الجزء الحادي عشر
__
(بيوم جديد....بمزرعة أبومعتز)
وصلوا قبل لا يوصل الكل و صاروا يتاكدون من المكيفات و الانوار و نظافة البيت جوا و كل شي مثل ما طلب أبومعتز من العمال.
معتز ناظر للساعه و كانت ٤ العصر و تنهد:الله يعجل بجيتهم.
ابومعتز سمعه:مين؟
معتز ناظر له وإبتسم:العيال.
أبومعتز:مو توكم كنتوا مع بعض البارح.
معتز ضحك بخفه:وش أسوي صاروا أخواني.
أبومعتز:الله يخليكم مع بعض دائماً و ابداً.
معتز:آميـن.
ابومعتز:خلنا يابوي ندخل من الشمس لين يجون.
معتز:أبشر ، و دخل مع أبوه و هو ما يبي، يبي يشوفها عالاقل قبل ما تدخل.
__
سيارة حسام
اللي كان متكفل بأخذ خالته و بناتها لأن أبوحنان كان مرتبط بشغله، بداخل السياره كان صمت في السياره حتى الراديو مقفل،
رانيا اللي تبي تكسر هالصمت:أشوف دبلتك يا حنان.
حنان مدتها لها بابتسامه.
رانيا بإعجاب:ذويق والله فهيدان.
حنان ضربت كتفها و بزعل:إسمه فهد مو فهيدان.
رانيا كشرت:آسفه، ناظرت في وئام اللي كان مكانها ورا حسام مو بالنص مثل كل مره:أشوف دبلتك يا وئومتي.
وئام ناظرت لها:ما معي دبله.
رانيا:واللي جابها بعلك؟
وئام كشرت:خليتها عالتسريحه.
ام حنان:و ليه يا ماما كان لبستيها؟
وئام بكذب:تعرفين ما أتحمل أي اكسسوار بيدي.
رانيا:بس مقارنةً بدبلة حنان هي الأجمل.
وئام إبتسمت:تستاهل الحب.
حنان:فديت روحك.
و عم الصمت مره ثانيه.......
رانيا طفشت من الهدوء:حسام صدق سهام راحت مع وليد.
حسام:ايه.
رانيا:يا سلام و حنان ترسل غزل مع فهد.
حنان:سهام متعوده بس أنا توني و خالتي معه كمان.
رهام ردت على رانيا: قصدك إني أكذب عليك.
رانيا لفت لها:لازم أسمع من الكبير أول.
ساره تقدمت:حسام باقي مطولين.
حسام يناظر:لا مو كثير.
حنان:ذي وينها فيه؟
حسام:عنده مزرعتين ماشاء الله واحده مخليها مثل الاستراحه و الثانيه مزرعه مررره كبيرره ماشاء الله.
أم حنان:هو رجال ربي معطيه صح.
حسام:ايه ماشاء الله ورثها من أمه و أبوه لأنه وحيدهم و وارث أراضي غيرها.
أم حنان:الله يرحمهم و يرحم جميع المسلمين.
الكل:آمين.
حنان لفت:غيوثي باقي نايم.
ساره:أيوه تبين أصحيه.
حنان:لا خليه.
حسام:حنان إنتبهي له ترا فيه مسبح هناك.
حنان:استودعت الله.
ساره:حسام عندهم خيل؟
حسام ابتسم:لا.
ساره كشرت:خسااره.
حسام ناظر لوئام يبي يسأل بس مو قادر و التزم الصمت.
حنان اللي شافته و شافت تراجعه:وئام حاسه بشي؟
حسام ناظر بسرعه.
وئام هزت رأسها بلا و بصمت لان كان عطره مخدرها مكانها لا تتحرك و لا تتكلم.
حسام بنفسه:الله يسعدك يا حنان.
أم حنان بأمر:إذا نزلوا المسبح ممنوع تنزلين معهم.
وئام كشرت:من متى و أنا أحبه أساساً.
ساره:ترا تقدرين تتعلمين مو صعب.
وئام بابتسامه:مره ثانيه إن شاء الله.
وصلوا للمزرعه و حسام واقف قدام البوابه ما دخل:ما أدري وصلوا او لا؟
رهام:أكيد ياحسام دام البوابه مفتوحه.
حسام سكتهم:اشش، و الجوال يرن على شخص وكان عالمايك.
معتز رد:هلا حسام.
رانيا دق قلبها لما سمعت صوته.
حسام:هلا عز قد وصلتوا.
معتز:ايه وينكم انتوا؟
حسام:أنا عند البوابه.
معتز صرخ:لحظه لحظه اجي لا تدخل.
حسام:وش فيك؟
معتز:و لا شي خلاص ادخل الحين ، و فتح الباب.
حسام ضحك و قفل الجوال.
حنان بضحكه:أنهبل.
حسام ضحك بخفه:ما أدري عنه، لف لورا:حلو وصل أبوي.
أم حنان:زين الحمدلله.
حسام نزل بسرعه و فتح باب وئام:تقدرين تنزلين.
وئام:إيه وش فيكم كلكم تسألون كأن رجلي اللي مكسوره.
رانيا:نخاف عليك وش نسوي؟ و تناظر في معتز اللي عينه على السياره.
معتز صرخ:حسام أنادي عالخدامه تشيل معكم.
حسام:لا لا.
أبوحسام:سلام عليكم.
معتز رد عليه وباس رأسه:تفضل.
أبومعتز طلع:اررحب.
معتز إبتسم لما شافها نازله و كان فيه قدامها واحده يدها مكسوره، إنتبه للي تكلمه:كيفك يا معتز؟
معتز إبتسم:هلا خالتي حياك الله.
حسام تنهد و حضنه:كيف الحال؟
معتز:بخير، وش فيك كذا؟
حسام بعد عنه:خلها على ربك بعد الدوام و ما نمت و كلها.
معتز:الله يعين، أدخل حياك.
أما الحريم دخلوا و استقبلتهم أم معتز بالأحضان و لما شافت حنان زغرطت زغرووطه لها و حضنتها:مبروك يا حبيبي أنتي.
حنان إبتسمت بخجل.
__
عند فهد
كانت أمه و غزل معه و كان أغلب الوقت ساكت أو يسولف مع أمه أو مع غزل.
فهد ناظر:غزل حبيبي فيك نوم؟
غزل تقدمت:لا بس بابا فهد يعني ايش برافو.
فهد إبتسم:يعني أحسنت أو ممتاز، ليه؟
غزل:اليوم قالتها لي المدرسه لما جاوبت.
فهد يقرص خدها:أحبها الشاااطره.
غزل إبتسمت.
ام فهد:وصل عمك و البنات؟
فهد:عمي ما راح يروح عنده شغل و البنات و عمتي مع حسام.
ام فهد:الله يحفظه عمك مع شغله ذا.
فهد:آمين.
__
عند وليد
مبسوط أن سهام معه وسوالف وغزل و كلام معسول و مع بعض.
سهام رن جوالها:هلا حنون.
حنان:وينك؟
سهام:ااا وليد فين حنا؟
وليد:في الطريق.
سهام ردت:في الطريق.
حنان:ندري إنكم في الطريق بس وين بالضبط؟
سهام ضحكت بخفه:وين بالضبط.
وليد:مين ذي؟
سهام:حنان ليه؟
وليد:حطي سبيكر.
سهام حطت سبيكر و وليد تكلم:يعني يا دكتوره ما يصير نكون لوحدنا كم ساعه.
سهام إنفجرت ضحك.
حنان بضحكه:لا يا ماما مايصير جيب بنتنا بسرعه.
وليد:وين فهد عنك هااه؟
حنان:وليد ترا خالي والله اللي يسأل أنا مالي دخل.
وليد:يرتاح أبوحسام هاه توني جااي و داخل المفرق حق المزرعه و بنتكم سليمه و مافيها شي و أنتظروا عليي بس أخذها منكم ما عاد تشوفونها ابدًا.
حنان انهبلت:كل ذا الكلام عشان قلت لك وين أنتوا؟ انقلعوا و مع السلامه، و قفلت.
سهام و وليد انفجروا ضحك عليها.
__
بمركز الشرطه
ابو حنان كان يراجع الخطه مع فريق العمل و كان كل مكان يحمل إسم عمليه معين و فريق للهجوم.
الرقيب الأول:كل شي تمام طال عمرك.
الرقيب الثاني:متى وقت التنفيذ؟
أبوحنان بأمر:بعد ما يدخلون بخمس دقايق و بعدها نفاجئهم.
الرقيب:الله ييسرها لنا يارب يا كريم.
الكل:آمين.
__
بالمزرعه
فهد طلع الحوش و رن على حنان:آلو، وينك؟
حنان وقفت:هلا حبيبي عند الحريم.
فهد:اطلعي لي من ناحية المسبح.
حنان:طيب.
فهد:أشوفك، و قفل و إبتسم و مشى لناحية المسبح و فتح الباب و انتظرها لين سمع صوت خطوات و همس:فهد.
فهد:أفتحي.
حنان إبتسمت و فتحت الباب:هلا.
فهد:مساءك شوق ما يمزح.
حنان بابتسامه:مساء النور.
فهد حضنها و بعد عنها و باس خدها:كيفك؟
حنان:بخير و أنت؟
فهد:صرت زين لما شفتك ،و مسك يدها و سحبها على طاولات و جلسوا:شوفي أنا كلمت عمي اليوم و قلت له أنا و حنان بنتفق على كل شي و نقول لك.
حنان عقدت حواجبها:إتفاق وش هو؟
فهد:على زواجنا حبيبي.
حنان إبتسمت:وش دخلني؟
فهد انصدم:كيف وش دخلك؟ أنتي اللي بتشاركيني حياتي و كيف أحدد شي و أنتي ما تدرين؟
حنان عجبها تفكيره:طيب.
فهد:بنسكن برا و ببيت يكون بالوسط بين أمي و بين أهلك.
حنان إنصدمت:لا مو برا.
فهد:أجل وين تبين؟
حنان:مع خالتي بنسكن، فهد وش فيك مالها غيرك أمك ذي.
فهد انبسط من كلامها لانه كان بيختبرها، إبتسم:طيب من عيوني، ااا زواجنا بعد اسبوعين.
حنان:لا.
فهد:ليه؟
حنان:بعد اسبوعين زواج سهام و وليد احنا إذا تبي قبلهم أو بعدهم بأسبوع و حفله صغيره و من دون تكاليف.
فهد:ما تبين زواج كبير.
حنان مسكت يده:لا....ما أبيي شي غير إني أكون معك و بس.
فهد قرب و باس جبينها:و أنا أبيك والله معي اليوم قبل بكره.
حنان:تبي نخليها الأسبوع الجاي.
فهد:لا لا لا.
حنان أستغربت:ليه؟
فهد:تبين أمي تذبحني، اليوم متوعده فيني لو دخلتي البيت و فيه شي قديم.
حنان بدلع:يا قلبي عليها خالتي.
فهد تنهد وقرب كرسيه لها:طيب وش كمان.
حنان هزت رأسها و بدلع:أيش كمان.
فهد:أكلك أنتي وحركاتك.
حنان إبتسمت:يمممه منك، و ضحكت بخفه.
و بينما كان فهد مع حنان يسولف، كان فيه شخص ثالث طال عليهم من فوق و ما إنتبهوا له يناظر لهم بحزن بس يدعي لهم من قلب، بعدت عن هالمكان تعطيهم راحتهم و وقفت بنص البلكون و هي تناظر المزرعه وش كبرها، رن جوالها و ردت من دون نفس:خير.
بزعل:وئام أنتي وينك ما تردين؟
وئام بُكره:وش تبي يا منصور؟
منصور:داق اسأل عنك و أشوف كيف صرتي؟
وئام ضحكت بخفه:يهمك يعني.
منصور:لا تجلسين تقولين يهمك أو لا أنتي لو ما حركاتك الطفوليه ما كانت علاقتنا كذا ولا كان تخرجيني من طوري و يصير فيك اللي يصير.
وئام:ماشي يا منصور ، و من قلب:الله ياخذ حقي منك.
منصور بزعل:أنا اللي غلطان أدق عليك و أسأل.
وئام من قلب:باللي ما يحفظك، و نزلت جوالها و غصتها ببلعومها مو قادره تبكي، إنتبهت لأصوات جنبها و ناظرت يمينها و يسارها مافيه أحد و نزلت نظرها للجوال و إنتبهت أن منصور فاتح الخط ما قفل أخذت الجوال وتسمع وكان معه حول الثلاثه و من بينهم واحد صوته جهور، بحلقت عيونها لما سمعت الكلام كلله و كانت تسمع بدقه و ما حست الا والخط ينقفل.
بسرعه دقت على أبوها و هي ترجف و تدعي يرد ولا كان فيه رد.
أنهبلت و رجعت دقت مرتين و ثلاث و أربع و هنا وئام صرخت:لااااا لاااااا تكفى رد يبه تكفففى، و بكت.
__
عند ابوحنان
تحركت العمليات كلها المكلفه بالمهمه وكان أبوحنان متجهين للمكان الرئيسي و كان كل شكهم فيه.
الرقيب:نبعد عن المكان ساعه و نص.
ابوحنان:حاولوا تستعجلون ،و يناظر لجواله اللي يرن بإسم وئام و حطه صامت.
الرقيب:حاضر طال عمرك ،و أخذ اللاسلكي و أعطى الأمر لباقي الدوريات.
__
بمكان ثاني
الزعيم:يالذيب ابيكم تنتبهون لهالبضاعه زززين.
الذيب:بعيوننا طال عمرك.
الزعيم:و إذا حسيتوا بأي حركه مثل ما اتفقنا ننفذ خطة DM8 .
الذيب إبتسم بشر:من عيوني أنت تامر.
الزعيم صرخ:زعلان يا شبل تعال قول لي مين مزعلك.
جلس:هلا يا زعيم.
الزعيم:ليش مبوز كذا مين مزعلك؟
تنهد:والله خطيبتي اللي مزعلتني.
الزعيم:ليه وش صاير معكم و أنتوا تووكم عصافير كذا يتغزلون مع بعض.
كشر:كنا كذا بس هي لسانها طويل.
الزعيم ضرب كتفه:منصور لا تخلي حرمه تغير مزاجك الليله، أبيك تكون رايق و تروح و تراقب لي العمليه بهدوء لانها عمليتك ذي اوكيه.
منصور هز رأسه بأيه.
الزعيم:هيا أسري يا شبل.
منصور وقف:بعد إذنك، و طلع و ذيب وراه.
الزعيم:حيااكم.
__
بمكان العمليه
كانوا ينزلون البضاعه المستهدفه و بسرعه ينقلونها و سيارة منصور تراقب من بعيد ويكلم الزعيم و يقول له إن كل شي أمان.
عند أبوحنان بدأ يقربون من المكان و هم مستعدين لأي شي يواجههم.
الرقيب:قربنا منهم طال عمرك.
أبوحنان جهز مسدسه و أخذ المايك:توكلنا على الله ، و إنتبه لين قرب و صار يتكلم:المكان محاصر أرفعوا يديكم لفوق و سلموا أنفسكم.
العمال اللي يشتغلون بسرعه ركضوا في كل مكان و شوي و طلعوا أسلحتهم و بداو يضربون بالرصاص.
ابوحنان نزل و صار يحتمي و يضرب عليهم.
الرقيب يصرخ:كانوا حاسين بوصولنا.
أبوحنان صرخ: عددهم كبير حاول توصل للاسلكي و تطلب دعم من اقرب دوريات موجوده هنا.
الرقيب:أحاول، حاول ترجع شوي مكانك خطير مرره.
أبوحنان أشر له بروح.
الرقيب مشى بسرعه و وصل للسياره و طلب دعم.
__
عند وئام
كانت جالسه عالسجاده و تدعي من قلبها لأبوها و أصحابه ينصرهم ربي الليله.
آمنت و سلمت من وترها و وقفت و فسخت الجلال بمهل و أخذت جوالها و إنتبهت لحسام يدق و ردت ببحه:آلو.
حسام:وينك؟
وئام بهمس:فوق.
حسام:ليه صوتك كذا فيه شي يوجعك؟
وئام كشرت:لا ولا شي.
حسام:طيب حبيت اتطمن عليك.
وئام؛تسلم، و ضلوا ساكتين الين نطقت:شي ثاني.
حسام:لا مع السلامه ، و قفل ما أعطاها أي فرصه.
وئام إبتسمت:مكالمة مين يقفل أول، تنهدت و حطت جوالها بجيب بنطلونها و نزلت وشافت البنات مجتمعين و يسولفون، أستغربت الحريم الكبار مو موجودين و سالت:وين أمي؟
حنان:راحوا ينامون.
رانيا تناظر حولها و تمسك جيوب بنطلونها:بنات شفتوا جوالي؟
رهام:أكيد أنتي راعية اللي قامت و خلت جوالها.
رانيا:لاا تكففين.
ساره:مليون في الميه جوالك.
رانيا ضربتها:و ليش ما تاخذينه لما شفتيه.
ساره بحده:مو مسؤوله عن أغراضك.
حنان:اشششش فيه أحد نايم.
سهام وقفت بسرعه وصارت تنزل بالانوار:جو كلاسيك.
رانيا وقفت:كيف أطلع أخذه الحين.
رهام:عادي من الباب الخلفي ذا و أنزلي الدرج و تلاقينه.
رانيا مشت:زين تدلين الطريق ،و فتحت الباب و طلعت و أنقفل وراها و خافت لأن السيب فاضي و تمشي بسرعه و فجاءه صكت في ذا اللي طلع لها وهو مسكها بسرعه و شهقت.
كتم فمها:اشش لا تخافين.
رانيا بحلقت عيونها فيه و همست:معتز.
معتز إبتسم:لبيه.
رانيا نزلت رأسها بسرعه و هو نزل يده:وش فيك كنتي بتطيحين قلبي؟
رانيا تبلع ريقها من الخوف و تناظر للباب:أبيي جوالي نسيته برا.
معتز مد يده:هذا جوالك؟
رانيا أنبسطت و أخذته من يده:أيوه هذا، شكرًا، و لفت بس معتز مسك يدها:تعالي تعالي.
رانيا خافت:تكفى معتز خلني أروح أخاف أحد يطلع علينا.
معتز:أوكيه بس أوعديني إنك ما تركضين مرره ثانيه.
رانيا:طيب.
معتز همس:لا قولي أوعدك ما أركض.
رانيا بخجل:اوعدك ما أركض.
معتز باس كف يدها:تمني لي أحلام جميله و أنا شفتك.
رانيا إبتسمت و مشت بسرعه و معتز واقف يناظر لها الين اختفت من نظره تنهد:والله يا إن حظك جميل يا أبو العز.
__
عند رانيا
دخلت عالبنات و هي ترجف و جلست بهدوء.
رهام:لقيتيه؟
رانيا:أيوه.
ساره:وين؟
رانيا:مكانه.
ساره و رهام ناظروا في بعض و رجعوا ناظروا لها:رانيا بالله وين حصلتيه؟
رانيا:قلت لكم مكان ما خليته.
رهام بإستغراب:حنا خليناه بمكتب عمي أبومعتز وش جابه لك.
رانيا إنصدمت و لما أستوعبت أخذت المخده و ضربتهم وهم يضحكون:وجع وجع يا حيوانه أنتي وهي.
حنان:بس يا رانيا الكبار نايمين.
رانيا بحقد:انك اسأليهم وش صلحوا المعفنات.
رهام وقفت:الغلط عاللي يمزح معك.
ساره وقفت معها:اي والله.
رانيا:اذلفوا عني يا تيمون و بومبا.
ساره و رهام مشوا و هم يضحكون و طلعوا لفوق.
وئام وقفت.
رانيا:وين تروحين أقصدهم هم الثنتين.
وئام إبتسمت:باطلع ناحية المسبح اشم هوا.
حنان:خذي لك طرحه أو أي شي تحطينها على رأسك.
وئام:ليه؟
سهام:عشان العيال بس ما اعتقد باقي صاحيين و هم كان وراهم دوامات اليوم.
وئام أخذت طرحة حنان و مشت وطلعت من باب المسبح و جلست عالطاولات وهي تناظر في المويه.
سهام:أختكم من يوم عقدت عالي ما يتسمى و هي متغيره ١٨٠ درجه.
رانيا كشرت:سهام تكفين لا تجيبين طاريه.
حنان بشك:أحس ما بتطول معه.
سهام:ليه ما تطول فيه شي؟
حنان تضيع السالفه:جتنا يوم و خدها وارم وفمها مجروح ما أدري كيف صفقها؟
سهام انهبلت:الله ياخذه.
رانيا:و ما عندي شك ان اللي في يدها منه.
حنان:لا رانيا مو لذا الدرجه.
رانيا:والله و انا أحلف اذا مو هو ورا طيحتها ماني رانيا.
سهام بتفكير:قسم بالله شكل أبوي يقصد حسام لما سمعته يقول خل الرجال مالك دخل فيه و في حياته.
حنان:أي رجال وش السالفه.
سهام:حسام راح لبيت منصور وضربه ذاك الكف اللي يسلم منه الكافر.
رانيا انبسطت:الله يسلم يمينه.
حنان:من وين درا؟
سهام رفعت اكتافها:الله أعلم.
رانيا:اليوم الخبر بفلوس.....بكره ببلاش.
__
عند حسام
اللي ما نامت عينه لان قلبه معها من سمع بحتها و يمكن ما نامت من آلم يدها، طلع من قسمهم ومشى بالحوش وكان باب المسبح يفصل عن قسم الحريم، حب يغير جو على نفسه و فتح الباب إنتبه للي جالسه و رجع ورا:سهام.
وئام لفت لصوته بسرعه:هلا لا وئام.
حسام رجع ناظر:أحد عندك؟
وئام هزت رأسها بلا.
حسام:أجي عادي.
وئام ببرود:حياك.
حسام قفل الباب وجلس معها عالمسبح وغطس رجوله بالمويه.
وئام من دون ما تناظره:ما نمت؟
حسام:عيا يجيني النوم و أنتي؟
وئام بحزن:قلبي مع بابا و عيا يغمض لي جفن.
حسام:الله يحفظه، كشر:ليه جوك كئيب.
وئام قلبت فمها:مخليته يشتغل وراء بعض.
عم السكوت فجأه.
وئام بنبرة حزن:صدق بتتزوج!
حسام عقد حواجبه:مين قال لك؟
وئام إبتسمت:عمتي أعجبتها واحده بجامعة ساره و قالت تبيها لك.
حسام إبتسم:يمكن ليه لا.
وئام حز بخاطرها و بهدوء:الله يوفقك.
حسام انجلط لذا الدرجه عادي الوضع عندها، تنهد:مبسوطه مع منصور؟
وئام رفعت رأسها فوق:أحيانًا.
حسام:وش اللي خلاك توافقين عليه.
وئام قلبت فمها:النصيب.
حسام ابتسم بسخريه:كذابـه.
وئام:اسألك سؤال و تجاوبني عليه بصراحه.
حسام:قولي.
وئام بلعت ريقها:باقي تحبني مثل أول؟
حسام إبتسم بخفه و سكت.
وئام سكتت وشافته طول ما جاوب و نادته:حسام جاوبني.
حسام:اكيد لا.
وئام إبتسمت بحزن.
حسام:يمكن احترمك كبنت خالي و أختي لان حبك أساسا كسرني و اللي ينكسر ما ينجبر.
وئام:صح.
اشتغلت اغنية؛ مشاعر لشيرين.
مشاعر تشاور تودع مسافر
مشاعر تموت وتحيي مشاعر
حسام ضحك:اشتغلت بوقت غللط.
يادى يادى يادى المشاعر يادى يادى يادى
يادى يادى يادى المشاعر يادى المشاعر
اللى غرب نفسه سافر من آلام المشاعر
واللى نفسه يعيشها تانى هى هى المشاعر
واللى دارى بابتسامه من عينيه مر المشاعر
واللى نفسه قصاد حبيبه يبان عليه حبة مشاعر
وئام تذكرت و ناظرت له و إبتسمت.
حسام:أول ما سمعتها أرسلت لك هالمقطع.
وئام:إيـه.
اللي بيفكر يفارق بس لولا المشاعر
واللى سامح حد جارح راضي ذل المشاعر
واللى ايده فى ايد حبيبه بس مش حاسس مشاعر
واللى راجع بعد لما إنتهى وقت المشاعر
كل حاجة ناقصة حاجة وأنت مش جنبي حبيبي
نفسي أعمل أى حاجة بس ترجعلي حبيبي
حسام قرب يده من يدها و يسوي نفسه مو منتبه وئام قلبها يدق بقوه و فيها الغصه تمنت إنها ما اشتغلت نهائياً.
خلصت الاغنيه.
وئام طلعت رجولها و لفت ظهرها لحسام و نزلت بنطلونها بسرعه و جات بتقوم بس استصعب عليها الموضوع.
حسام وقف وشالها من يدينها وهي شهقت:بسم الله خوفتني.
حسام همس لها:اختصرنا الموضوع.
وئام:شكراً، أخذت جوالها و ناظرت له:تصبح على خير.
حسام:تلاقين الخير حبيبي.
وئام عقدت حواجبها بإستغراب: كيف حبيبي و أنت تقول ما تحبني، كانت بتمشي بس وقف قدامها و استغربت:وش فيك؟.
حسام مد يده وحطها على شفايفها و يمسح عليها و يناظر لعيونها و تذكر هذاك الليله و قرب منها.
وئام تذكرت كل شي و غمضت عيونها و حطت يده تمنعه و بهمس:حسام لا.
حسام حضنها ولا همه أحد يشوفهم.
وئام غمضت عيونها و همست لنفسها:وحشتني، وحشتني يا كل دنيتي، تكفى حسام لا تكون لغيري تكفى بس أحتاج شوية وقت.
حسام يمسح أنفه برقبتها.
وئام بعدت عنه و حطت جبينها على جبينه و تمسح على خده:حسام........غمضت عيونها و دموعها:ما يصير أنا على ذمة غيرك.
حسام تراجع و بلع غصته:أكره هالكلمه، لا تقولين إنك لغيري لا تقولين.
وئام:صار و إنتهى.
حسام مسك زندها بقوه:أكرهك و أكرهه طنجره و لقت غطاها، و دفها بقوه عنه و مشى عنها وطلع من القسم كله.
وئام مسكت زندها وهي تبكي ألمها كثيير بكلامه و بفعله.
اما حسام طلع من ورا المسبح و صار يبكي باللي سواه و قاله لها.
__
عند أبوحنان
أنقض هو وفريقه على المهربين و قبضوا عليهم و ودوهم للسيارات و حجزوا على البضاعه.
الرقيب:حضرة النقيب.
ابوحنان ناظر له بابتسامه:ألف مبروك نجاح العمليه.
الرقيب:الله يبارك بعمرك و مبروك لنا كلنا.
ابوحنان:بشر قبضتوا عليهم كللهم.
الرقيب:ايه طال عمرك.
واحد من رجال الشرطه:انتبهووا سياره...
و ما امداه يكمل كلامه الا و طلق النار عليهم من سيارة طلعت لهم فجأه و يضربون.....
ابوحنان انصدم لما شاف منصور و نزل سلاحه و احتمى بالسياره والعسكر يضربون.
بعدت سيارة منصور شوي عنهم و طلع الرقيب يضرب عليها و كسر القزاز الخلفي وضرب ضربتين بدات السياره تلف يمين و يسار.
أبوحنان طلع للرقيب و صرخ:وقف لا تضرب.
الرقيب نزل سلاحه:ليش؟
ابوحنان وهو يناظر للسياره:ذا نحتاجه و باقي له وقت طوويل.
طلعوا العسكر من وراه و صوبوا ناحية السياره اللي كانت موقفه و لا تحركت و ابوحنان صرخ عليهم:قلت وقفوا اطلاق نار.
أحد العسكر:لكن طال عمرك بيروحون عنا.
ابوحنان:قلت لكم وقتهم مو الحين.
ثواني الا و انفجر المكان باللي فيه و كان انفجاار قووي.
__
عند منصور
اللي كان يطلق النار و فجأه تكسر قزاز السياره و الذيب اللي كان يسوق.
منصور صرخ:حط رجلك بسرعه.
الذيب:الله يااخذهم ،و فجأه أصابت الذيب رصاصه و ترك الدريكسون و صارت السياره تتمايل.
منصور انهبل ومسك الدريكسون وسحب البريك و وقفت السياره وناظر في الذيب و هزه:ذيب تسمعني ذذيييب و يهزه بقوه، انهبل لما شاف الدم على وجهه و صرخ:لااا ذيييب.
و بسرعه ناظر وراه و شاف الشرطه واقفين بس مايشوف وجيههم، رجع لورا و سحب ذيب معاه و بسرعه نط مكانه و شغل السياره و مشى و من القهر ضغط الزر حق التفجير و انفجر المكان كلله.
__
(بيوم جديد....بالمزرعه الصباح)
معتز نادا على أمه و جات تركض:لبيه حبيبي.
معتز وجهه مخطوف:أبوي يبيك في مكتبه.
أم معتز:طيب حبيبي.
معتز تنهد و مشى.
أم حسام:أقول لك محمد قال بينزلون قبلنا الرياض.
ام حنان:ليه عسى ما خلاف.
أم حسام رفعت اكتافها:علمي علمك بس قال معزومين و نصلي الجمعه بالجامع و ارجعوا مع حسام وفهد الليله.
ام حنان:الله يحفظهم.
ام فهد:البنات نايمين.
ام حنان إبتسمت:اي والله ناموا البارح متأخر.
أم وليد:بشري وئام نامت.
ام حنان:والله صحيت لصلاة الفجر و هي صاحيه و لما سألتها عن النوم تقول نامت ساعتين و قامت من الألم.
ام وليد:حبيبي هي ، و الله إني ما أنسى يد وليد لما انكسرت لا أنا ولا أبوه ذقنا النوم عالاقل حنا يالحريم نتحمل أما هم الواحد تسمعين صراخه من وين؟
الحريم:هههههه، صادقه والله.
حنان نزلت و معها غزل:صباح الخير.
الحريم:صباح النور.
حنان جلست و حطت غزل جنبها.
ام حنان:وين غيث؟
حنان إبتسمت:رجع ينام مع وئام.
ام حسام:ياويلك أختك تعبانه.
حنان:والله هي اللي دلعته عليها و هو إذا حضنها أستسلم و نام.
الحريم:هههههه.
حنان:لازم أفصل بينهم.
ام حنان:لييه؟
حنان إبتسمت:ناسيه أن وئام بتروح و أنا باروح.
ام حنان تذكرت و إبتسمت بحزن.
أم حسام همست لحنان:صحيتي البنات.
حنان هزت راسها بايه.
ام حسام:الله يسعدك.
أم معتز جات و جلست و كان وجهها مخطوف و ناظرت لهم:ليه ما فطرتوا؟
ام فهد:ننتظرك.
ام معتز:فديتكم سموا بالله و كلوا.
نزلوا سهام ورانيا و صبحوا عليهم وجلسوا.
و بداوا يأكلون مع السوالف.
__
بمكان ثاني
الزعيم جالس و يناظر بجثة الذيب و بأمر:شوفو شغلكم.
أحد رجاله:حاضر طال عمرك.
و شالوا الذيب و طلعوه من المكان كلله.
الزعيم تنهد وناظر ناحية منصور اللي ساكت و مصدوم من موت الذيب، مشى له الزعيم:منصور.
منصور ناظر له بصمت.
الزعيم ضرب كتفه:أنسى حبيبي.
منصور بعد نظر ه عنه و همس:مستحيل.
الزعيم:ذا قدره.
منصور بهدوء:كان رافض إني أكون أنا السواق كأنه حس.
الزعيم:ولا يهمك مصيرنا بناخذ بتااره، أنا راح أدور و أبحث عن اللي كانوا مسؤولين عن هالشي.
منصور هز رأسه بطيب.
الزعيم ضرب كتفه:قوم معي عشان نلحق نصلي عليه وندفنه ونخلص أموره.
منصور:ما أنت زعلان لانه عمليتنا فشلت.
الزعيم ضحك بقوه.
منصور إستغرب ضحكه.
الزعيم:البضاعه صارت عندنا و اللي راح منها قدديم.
منصور بحلق عيونه بصدمه:كيف؟
الزعيم إبتسم:مثل ما قلت لك، احنا حافظنا على ثلاث أرباع البضاعه و الباقي تفجرت البارح ، و صفر:مع اللي راحوا.
منصور إبتسم براحه.
__
نرجع مزرعتنا
عند فهد
كان بالحوش اللي كله عشب و يلعب كوره مع غزل و غيث و حسام معهم.
فهد شات لغزل الكوره و غزل أعطت حسام و حسام رجعها لفهد و غيث يناظر لهم.
فهد أعطى حسام و حسام رجعها لغزل و غزل رجعتها لحسام و غيث انبسط راح جنب حسام و أخذ الكوره.
غزل ضحكت:بابا فهد دام أخذها أنسى منها.
حسام:صادقه يحب نفسه.
غيث رماها لفهد وصفق:قووول.
فهد ضحك بخفه وشاتها بخفيف لغزل وغيث عصب.
حسام بضحكه:يحب نفسه قلت لك.
حنان طلت:حسام فيه أحد غيركم؟
حسام لف وشاف حنان وإبتسم:لا تعالي.
حنان لفت:تعالوا بنات مافيه الا فهد و حسام.
حنان إبتسمت و طلعت و راحت لفهد:وش تلعبون؟
فهد:تعالي نلعب كوره.
حنان كشرت:مو مزاجي.
حسام جلس عالعشب:هات يا غيوثي.
غيث إبتسم و أخذ الكوره و راح لورا حسام و ناظر حسام و شاف وئام مبتسمه لغيث ويرمي لها الكوره و يرجع يعطيها.
فهد إنتبه لهم طالعين كاشفين:أخواتك كلهم؟
حنان:لا أوريك الحين، أشرت:اللي يدها مكسوره وئام.
فهد:أففف وش فيها؟
حنان:Long Story.
فهد:طيب.
حنان تكمل:اللي على جوالها رانيا و الثنتين اللي جنب بعض رهام أخت حسام اللي من اليسار واللي عاليمين ساره أختي تمام.
فهد:وصل.
حنان:اللي جنب حسام جالسه سهام أخت حسام.
فهد ابتسم:خطيبة وليد.
حنان:مضبوط، رفعت صوتها:بنات ما يمدي نلعب دام العيال هنا.
فهد:لا لا بندخل وأنتوا ألعبوا.
حسام كشر:ماعليش ماصدقت العصر جاء عشان أطلع.
رانيا جلست:اقول يالنسيب أجلس و نجلس حنا ونلعب سوا.
فهد إبتسم على هبالها.
سهام همست لحسام:وين وليد؟
حسام و عينه على وئام اللي تلعب مع غيث بمرح:راح ياخذ أغراض هو و معتز.
حنان:سهام ورهام عادي تجلسون مع فهد.
سهام ناظرت لها ساكته.
رهام جلست جنب حسام:أيوه و ناظرت لحسام:عادي.
حسام إبتسم:ايه اجلسوا عادي.
فهد همس:وئام و رانيا يشبهون عمتي و أنتي وساره مين تشبهون؟
حنان إبتسمت:نشبه أمي اللي هي جدتي أم أبوي.
فهد:الله يرحمها.
حنان:آمين.
وئام من طلعت وتحاول ماتحط عينها بعين حسام.
غزل جات مكشره:ماما ليه طلعتوا كان الحين باقي نلعب.
فهد ضحك ومسكها وجلسها بحضنه و باس خدها وصار يدغدغها و هي تضحك، فهد وحنان يضحكون عليها.
رانيا صرخت:ييللااا ، وحطت جوالها بالنص وضغطت:اللي يجي عليه السهم يختار تحدي أو مثل أو جاوب.
فهد كشر:تكفين غيريها.
رانيا:آسفه، إبتسمت:وئام.
وئام:أتحداك.
سهام:و تسوينه.
وئام بكذب:ولا أخجل من أحد.
رانيا ضغطت:دق على أي شخص و قول له أحبك.
وئام ابتسمت:أبوي و دقت عليه و لا رد:ما يرد.
ساره:خلاص أرسلي له.
وئام فتحت واتس و أرسلت له:أحببك، و قفلته.
رانيا لفت و صار السهم لحنان:حنون.
حنان تتحلطم:جاوب و على الله.
رانيا أتسعت ابتسامتها:لو خيروك تسكن مع الشخص اللي معك بنفس الجلسه مين تختار؟
حنان إبتسمت:سهام.
سهام:أجمل من يسكن معي.
رانيا بحلطمه:مصير كل واحده ببيت زوجها.
الكل:هههههه.
حنان ناظرت لفهد و إبتسمت.
رن جوال وئام برساله و ناظرت و شافت أبوها مرسل:و أنا بعد أحببك ياروح بابا، إبتسمت:بنات بابا أرسل.
ساره:وش قال لك؟
وئام:رد لي بانه يحبني أكثر.
رانيا:يلا حسااام.
حسام ببرود:أتحداك.
رانيا ضغطت وناظرت له:العشاء عليك الليله.
فهد انفجر يضحك و الكل لما استوعب ضحكوا عدا وئام.
حسام:عادي عشاكم عليي الليله.
فهد:خلاص كلمه و قلتها.
حسام:تم.
رانيا شهقت و بسرعه سوت لثمتها:بنات جو العيال.
فهد إستغرب:وش فيكم؟
حنان:عشان معتز و الا وليد عادي، البنات يصلحون لثمهم.
فهد همس:قريب بيصير منكم وفيكم.
حنان سمعته:وش هو؟
فهد إبتسم:سلامتك.
__
في المستشفى
وبغرفة أبو حنان كانوا الرجال جالسين معه.
ابووليد:الله يعطيك العافيه ياعبدالله.
ابوحسام:الله سلمك من هالحادث.
ابومعتز:الحمدلله.
ابوحنان ابتسم:الله يسلمكم جميعاً، ناظر في
أبوحسام:عيالي يدرون؟
ابوحسام ابتسم:لا تخاف ما أحد عرف و هم مبسوطين و لا أعطيناهم خبر.
ابوحنان ارتاح:زين سويتوا.
كان لافين على راسه بشاش و يده كمان و ذا بسبب الانفجار اللي كان قريب منه هو وزملائه واللي كان منهم. اصاباتهم خطيره وسطحيه وفيه اللي نجا منهم و من دون اي خدوش.
ابوحنان لف لابوحسام:وئام البارح كانت تدق علي كأنها حست أن فيه شي.
ابوحسام:و الفأر كان موجود.
ابوحنان ضحك بخفه:ايه كان موجود بس هرب.
ابوحسام بقهر:جبان.
ابوحنان تنهد.
ابومعتز:الله يقويكم عليهم.
ابو وليد:اي والله ويفكنا منهم ومن أشكالهم أعداء عيالنا و وطننا.
ابوحنان:آمين.
انتبه لجواله يرن باسم وئام ولا رد.
أبوحسام:تبي ارد عليه.
ابوحنان هز راسه بلا:وئام و ما أبيها تحس بشي.
و انتبه لرسالتها و ابتسم، فتح جواله وكتب وأرسل لها وقفل جواله:ما أحد يحس فيني الا بناتي.
ابومعتز ابتسم:و الله انك صادق، وحيدتي وتزوجت وراحت مع زوجها بس و ربي يالبيت ماله طعم من دونها حتى اني اغلط احيانا و اناديها.
ابووليد:والله الكل يقولها ان البنات غيير و كنت اتمنى يكون لي حتى واحده.
ابوحسام ضرب كتفه:اعتبر سهام صارت بنتك.
ابووليد من قلب:فديت قلبها و الله انها غاليه و عزيزه كل يوم تكلمني وتسأل عني و عن أم وليد أكثر من اقاربي.
ابوحنان:قلنا لك البنات غيير.
__
بالمزرعه
وليد استغرب جلستهم:مجتمعين عند النبي إن شاء الله.
حسام:تبي تلعب اجلس وانت ساكت.
وليد يناظر لهم:وين سوسو؟
سهام رفعت يدها وأشرت له وانتبه للي جنبها وكانت رانيا:انتي وخري لو سمحتي.
رانيا:آسفه بس جلست قبلك.
رهام وقفت:تعالي مكاني سهام.
حسام:اجلس وليد لا تخرب علينا عشان أماكن.
سهام وقفت وجلست جنب حسام من الناحيه الثانيه و وليد جلس جنبها:فديت هالعيون.
نط وليد لما معتز ضربه وجلس جنبه:وش معكم؟
وليد:يلعبون.
رانيا صرخت:قلت لا يعني لا.
ساره بترجي:رانيا تكفففين
حنان بحلقت عيونها:بنات ما احنا في البيت تصارخون على كيفكم.
حسام تنرفز:وش فيه وش فيه؟
ساره:ابي اجلس جنب رهام وعيت.
حسام وقف:تعالي تعالي اجلسي مكاني، و مشى و جلس جنب فهد و اللي كان مقابل لوئام تماماً.
رانيا:يلا نرجع نلف الدولاب.
و انلف الدولاب وعلى فهد:فهد.
فهد:اتحداك.
رانيا ضغطت و هي مبتسمه و اختفت ابتسامتها:ااا عادي اغيره.
فهد:ليه وش طلع؟
رانيا:اغيره احسن شي مو حلو.
فهد:بالله قوليه.
حسام:حلف عليك خلااص.
رانيا بنرفزه:طيب ما ابغا اقوول.
معتز:خلاص غيريه.
رانيا غيرته:قول اي شي جاء في بالك الحين.
فهد:سؤالك اللي قبل عن ابوي.
رانيا سكتت.
فهد:جاوبي بالله.
الكل سكت.
رانيا:ايه بس ما باقوله.
فهد:الله يرحمه.
حنان حضنت يده وهمست:أنا معك.
فهد ابتسم لها:الله لا يحرمني منك.
رانيا لفت الدولاب و جاء عليها:اوكيه أنا و أختار جاوب، و ضغطت انصدمت:اااا وش أحلى صفه بالشخص اللي قدامك.
معتز أتسعت ابتسامته.
رانيا بخجل:ما أدري والله بس يعني من كثر ما تتكلم لمياء عنك أحس فيك صفة الطيبه يعني.
معتز تخرف:الله أنا طيب.
حسام ضرب كتفه:لا تصدق هاه شي طبيعي تقول لك كذا لانها ما تعرفك ززين.
معتز همس:انطم.
رانيا ضغطت و صار الدولاب على وئام:وئام.
وئام بتفكير:اممم جاوب.
معتز بصدمه:انتي وئام.
وئام استغربت:ايه ليه تسأل؟
معتز:لا سلامتك و ناظر في حسام و همس:غريبه قاعدين في نفس المكان.
حسام ناظر له ساكت و ما رد عليه.
رانيا:احلى ذكريات الطفوله كانت وين؟
وئام ابتسمت:اكيد بيت جدي.
حنان:من جد أحس أنواع الفله سويناها هناك.
حسام إبتسم لحنان:تذكرين المراجيح اللي بحبل.
حنان بابتسامه:اي والله.
رانيا:تضاربنا عليها.
سهام:هههه اخر شي قطعها خالي عبدالله لان حسام علم على رانيا.
رانيا تحاول تتذكر:وش اللي سويته؟
حنان بنيه:طيحتي وئام من عالمرجيحا و حسام مشتغل محامي عليها حتى الشوكه لا تدقها.
فهد:شكلك من كثر ما دافعت عنها صرت محامي صدق.
سهام:و يا ويلنا لو نسوي لها شي أو ناخذ منها شي يخصها واااو.
حسام ابتسم بحزن و بهمس لفهد:من صغري و أنا أعشق الارض اللي تمشي عليها و الى الحين.
وئام تضيع السالفه:طيب رانيا لفي الدولاب.
رانيا لفت و جاء على معتز:معتز.
معتز:لبيه.
رانيا:...دورك تختار.
معتز:اختاري لي.
رانيا:تبي جاوب.
معتز:اوكيه.
رانيا:شي تتمنى يكون جنب بيتكم؟
معتز ابتسم:بيتكم.
وليد دقه و همس:ولد.
حسام:خلك إنسان صريح.
معتز:والله بيوتكم كلكم شوفوا وش زينا و احنا مجتمعين الحين.
رانيا تضايقت من كلامه و تلميحاته و بتصريفه:اوكيه باقي ربع ساعه عالاذان إذا تبغون تدعون لانه وقت استجابه، أخذت جوالها و وقفت و مشت من دون أي كلمه.
رهام و ساره وقفوا و مشوا مع رانيا.
وئام وقفت غيث عشان حتى هي ضاقت من الجلسه لكن غيث دق بالصوت فكرها ماتبغاه انهبلت:وش فيك؟
غيث ببكا:اجلس.
وئام:طيب نروح جوا.
غيث صرخ و هز راسه بلا.
حنان:يلا غيوثي كلنا ندخل.
غيث بكى بقوه و وئام وقفت و مدت يدها:يلا.
غيث رفض و رفع يده عشان تشيله.
حنان شالته:أقول بلا دلع.
حسام:خلاص عوديه من اليوم و رايح انه يبعد عنها لأن كل واحد بيروح في بيت.
وئام زعلت و بغصه:ما يفرقني شي عنه بلا تفاهات.
غيث بكى و مد يده لها و هي شالته بيدها اليمين و مشت عنهم.
حنان ناظرت في حسام:كل شي الا ان احد يقول لها بنفرقكم.
معتز بابتسامه:حتى هو عبيط يتدلع عليها.
فهد:هالشي بيتعدل بس بهدوء.
حنان:يلا أنا بادخل تبي شي؟ ، و تناظر لفهد.
فهد:لا حبيبي سلامتك.
حنان:و أنتوا يا شباب؟
معتز:أنا الله يسعدك يا دكتوره قولي لامي أبيي ثلاجة قهوه و حلى بعد صلاة المغرب.
حنان:أبشر، و دخلت.
معتز ناظر لهم:الرجال ما كلموكم.
حسام:لا استغربت والله نزلتهم و هم قد قالوا اليوم للعائله.
فهد:خلوهم ينبسطون.
معتز بصدمه:يعني أبوك ما قال لك ليه نزلوا.
حسام عقد حواجبه:لا بس قال معزومين ، و بشك:أنت تعرف شي غير هالكلام؟
فهد لاحظ: والله من وجهه مخبي شي.
معتز قمط و ناظر لوليد بس ما كان موجود و ناظرلهم:لاا ما أعرف إلا اللي تعرفونه.
__
بالمستشفى
بين ماهم سوالف اندق الباب و انفتح و دخل بهيبته:السلام عليكم.
الكل سلم و وقف و الرجال دخل أول مره يشوفونه و باستغراب سأل الرجال:ذي غرفة عبدالله ال....
ابوحنان:وصلت.
الرجال تقدم و حط بوكيه الورد و سلم عليه و سلم عالرجال.
الرجال جلس:الحمدلله عالسلامه.
ابوحنان:الله يسلمك....عفوًا بس ما عرفتك.
الرجال إبتسم:شي طبيعي لان صار لنا فتره ما تقابلنا مو فتره الا عُمممر.
أبوحسام بشك:درسنا مع بعض.
الرجال:لا لا أنا حسين ال..... جاركم بحي ال.....
أبوحسام و أبوحنان اتسعت ابتسامتهم و رحبوا فيه وسألوا عن أهله و أخوانه.
ابوحنان:حياك الله.
حسين:الله يسلمك و يعافيك، الحقيقه سمعت بخبرك لما كنت أزور واحد من الأصدقاء و قلت أجي لك و أقابلك بعد هالسنين و نعمل الواجب.
أبوحسام:كثر الله خيرك و حياك الله بأي وقت.
__
بمكان الزعيم
منصور دخل و استغرب إنه مو موجود و هو اللي داق عليه و طلب منه يجي لموضوع مره مهم.
تنهد و جلس و هو يناظر لجواله و يبي يرسل لها بس تذكر انها قفلت في وجهه و طلبت منه ما يكلمها الين يراجع نفسه.
دخل الزعيم:كيفك منصور؟
منصور:هلا طال عمرك.
الزعيم جلس و أخذ ريموت و شغل الشاشه:كلمتك عشان تجي تشوف و تتعرف عاللي داهموكم و قتلوا الذيب.
منصور عدل جلسته باهتمام و يناظر للشاشه.
الزعيم:ذا اللي كانوا مشاركين بالعمليه و ذا رقيب وذا، و يغير و يتسائل:وين راحت صورته ذا ورفع صوته:ذا رئيس العمليه النقيب عبدالله ال....
منصور انصدم:لاااا كييف؟ لا مستحيل.
الزعيم:تعرفه يا منصور؟
منصور آشر عليه:ذا ذا أبو خطيبتي بس هو ما يشتغل في المكافحه يشتغل في الشرطه و......سكت مو عارف وش يقول؟
الزعيم بحده:لا يا منصور ذا يشتغل بالمكافحه جمعت عنه كل المعلومات اللي تخصه، الانفجار اللي صار ما انهاهم كلهم وهو صارت له إصابات بسيطه.
منصور يناظر مصدوم.
الزعيم وقف و راح له و جلس جنبه:هذا هو سبب موت الذيب و لولا لطف الله كان أنت ميت الحين.
منصور بلع ريقه بخوف.
الزعيم يهمس له:تتوقع كيف عرفوا بمهمتنا، قرب:هل يراقبك أو يعرف بسرك أو ، و يقرب:يكون بنته هي السبب بكل ذي.
منصور بعد عنه و وقف:مستحيل، نفض الأفكار اللي في راسه:مستحيل ما احد يعرف عني شي حتى هي علاقتنا في بعض مو ذاك الزود.
الزعيم:منصور.
منصور لف له:ما أكذب عليك أنا صدقني.
الزعيم:مصدقك بس لازم حنا نوقف عمليتنا الاخيره و نخليها بعد كم شهر عشان بيصير تغيير في الخطه.
منصور باستسلام:اللي تشوفه.
الزعيم ضرب كتفه:و كمان لازم أعطيك نصيحه حاول قد ما تقدر تكون علاقتك بابو خطيبتك و خطيبتك أعمق من كذذذاا بكثير و كلك فههم.
منصور همس:أحاول.
الزعيم باعجاب:قواك الله يا شبل.
منصور ناظر له:تبي شي؟
الزعيم ببرود:الله معك.
منصور طلع
الزعيم ابتسم بخبث:حلووو تكون حيلهم بينهم ،جلس و ولع سيجارته و أخذ نفس طووويل.
__
( المزرعه )
بعد العشاء اللي دفعه حسام و الكل أكل و شبع و وين ما الحريم يلعبون و متحمسين و يصرخون عشان اللعب و كان فريقين:
أم حنان و أم معتز وئام و رانيا و رهام وساره. (فريق أ)
أم فهد و أم حسام و أم وليد حنان و سهام.
(فريق ب)
النتيجه كانت من صالح فريق ب متقدمين بنقطه عليهم.
رانيا وقفت:تكفون ركزوا ، و راحت للفريق الثاني و أعطوها إسم مسلسل قديم.
رانيا برفض:صععب.
حنان:لا مو صعب يلا.
رانيا وقفت و صارت تمثل لهم.
وئام:مسلسل!
رانيا أعطتها إشارة صح.
رهام:قديم.
رانيا هزت رأسها بايه و صارت تعطي اشارات و الكلمات متفاوته:أنا، أنت،أنثى ،أمرأه.
رانيا تعطي لا و أشرت باله موسيقيه.
أم معتز:ربابه.
رانيا هزت راسها بأيه.
ام حنان:وضحى وإبن عجلان.
رانيا صرخت:صصصصح.
ام حنان بصدمه:حنان وش تحسين فيه مسلسل قدددييم ذا.
حنان:هو حلو عشان ما تعرفون.
وئام رن جوالها و شافته منصور تنهدت و وقفت ومشت بعيد عنهم و ردت:هلا.
منصور:سلام كيفك؟
وئام:بخير.
منصور:أبيي أسألك وين....، و سكت:كأن عندك ازعاج.
وئام:ايه حنا بالمزرعه.
منصور استغرب:من جدك.
وئام:والله تبي شي.
منصور:طيب عمي كيفه؟ داق عليك اسألك كم رقم غرفته؟
وئام عقدت حواجبها:أي غرفه.
منصور سكت.
وئام خافت و بحده:منصور أكلمك أنا أي غررفه؟
منصور:طيب شكلي جبت العيد ،و قص لها.
وئام حطت يدها على فمها و بكت و قفلت في وجهه و دخلت بسرعه للحريم، لبست عباتها.
ام حنان شافتها:وش فيك وئام؟
ام معتز دق قلبها و وقفت بسرعه:حبيبي اهداي.
حنان باستغراب:وش فيك؟؟
وئام ببكا:أبوي في المستشفى.
البنات انصدموا و شهقوا.
رانيا:ليه وش فيه؟
ام حنان:مين قال لك؟
ام معتز صرخت:صلوا عالنبي و اهدوا ما فيه الا الخير.
وئام ببكا:منصور يقول صار إنفجار لما كان بمهمته و نقلوه المستشفى، لفت لثمتها:أنـا بأروح له،و طلعت.
أم حنان جلست و بكت فهمت نص الكلام من وئام و راحت و بناتها جلسوا جنبها و يبكون و الحريم يحاولون يهدون فيهم.
ام معتز:والله العظيم إنه بخير و عافيه و أبو معتز طمني عليه.
أم حسام تمسح دموعها:استهدوا بالله يا بنات ، و دقت أم حنان:و أنتي يا نوره بس عشان بناتك تراهم يتقوون فيك.
ام حنان تبكي و هالشي ما احد يحسدها عليه ابد.
حنان وقفت و مسحت دموعها و طلعت ورا وئام.
__
عند وئام
طلعت وتوجهت لبيت الشعر عند العيال وقفت عند الباب لما شافته مسكر وتبكي، هدت شوي و عدلت لثمتها وفتحت الباب و إنتبهت لحسام و وليد يلعبون بلايستيشن و لا التفتوا لها و فهد و معتز يناظرون للايباد دخلت و نطقت بغصه:فهد طلبتك.
فهد و معتز ناظروا لها و نطق فهد:عطيتك؟
حسام ضغط ستارت و التفت لما سمع صوتها و وليد معه.
وئام ببكا:أبوي بالمستشفى يا فهد لازم أروح له.
فهد عقد حواجبه:عمي....وش فيه؟
حسام نط من مكانه:مين قال لك؟
وئام صرخت ببكا:ما يهم مين قال أنا أبيي أروح له طلبتك فهد أمي جوا و أخواتي معها حالتهم مو اخس مني تكفى.
حنان دخلت بعد مامسحت دموعها و ببحه:فهد.
فهد ناظر لها:لبيه، و مشى لها لما شاف وجهها.
حسام:الحين انتوا مين قال لكم مين وصل لكم الخبر فهموووني؟
معتز:ايه لان الرجال محرصين على هالموضوع و مغطين عالخبر.
حسام ناظر له:يعني أنت تدري.
معتز قمط:أنا سمعتهم لما تكلموا بس أمنوني ما أتكلم بأي كلمه.
وليد لوئام:دام مغطين عالموضوع كيف وصل لكم الخبر؟
وئام صرخت:وش يهم مين قال؟ خلاص عرفنا و إنتهى.
فهد:وئومه استهدي بالله.
وئام بتعب:و نعم بالله بس تكفى أبيي أروح له.
حنان بدموع:و أنا فهد أبيي اروح.
فهد مسك يدها:أبوي انتي بنروح بس أول نشوف الوضع جوا و أنا بانزلكم بنفسي.
حسام تنهد:حنان شوفي لي طريق يا حنان.
حنان طلعت و طلعت معها وئام و دخلوا للحريم و صرخت حنان:العيال بيدخلون ألبسوا عباياتكم.
و كل واحده قامت تلبس عبايتها و أم حنان طلبتهم جلال كبير، و بعد ما خلص الكل حنان نادت عليهم و دخلوا.
دخلوا العيال و فهد ضيع بينهم و صغر عيونه:وين عمتي؟
ام فهد اللي كانت جالسه جنبها:هنا حبيبي فهد.
فهد إبتسم لها و راح لها و جلس عند رجولها:يا عمه استهدي بالله هو بخير وعافيه و الحمدلله.
معتز من وراه:اي والله و أنا بنفسي كلمت أبوي و طمني عليه و قال إنه يسولف معهم و يضحك.
أم حنان رفعت وجهها و ناظرت لفهد:و ليه يا أمي ما علمتوني من اول.
فهد:والله العظيم ما أحد يعرف منا يالعيال الا الحين ماعدا معتز موصى إنه ما يتكلم.
أم حنان مسحت دموعها.
فهد:و اذا تبين تطمنين عليه قومي أنتي البسي الحين عبايتك و تمشين معي أنا و حنان و وئام و الباقي يجون مع حسام.
أم فهد لام حنان:ايه حبيبي عشان أنتوا كمان ترتاحون.
أم حنان إبتسمت:تسلم حبيبي الله لا يحرمني منك.
حسام حس بغصه بقلبه لما سمع هالكلمه من عمته اللي يعشقها و كأن ما عاد له قيمه ابداً عندها:يُـمه.
ام حسام أشرت له:هنا يا أمي.
حسام بلع غصته و بأمر:جهزوا أغراضكم.
أم حسام:طيب حبيبي.
و ثواني و الصاله فاضيه من البنات و ما فيها الا الحريم الكبار و الشباب.
أم فهد تهمس لفهد:أنت خذهم لعمك و أنا بأخلي أم معتز توصلني البيت.
فهد إبتسم لها و باس يدها:ما أقدر أخليك مع أحد.
ام فهد ضحكت بخفه:لا تخاف علي، و رفعت رأسها و شافت لغزل تبكي ورا فهد و تناظر فيه، همست له:غزل وراك تبكي.
فهد لف و إبتسم:أبوي أنا ليه تبكين ، و حضنها.
غزل:أمي و ماما يبكون على أبويه.
فهد:طيب حبيبي هو بخير إن شاء الله.
غزل غمت نفسها و تبكي على كتفه.
ام وليد:يمه بنجلس احنا شوي مع ام معتز عيب نترك الدنيا بعدنا كذا.
وليد:براحتك يا عيني، و يناظر يدور على سهام.
أم وليد عرفت:طلعت فوق مع البنات.
وليد ناظر لها مبتسم و ببراءه.
ام وليد همست:أثقل يا أمي اثقلل.
وليد:لو سمحتي تراني ولدك حسي فيني.
ام وليد:كلها أسبوعين و تشبع بعدها.
وليد تنهد:الله يعجل بها.
__
عند البنات
اللي يرتبون الغرفه بعدهم و يشيلون أغراضهم و أشياءهم و كل واحده ماسكه نفسها.
حنان:اللي باقي مع حسام شيكوا على الغرفه زين لا يكون نسينا شي من هنا أو هنا.
وئام:أكثر واحده تنسى أغراضها أنا و صارت تدور و تشوف.
رانيا:طيب أنزلوا أنتوا عشان فهد لا ينتظر يا حنان.
حنان:إن شاء الله.
سهام:خلي عيالك معنا دامك تروحين المستشفى.
حنان:ترجعين مع وليد؟
سهام:لا لا بأرجع مع أهلي.
حنان:طيب، أخذت شنطتها و شنطة عيالها و طلعت.
وئام:يلا بنات أشوفكم، و شالت شنطتها وطلعت.
رانيا تنهدت:أعوذ بالله من الشيطان الرجيم.
سهام صارت تناظر وتفتش وراهم لا يكون احد نسى شي أو شي مو مرتب.
__
بالصاله
أم حنان لبست عبايتها و جهزت شنطتها و تلبس نقابها و أنتبهت لبناتها نازلين:خلصتوا.
حنان و هي تنزل:أيوه.
أم فهد:فهد ينتظركم برا.
وئام تنزل درجه درجه و شايله شنطتها الثقيله.
حسام وقف:أنا يُـمه انتظركم بالسياره، و مشى و انتبه لوئام كيف هي حايسه، وقف و ناظر لها و شاف كيف هي معانيه، تنهد ما يدري يساعدها أو لا.
وئام وقفت بتعب و ناظرت له شافت كيف يناظر لها.
حسام:أساعدك؟
وئام:اذا تبي.
حسام إبتسم و طلع لها و همس:تمنيت إنك تجين تبكين عندي و تطلبين مني أنا اللي أنزلك لاني أولى من فهد.
وئام:إعترفت لي بكرهك لي فكيف تبي مني أقرب لك حتى.
حسام ناظر لعيونها ثواني و ببرود:أيوه صح، لف ظهره لها و نزل بكل هدوء و طلع من دون ما يعطيها كللمه.
وئام إبتسمت:حركات بزران.
ساره اللي نزلت و شافت أختها كيف حالتها أخذت شنطتها:هات يا قلبي.
وئام:فديتك و الله تعبت.
ساره:كان قلتي لي طيب.
وئام:مو مشكله، إذا ممكن حطيها في سيارة فهد.
ساره:من عيوني ، و طلعت.
ام حنان:يلا استودعتكم الله.
الحريم تنوع ردهم:الله معكم، طمنينا على عبدالله، توصلون بالسلامه.
أم حنان طلعت وطلعت حنان وراها و وئام.
فهد همس لحنان:عيالك وين؟
حنان:سهام قالت بياخذونهم معهم.
فهد تضايق من الفكره:طيب حبيبي ناخذ غيث عالاقل.
حنان:حبيبي وين ناخذهم و احنا رايحين المستشفى.
فهد:كلمتي غزل طيب.
حنان تعبت:إيه حبيبي.
فهد:تمام ، و ناظر لحسام وصرخ:حسااام.
حسام لف له بضيق:هلا.
فهد:مشينا حنا و إنتبه لغيث و غزل معك.
حسام هز رأسه بطيب وبهدوء.
فهد ركب و تكلم:غريبه أخلاقه قلبت فجأه.
ام حنان:مين؟
فهد ناظر لها:حسام، وش فيك رجعتي ورا يا عمه؟
ام حنان إبتسمت:ماعليش حبيبي كله واحد.
حنان:أرجع ورا أنا.
فهد ابتسم:لا ما احب اجلس لوحدي، و غمز لها.
حنان إبتسمت وضبطت طرحتها و مشى فهد فيهم.
__
عند الحريم
نزلت سهام وشنطتها بيدها إنتبه لها وليد اللي دخل أخذ أغراض أمه و إبتسم:هات أغراضك أشيلها معي.
سهام:لا بأروح مع حسام.
وليد بزعل:ما تبين تجين معي؟
سهام:ماعليش حبيبي الظروف ما تسمح.
وليد بضيق:براحتك يا قلبي ، وطلع.
سهام طنشته لانه ما راح ترضيه مثل كل مره و فعلاً الوضع ما يسمح حالياً.
و بعد دقايق
حسام مشى و معه أهله و رانيا و ساره و عيال حنان، بس اللي صار بنص الطريق أن غيث يبكي و حاولوا فيه يسكت بس ما فيه أمل.
رانيا مسكته:وش فيه؟ و هزته:أيش فيك؟
سهام خافت:رانيا حرام عليك مو كذا.
غيث يناظر فيها بحزن و رجع بكى.
سهام أخذته و حضنته:بس حبيبي قول لي وش فيه؟ شي يوجعك.
غيث:اااا يعني لا.
سهام:تبغا حليب.
غيث:ميام(وئام).
سهام انهبلت:يحليلنا يبغا وئام.
رهام:حتى أمه جحدها.
أم حسام لفت:كأنه عرف إنها ماهي فيه.
سهام:راحت السياره.
غيث هز راسه بلا و بكى.
سهام:ههههه ، و حضنته.
حسام أنزعج:رانيا بالله دقي على أمه و اسألي هم فين ازعجني.
أم حسام:انزعجت من ذا، أجل وش خليت لعيالك؟
حسام:ما فيه لا عيالي و لا عيالك الواحد يعيش براحه أحسن من ان أحد يزيد ينكد عليه هالنكد اللي هو فيـه.
أم حسام سكتت و عرفت ان الأخلاق سيئه.
رانيا دقت على وئام و لأن جوالها خربان حطت سبيكر و ردت:هلا رانيا.
السياره هدوء.
غيث يناظر لرانيا وهي تكلم.
رانيا:وئام وينكم بالضبط؟
وئام:اححم، كنت بأقفل في وجهك.
رانيا:ليه؟
وئام:فكرتك منصور أزعج أم أمي.
رانيا:ليه؟ يدق؟
وئام بحده:أيوه و ربي لولا الحيا من فهد لارد عليه و العن سابعه و بغصه:فجعني في أبوي الله ياخذه.
ساره:يا ليـت.
رانيا:قلت لك زوجك حق مصايب.
وئام بعصبيه:مو زوجي أقول لكم مو زوجي.
ساره:اوكيه البويفرند حقك.
الكل ضحك.
رانيا ساكته.
وئام:المهم وش تبين؟
رانيا:غيث مات من البكا لما عرف انك مو معنا بالسياره.
وئام بحنيه:اسم الله عليه الله يجعلها بعمري، وين هو جنبك؟
رانيا:ايوه كلميه.
وئام نادته بنبرتهم الخاصه:غيوثي.
غيث قرب:هاه.
وئام:أمي أنت و طوايفها.
ام حنان صرخت:بننت.
وئام ضحكت بخفه و اللي بسيارة حسام ضحكوا لما سمعوها.
وئام:غيوثي مين عليك؟
غيث بطفوله:اسام.
رانيا همست:يا ويلك.
وئام:حسام اللي مزعلك.
غيث:ايووااه.
وئام من قلب:ربي يسامحه اللي يبي يفرقنا، و بمزح:مالت عليه.
حسام صرخ:إلا عليك انتي.
وئام انصدمت:حاطه سبيكر يا رانيا.
رانيا:معروف أن جوالي خربان....أنتوا وين عشان تاخذونه.
وئام مسكت قلبها:موقفين عند محطة ال......، ننتظركم؟
حسام:أيوه لان نبغا نعطيكم المزعج اللي معنا.
وئام:فهمنا يا..... و سكتت.
رانيا:يلا مع السلامه ،و قفلت.
ام حسام لفت له:وش بك أنت و هي؟
حسام:بززر يمه بززر.
رانيا: كأنكم ضراير.
ام حسام بتاييد:اي والله.
حسام ببرود:تقريباً.
و بعد دقايق وصلوا المحطه و نزل حسام و معه غيث و فهد نزل القزاز:هلا هلا.
غيث انهبل يوم شافه و نط بسرعه، فهد حضنه بقوه و باس خده.
حسام:نزل القزاز اللي وراك.
فهد نزل القزاز وكان وراه ام حنان و إبتسمت:هلا حبيبي.
حسام:هلا بك ألف ،و ناظر لوئام:جبنا لك غيث هاه باقي تبين تقولين شي؟
وئام ناظرت له:ماني مجبوره أرد عليك.
حسام إبتسم بخفه و بعد عن السياره و فهد مشى يلحق الوقت.
__
بالمستشفى
كان أبوحسام جالس مع أبوحنان و يسولفون و من بين كلامهم:عبدالله الله يرضا عليك أبعد بنتك عن هالولد.
أبوحنان:كلها كم يوم و نخلص من هالشي.
ابوحسام:و أنت تدري وش بيصير بالكم يوم ذي.
ابوحنان:كل خير.
ابوحسام:بنتك تعذبت معه شوف وش سوا فيها شوف كيف ذبلت؟ كيف ضعفت؟ كيف صارت ترد بدال الكلمه عشر مو وئام الأولى ابداً، بنبره خافضه:حتى مشاعرها لحسام مشاعر بارده لدرجة حتى هو صاير يكشر إذا سمع صوتها و يهرب من المكان.
ابوحنان:قلت لك يا محمد كل شي بيرجع مثل ماهو.
ابوحسام:مستحيييل كل مكسور يتصلح مستحيييل.
أبوحنان سكت.
انفتح الباب و دخلت أم حنان و جرت لزوجها:عبدالله حبي فيك شي.
حنان و وئام وراها:بااباا
ابوحنان استوعب:هلا هلا وش جابكم انتوا ههههه.
وئام حضنته:يا روحي أنت.
حنان بحزن:الله يكسر يد اللي سوا فيك كذا.
أم حنان من قلب:آمين يا رب.
أبوحنان:أنتوا وش جابكم؟
وئام بعدت عنه:أفا ما تبينا.
أبوحسام:حي الله أختي وبناتها.
أم حنان ضحكت بخفه:ما أنتبهت لك.
أبوحسام غمز لها:شفتيه وضاعت علومك.
أم حنان ضحكت و سلمت عليه.
انفتح الباب و دخل فهد مع غيث:السلام عليكم.
أبوحنان انصدم:حتى أنتوا جيتوا.
حنان ضحكت:يبه وش فيك ماتبينا أنت.
فهد باس رأسه و اعطاه غيث يسلم عليه و جلسوا.
أبوحنان:الحين أنتوا كيف عرفتوا و جيتوا.
أم حنان أشرت:من هالمقروده و رجلها.
وئام بزعل:يممه انا وش دخلني هو اللي دق.
ام حنان:دخلك انه زوجك.
وئام سكتت.
أبوحسام:شوي شوي عليها.
ام حنان:أخذت عقلنا والله.
وئام تخصرت:و أبوي يعني ما يصير نخاف عليه و نبكي، حتى هو ما قصر فيني المريض.
ابوحسام بحلق عيونه:وئام.
وئام ناظرت له.
ابوحسام:أنا أذكر إنك اهدا من كذا و أعقل من كذا وش غيرك؟
وئام:الحياه تغير يا خالي.
فهد:كيف منصور عرف و إحنا يا أهله ما نعرف.
أبوحسام:نزلوها بالسوشيال ميديا.
فهد:اها، بس ما فيه شي مشابه في الأصفر.
أبوحسام:لا في الثاني.
حنان تناظر له:يبه مرتاح أنت بهالغرفه و الا اخليهم يغيرونها لك و الممرضه زينه أو لا.
أبوحنان يطمنها:كل شي تمام التمام من لما عرف المدير باني أبوك و هو مسوي معامله خاصه.
حنان:ايه ولد حلال اسم الله عليه.
فهد ناظر لها بنظره وهي إبتسمت بخفه.
اندق الباب بخفيف و وقف فهد و فتحه:هلا.
"السلام عليكم".
فهد إبتسم:هلا منصور حياك.
وئام كشرت و همست:الله لا يحييه.
منصور دخل و بيده بوكيه ورد و سلم و باس رأس أبوحنان:سلامة قلبك يالغالي.
ابوحنان بإبتسامة تسليك:الله يسلمك حبيبي.
بعدها سلم على أبوحسام و أم حنان و ناظر في وئام اللي إبتسمت بتسليك:حتى أنتي هنا ياكيكه.
وئام مدت يدها تصافحه و هو مسك يدها و باس جبينها و وئام مستغربه هالسلام.
أبوحسام:تفضل.
منصور:أرتاح باجلس مكان وئام.
وئام وقفت وهو جلس مكانها و طلعت للغرفه الثانيه اللي كانت كلها كنبات وجلست وتنهدت ما تبي تشوفه و صارت تفكر بحسام.
منصور:كيفك ياعم بشرني؟
أبوحنان:طيب الحمدلله.
منصور:أخر الأوجاع إن شاء الله.
أم حنان:كيفك يامنصور و كيف أمك؟
منصور:بخير الحمدلله، ولف يناظر وئام وين؟
ابوحنان إنتبه و نادا:يا وئام.
وئام:لبيه.
أبوحنان:تعالي يا بابا.
وئام مشت له و دخلت:لبيه.
ابوحسام:وين رحتي؟
وئام:أشوف لغيوثي، و تمسك على يدها المكسوره.
حنان:توجعك؟
وئام هزت رأسها بايه.
أبوحنان باس يدها:جعلها في يدي.
وئام التفتت له:كمان عاللي فيك، و بحقد:إلا في يد اللي كان السبب وسوا فيك كذا و الله يزيده الكلب.
أبوحنان ضحك بخفه.
منصور إبتسم بتسليك.
حنان وقفت:بأدق عليهم يجيبون لك مسكن.
وئام بهدوء:ما ابيه اجلسي.
حنان بصدمه:مو توجعك.
وئام بعصبيه:إيه بس ما ابيي شي.
أبوحنان:خلاص الأخلاق قافله.
منصور كان يناظر لها كيف شكلها و حالتها و يدها، تنهد و وقف:عن إذنك يا عم و أشوفك ان شاء الله بأحسن حال.
أبوحنان:تسلم يالغالي ،و دق وئام.
وئام فهمت و كشرت بخفه و وقفت و طلعت مع منصور للغرفه الثانيه.
منصور:تبين شي؟
وئام هزت رأسها بلا و تمسح على يدها.
منصور مسك ذقنها:أحبك تعرفين.
انفتح الباب بهدوء و انصدم يوم شافهم واقفين مقابلين بعض.
منصور يقرب لها:تعرفين او لا؟
منصور قرب وصار بيبوسها بس هي بعدت وجهها و باس خدها اليسار و بعد:يلا طلعنا ببوسه عالخد.
وئام وهي ماسكه يدها و بحده:تقدر تقلب وجهك.
حسام اللي كان واقف و هو بيفور من المنظر اللي قدامه تنحنح:السلام عليكم.
منصور و وئام ناظروا له.
حسام قفل الباب:سلمت أنا، السلام لله.
منصور أشر لها بأدخلي و ناظر لحسام:وعليكم السلام.
وئام واقفه تناظر له.
حسام مشى من دون ما يسلم عليه و دخل لخاله.
وئام انبسطت انه شافهم كذا لانها تبي تبرد قلبها بعد اللي سواه فيها.
منصور:غثيث.
وئام:توكل إذا أخذت اللي تبي.
منصور:و ذا العله؟
وئام:جاي لأبوي مو لي أو لك.
منصور:سلام.
وئام:منصور.
منصور ناظر لها و تكلمت:اللي صار اليوم ما أبيه يتكرر.
منصور إستغرب:وش هو؟
وئام:فجعتنا بابوي.
منصور:طيب اوكيه.
وئام لفت ودخلت و منصور كشر و طلع.
وئام مشت جهة أبوها و جلست جنبه.
حسام:أنا والله زعلان منكم يوم إنكم مشيتوا ولا علمتونا بخالي وكذبتوا علينا كمان.
أبوحسام:لأن لما جانا الخبر ما كنا عارفين وش اللي فيه هل هو بخير أو لا.
حنان تمسح على رجله:لا الحمدلله ربي سلمه.
حسام:الحمدلله.
ام حنان:قالوا متى تطلع؟
ابوحنان:بعد يومين كذا.
وئام:أنا بارافق معك الليله.
حنان:أنتي يبي لك اهتمام بنفسك أول.
وئام كشرت.
ابوحنان:لا يا بابا أنتي تعبانه و بعدين ما أبيي أحد يجلس معي الممرضات مو مقصرين.
أم حنان تخصرت:لا و الله.
الكل:هههههههه.
أبوحنان بمزح:نسيت إنك جالسه.
أم حنان:بعد هالكلام لو وش تقول ما أحد بيجلس معك غيري.
وئام مكشره من الألم:تبينها من الله و جاتك.
أبوحسام غمز لها:صادقه.
أم حنان طنشتهم:قولوا اللي تبون.
حسام :أتمنى من كل قلبي إني ألاقي زوجه مثلك.
أبوحنان:مافيه إلا هي ما غيرها.
حسام كشر:خساره.
وئام همست لابوها:مين سوا فيك كل ذا؟
أبوحنان بنفس الهمس:عادي يا بابا ذا شي وارد.
وئام:دقيت عليك عشان أقول لك إنهم بيفجرون المكان لازم تبعدون بس مارديت علي.
أبوحنان عقد حواجبه:كيف عرفتي؟
وئام:ربي بلاني بواحد غبي يترك سماعة الجوال مفتوحه.
ابوحنان:كلها كم يوم و نخلص إن شاء الله.
وئام:نخلص ايه بس صعب أرجع لحياتي مثل قبل، و ناظرت في حسام اللي مبتسم:صرنا مثل الغاز والنار، و بعدت نظرها و بغصه:صار يكرهني اللي أنا أعشقه يكرهني يا بابا.
أبوحنان:تعالي وفرغي اللي بخاطرك بحضني أنا معك.
وئام ناظرت له ودموعها تنزل ورا بعض وحضنته وخبت وجهها بحضنه وشدها له.
أبوحنان حز بخاطره بنته مره متعذبه من يوم هي بالكوفله الين عمرها الحين ما عمره مد يده عليها أو ضربها و لا حتى على أخواتها و من ملكت على منصور و أنواع الضرب و العذاب، نزلت دموعه على بنته و سب نفسه كيف إنه أناني و دخلها بشي مالها فيه.
التفتوا الكل لما كانوا يسمعون سالفه لفهد و انصدموا لما شافوهم بهالشكل و شهقاتها في الغرفه.
أبوحسام:وش فيكم؟
أبوحنان إبتسم:حنان دقي على أي ممرضه تجي تعطيها ابره مسكنه.
وئام انتبهت لنفسها و تنهدت بحضنه.
حنان بحزن:قلت لها الله يهديها بس رفضت.
ابوحنان مسح دموعه و أم حنان وقفت عند بنتها:طيب تعالي تجلسين هنا عشان أبوك.
أبوحنان:خليها مكانها يدي بعيده عنها.
وئام بعدت عنه بهدوء و وقفت و طلعت الغرفه الثانيه و جلست لكن مو ألم يدها اللي مبكيها و كلنا عارفين.
حنان رفعت السماعه و كلمتهم.
حسام وقف:أنا باروح تبون شي؟
أبوحسام وقف:إيه أنا معك.
حسام:وسيارتك؟
ابوحسام:تحت بس بأمشي معك أنا.
حسام:تمام.
حنان:فهد انت كمان تقدر تروح ترتاح و بنمشي مع السواق.
أم حنان بتأييد:اي والله حبيبي كثر خيرك.
فهد:براحتكم بس ترا اللي سويته واجب علي و على غيري.
ابوحنان:تسلم حبيبي ماقصرت.
فهد وقف:يلا عن إذنكم و إن شاء الله أجيك أنا بكره و أتطمن عليك.
ابوحنان:حياك الله حبيبي.
حسام:بأنتظركم أنا يا عمه إذا تبون.
أم حنان:لا يا روحي، تقدر تروح و باقي اكلم رانيا ترسل ملابس مع ساجد و البنات يمشون معه بعد ما يخلصون.
أبوحسام:يلا مع السلامه، و طلع وشاف وئام جالسه جنب غيث و تمسح على شعره:يلا يا أبوي مع السلامه.
وئام همست:مع السلامه.
حسام طلع و وقف عند الباب و لف يناظرلها بهدوء و هي كانت شايفته بس ما لفت له ابداً يكفي أكشن لليوم.
حسام تنهد و طلع و قفل الباب.
وئام بهمس:أستودعتك الله.
فهد باس خد حنان:تبين شي؟
حنان:أبيي سلامتك.
فهد:يلا في أمان الله، و طلع و إنتبه لوئام، إبتسم:نايم.
وئام ناظرت له بأبتسامه:أيوه، و بعدت عنه لما شافت فهد يتقدم له و يبوس رأسه:الله يحفظك، يلا مع السلامه.
وئام:مع السلامه و سلم على خالتي.
فهد:الله يسلمك ، و طلع.
__
يـــتبـــع ———->
