دخلت و بدلع لجدها:ابويه تكفى طلبتك.
ابوحنان:لبيه يابوي.
غزل:نركب دبابات.
ابوحنان:من عيوني بس شوي الين يبرد الجو.
غزل:و ماما.
ابوحنان:ما عليك باكلمها.
غزل باست خده بقوه و مشت.
أبوحسام:دللع البنات غييرر.
ابوحنان:أي والله، ناظر في حسام:ها حنان وش بأقول لها الحين و أنا بأموت إذا طلبتني طلب ولا سويته.
حسام: اعتقد حنان ما تبيها تركب لحالها و إذا على هالشي أركبها معي أنا و الا فهد.
أبوحنان:بعمري عنها من اللي تشوفه بالمستشفى و الحوادث.
أبوحسام:ولا تنسون ترا هي تشوفهم كلهم برقبتها و مسؤوله و وحيده من بعد زوجها.
فهد نزل رأسه وهو يفكر فيها كيف إنها عانت من بعد موت زوجها ما يلومها ابدا لان يشوف حياة حنان مثل حياة أمه في تربيتها له و خوفها عليه.
الكل سمع صوت سيارات و حسام وقف بسرعه و إبتسم:وصل عمي أبو وليد و أبو معتز.
أبوحسام وقف:حياهم الله.
أبو معتز دخل و سلم عليهم و بعدها أبو وليد و معتز و وليد و جلسوا يتحمدون بعض.
حسام رن جواله:هلا.
سهام:تعال حبيبي تاخذ القهوه.
حسام وقف و طلع و إنتبه لها واقفه و ناولته الصحن.
حسام نزل وجهه في الأرض و سهام أستغربت و طلعت بنت جات مع أهل أبو وليد:المعذره ، و مرت من جنب حسام.
سهام كانت واقفه تناظر له لين دخل و دخلت هي عند الحريم.
جلست جنب وئام و همست لها:مين ذي اول مره اشوفها.
حنان همست:ما أدري سمعتها تقول بنت أختها أو شي زي كذا.
سهام قلبت فمها:استغفر الله.
حنان:وش فيك؟
سهام بحقد و همست:طلعت قدام حسام كاشفه و ريحة عطرها تصدع الراس.
وئام ناظرت لها:و ليه حسام واقف عند الخيمه.
سهام:أنا كلمته يجي ياخذ القهوه و مادريت الا و ذي ورانا ما استحت.
وئام بحقد:عليها تفلتي الكلبه.
حنان لسهام:شكراً فتحتي لنا باب.
سهام كشرت:ماالت.
حنان:أصلاً من شفتها دخلت و صافحتنا عذرت منها.
ام حسام علت صوتها:سهام حنان وئام.
البنات ناظروا لها.
ام حسام:الحرمه تكلمكم و أنتوا ما تسمعون.
سهام إبتسمت بخجل:المعذره.
ام وليد بابتسامه:عادي ياروحي.
حنان:كيفك يا خاله؟
ام وليد:بخير يا عمري أنتوا كيفكم و كيف عيالك؟
حنان:بخير جعلك ساالمه.
ام وليد لفت لسهام:كيفك يا روحي؟
سهام بخجل:طيبه الحمدلله.
ام وليد:كيف اهلك؟
سهام:كلهم بخير، أنتي كيفك و كيف العيال؟
أم وليد:طيبين يا قلبي جعلك سالمه.
حنان همست لها:وين زوجة ولدها؟
سهام رفعت أكتافها:ما أدري شكلها ما جات.
وئام بقرف:ليتها جات بدال ذيك العله.
حنان:خلاص حقدتي أنتي.
وئام سكتت.
سهام و هي تناظر البنات:يا جمالها لمياء.
وئام:ذي اللي ملكتها بعد شهر.
سهام هزت رأسها بايه.
دخلت البنت اللي قبل شوي و جلست جنب ام وليد و إبتسمت للبنات و هي تتعلك.
وئام تنهدت:أنا لو أروح أكسر فمها أحسن.
سهام:اسكتي بلا فضايح و ترا حسام ما ناظر حتى لظفرها وش بك أنتي.
وئام سكتت.
حنان:شفتي عيالي معك لما طلعتي لحسام.
سهام:ما فيه أحد برا فأكيد إنهم مع خالي و حسام جوة الخيمه.
انتبهوا للحريم لما نطقوا باسمها:عذاري عذاري،،، كيفك يا عذاري؟
عذاري بابتسامه:طيبه الحمدلله.
و صاروا الحريم و البنات سوالف و مشى الوقت.
غزل جات تركض لامها:ماما باركب الدبابات مع خالو حسام و عمو فهد.
حنان بخوف:لا يا غزل أخاف عليك يا ماما.
غزل بحزن:أبويه وعدني أركب مع خالو حسام.
أم حسام:حنان خليها تروح تلعب معهم.
حنان:خايفه عليها والله.
أم وليد:استودعيها ربي يا أمي.
حنان أستسلمت:استودعتها الله.
أم حنان:اطلعي شوفي لهم عشان ترتاحين.
حنان وقفت:تعالي طيب البسك جكيت.
أم حسام إنتبهت لساره و رهام طالعين بعبايات:وين رايحين؟
رهام:نركب دبابات مو بس الأولاد.
ساره بجوالها:أيوه بابا نبغا دبابات.
ام حسام:خلوها للعيال و أنتوا بعدين.
ساره و هي تقفل الخط:بعدين ذي بتطير و ينسون منها، امشي بابا يقول بيجيب حسام خمس دبابات،
و طلعوا الثنتين مع بعض.
لمياء رن جوالها و ردت:هلا بابا، دبابات!
، و ناظرت في البنات:تركبون الدباب؟
رانيا:ما أدري؟
لمياء:بابا يقول الأولاد بعدين حنا.
سهام:قولي له إيه و وقفت.
لمياء:خلاص باركب مع البنات، مع السلامه و قفلت.
رانيا وقفت:يلا تعالي.
أم حسام:خذوا عذاري معكم.
رانيا بابتسامه:إيه تعالي حياك.
عذاري وقفت و وئام ما كانت تبي بس لما سمعت إنها بتطلع نطت بسرعه تلبس و تطلع معهم.
__
عند الشباب
كل واحد ركب دباب و بدأ معتز و وليد يتسابقون و فهد واقف مع حسام اللي ينتظر غزل.
فهد:مين ذولا؟ و يأشر عليهم.
حسام ضحك:رهام اختي و ساره بنت خالي عبدالله.
فهد:الله يستر لا يطيحون.
حسام كشر:والله ذا خالي و أبوي سامحين لهم و إلا ذا الثنتين مجازفات.
التفتوا على صوت غيث يبكي و هو بحضن جده يبي معهم.
حسام و فهد ابتسموا.
حسام وقف و اخذه من يد خاله و ركبه معه و غيث انبسط.
حنان طلعت و لما شافت غيث مع حسام انهبلت:حسام تكفى إلا غيث.
فهد التفت لها بسرعه.
حسام:يا بنت الحلال ما عليك ما راح اسرع فيه هنا أسوي له دائره بس.
ابوحنان:خليه يا أبوي و استودعي الله فيه.
غزل تخصرت:و أنا مع مين اركب؟
فهد:تعالي يا غزل.
غزل راحت له و ركبت في حضنه و فهد يضبط لها الجاكيت و القبوع.
حسام:بأمشي يا حنان، و مشى بخفه و غيث يودع أمه.
حنان باستسلام:ودعتك الله.
فهد لغزل:تمسكي بقوه ولا تخافين ما بأسرع.
حنان:تمسكي يا غزل زين ولا تفكينه.
غزل:حاضر ماما.
فهد ناظر لها و إبتسم و إنطلق بهدوء.
حنان كانت ساكته و ماحست إلا بيد تسحبها، و ناظرت:وش فيك خليتي غيث يركب مع حسام.
حنان تنهدت:أبوي و حسام السبب كلميهم.
وئام بخوف:الله يهديهم.
عذاري و هي تتعلك:غبروا علينا بس.
سهام:تعرفين تسوقين؟
عذاري هزت رأسها بلا:ما أحب كذا.
وئام بهمس:أحسن.
رانيا:مين المهابيل ذولا و مسررعين.
لمياء ضحكت:معتز و وليد.
رانيا ما كان باين لها معتز أبداً لأنه متلطم بشماغ.
حسام وصل لهم و شال غيث و أعطى أمه بس اللي ما حسبوا حسابه أن غيث انفجر يبكي.
حسام ناظر لوئام:تجربين؟
وئام هزت رأسها بلا بابتسامه وتناظر له و يدينها على ذقنها.<<<<متخرفنه 😉
حسام ابتسم و كان بيقول لها:عادي في حضني،
بس عشان البنات كانوا واقفين جنبها سكت و مشى من عندها.
حنان صرخت على ولدها اللي ما سكت:خلاااص.
وئام لفت لها:خخيير، و أخذته منها:لا تصرخين عليه و هو ما يعرف إن هالشيئ غلط.
حنان سكتت و تناظر لغزل اللي مبسوطه مع فهد و يدور فيها و منتبه لحنان اللي واقفه تناظر لهم و معفوسه مع غيث.
فهد لغزل:حلو يا غزل.
غزل و هي مبسوطه:أيوه مرره حلو و ممتع، شكراً.
فهد ماكان مرتاح للدباب لان على كل قفزه المقعد اللي تحته يتحرك و انتبه لوليد و معتز جايين له و اشر لهم بيده على غزل و بسرعه غيروا اتجاههم لحسام.
غزل:عمو فهد نرجع الحين.
فهد ابتسم لها:خلاص طفشتي.
غزل:لا بس ابغا اركب مع ماما لانها قالت بتركب كمان.
فهد:طيب حبيبي.
انتبه للعيال جايين و صرخوا.
وليد:اسمع فهد، نعطي البنات يطعسون شوي و بعدها إحنا نكمل.
فهد هز رأسه:اوكيه.
و مشى وراهم بس بمهل لأنه خايف على غزل قبل نفسه، وصلوا لعند البنات
حسام نزل من الدباب:سهام بنعطيكم الدبابات لفوا فيها و رجعوها لنا.
معتز مبتسم:لمياء يلا و إنتبهي لا يجيك شي و الا يكفخنا خطيبك.
لمياء إبتسمت بخجل لأنه قال هالكلام قدام العيال و لفت لرانيا:أمشي تركبين معي و أنتي تسوقين.
رانيا وقفت:يلا.
معتز لف بعد ما أعطى لمياء و يكلم وليد و التفت لهم و انتبه لرانيا اللي جلست بمقدمة الدباب و عرفها من عيونها تقدم:لمياء تعرفين له؟
رانيا ناظرت له و نزلت نظرها.
لمياء ركبت وراها:رانيا تسوق أنا ما أعرف.
معتز ناظرلها:تعرفين انتي؟
رانيا من دون ما تناظره:ايوه وخر بس لا ادعسك.
معتز و هو يناظر لها و بقصد:شوي شوي لا تصدمون فاهمين.
لمياء و هي متمسكه في رانيا:حاضر.
رانيا ما ردت و مشت من عنده.
فهد وصل و نزل و كان بينزل غزل بس ألتفت لما حنان قالت:خلها باركب معها.
فهد:اركبوا في دباب ثاني.
حنان لفت:حسام أعطى أخته الدباب و ذا تبعك فاضي.
فهد نزل غزل:إذا إنتظري دورك و إلا أروح أجيب لك دباب ثاني.
حنان حقدت و مسكت يد غزل:قول ما باعطيك و بس مافيه داعي للف و الدوران، و مشت مع بنتها لعند حسام.
وليد صرخ:عذاري تبين تركبين؟
عذاري بدلع:ايووه بس علمني كيف يمشي ، و وقفت و ركبت مكان وليد و جالس يعلمها وش تسوي.
سهام كشرت:مالت عليك و قبل شوي تقول، و تقلدها:ما ابي أسوق، حليمه بولند فرع السعوديه.
حسام ناظر لها:وش فيك عليها؟
سهام بحقد:اكرهها.
حسام إبتسم:ترا ما همتني اذا كان قصدك بحركة قبل شوي.
سهام إنتبهت لنفسها و سكتت.
وئام خرجت من الخيمه و تاركه غيث مع أمها و ما شافت عذاري و راحت لسهام:وين أم علك.
سهام و حسام ناظروا لها و ردت سهام:راحت تلعب بالدباب.
وئام:مو توها تقول ما تعرف تسوق.
سهام بدلع:علمها وليدي.
حسام:أخذتوا ذنب البنت اليوم.
وئام كشرت و بعدت نظرها عنه.
سهام همست له؛ترا عرفت باللي صار لك فاسكت عنها.
حسام ابتسم و ناظر لها و وئام منتبهه للبنات اللي يلعبون.
حنان جت معصبه:اجلسي هنا.
حسام إستغرب:وش فيك؟
حنان:وش فيني بعد صديقك ذا رافض يعطيني الدباب امشي كاني باكله.
حسام لف للعيال:اي واحد و ناظر فيها:فهد.
حنان و هي مكشره:ما ادري وش اسمه. >>>> كذابه 😏.
حسام:خلاص اركبي مع سهام.
حنان لفت لغزل:لا تتحركين من هنا.
غزل ساكته و حنان ركبت مع سهام:يا ويلك لو تسرعين.
سهام دعست و مشت.
حسام قرب لغزل و باس خدها و ناظر في وئام:تركبين بعدهم.
وئام من دون ما تناظره:ما أحبها و أنت تعرف.
حسام:اذكر انك كنتي تسوقينها.
وئام بنفس الحاله:لا كنت اركب مع البنات او ابوي بس لانهم يطلبون مني هالشي.
حسام:و انا طلبتك تركبين معي.
وئام ناظرت له:ما أبيي شكراً.
حسام عرف من ردها إنها متضايقه عشان اللي صار و همس لها:و الله ما فيه أي بنت تملا عيني حتى لو مشت من جنبي و ترمي فلوس غيرك انتي.
وئام تنهدت:حقيره باموووت من حركتها.
حسام:هالاشكال تطنش ما نعطيها وجه.
وئام سكتت.
حسام همس لها:حبيبي.
وئام ناظرت له.
حسام همس:أنا احببك.
وئام إبتسمت له بحب.
"حساام"
حسام التفت لوليد:هلا.
وليد:حاسب أنت للبنات.
حسام ناظر ساعته:ما كملوا الربع ساعه.
معتز:ترا البنات اللي مشوا معنا مالهم أثر.
وئام سمعته:حسام شوفهم هناك رهام و ساره.
حسام ناظر لها و بعدين ناظر مكان ما تأشر و يكلم معتز:إلا شوفهم هناك مع البنات.
معتز يناظر:اييه ايه المعذره ما انتبهت.
مرت النص ساعه حقت البنات و رجعوا أعطوا الأولاد الدبابات و دخلوا جواة الخيمه ما عدا رهام و ساره اللي مبسوطين ولا همهم أحد.
(الشباب)
كانوا عاملين تحدي السباقات و بدأوا كل واحد يزيد سررعه عن الثاني و كل مره يسقط الثاني و الأول يتراجع و الأخير يتقدم.
لفوا أول لفه و اللي تعتبر من قمة التبه الين قبل الخيام و بعدها ثاني لفه و ثالث لفه كانوا باديين و نزلوا بسرعه و معتز كان جنب فهد و حاول يدخل خطه بس بمزح.
فهد إنتبه و لف الدركسون يمين و رجع لفه يسار و يمين و يسار بسرعه الين انفكت المقعده و طاح هو و الدباب نزل لتحت بسرعه و انفجر.
العيال من الخوف وقفوا و ناظروا ورا و انتبهوا للدباب اللي انفجر و صرخوا:فهههد.
و جروا له كلهم بالدباب.........
الرجال و الحريم من الصوت القوي طلعوا برا الخيمه و يناظرون وش فيه؟
ساره و رهام وقفوا دبابهم و نزلوا يبكون و ساره حضنت أبوها و تبكي.
ابوحنان:وش فيك؟
ساره وهي تبكي بحضن ابوها:فهد صديق حسام ، و بكت.
الرجال انهبلوا و راحوا لعند العيال و أبو معتز اللي كان عقله راكز شوي رجع و أخذ سيارته و مشى لعندهم
و الحريم استغربوا بس قلوبهم مع عيالهم.
حنان إنتبهت لهم يرجعون و العيال راجعين بالدبابات.
أبوحنان اللي كان قدام فتح الباب و نزل و ابوحسام نزل من ورا و هو يسحب واحد معه و انصدموا كلهم لما شافوا فهد.
ابوحنان صرخ:حنااان بسرعه تعالي ، و دخلوه الخيمه.
حنان واقفه مصنمه ما توقعت ابدداً يكون هو أو واحد من العيال.
وئام دقتها:حنان أبوي ناداك.
حنان قلبها يدق بقوه و مشت بخوف أول مره يصير لها كذا رغم انها متعوده لمثل  هالحالات.
سهام أستغربت من شكلها و تذكرت باللي صار قبل شوي و بسرعه راحت لها و هزتها:حنان انسي اللي قبل شوي و الحين روحي له صفته مريض لا أكثر، فاااهمه.
حنان هزت رأسها بايه و مشت لهم و دخلت الخيمه و مشت ما كانوا واقفين و إنتبهت له مفتح عيونه و أبوها ينظف الدم اللي في جبهته.
حنان:شوي لو سمحتوا.
ابوها:تعالي مكاني يابوي.
حنان جلست و مسكت يده تقيس النبض:فهد سامعني.
فهد من دون ما يناظر لها:إيه.
حنان:وش يعورك؟
فهد كشر:يدي و رجلي اليمين.
حنان تبعد شعره:صدرك يوجعك.
فهد:لا.
حنان إنتبهت لسهام جالسه جنبها و بيدها شنطة إسعاف، ناظرت لأبوها:معك كشاف.
أبومعتز اعطاها بسرعه:تفضلي.
حنان سوت رأسه زين و فتحت عينه و حطت النور عليها و فتحت الثانيه و كان نفس الطريقه.
فهد:دكتوره رأسي يوجعني.
حنان:طحت على حجره.
فهد صغر عيونه:أعتقد أيوه.
حنان حركت يده اليمين:توجعك ذي؟
فهد:شوي.
حنان حركة اليسار و فهد صرخ.
سهام همست:إنتبهي لاتكون مكسوره.
حنان:تحس بلووعه أو دوخه؟
فهد بألم :لا بس ذي تألمني مرره.
العيال دخلوا و وقفوا لما شافوا البنات و حسام جلس جنب فهد من الناحيه الثانيه.
حنان:فهد لازم أخذك أسوي لك أشعه عند الإسعافات اللي جنب المخيم عشان اتطمن أنا.
فهد كشر.
حنان:لازم فهد طيحتك شنيعه.
حسام:قبل ما تاخذينه ، و ناظر في فهد:كيف طحت و كيف الدباب انفجر.
فهد قص لهم بكل شي من دون ما يذكر اسم معتز و حنان تبلع غصتها لما عرفت وش سبب انه ما خلاها تركب الدباب.
فهد ختم:ربي لطف أن غزل ما كانت معي و إلا أنا عادي كبير و بأتحمل.
حنان لحسام:شيله أنت و واحد من العيال و اسبقوني عالسياره ، و قامت بسرعه و خرجت.
سهام أستحت إنها جلست وحدها و وقفت و أعطت حسام القطن:خلك حاط ذا على رأسه.
حسام أخذ منها القطن و معتز جلس جنبه و ساعده في أن فهد يجلس.
سهام انتبهت لوليد اللي يناظر لها برفعة حاجب تنهدت:عن اذنكم.
ابو وليد:يعطيكم العافيه يابوي.
سهام:واجبنا ، و طلعت.
فهد بتعب:ترا أنا بخير والله العظيم.
حسام:فهد حتى ولو لازم نتطمن عليك.
أبوحنان:شيلوه على مهلكم.
فهد برفض:لا لا أنا بأقوم لحالي.
حسام تنرفز:يلا يلا قوم لوحدك.
فهد جاء بيوقف بس تألم لما حط كل ثقله على يده و جلس بتعب.
أبومعتز:ساعدوه يا شباب.
معتز و حسام وقفوه سوا و مشوا فيه بمهل و طلعوا من الخيمه و ركبوه سيارة ابومعتز اللي كانت قريبه منهم و طلع معتز مع فهد لما شاف حنان جايه لهم و كلمت أبوها إنها بتروح.
يـــتبـــع ———>