الجزء الثامن
__
عند وئام
وصلوا البيت و دخلت على طول من دون كلام و صعدت لغرفتها و قفلت على نفسها بالمفتاح.
ابوحنان بتهديد:كلمه واحده اسمعها تنقال لاختكم راح تزعلون، و مشى و صعد لفوق.
الشغاله شايله غيث و صعدت ورا أبوحنان و غزل جنبها دايخه نوم.
أم حنان جلست بعبايتها و تنهدت.
رانيا ناظرت في أمها:كنتي تدرين؟
ام حنان:إيه.
حنان:و ليه ما خبرتينا؟
أم حنان:أبوكم منعني من هالشي.
ساره بحزن:حسام ما يستاهل اللي صار فيه.
حنان:و صدق راح يكون عقدها الأسبوع الجاي.
ام حنان:ايه بس الزواج بعد سنه و رافضه إنها تسوي حفله.
رانيا بضحكه:كماان ،و بوعيد:أنا أوريك فيها بس خلي أبوي يطلع من البيت.
ام حنان ناظرت لها:وش بتسوين يعني، خلاص أختك و راحت لنصيبها لمتى بتنتظر و اعتقد انها الكبيره.
حنان:امي صادقه يارانيا، بس هي كمان كان صبرت شوي لان كل تأخير حسام عشان فلته اللي بانيها و بدأ يشطب فيها.
رانيا ضربت فخذها:مغبونه مغبونه، بنتك رمت نفسها بالنار و إذا تفكر إني بافرح لها و الله إن تبطي، وقفت و مشت و صعدت لفوق.
ساره باست خد أمها:تصبحين على خير.
أم حنان:و أنتي من أهله.
ساره صعدت.
حنان لفت لأمها:يمه أمنتك الله وش سبب زواجها بهالشخص بالذات.
ام حنان:يا بنتي ما أدري، الولد خطبها بالاسم و أبوك كلمها و وافقت.
حنان:الولد سبق و رفضه خالي محمد لما خطب سهام و رفضه له أكيد بسبب عيب في الولد.
ام حنان:مو شرط حبيبي، و بعدين انسي خلاص وافقت و نست و انتي باقي تحللين في الموضوع.
حنان بحزن:قلبي على حسام والله.
ام حنان:و أنا بعد، استودعته الله.
حنان وقفت:يلا تصبحين على خير. و طلعت.
أم حنان تنهدت و طلعت جوالها و كلمت أخوها تسأل عن حسام.
__
عند حسام
مسح وجهه بعد ما فجر اللي داخله و حصل له مويه و نزل من السياره و غسل وجهه و أخذ مناديل و نشف وجهه و رجع ركب و ينتظر فهد، رفع جواله و فتح عالواتس و يبي يكتب لها و بسرعه خطت يده على الكلمات، رجع دق على فهد:ايوه فهد، وينك؟
فهد:باقي ما مسكت الخط طالع من الحاره.
حسام:خلاص قابلني في المقهى اللي دايم نتلاقى فيه.
فهد:اوكيه بس قبل أنت بخير؟
حسام:ايه، تنهد و قفل و حرك بسيارته لوين ما أتفق مع فهد.
__
عند وئام
بعد ما دخلت غرفتها رمت نفسها عالسرير و انفجرت تبكي، و ذا كله بسبب الكلام اللي وجهته لحسام و الكف اللي كان غصب عنها.
دخلت اخذت شاور و طلعت و لبست بجامه و انسدحت على فراشها و فتحت الجوال و دخلت على الاستوديو و كانت تشوف رسايل الحب والغزل اللي يرسلها و الأغاني و الشعر اللي توصف شعوره إتجاهها و صوره اللي يرسلها لها.
انتبهت لاشعار في جوالها و كان الواتس و باسمه فتحته و قراته كلمه كلمه.
نبضي:الا ليت قلبي لم يستجب لحبك.
___
بالكوفي عند حسام
قص لفهد بكل اللي صار (ما عدا سره هو و وئام)و هالشي خلا فهد يحزن عليه.
حسام مبتسم بحزن:أحاول استوعب أنا في حلم أو حقيقه.
فهد:اللي خلقها خلق غيرها.
حسام:بالنسبه لك بس أنا لا.
فهد سكت.
حسام:الليله لما شفت منصور مع خالي عبدالله يسولف و يضحك ومبسوط حسيت كأنه شايفه مثل أبوه، إبتسم بسخريه:بس صار شي ثاني و اللي كنت بأكلمه في الموضوع.
فهد يصرف:طيب وش رأيك؟ نروح أنا و أنت أسبوع في مكه و ناخذ عمره و بعدها نزور المدينه المنوره إذا تبي و نطلع جده.
حسام برفض:مستحيل فهد، عندي شغل لرأسي و ما أقدر اتركه.
فهد:طيب يومين و الا بالويكيند.
حسام بتفكير:راح أشوف و أرد لك.
فهد بعصبيه:حسام لازم تروح اذا جلست والله إن تتعب اكثر، عالاقل إجازه لعشره أيام.
حسام إبتسم:أوكيه قلت لك راح أشوف و أرد لك.
فهد:حتى لو ماوافقت بأجي إلى البيت و أسحبك معي.
حسام ضحك بخفه.
__
ببيت منصور
ام منصور بمدح:لو شفتها حبيبي ماشاء الله وش ذاك الطول و الشعر و الجمااال قمر بسم الله عليها.
منصور بابتسامه:صدق حلوه.
أم منصور خزرته:باقي يقول لي حلوه.
منصور:و أنا صادق وبعدين أنا ما شفتها عشان أيدك و أقول لك إيه حلوه.
أم منصور:و أنت ليه ما طلبت نظره دامها وافقت.
منصور بتكشيره:يمه هو سألني أنت شفتها قلت أمي وصفتها لي و هي رفضت تشوفني بعد ماعرفت.
ام منصور:ولو المفروض إنك طلبت ذا شرع الله، أنت بكره اطلبه بالطيب أو بالغصب.
منصور بأبتسامه:أبشري من عيوني بكره أكلمه إن شاء الله.
ام منصور:عمانك ما تلحلحوا من سمعوا إني خطبت لك.
منصور رن جواله و ناظر في أمه:الله لا يحوجني لغيرك، و رد:هلا، وقف:هلا حياك الله ، و طلع.
ام منصور:الله يوفقك يا عين أمك.
__
عند حسام
رجع البيت و جلس بالصاله لما ما شاف أحد و صار يناظر في غرفة جدته و يفكر بكلام فهد، السفر هذا هو الحل الوحيد اللي يخليني ما أحضر عقدها و أشوف إسمها بجنب إسم شخص ثاني، حسام لازم تقوي نفسك لازم تنساها، تنهد:أنساها بسرعه مستحيل بس الله يعطيني قوة الصبر.
"رجعت حبيبي"
حسام التفت و إنتبه لأمه واقفه، إبتسم لها:خوفتك عليي.
ام حسام جلست جنبه:كثيير.
حسام باس رأسها:المعذره منك، بس احتجت اني اطلع شوي.
ام حسام مسحت على خده:اهم شي إنك بخير، كشرت:الله يكسر يدهــ....، قاطعها لما حسام حط يده و بحزن:لا تكفين، ادعي على اللي تبين إلا هي.
أم حسام بدموع:حبيبي تراك بتاخذ وقت عشان تنساها بتتعذب عشان تنساها يا حسام.
حسام هز راسه بايه:الحمدلله على كل حال، بأطلع أنام تبين شي؟
أم حسام:سلامتك.
حسام وقف و شاف غرفة جدته و تذكر كل شيء و بلع غصته:تصبحين على خير، و طلع لغرفته.
__
بيوم جديد، بيت ابوحنان
وين ما الكل جالس عالتلفزيون و يتابعون مسلسل و مندمجين معه، وئام جالسه و لافه شال كبير على رقبتها و اشتهت البوب كورن و كان ناحية رانيا و طلبتها:ممكن يا رانيا البوب كورن.
رانيا ناظرت لها و ناظرت للصحن:خذيه أنتي وش ذا الكسل.
وئام:رانيا بعيد.
رانيا:قومي خذيه و الا اشتغل عندك أنا.
حنان:رانيا قريب منك هو بس دزيه لها.
رانيا مطنشه.
وئام وقفت و أخذت الصحن بهدوء.
ساره بطفش:رانيا غيري المسلسل يجي للواحد اكتئاب.
وئام:ليه؟ قصته حلوه.
رانيا بطنازه:و الله صدق يكفي اللي عندنا، تأمرين أنتي يالغلا وش تبين؟
ساره:حطي أي فيلم أبوي مجدد الاشتراك.
رانيا تضغط:تامرين يا العشق.
أم حنان جلست:وش فيكم غيرتوا المسلسل رجعوه.
رانيا:المسلسل تبع نفسيات يممه.
وئام بحده:صادقه و أنتي أولنا.
رانيا كانت بترد بس إنتبهت لابوها جاي لهم:وئام حبيبي.
وئام:لبيه.
أبوحنان جلس جنبها:توني مقفل من منصور الحين و مكلمني و يقول يبي يشوفك.
وئام:يشوفني وين؟ مهبول ذا.
غ ضحك:لا بابا قصده نظره شرعيه.
وئام كشرت:طيب أمه تعرفني و وصفتني له و وصفها للشخص كانه قدامي وش عاد يبي.
ابوحنان:يا بابا ياروحي ذا شرع الله لازم يشوفك.
ام حنان:أبوك معه حق لازم تشوفون بعض.
حنان:و بعدين ما تدرين يمكن إذا شفتيه بيطلع فيه شي مو عاجبك و هو كمان.
ساره بهمس لرانيا:ياليت و ترفضه و ترجع لحسام.
رانيا:ماهو فيلم هندي ترا.
أبوحنان:ها وش قلتي؟
وئام باستسلام:توكلنا على الله.
أبوحنان بفرح:الله يكتب لك الخير.
أم حنان و حنان:آمين.
وئام:طيب تقدر تقول له قبل العقد بيوم.
ابوحنان:اللي تبين.
حنان صرخت:مجنونه أنتي ما يصير يا بنت الحلال.
ام حنان:يا ماما لازم نعرف قبلها عشان نستعد لعقدك.
وئام:و ليه و أنا قلت لبابا مافيه اي حفله عقد و بس.
حنان:مو قصدنا كذا بس لازم تنزلين تاخذين فستان و لازم تروحين صالون تجميل و غيره.
وئام ببرود:لا ذا و لا ذا، إذا على الفستان موجود بالدولاب و إذا عالتجميل فيه رانيا تصلحني.
رانيا ناظرت لها:تتتححللمين أسوي لك.
وئام:ليه رانيا مكياج خفيف؟
رانيا كررت:و أنا قلت تحلمين أسوي لك مكياج، و بتريقه:مديره وش طولك و كثر فلوسك و مو قادره تتصلح في صالون و بيوم عقدها بيوم اللي بتصيرين شرريكه لزوج عمرك.
حنان عصبت:رااننييا.
وئام عرفت أن رانيا حاقده و بهدوء:لا لا هي صادقه و إن شاء الله ما أحتاجك، ناظرت لابوها:رد له بكره النظره يبه، عن إذنكم ، وقفت و طلعت لفوق.
أبوحنان لرانيا:وش الكلام ذا يا رانيا.
رانيا ببرود:ما قلت شي غلط.
ابوحنان:ترا هي الكبيره.
حنان:وبعدين أنتي تعرفين إنها ما تطلب منك الا إنها تحب شغلك.
رانيا بغصه:والله لو ان العريس حسام كان حطيتها بعيوني و أسوي لها اللي تبي.
ابوحنان بحده:خلصنا من ذا الموضوع و قفلنا علييه.
رانيا وقفت:إذا أنتوا قفلتوا عليه فانا لا، و ببكا:والله ما راح انسى الكف اللي اعطته لحسام و حنا جالسين كلنا ، رجااال و تضربه و الرجال ذا كان يحبها و مستعد إنه يفرش لها الارض وررد حتى وتتزوج غيرره ، و مسحت دموعها:و الله ما أحد يوقف بوجهي حتى أنتوا والله ما راح توقفون بوجهي، و تركتهم.
حنان بحنيه:يـبه لا تفكر في كلامها ترا مضغوطه.
ساره وقفت و راحت له:اي والله حنان صادقه.
ابوحنان:لاحول و لا قوة الا بالله، و ليه ما تعرف ان النصيب صار و خلاص.
ام حنان:خلك منها و أنا راح أكلمها بنفسي.
__
عند رانيا
لما صعدت انتبهت لباب وئام ينقفل و طنشت و راحت لغرفتها و لما دخلت سمعت جوالها يرن كانت تبي تلحقه بس قفل و لما شافت الرقم كان لمياء، دقت عليها وكان مشغول وقفلت وانتظرت ٥ دقايق ورجعت دقت وكان مشغول، تنهدت و تركت جوالها و فجأه رن و ناظرت و كان حسام، بحلقت عيونها بعدم تصديق و ردت بهدوء:هلا.
حسام:سلام يا مززه.
رانيا ابتسمت:هلا و عليكم السلام.
حسام:كيفك؟
رانيا:بخير و أنت؟
حسام:انا طيب الحمدلله، أقول لك خالي عندك.
رانيا:ايه موجود تحت و انا بالغرفه.
حسام:أدق على جواله مشغوول.
رانيا كشرت:كان يكلم منصور عشان الست وئام نظرتها بكره.
حسام سكت.
رانيا تذكرت:ما عليش ذكرت إسمهم قدامك.
حسام:لا عادي، نظرتها بكره قلتي.
رانيا:ايه،،، اللي عرفت انها رفضت اول تشوفه و الحين قالت ايه و مع نفسها هي وياه.
حسام يبي يغير الموضوع:طيب تسلمين باكلم خالي انا تبين شي.
رانيا سكتت و بحزن:لا والله بس ابيك تعرف ان حقك باخذه من اختي لو بعد مليون سنه.
حسام:رانيا اذا تعزيني امانه ماتمسكين منها شعره.
رانيا بقهر:لا تحلف علي لاني ما اطيق المكان اللي هي جالسه فيه.
حسام بحده:رانيا انا قت لك اذا تعزيني.
رانيا:انا اعزك بس هي قللت احترامك قدام الكل و ضربتك ليييه؟
حسام ابتسم:و تفكرين انه وجعني بالعكس ما وجعني الا هي لانها مو عارفه انها اختارت..... و سكت، تنهد:عالعموم أنا بأقفل و لاتنسين وئام بذمتك لا تمسينها بأي شئ لانك بتضريني قبلها، يلا باي و قفل.
رانيا ابتسمت بصدمه وناظرت في الجوال:مهبول و غبي.
__
بيوم النظره
وئام واقفه عند المرايه تعدل نفسها و تناظر في لبسها، تنهدت:الله يعدي هاليوم على خير.
كثفت الخافي و اندق بابها و فتحت و إبتسمت لما شافت أبوها.
أبوحنان:جاهزه حبيبي.
وئام هزت رأسها بأيه و طلعت مع أبوها و نزلوا مع بعض.
حنان إبتسمت:حيا الله عروستنا.
وئام إبتسمت بتسليك.
أم حنان بهمس:استودعتك الله.
وئام خرجت مع أبوها قسم الرجال و قبل ما يدخلون مسكت يده:يبه أمانه عليك ما تتركني.
ابوحنان:مو تاركك يـبه...
وئام:لا أقصد وحدنا أختصر عليي و عليه و خلني أروح بعدها.
أبوحنان تنهد و مسك اكتافها:مستحيل اتركك معه لوحدك أنا جنبك.
وئام إبتسمت له.
أبوحنان سحبها:يلا، و دخلوا مع بعض و تفاجئت بخالها محمد موجود و ناظرت لمنصور و بعدت نظرها لأنه كان يناظر لها من أول ما دخلت.
جلسوا قدام منصور و وئام قلبها ينبض بقوه و من دون شعور شدت على يد أبوها وهو ناظرلها و همس:وش فيك ع يدي.
وئام إبتسمت له و رخت على يده شوي.
أبوحسام طلع و آشر لأبوحنان و وقف:أجيكم أنا الحين، و طلع.
وئام أنهبلت و لفت للباب و شافت أبوها يأشر لها انه واقف جنبها.
منصور بابتسامه:كيفك وئام؟
وئام ناظرت له:بخير.
منصور:قمر مثل ما قالت أمي، عقبال ما تنورين بيتي.
وئام ناظرت له بتحدي:يصير خير، و وقفت و طلعت و أبوها وقفها:خلصتوا.
وئام:إيه، و مشت من جنبه و هي تررجف و تكلم نفسها:الحين مجنونه أنا يوم أقول له يصير خير.
فتحت البنات و شافتهم قدامها و جالسين.
ساره:ما أسرعكم.
وئام إبتسمت لها و سلمت على خالها و جلست جنبه.
أبوحسام:هاه كيف شفتيه؟
ساره بصدمه:خالو محمد أنت متأكد إنها دخلت.
أبوحسام:إيه وش فيك؟
ساره:أسرع نظره بالعالم.
الكل ما عدا رانيا:ههههههههه.
حنان:وش رأيك انتي يدق حنك معها يعني.
ساره:الا قصدك مو طايقه تشوفه لانه ماطلع جميل و وسيم.
أبوحسام:الجمال بالاخلاق.
ام حنان:صح.
ابوحنان دخل لهم مبتسم:هاه كيف عروستنا؟
حنان:طيبه.
وئام إبتسمت له.
ابوحنان:كيف شفتيه؟
وئام بتفكير:ما أدري حسيته عادي.
ساره صرخت:قصدك مو حللو.
حنان:أنتي وش دخلك تردين عنها؟
ساره:من القهر تمنيت أدخل و أقول نصيبك مو عندنا، ناظرت في وئام:أنتي كيف بتطالعينه بالله و عيالك فكرتي كيف بيجون مو حلوين يطلعون شبهه بالضبط.
رنت السمااععه
وئام كشرت:اقول انكتمي و قومي ردي.
ساره وقفت:عشان أبوي و خالي و الا أنتي المفروض ما أكلمك على ذوقك البايخ.
الكل:ههههههههههههه.
ساره ردت:أيوه مين؟ طيب و ضغطت الزر حق السماعه:بس لحظه نتحجب، وقفلت ونطت لاخواتها:حجاب حجاب.
حنان:ميين؟
ساره:حسام.
أبوحسام باستغراب:غريبه جااي.
وئام دق قلبها و وقفت:عن إذنكم بأطلع أنا وراي شغل.
أبوحنان:الله يحفظك حبيبي.
وئام مشت بسرعه و طلعت لفوق و حنان طارت وراها تبي تطمن.
حسام دق الباب و صرخوا:تعاال.
حسام دخل و قفل الباب:سلام.
الكل رد السلام.
أبوحسام:كيف جيت لهنا و قلت لي إنك بتروح مع صاحبك.
حسام:و أنا ما كذبت خلصت المشوار و جيت لهنا أسلم على خالي و عمتي و أمشي.
ام حنان:تسلم، وين رايح؟
ابوحسام:قريب مو بعيد.
حسام بابتسامه:مكه.
رانيا ناظرت ورا عند الدرج لانها كانت مستغربه نظرات حسام بين كل كلمه وكلمه يناظر في الدرج و كأنه يراقب أحد.
حسام وقف:يلا عن اذنكم.
ام حنان:وين يا أبوي أجلس لك شوي.
حسام باس رأسها:يا ليت والله بس معتز ينتظرني برا.
رانيا وقفت:طيب لحظه أحط لك حلا.
حسام:لا تسلمين ما أبييه.
رانيا غمزت له:تشيز كيك.
حسام إبتسم:دام هذا الحلا جيبي الصينيه كلها.
رانيا:اوكيه انتظرني.
حسام:لا أمشي أنا بأروح معك للمطبخ.
و مشت معه وهي تقول:معك صديقك.
حسام:إيه.
رانيا طلعت الصينيه و صارت تقطع لهم.
حسام بهدوء:كيف وئام؟
رانيا ناظرت له:طيبه.
وئام:كيف كانت نظرتها؟
رانيا بتكشيره:تقول تمام و عادي بس كذابه.
حسام:كذابه من أي ناحيه.
رانيا بهمس:ماعجبها ابداً.
حسام يصرف:هو عادي لاهو حلو ولا هو شين.
رانيا بعصبيه:لا والله مو حلو لكنها مرريضه.
حسام:اشش نزلي صوتك.
رانيا بهمس:البنت وراها سر و إن شاء الله اني لاعرفه.
حسام طنش:طيب اخلصي عليي الولد ينتظر برا.
رانيا بسرعه غلفت الصحنين و اعطته:عوافي.
حسام بابتسامه:الله يعافيك، و مشى و سلم عالكل و طلع.
__
عند وئام
دخلت غرفتها و هي فيها الغصه و بلعتها، تعبت من كثر ما تبكي، شغلت ميوزك هادي و جلست على مكتبها و بدأت ترسم موديل فستان.
حنان فتحت الباب و صرخت:أدخل يا مزه.
وئام:تعالي.
حنان دخلت بهدوء و قفلت الباب و جلست مقابلها:وش تسوين؟
وئام مندمجه بالرسم:مثل ما أنتي شايفه.
حنان:غريبه ما بدلتي ملابسك.
وئام:أفكر أروح أزور عيوش صديقتي.😉
حنان:فكره حلوه، بس ممكن تتركين القلم و تكلميني شوي.
وئام تنهدت وتركته وناظرت لها:نعم.
حنان:اوكيه نتكلم كاخوات و مانخبي على بعض شي.
وئام:اوكيه.
حنان:بذمتك وش عجبك فيه؟
وئام:ولا شي.
حنان بحلقت عيونها:وبعد ما شفتيه تبينه.
وئام هزت رأسها بايه:ترا أنا ما يهمني إلا الأخلاق غيرها لا ما يهمني.
حنان:و حسام نعم الاخلاق.
وئام بحده:لا حول و لا قوة الا بالله مع حسام، و ضربت كوب المويه وطاح و انكسر.
حنان خافت:اوكيه اوكيه اهدي، آسفه و حقك علي.
وئام بغصه:حنان اطلعي برا.
حنان:اوكيه ،و طلعت.
وئام نزلت دموعها وبهمس:يقولون لي عنك و أنا حافظتك مثل اسمي، آسفه ي حسام آسسففه.
__
ببيت ابوحسام
ام حسام بعدم اهتمام:الله يوفقها.
سهام:آمين.
ام حسام:احلى حل لما اختار حسام السفر.
سهام:أحسن له و الله.
ام حسام:وليد بيسافر معه.
سهام إبتسمت:وليد فهد ومعتز، بشكل عام الشله.
ام حسام:استودعت الله فيهم.
سهام:آمين، مسكت يد أمها:أبيك تكونين قويه يمه.
أم سهام:أحاول.
سهام:يمه انتي قويه و حسام شوفي كيف بسم الله عليه يضحك و يسولف و نسى كل شي.
ام سهام بابتسامة حزن:و مين قال انه نسى كل شي أنا أعرف ولدي و الحزن باين عليه صعب ينساها بهالسرعه.
سهام:يمه سامحيني على هالكلمه بس يستاهل هو السبب في نفسه و الا كان خطبنا له من قبل و مسكناها له.
ام حسام:ما عملنا خطبه لان عارفين ان الاثنين لبعض مو كل واحد يروح لغير الثاني، بتعب:قفلي عالموضوع تكفين.
سهام همست:تامرين.
__
عند حنان
حنان تمسح على شعر غيث و تكلم فهد:والله يافهد انبسطت لما قال إنه بيسافر يمكن هالشي يخفف عليه.
فهد بحقد:و أختك يبيلها ذذبح.
حنان بزعل:بسم الله عليها.
فهد:أدري بتزعلين على هالكلمه بس من جد وش ذا القرار اللي هدم كل شي بينها هي و حسام.
حنان:لا تلومها فهد شايفه صديقاتها متزوجات و معهم بزارين و تعبت تنتظر.
فهد تنهد:حنان اسألك سؤال.
حنان:قول.
فهد:(لللووو) شوفي كيف بدأت لو كنتي مكانها و أنا مكان حسام بتسوين كذا.
حنان بتفكير:ليه لا و انا اشوفك بارد من ناحية هالموضوع.
فهد:شكل العايله تخوف على بعضها.
حنان ضحكت بخفه:أنا حياتي غير عن حياة وئام يا فهد أنا وقفوا أهلي معي بأشد حزني بعد ما خسرت زوجي و لولاهم بعد الله كان أنا مو عايشه حياتي أبداً.
فهد:الله يعوضك مع اللي يستاهلك.
حنان:ما أحد يستاهلني فهد و أنا معي عيال.
فهد بزعل:اففاا حتى أنا.
حنان بحلقت عيونها و سكتت.
فهد ابتسم:والله لو تبين عيوني اني ما اقولك لا انتي وعيالك.
حنان ساكته.
فهد تنهد:حنان وينك؟
حنان بهمس:معك.
فهد:و اللي خلق هالكون اني ابيك.
حنان ساكته.
فهد:ابيك بكل ظروفك، وبسؤال:و انتي تبيني بكل ظروفي او لا.
حنان ساكته تسمعه.
فهد:قلبي ردي و قولي بصراحه و وعد ما أزعل.
حنان:فهد أحس يبي لي وقت أفكر في هالشي لأني كنت اشوفك صديق و أخو لا أكثر.
فهد بضحكه:أخو.
حنان تصرف:ايه، لحظه شوي ، و حركت شي عندها:لازم أقفل أبوي يدق الباب.
فهد:اوكيه تصبحين على خير.
حنان:تلاقي الخير و قفلت، مسكت قلبها:اخخ يا ربي.
__
عند رانيا
تكلم لمياء و كانت متضايقه حييل و كان سوالفها طريقة كلامها مع وئام و تعاملها و لمياء تحاول تهديها.
لمياء:رانيا خلاص ذا نصيبها وش بتسوين يعني.
رانيا تنهدت:تعبت يا لمياء تعببت.
لمياء:حبيبي هونيها و تهون و بعدين لازم تتقبلين هالشي خلاص باقي يومين على عقدها و يصير ذا منصور زوجها.
رانيا كشرت:الله ياخذه.
لمياء:لحظه رانيا، بعدت الجوال:ادخل.
لمياء:أي أوامر يا فندم معتز.
معتز جلس جنبها:سولفي معي قبل ما أسافر و خلي خطيبك المصون تكلمينه بعدين.
لمياء حطت الجوال عند أذنها:ما أكلم خطيبي، أيوه كملــ....
قاطعها معتز لما أخذ السماعه:آلو حسن تكفى اترك أختي الليله من مكالماتك و خلها تسولف معي قبل ما اسافر.
رانيا انصدمت و ساكته.
لمياء:معتز هات.
معتز:ها وش قلت؟
لمياء صرخت:معتز ذا مو حسن ذي رانيا هاات.
معتز انلخم و وقف و الجوال باذنه:و ليه ما تتكلمين من أول.
لمياء بعصبيه:و انت اعطيتني فررصه ككلله تقاطع.
معتز:طيب، رانيا.
رانيا:ننعم.
معتز بابتسامه:اول شي آسف فكرتك نسيبي حسن و ثاني شي شكراً على التشيز كيك اللي مسويته و الله ما قد ذقت مثله بحياتي.
رانيا بابتسامه:بالعافيه.
معتز:الله يعافيك، زين رديتي برد يجنن ولا كفختيني.
لمياء:معتز و أخذت الجوال:انقلع برا و أنا باجيك.
معتز أرسل لها بوسه و طلع.
لمياء:ألو رانيا.
رانيا إنفجرت ضحك.
لمياء إبتسمت:ما عليش والله.
رانيا تضحك.
لمياء:زين معتز عدل مزاجك، و كملت سوالف معها.
__
بيوم جديد
بيوم عقد وئام، كانت واقفه عند المرايه و ترتب نفسها و فستانها، تنهدت من علامات الحب اللي تركها حسام بس حمدت الله انه مع الوقت اختفى الكثير منها، أخذت السلسال اللي كان عليه إسمها و لبسته، ناظرت فيه و تذكرت إنه كان هدية حسام بعيد ميلادها تركته و رشت لها بارفيوم و طلعت.
نزلت الدرج و شافت عمتها ساره و بناتها و أخواتها و أمها سوالف و الأغاني شغاله مالهم خلق لرقص ولا لفرح، سلمت عليهم و على عمتها و جلست.
ام حنان:تبين قهوه؟
وئام هزت رأسها بلا.
و كملوا سوالف و ملاحظه أن عمتها مطنشتها مو مثل كل مره تحضنها و تبوسها و تجلس جنبها و هالمره ولا كأنها موجوده و تكلم حنان.
وئام:كيفك يا عمه؟
أم حسام ناظرت لها و ببرود:طيبه الحمدلله، و بعدت نظرها:أيوه حنان.
وئام سكتت و تناظر في الكل يسولف و مهمشينها، وقفت و راحت لباب الحوش و فتحته و طلعت و جلست عالكراسي اللي برا و نزلت دمعه ورا دمعه الين انفجرت تبكي و تنوح.
بعد دقايق سكتت و رفعت جوالها و فتحت على الأستوديو و اختارت فيديو محملته من أول و أرسلته واتس و لنبضي اللي رافضه إنها تغير إسمه من جوالها.
اشتاقت له و اشتاقت لصوته و إبتسامته و كل شي فيه و حتى مكالمتهم لبعض و ازعااجه لها كل ذي اشتاقت لها و مو عارفه كيف راح تكون حياتها بعد ماتوقع على قبولها لمنصور.
رنت صوت رساله في جوالها و كانت بتفتحها بس يد مسكت كتفها و خلتها تلف من الخوف.
أبوحنان مبتسم:خوفتك؟
وئام:ما حسيت فيك.
أبوحنان:ليه جالسه هنا لوحدك.
وئام ما جاوبت و اخذت الكتاب و شافت الأسم و ولي الأمر و الشروط و غيره، ناظرت في أبوها:وش أسوي؟
ابوحنان:وقعي.
وئام ناظرت في الاسم( العريس) و ناظرت في إسمها (العروس) و حطت القلم و بعدته بكت و ناظرت في أبوها:أحس مو قادره.
أبوحنان جلس:بابا تعوذي من ابليس.
وئام ببكا:أعوذ بالله منه.
أبوحنان بهدوء:حبيبي ما راح أضغط عليك إذا ما تبينه بأوقف الحين و أقول ما تبيك وإنتهينا أهم شي أنتي ما تتعبين نفسك و يهمني راحتك و سعادتك.
وئام سكتت:طيب.
أبوحنان ينتظر اجابتها.
وئام أخذت القلم و وقعت و ناظرت له:توكلت على الله.
أبوحنان ضمها و نزلت دموعه:الله يكتب لك الخير حبيبي.
وئام شدته لها و ببحه:آمين.
"خلصتوا"
ابوحنان بعد عنها و مسح دموعه:إيه ، و وقف و مشى من جنبها ولا ناظر فيها.
ام حنان ناظرت لها:وقعتي.
وئام هزت راسها بايه.
ام حنان جلست جنبها و ضمتها:الف مبروك حبيبي.
وئام ماردت.
ام حنان بعدت عنها و مسحت دموع بنتها:يلا تعالي نعدل مكياجك اللي خربتيه.
وئام وقفت وأخذت جوالها ومشت مع أمها و دخلت و إنتبهت لكلام البنات:أبوي ما نزلت دموعه إلا على وئام.
حنان بزعل:و أنا كان مبسوط يوم عقدي.
أم حسام:لانك الكبيره و اخذتي اللي تحبين.
أم حنان:حنان تعالي سوي مكياج أختك.
ام حسام سألت وئام:وقعتي خلاص.
وئام طنشتها.
أم حنان ردت بابتسامه:أيوه.
أم حسام و هي جالسه و بتريقه:مبروووك.
وئام ما ردت عليها.
حنان:مبروك يا عيني، وش ذا وئام خبصتي مكياجك كلله؟
وئام تنهدت بتعب.
سهام حضنتها:مبروك حبيبتي.
وئام إبتسمت لها:شكراً.
رهام وقفت و صافحتها:مبروك.
وئام صافحتها:شكراً.
ساره:مو لازم تقولين الله يبارك فيك.
وئام ما ردت.
حنان جلست و بدأت تعدل مكياج وئام.
رانيا وقفت:أبعدي يا حنان.
حنان ناظرت لها و رانيا أخذت الفرشاه من يدها و بدأت تعدل مكياج وئام.
رنت رسائل بجوال وئام و قلبها يدق تبي تشوف وش رد عليها حسام أو أحد غيره.
(بعد دقايق)
رانيا بعدت عنها:إنتهينا.
وئام:يسلمو.
رانيا أعطتها المرايه:كذا تمام.
وئام ناظرت ببرود:ايه تسلمين.
رانيا تنهدت و ناظرت لساره:افتحي أي شي نفرح يا بنتي.
ساره نطت و شغلت عالسماعات و كانت أغنيه تقتل بدال ما تفرح.
و قالوا سعيده في حياتها....واصله لكل احلامها
و باين عليها فرحتها....في ضحكتها و في كلامها
و عايشه كانها في جنه... وكل الدني........
ام حنان:ساره وش هذا؟
حنان بعصبيه:قلنا لك طق طق مو إحساس و حزن.
ساره:طيب طيب وش أحط وش تبون.
رهام:حطي خديجه معاذ.
سهام:بس نزلوا في الصوت عشان الرجال.
حنان:و إذا،،، يسمعون عندنا فرررح.
وئام كانت تناظر و تدور:بنات جوالي كان هنا،شفتوه.
رانيا:دوري له.
وئام بعدت الخداديات و دورت وراها و صرخت:جواالي وين؟
حنان:من دون صراخ.
وئام تنهدت و ناظرت ناحية الطاوله و أخذته و ناظرت فيه:خلاص لقيته ، و انتبهت لاسم حسام و ضغطت على بصمتها و اختارت واتس آب.
"وئام"
وئام و البنات ناظروا ناحية الباب.
أبوحنان بابتسامه:يلا بابا منصور ينتظرك.
وئام ناظرت لهم:ينتظرني وين؟
أبوحنان تقدم لها:هنا حبيبي في المجلس.
وئام ناظرت له:طيب بس أفتح حاجه في الجوال و أجيك الحين، و تناظر حولها:جوالي وين؟
ساره:في يدك يا بنت.
أم حنان:ماما وئام.
وئام ناظرت لها:نعم.
أم حنان مشت لها:اهدي ماما، و حضنتها و سمت عليها.
أبوحنان تنهد و مسك يدها:بابا قولي بسم الله و اقرأي أذكارك و آية الكرسي.
وئام:طيب طيب بس روح و أنا بأجي بس اقرأ رساله في الجوال.
أبوحنان مسك كتوفها و ناظر في عيونها:وئام.
وئام سكتت تناظر فيه.
أبوحنان بحده:منصور ينتظرك جوا يعني زووجك مو غريب و إذا تركتيه ينتظر مره ثانيه ربي بيعاقبك كأنك تعصينه، أمشي معي.
وئام بهدوء:طيب، و مشت معه و قبل ما تدخل سمعت رنة جوال و بصوت سهام:هلا حسام.
__
عند حسام
العيال كانوا في السياره و طالعين لجده بعد ما جلسوا يومين في الحرم و اعتمروا،
وكانوا سوالف بالسياره و طول وقتهم يحاولون ان حسام ما يفكر في وئام يجيبون سوالف ورا بعض و من بين سوالفهم رن جوال حسام برساله و ناظر و إسمها (حياتي).
بلع ريقه و كان متردد يفتح و يناظر في العيال و يبتسم، سكتوا فجأه و حسام فتح الواتس والفيديو و صار صوت الفيديو بالسياره كلها.
(مجبور افارق و أبتعد عنك و أروح
و مجبور ألوح للوداع بيديني
مجبور أكفكف دمع عيني عن البوح
مجبور آجر الونه اللي تجيني و أحاول اضحك
و أتظاهر بالمزوح تخوني دمعات عيني
و عيني مابي تروح و خاطرك مني مجروح
مابي تحس بضيقتي يا ظنيني لكن أمانه
قبل أفارقك و تروح بقولك شي بخاطري
فاض فيني أنا معك فكري .... و هاجوسي ..... و الروح
راحت معك و شكلها ما تبيني
شفت الحمام اللي تعود على النوح
من غيبتك صار يتعلم ونيني
بيحت صدي و البلا الصد مفضوح
من لهفتي لك و اشتياقي و حنيني لكن عزا القلب
في ايديك مفتوح و انت تتردد بين روحي و بيني
ليت انجرح و اقول فارقت مجروح مير البلا
فـــارقـــت من هو يـــبيـــني)
بعد ما خلص تنهد و أرسل لها رساله، و كان ينتظرها ترد.
فهد:مين ارسل لك الفيديو كلماته قاسيه؟
حسام بكذب:رهام اختي.
وليد:فكرتها سهام.
معتز تخصر:وش بتسوي إذا هي سهام؟
وليد:أدق عليها وأشوف وش فيها؟ وش مضايقها؟ ومين مزعلها؟
فهد:لنفترض ان أبوها اللي مسوي فيها كل ذا.
حسام ابتسم:ابوي مستحييل.
وليد:حسام صادق عمي مستحيل يزعلهم.
حسام:مو على طول طبعاً بس الغلط لا يحاسب عليه عكس خالي عبدالله و لا أحد يقول لبناته كلمه حتى لو كان غلط يمسكهم و يفهمهم بهدوء إن ذا غلط.
وليد:مسكين اللي يتزوج عنده.
فهد:إلا يا حظه.
حسام رفع جواله و أرسلها رساله ثانيه و ثالثه و رابعه و ترك جواله.
معتز باستهبال:حسام تنصح أتزوج من عند خالك؟
حسام إبتسم و ناظر له:اذا حنان باقول لك مستحيل توافق.
معتز بابتسامه:الدكتوره.
فهد بضحكه:تحلم إنك تاخذها.
معتز:لا طبعاً، أنا اقصد الثنتين اللي بقوا.
حسام:رانيا وساره.
وليد:خذ رانيا.
معتز:وش دخلك انت افرض اني ابغا ساره.
حسام:خالي مو مزوجها فارتاح.
فهد:يعني اختار الثالثه.
معتز ابتسم و همس:تشيزكيك.
حسام يناظر جواله على أمل ترسل بس ما تحمل ودق على سهام:آلو.
سهام:هلا حسام.
حسام:هلا حبيبي كيفك؟
سهام:بخير الحمدلله و أنت؟
حسام:بخير، عقدحواجبه:اطلعي من عندك لاني ما أسمعك زين.
سهام وقفت و طلعت للحديقه:طيب...هاه حبيبي طمني وصلتوا جده.
حسام:لا باقي في الطريق.
سهام:توصلون بالسلامه.
حسام:الله يسلمك، اخذ نفس:وش الأخبار عقدوا خلااص؟
سهام:ايه خلاص وقعت.
حسام غمض عينه بقوه و بلع ريقه:و كيف المعازيم كثيير؟
سهام بضحكه:أي معازيم يا عيني رافضه تعزم أو نسوي لها أي حفله.
حسام بصدمه:من جدك و الرجال.
سهام:الرجال أبوي و منصور و عمانه فقط لا غير.
حسام:كيف كذا؟
سهام:حسام لا تسأل لأن كل شي أحسه مثل الخيال، و بإستغراب:حتى لو تشوفها أنت ما تصدق إنها وئام بنت خالي عبدالله ضعفاانه و شكلها مررهق و فستانها مبهذل كذا و شعرها ناثرته من دون اي تسريحه و مكياجها غصب خلت أخواتها يرسمون لها عينها وقبل شوي تمشي و كأنها مو بالدنيا، حساام أنا حاسه إن البنت مو طبيعيه ابدا.
حسام تنهد و مسح وجهه:بعمري.
سهام بحزن:حبيبي انساها صارت لغيرك.
حسام يصرف:المهم سلمي على اللي عندك كللهم و باركي لهم، باي.
سهام:الله معك و طمنوني إذا وصلتوا.
حسام:إن شاء الله، و قفل و حط جواله جنبه و شغل الاف ام.
وليد:سوسو اللي تكلمك؟
حسام:ايه.
فهد كشر:اغنيه غير لائقه في الوقت الغير مناسب.
حسام ابتسم و تذكر شي و رفع جواله و كان يدوره و لقاه و أرسله لوئام، نزل جواله و صار يغني مع الفنان:
خِذ عْـيـوني وإقرى مآ خـَفَـاه البوح
وخِذ عمري / بَلاك العمر أنا ما بيـه
أنامن حُـبّي لك تسألني حتى الـرُّوح
أهو قلبي .. أنا أو حضرتك راعيه؟!؟!
أنا في عيونك ..... ألقاني سما و طْموح
يالبى الناعسه .......و راعيها يا لبيه
غلاك بمهجتي ....كثر الفضا مفتوح
و في ضلوعك .....أنا لي قلب امخبيه
__
عند وئام
دخلت و هي ترجف و انتبهت لمنصور اللي جالس و كان كاشخ و يناظر لها بابتسامه.
منصور وقف و مد يده:هلا.
وئام صافحته بهدوء و سحبتها بسرعه.
ابوحنان:ها يا منصور ذي وئام و مثل ماهي شمعة بيتي أبيها تكون شمعة بيتك.
منصور:إن شاء الله.
ابوحنان:يلا حبيبي أخليكم لوحدكم.
وئام خافت وناظرت أبوها لين طلع و قفل الباب، ألحين عرفت أن مافيه شي إسمه حلم كلله وااقع.
منصور بابتسامه:تعالي أجلسي جنبي.
وئام:مكاني هنا أحسن.
منصور وقف:أنا أجيك طيب. و جلس جنبها:كيفك؟
وئام بعدت شوي:بخير.
منصور يناظر لها:أمي ما كذبت لما قالت إنك قمر.
وئام ساكته.
منصور لمس شعرها و بعدت رأسها بسرعه.
منصور استغرب حركتها و مسك يدها بس انصدم لما سحبتها و وقفت:ما عليش منصور بس لا تلمسني.
منصور:وش فيك طيب ما راح أسوي لك شي.
وئام بتوتر:عارفه ما راح تصلح شي بس مو متعوده أحد يلمسني غير محارمي.
منصور إبتسم:بتتعودين على هالشي حبيبي لاني صرت زوجك.
وئام ابتسمت بسخريه و جلست.
منصور تنهد:اوكيه اجلسي قبالي و يصير نتعرف على بعضنا ممكن.
وئام جلست و سمعت رنة جوالها و قلبها يقول لها إنه حسام تبي ترد عليه و ماتبي بنفس الوقت لإنها خايفه من محتوى الرساله وش بيكون.
__
بمزرعه كبيره برا الرياض.
كان بيده سيجاره و حاط اغاني وناسه و حوله اصحابه ويرقصون و يضحكون و يدخنون و هو معهم مبسوط ومنسجم.
احد الحرس نزل راسه و همس له....
ابتسم و اشر له يروح و بصوته:ابشركم يا رجال الشبل صارت فرحته.
الرجال صرخوا و صاروا يعلقون:سواها والله،الله يوفقه، ذا اللي يفكر صح ووووو....
رفع يده:بخصوص هالمناسبه.
المجلس سكت.
ابتسم:بخصوص ان فرحته تمت كل واحد منكم له شيك و بقيمه.
الرجال صرررخوووا و هو مبتسم يشوفهم مبسوطين.
رفع جواله و ارسل:الف مبروك يا شبل و عقبال الفرحه الكبيره و دام فرحتني بهالخبر كل تكاليف زواجك علي،بارك للعروسه.
__
عند وئام و منصور.
منصور كان يسأل وئام و هي تجاوب عليه باختصار و يقول لها إسألي و هي تقول ما عندي أي سؤال.
منصور طفش من الكلام معها بذا الطريقه و وقف:طيب يا قلبي انا ماشي.
وئام وقفت:مع السلامه.
منصور سكت يحاول يستوعب و بهدوء:تبين شي قبل ما أمشي؟
وئام:لا شكراً.
منصور:يلا مع السلامه.
وئام:مع السلامه.
منصور طلع و قفل الباب و وئام ما صدقت إنه راح و فتحت جوالها و عالواتس إنتبهت لكلام حسام أول رساله كانت:إذا باقي تحبيني لا توقعين.
اللي بعدها:روح حسام.
أنا مستعد أرجع الحين و أعقد عليك.
بس لا توافقين على منصور ذا.
إذا وقعتي أعرفي إن كل شي بيننا إنتهى و خلااص ماله رجعه.
و آخر شي كان فيديو فتحته و أشتغل لها
(رساله لاحدهم،
رغم رحيلك المفاجئ
و رغم عدم حديثك معي
و رغم قسوة أفعالك
إلا أنني ما زلت أحبك
مثلما رأيتك للمره الأولى
و مازلت أدعو الله لأجلك و أخبره
أحفظ ذلك الشخص الذي يحمل قلبي معه
و أسعده أينما كان و أعلم بأنني حينما أحب
لـن أحـب أحـداً مـثـلـك
لان القلب يمنح لشخص واحد فقط
و قــلبي منحته لـــك فـقـط)
وئام كانت كل كلمه فيه شي يتقطع جواها تركت الجوال وبكت من قللب عرفت إنها خسرته و إن كل شي بينهم إنتهى و ما عاد فيه شي يرجعهم لبعض
حتى أجمل ليله قضتها معه ،الحين صارت على ذمة شخص ثاني و شخص ما تعرف عنه أي شي أو كيف بتكون حياتها معه، ما حست بنفسها إلا و هي تضم نفسها و تنوح على الكنبه و تنادي باسمه.
__
عند حسام و الشله
وصلوا جده و على طول استأجروا شقه و كانت صاله و غرفتين بحمام الله يكرم الجميع.
معتز:أنا بذا الغرفه اللي منفصل فيها السرير.
وليد بضحكه:خايف على نفسك.
فهد ضحك.
معتز:أي والله وخصوصاً منك أنت.
حسام:شباب بأنزل أجيب عشاء جوعاان.
فهد وقف:أنا بأنزل معك.
معتز:لا والله ما تنزلون إثنينكم، أنت يا فهد تسوق طول الطريق و حسام وضعك ما يسمح لانك..... سكت.
حسام:لاني وش هو أنا ما سقت مثل فهد.
معتز:لا لانك جوعاان و بتسوي مشاكل، بانزل أنا و اجيب اللي تبون بس وش طلبكم؟
حسام يمثل العصبيه:تكفى أي شي بس بسررعه.
فهد:تصرف دام عندنا حاله طارئه.
وليد بخوف:بأنزل معك أنتظر.
معتز أخذ المفاتيح و طلع قبل وليد.
وليد يحط الكاب على رأسه:النذل راح و خلاني.
فهد:توه طلع الحين مامداه.
وليد:وش تبون؟
حسام بعصبيه:أي شي تكفوون.
وليد قمط:طيب اي شي<<<<< كذا احنا.
وليد فتح الباب و طلع.
فهد و حسام ضحكوا....
فهد ناظر لحسام:أرسلت لك شي؟
حسام:ايه.
فهد:و أنت ما صبرت طبعاً ارسلت لها.
حسام بحزن:وش تبيني اسوي يا فهد لازم ارد عليها ولو سمعت وش قالت سهام تعذرني.
فهد سند ذقنه على يدينه:وش قالت؟سمعني!
حسام قص له بكل شي قالته سهام.
فهد:طيب يمكن هي ماعندها ذوق في اللبس.
حسام ناظر له:مصممة ازياء و حصلت تصاميمها الأولى عربياً و محلياً و تقول ما عندها ذوق.
فهد قمط من نظرتها:اوكيه آسفين.
حسام تنهد.
فهد:وش بتسوي؟
حسام فتح يدينه بحيره:وش اسوي ما عاد في يدي شي خلاص صارت لغ..... سكت مو قادر يكملها.
فهد ضرب فخذه:هونها و تهون يابو محمد.
حسام:الله يعطيني طولة البباال.
فهد:امين و صير كرر هالدعاء و حاول تطلعها من قلبك.
حسام:ياليت إني أقدر أكرره، حتى قدام الكعبه دعيت بأن قلبي يتعلق فيها أكثر و أكثر و أكثر، و لمعت عيونه.
__
عند وئام
بعد ما خلصت بكا، وقفت و راحت ناحية مغاسل الرجال و سحبت منديل و بللته و صارت تمسح وجهها الين عدلت بعض منه وطفت انوار المجلس كلها و القسم ذاك كله وطلعت و انتبهت لهم يرقصون مع أبوها و خالها.
ابتسمت و مشت بهدوء عشان ما يحسون فيها بس بكاء غيث و تاشيره عليها فضحها.
حنان ضحكت:تعالي تعالي.
الكل لف و شافوها بتطلع بس غيث فضحها.
أبوحسام راح لها وحضنها وهي انهبلت ما تبيه يقرب منها لانها بتنفجر و كمان ريحة حسام فيه.
ابوحسام بعد عنها و باس راسها:الف مبروك حبيبي.
وئام ابتسمت له.
ابوحسام سحبها:تعالي ارقصي معنا.
وئام:لا يا خالي بأطلع أغير فستاني و أرتاح.
ابوحسام:لاحقه عالنوم و الدنيا بدري، و سحبها و صار يرقص معها.
و وئام تجامل الكل عشان ما تبين أن فيها شي و تمثل القوه.
رانيا إنتبهت للي في رقبة وئام و بحلقت عيونها و شهقت و دقت حنان:شوفي الحقير بعد ما طلع أبوي استفرد فيها.
حنان شافتها و شهقت بصمت:الله ياخذه، و بحزن:الله يجعلها بعمري عن أختي واضح انهارت.
رانيا بحقد:حققققييير.
وئام بعدت عنهم:خلاص، بسرعه طلعت لغرفتها ما تبي تجلس أكثر.
__
يـــتبـــع——->
