الا ليت قلبي لم يستجب لحبك

الجزء الثالث

الجزء الثالث
__
بفلة ابوحسام
ابوحسام عزم اصحاب حسام مع أهاليهم اللي لهم معرفه ببعض من الاولاد و جارهم منصور و كم رجال من أصحاب ابوحنان و أبوحسام.
و الحريم أمهات العيال و أخت معتز و أم منصور.
البنات كانوا كاشخين رهام و ساره لابسين بناطيل جنز و بلايز وحده عنابي مع كعب نفس اللون و الثانيه اسود مع كعب ابيض.
سهام كانت لابسه فستان كامل كان لونه اورانج و كعب بني.
وئام و رانيا لابسين فساتين لتحت الركبه بنفس اللون و الموديل بس اللي يختلف كعب وئام اسود و رانيا ابيض و الشعر تصفيفه غير.
سهام همست لوئام:حنان كلمتني الحين و قالت جايه.
وئام بعدم تصديق:كيف و هي قالت لامي باجلس اتعشا هناك و اجي.
سهام رفعت اكتافها:ما أدري بس صوتها كان مره متضايقه.
وئام تنهدت:الله يصبرها.
وئام فكرت انها متضايقه عشان روحتها لبيت اهل زوجها و اللي جمعها مع ذكريات زوجها، انتبهت للحرمه اللي تناظر لها و ابتسمت لها.
وئام ابتسمت بخفه و وقفت لما نادتها جدتها:لبيه يا جده.
الجده همست لها:حسام موجود عند الرجال.
وئام:ايه تبين شي؟
الجده همست لها باذنها و ابتسمت:ابشري من عيوني.
وئام بتمشي بس لفت لما أمها قالت:ذي بنتي وئام الثانيه ببناتي و همست لام معتز:و خطيبة حسام.
ام معتز بإعجاب:ربي يحفظهم لك.
ام حنان:آمين
وئام جلست مع رانيا اللي دخلت جو مع أخت معتز.
_
عند الرجال
سوالف و يسمعون لها الكل، جاء إتصال لفهد و استئذن من أبوحسام اللي إبتسم له و طلع يكلم برا و كان الشغل و ظل يكلم الين دخلت السياره الغريبه اللي لفتت انتباهه و نزل منها بنت عمررره ما راح ينسى ملامحها:قفل الحين و شوي و ادق عليك ،و قفل قبل ما يسمع الطرف الثاني.
حنان اللي نزلت من السياره و دموعها ما وقفت و كل ذا من قهرها على تفكير أخو زوجها
... وقفت عند الباب و هي تاخذ نفس و تمسح دموعها رنت الجرس و انتبهت للي واقف يناظرها، تعلقت عيونها فيه و هو واقف و عينه عليها، انتبهت له كاشخ و مرسم و يناظر لها بنظرات استغراب ،انفتح الباب و لفت تشوف لايكون من البنات عشان لا تطلع و كانت الخدامه ،رجعت ناظرت له و دخلت بسرعه.
فهد تنهد:وش فيني انحاس إذا شفتها، تذكر اللي كان يكلمه و رجع يدق عليه.
__
جوا عند الرجال
حسام انفجر ضحك على وليد اللي تغيرت ملامحه لما قال له ابوه:أنت زواجك على يدي.
وليد:والله يبه قلت لك أعطني وقت.
ابومعتز:و كلم اللي جنبه.
معتز همس:كملت.
ابوحسام اتفق:والله كلهم يبي لهم سنع.
حسام تغيرت ملامحه:ليه يا أبوحسام.
ابوحسام:وش اللي ليه؟ في سنكم معي أنت و سهام أختك.
وليد همس للعيال:كانت الشغله تمام عندهم.
انفجروا ضحك على وليد.
ابومعتز:مافي فايده يابوحسام تتكلم في جره مكسوره.
ابوحنان:ياجماعه ترا الحياه أختلفت عن أول الحين يالله الواحد يحط القرش عالقرش، لازم يكون مأمن بيت مأمن شغل يحس نفسه إنه في سن مؤهل للزواج صدق.
معتز أعجب بكلامه و من اللي فيه تكلم:هذا الكلام السليم.
وليد:و بعدين الحياه قدامنا ليه نستعجل.
ابو وليد:كبرت رووسكم عشان عبدالله واقف معكم.
حسام:خالي عبدالله هو اللي عارف وضعنا صح.
أبوحسام ناظر جنبه:وش رأيك يا منصور.
منصور إبتسم:أنا ماني معهم بصراحه لإني مفكر أخطب قريب.
ابو وليد بفخر:ذا الرجال اللي يفكر.
فهد دخل و سلم و جلس.
ابومعتز:و أنت يا فهد ما تبي مثل صديقك.
فهد إستغرب و مو عارف وش الموضوع:وش السالفه؟
أبومعتز:ماتبي تعرس.
فهد:الا والله بس مو الحين شوي.
أبو وليد استسلم:ما فيه فايده متفقه شلة حسب الله.
الرجال ضحكوا.
حسام همس لوليد:أبوك شكله يبي يزوجك اليوم قبل بكره.
وليد:ياخي لولا بدر اخوي والا انا عايش حياتي غلط.
فهد تنهد و سمعوه العيال.
معتز طق كتفه:وش عنده العاشق.
فهد ابتسم:لا عاشق و لا حاجه بس عندي شغل بكره لراسي.
حسام:الله ييسر أمورك.
فهد:آمين.
حسام رن جواله و ناظر الرقم و إبتسم و طلع يكلم برا ورد:لبيه حبيبي.
وئام:حسام كيفك؟
حسام:مبسوط من سمعت صوتك.
وئام ابتسمت:فديتك، اممم سبب مكالمتي لك جدتي.
حسام بخوف:عسى مو تعبانه وش فيها؟
وئام همست:حبيبي اهدا وش فيك، و بهدوء:تقول تبي منك العوده اللي خاشتها عندك.
حسام ضحك:يا حليلها جدتي اطلعي لغرفتي و شوفي عالتسريحه فيه بوكس ابيض صغير تلاقينه جواتها.
وئام:اوكيه، ابغا أعرف وش قصتها هالعوده.
حسام:اقولها لك بعدين.
وئام و هي تطلع الدرج:فيه شي خاص و الا احوس غرفتك كلها.
حسام:فداك الغرفه و صاحبها.
وئام ابتسمت بخجل و فتحت باب غرفة حسام و استنشقت عطره اللي تموت عليه، زفرة بخفه و توجهت للتسريحه و فتحتها بهدوء، و شافت العلبه:لقيتها.
حسام:اوكيه دام لقيتيها اعطي جدتي و ترا العود ذا كانت تبيه عشان اتبخر فيه يوم ملكتنا.
وئام ابتسمت:اوكيه.
حسام:يلا حبيبي باي.
وئام همست:باي و قفلت، تنهدت و أخذت العلبه معها و طلعت تمشي بس وقفت و رجعت للتسريحه و انتبهت لعطور حسام و صارت تشم كل واحد منه بس هي تبي واحد محدد و لقته شمته بقووه و مسكت رأسها من الدوخه و بسرعه طلعت و العطر بيدها.
_
عند الرجال
جالس و هو عنده فضول يبي يعرف وين كانت و من فين جات، انتبه لحسام يقدم له البخور و بمزح:عقبال ابخر شماغ عقدك ياعريس.
فهد ابتسم:أنت كمان، أقول لك.......، و سكت.
حسام يناظر له يتكلم.
فهد ناظر له:فيه سياره جت قبل شوي و نزلت منها بنت محجبه.
حسام استغرب وخمن:يمكن حنان بنت خالي عبدالله.
فهد:من أهل البيت يعني.
حسام هز راسه بايه و رجع يدور عالرجال بالعود.
فهد همس:حنان.... بس ليه كنتي تبكين؟
وليد:يالاخو.
فهد لف له:هلا.
وليد يعمل حركه بيده:انهبلت......تكلم نفسك.
فهد ابتسم:سلامتك.
_
عند حنان
اللي تحاول فيها أمها تنزل لتحت عشان الضيوف إلا إنها رفضت.
ام حنان:يا ماما وش فيك؟
حنان و دموعها على خدها:ما فيني شي.
أم حنان عصبت:وش اللي مافيك شي و الدموع ذي وش سببها؟ قولي تكلمي؟
حنان صرخت:ماما اتركيني بحاالي تكفين ما ابي احد روحي عني.
ام حنان تنهدت و وقفت:ماشي يا حنان، و طلعت.
حنان رجعت تبكي.
ام حنان انتبهت لام حسام تودع الضيوف و ما بقى الا بيت ابو معتز و ام فهد.
ام حسام انتبهت لها و باستغراب:وين كنتي؟ الحريم سألوا عنك.
ام حنان:عند حنان.
ام حسام:متى وصلت؟
ام حنان:من زمان بس مقفله على نفسها و تصيح.
ام حسام:لييه؟
ام حنان بتعب:مو راضيه تتكلم.
ام حسام:خلاص اتركيها و امشي معاي للحريم، و دخلوا مع بعض.
رانيا انبسطت من أخت معتز و كأنها تعرفها من زمان.
ام حنان نادت:رانيا.
رانيا ناظرت لها:لبيه.
أم حنان:وين ساره؟
رانيا:بالحديقه مع رهام.
أم حنان:روحي شوفي لهم.
رانيا في نفسها صرخت و بابتسامه:جايتلك.
لمياء أخت معتز:خذي راحتك.
رانيا طلعت الحديقه و ناظرت ما كان فيه احد.
فجأه سمعت صوت و صارت تمشي شوي شوي و كان يوضح لها كل ما كانت قريبه بانه صوت رجال، قربت أكثر و قلبها يدق راح تفكيرها لبعييد، تعوذت من الشيطان و تهيأته لها و لفت بتشوف بس صدمت فيه لما هو لمح ظلها و سكت عن الجوال.
رانيا بحلقت عيونها لما شافته و انتبهت لملامحه و بصدمه:أنت.
معتز بحلق عيونه:أنتي مين؟
رانيا إنتبهت إنها مو لابسه عبايه أو طرحه، لفت ظهرها بسرعه و مشت.
معتز كان يناظر لها لين دخلت و هو مستغرب:انتِ فين شفتيني عشان أعرفك، تنهد و دخل للرجال.
__
عند رانيا
دخلت و هي ترجف و مشت و رجعت بالصاله مختبسه.
"رانيا وش فيك؟"
رانيا نطت بخوف:وجع أنتي وياها.
رهام:وش فيك؟
رانيا بحده:انتوا وينكم طلعت أدور عليكم برا و لما لقيتكم انخبصت، و أشرت على نفسها:تلوموني.
ساره ببرود:رانيا انتي طلعتي قدامنا و استغربنا ما نطقتي بحرف.
رهام كملت:قلنا يمكن تبين تجلسين لوحدك.
رانيا تنهدت و هزت رأسها بتعب و دخلت لمجلس الحريم.
__
بالليل
سهام و وئام جالسين مع حنان اللي رافضه تنطق باي حرف و دموعها بس اللي تحكي انها متضايقه و حزينه.
سهام:حنان الله يرضالي عليك تكلمي قولي لي وش فيك؟
وئام:حنان تكلمي والله ما راح نقول لأي أحد عن الكلام اللي بتقولينه لنا راح يكون بيننا ثلاثتنا.
حنان بهمس:مافيه شي.
دق الباب و وئام وقفت و راحت و بهدوء:مين؟
"افتحي يا بابا"
وئام فتحت الباب و ابتسمت:هلا بك.
ابوحنان ابتسم:هلا ....وين حنان؟
وئام أشرت له براسها:هنا.
ابوحنان همس:تكلمت أو قالت شي.
وئام بنفس الهمس:ولا حرف.
ابوحنان طل من الباب و تكلم:مين الحيوان اللي مزعل دكتورتي؟
حنان سكتت لما سمعت صوته.
سهام بتعب:تعال يا خالي تصرف معها.
أبوحنان قرب و جلس جنبها و باس رأسها:مين مزعلك يا بابا.
حنان:مافيه أحد مزعلني.
أبوحنان:و ليه دموعك ذي؟، أمك تقول حتى العشا ما ذقتيه.
حنان ساكته.
أبوحنان:تكلمي يابوي ترا وضعك مو عاجبني.
حنان ناظرت له:أنا مثقله عليك أنا و عيالي.
أبوحنان:اكيد لا و بعدين وش هالكلام؟
حنان:سألتك لان عم عيالي متقدم لي و يبي يخطبني.
أبوحنان انصدم.
سهام بصدمه:يووه.
وئام بحقد:خييير.
ابوحنان بهدوء:متى صار هالكلام؟
حنان:اليوم ببيت اهله، امه فتحت عليي الموضوع.
سهام:طيب.
حنان:رفضت طبعًا، انا مو مجنونه اروح اتزوج عم عيالي و أخو زوجي و بعصبيه:حتى لو كان آخر واحد بالدنيا مستحييل و شددت:مستحيل اوافق عليه و أهدم بيته.
حنان نزلت دموعها و بقهر:لما كان طلال ينطق آخر كلماته كان هو موجود و سمع كل كلمه و كأنه ما صدق خبر و خطبني من أمه، بكت
ابوحنان:يابابا مو اول واحد يطلب يد زوجة اخوه ياما كثير عملوا نفسه و وافق او رفض، و انتي يا بابا رفضتي خلاص انسي؟
حنان ببكا:مو قادره والله مو قادره احس نار بقلبي.
ابوحنان:اعوذ بالله من الشيطان الرجيم و حضنها:بس يابوي بس.
وئام تنهدت و سهام ناظرت لخالها بحزن.
__
صباح جديد
عالساعه ٨ بالضبط وئام نزلت بسرعه و انتبهت للكبار يفطرون و بسرعه:صباح الخير.
الكل:صباح النور.
وئام:البيت هادي غريبه.
ام حسام:كلهم راحوا دواماتهم ماعدا أخواتك نايمين.
وئام:راحوا متى؟
ام حسام بتفكير:قبل ربع ساعه.
وئام صرخت:لااا عمه تكفين قولي غير هالكلام.
ام حنان:وش فيك؟
وئام:ابي السواق لازم اروح بدري اليوم العرض.
ابوحنان:أنا باوديك.
وئام:باي سياره اذا خالو محمد مش فيه.
ابوحنان كشر.
ام حنان:اطلبي اوبر او كريم احسن.
وئام بتكشيره:بياخذون وقت و أنا مستعجله.
"صباح الخير"
ام حسام:صباح النور حبيبي.
حسام:أنا بأمشي تبين شي.
ام حسام:افطر حبيبي.
حسام:مابيه، ناظر في وئام:تبين اوصلك.
وئام سكتت و ناظرت في ابوها.
ابوحنان:اي والله خذها معك و فكنا من صياحها.
وئام ما تبي تمشي وحدها معه:لا تسلم أنت روح بانتظر السواق.
حسام:امشي معي الحين و انتي لو مش مستعجله كان قلت لك انتظريه، انتظرك برا و طلع.
وئام ناظرت لابوها:اروح.
ابوحنان:ايه يابوي الله يحفظك.
ام حنان:عندي تروحين مع حسام و لا تروحين مع السواق.
ام حسام:روحي يا أمي و احنا إن شاء الله بنجيك العصر.
وئام مشت:لا تتأخرون و طلعت.
وئام بسرعه ركبت ورا و ناظرت حسام:ماعليش اخرتك اليوم.
حسام يناظر لها:لا عادي، بعدين تعالي قدام و الا شايفتني السواق.
وئام سكتت و لفت لورا تناظر و رجعت ناظرت له:حسام أبوي بالشباك مستحيل اركب معك قدام.
حسام حرك سيارته و طلع من البيت و طلع من الحاره و وقف:الحين تعالي ما أحد بيشوفك.
وئام تنهدت:حسام تكفى كمل طريقك لاني ما راح اجلس جنبك.
حسام:انا متأخر و أنتي متأخره فبسرعه شوفي لك حل.
وئام:حسام اركب معك باي يوم و بجنبك بس تكفى امش الحين حسام وراي شغل.
حسام:أنا ماراح اوصلك لشغلك و كأني سواقك، لف لها:تعالي اركبي قدام.
وئام استسلمت و فتحت الباب بقوه و قفلته و رجعت فتحت الباب الامامي و ركبت قدام و بزعل:ارتحت الحين.
حسام ابتسم و مشى بالسياره و بهدوء:حبيبي ليش زعلانه انا مرتاح لانك بجنبي.
وئام ساكته و مكشره.
حسام:وئامي ترا كل شي الا زعلك و انا ما طلبت شي كبير كلها تجلسين جنبي.
وئام بهدوء:اوكيه اللي تبيه حسام و نشوف لوين بنوصل.
حسام بعد نظره و ابتسم و كمل طريقه......
بعد دقايق وصلوا لشغل وئام و فتحت الباب:يعطيك العافيه.
حسام:وئام.
وئام لفت له:هلا.
حسام:أتمنى لك التوفيق اليوم.
وئام ابتسمت:تسلم، انتبه لنفسك، نزلت:سلام.
و قفلت الباب.
حسام انتظرها لين دخلت، تنهد و حرك سيارته.
__
بالبيت
دخلوا غزل و غيث مع الخدامه و حنان كان توها صاحيه و لما شافتهم عقدت حواجبها:وين كنتوا يا ماما؟
غزل:رحنا مع ابويه الدكان.
حنان ابتسمت و بسؤال:فطرتوا حبيبي.
غزل هزت راسها بايه.
حنان وقفت و شافت أبوها:اخذتهم للدكان من دون ما تقول لي.
ابوحنان ابتسم:و أخذت لهم اللي يبون و انتي لا و نادا:يا نورميتا جيبي كاس مويه.
حنان ضحكت بخفه.
ابوحنان همس لها:ولدك سوالنا سالفه عشان خالته وئام.
حنان:مثل ما توقعت، اليوم ما ادري وين باحطهم عرض وئام الليله و وعدتها اني باكون موجوده.
ابوحنان:حنا هنا يا بابا و الخدامه هنا كمان عشان اذا قصدك غيث و غزل كبيره و تسمع الكلام.
حنان قلبت فمها:صعبه.
ابوحنان و هو يشرب مويته:بالعكس مو صعب انتي حطي يدك في مويه بارده و انسي الموضوع.
حنان:نشوف الموضوع ووو احس مو مرتاحه والله اخليهم لوحدهم.
ابوحنان سكت يبي يتركها براحتها ولا يبي يجبرها على أي شي.
__
بالليل
وئام واقفه تنتظر أهلها صارت صلاة العشاء و هم للحين ما وصلوا.
وئام لفت ظهرها لما حست بيد على كتفها و إبتسمت:هلا أستاذه صابرين.
صابرين باستغراب:وش فيك؟ ناظرت للباب:تنتظرين أحد.
وئام بحزن:أهلي تأخروا و خايفه يبدأ عرضي و هم ما وصلوا الى الان.
صابرين:الغايب عذره معه و اذا تبين كلمت المنسقه تخلي اسمك اخر واحده مو مشكله
وئام بخجل:اذا تقدرين أكون ممنونتك.
صابرين:ابشري كم عندي وئام أنا، و دخلت المديره و وئام قلقانه على اهلها كثير، تبي تدق عليهم و لا تبي تقلقهم و تقلق نفسها.
__
بسيارة حسام
كان الكل راكب و عيال حنان صرفوهم مع حسام.
رانيا:الحين وئام انفجرت من الانتظار.
حنان:لو ما ابوي كان حنا من العصر عندها.
سهام ناظرت لها:و كأنك طالعه منها يعني.
حنان كشرت:وش أسوي طيب أبوي وعدني بكلام و فجأه غير كلامه كلله.
ام حنان:من متى الرجال لهم كلمه وحده.
حنان لفت لها:ابوي يمه.
ساره:قالت لك امي رجال ما يهتم.
رهام:خلاص يا جماعه حسام و تبرع هو بعيالك يمشيهم معه وش تبين اكثر من كذا.
ام حسام بطنازه:عقبال ما اشوفه يمسك عياله.
حسام إبتسم و باس يدينها:قريب إن شاء الله.
ام حساب:قريب و قريب و ما فيه كلمه.
حسام ضحك.
ام حنان:ان شاء الله خير يا بنت الحلال.
سهام همست لحنان:لازم شي يعكر المزاج.
حنان:حسام قبل ما نوصل، أنت متأكد عشان العيال.
حسام:لو مو متأكد كان خليتهم معك.
رانيا:حسام ترا حنان ققللقق بمعنى الكلمه.
البنات ضحكوا.
حسام وقف سيارته:يلا انزلوا و انتي يا حنان عيالك بخير و لا اشوف مليون إتصال ورا بعض.
حنان و هي تنزل:اذا جاك عيال بتعذرني.
حسام ابتسم.
ام حسام و هي بتقفل الباب:الله يحفظك يابوي.
حسام:مع السلامه يالغاليه ،و مشى بعد ما شافهم دخلوا.
__
عند وئام
اللي كانت تنتظر و نظراتها تنتقل بين الباب و العروض اللي بدأت، انتبهت لأمها داخله و بسرعه وقفت و راحت لها و حضنتها:اخيراً جيتوا اقلقتوني عليكم.
سهام:كله من حنان ترا.
وئام سلمت عليهم كلهم و بحماس:يلا يلا تعالوا.
مشوا معاها و وصلتهم لكراسيهم و جلسوا بعباياتهم عشان التصوير.
وئام:اوكيه انا بادخل الحين عشان عرضي بعد شوي.
ام حنان:خلاص ماما روحي.
وئام:اوكيه، و مشت.
حنان:أحس مره متحمسه للعرض.
سهام تناظر الديكور:الديكور بسيط مره و أليم.
رانيا:متحمسه لتصاميم وئام.
رهام همست للبنات؛صبايا مو ذي المصممه حقت العبايات اللي تجي بالتلفزيون.
البنات ناظروا مكان ما تناظر.
رانيا:عبايتها اللييمه.
حنان خزرتها:كأنه فستان مو عبايه.
سهام:اشش خلوا الناس.
انتبهوا للكل يصفق و صفقوا معهم.
طلع اسم وئام في الشاشه و صفق الكل و أهلها صفقوا بحماس.
و بدأ عرض وئام الاول بموسيقى و بدأت أول عارضه بالدخول(تخيلوا الموديلات)
حنان همست:جميل الاول.
سهام:ذا اللي وراه كمان حلو.
و بدأ كل واحد يطل ورا الثاني، انصدموا البنات لما طلع نفس التصميم رقم ٢.
رانيا همست:وش بها طلعت التصميم ذا مرتين.
حنان همست:ما أدري.
ساره:اكيد بالغلط.
حنان:حبيت رقم١٠.
__
عند حسام
اللي وصل لمزرعة ابومعتز و انتبه للعيال واقفين و ماشر بالنور في وجيههم.
فهد بانزعاج:نزل نورك يا ولد.
حسام ابتسم و طفى النور، ناظر جنبه:يلا غزل و مثل ما اتفقنا.
غزل:حاضر خالو حسام.
غيث يقلدها بتشفير.
ضحك حسام و غزل عليه و شال غيث و نزل للعيال:مساء الخير.
العيال:هلا هلا، حيا الله نانا حسام، مساءك كيااته يا نانا.
حسام نزل غيث و سلم عالعيال.
غزل تقدمت ماسكه غيث بيدها و صافحتهم واحد واحد.
غيث بطفوله:سلللااااام.
ضحكوا و فهد شاله بسرعه و باس خده:هلا هلا يا رجال.
غيث إبتسم و باس خد فهد.
فهد خق:يا لبيه.
حسام:امشوا داخل بيبردون العيال.
وليد إبتسم:شكلك جميل و أنت تمثل دور الأم.
معتز ضحك.
حسام طق رأسه:اسكت اسكت ترا احنا نمسك عالكلمه ،و اشر على غزل.
دخلوا للاستراحه و غيث إنتبه للالعاب اللي قدامه و آشر عليها و صار يصرخ.
فهد:وش تبي؟
غيث يأشر على الألعاب.
غزل:نروح نلعب يا خالو حسام.
حسام انغبن:لا تكفون، ناظر غزل:غزل و اذا مرضتي وش بنقول لماما؟
غزل بطفوله:عادي ماما دكتوره و بتعالجنا اذا مرضنا.
حسام تنهد:مو البلا ماما بتخاصم عشان خليتكم في البرد.
غزل:طيب ما بأروح ألعب بس غيث بيعصب و لازم يلعب.
فهد:خلاص حسام نخليهم ربع ساعه و بعدها يدخلون.
حسام:اوكيه أنت المسؤول.
فهد ناظر غزل:يلا غزل، مد يده لغزل مسك يدها و مشوا يتسلون.
__
عند وئام
وئام كانت مره متضايقه و هي تكلم صابرين:أنا ما أدري ليه طلعت نفس العارضه و بنفس الزي.
صابرين:حبيبتي و لا يهمك يمكن ذا كله من الضغط اللي حنا فيه و الربكه طلعتها من دون قصد.
وئام بتعب:يمكن.
صابرين:يلا استعدي لعرضك الثاني.
وئام إبتسمت و هزت راسها بايه:اوكيه.
__
عند البنات
ساره:حبيت رقم ١١ كان مره بسيط.
رهام:كلها على بعضها تجنن.
حنان دقت على حسام للمره الثانيه:هلا حسام، كيف العيال؟
ابتسمت:الحمدلله،تعشيتوا او باقي، اوكيه يلا مع السلامه.
سهام:تراك قلق.
حنان تنهدت:قولوا اللي تبون بس لما تجربون الامومه بتعذروني.
سمعوا دقت موسيقى ثانيه و بدأت الفساتين تطلع لهم.
سهام:جمممييل.
رانيا:اللي بعده أجمل.
حنان:جماال الزيتي.
رانيا:باذبح اختي على ذا التصاميم.
ام حنان سمعتها:ليه؟
رانيا:تشوفنا ندور بالمحلات و مطلعه تصاميم تهبل.
ساره و رهام:وووااو.
البنات ناظروا و كان فستان تبع زواج يجنن.
العارضات بداوا يطلعون كلهم ورا الثانيه يعرضون اللي صممته وئام و آخر شي اللي كانت لابسه فستان الزواج و ماسكه يد وئام و تمشي فيها و الكل وقف يصفق لتصاميمها و هي مبسوطه شافت أهلها و عرفت أن هذا النجاح بسبب تشجيعهم لها و وقوفهم جنبها، أرسلت لهم بوسات و مسحت دموع فرحها لهالنجاح.
__
عند الشباب
غيث يضرب وليد لانه اخذ منه يد البلايستشن و ناظر في حسام و بكى.
حسام:الله يخس ابليسك يا وليد ليه على غيث.
وليد ساكت.
حسام وقف و راح لغيث:بس حبيبي بس.
غيث أشر على وليد و هو يبكي.
حسام:ذا زعلك، و ضربه بمزح.
غزل:خالو حسام جوعانه.
حسام شال غيث:طيب حبيبي.
فهد حضنها:قولي وش تبين اي مطعم.
حسام:أمها مانعه ياكلون من برا.
فهد:الليله بس سماح، غزل وش تبين؟
حسام:تراك ما تعرف حنان.
فهد عقد حواجبه:مين؟
حسام:الدكتوره حنان.
فهد:متزوجه.
حسام همس:أرمله و ذولا عيالها.
فهد سكت من صدمته و ناظر في غزل و غيث بحزن.
معتز وقف:خلاص أنا باطلب وش تبون غير وجبات أطفال ناظر في فهد:فهد.
فهد ناظر له و بضياع:اي شي.
حسام:جيب ٤ برجر وجبات و ٢ وجبة أطفال.
وليد رفع يده باعتراض:انا ابي سمك.
غزل دخلت عرض:ليه؟انت بسه تطلب سمك.
انفجروا العيال ضحك.
وليد بزعل:طيب يا غزل.
غيث ضحك بخفه لما شافهم يضحكون.
حسام بضحكه:أهم شي في الجبهه.
وليد:زعلان منك يا غزل ما انتي صديقتي.
غزل تخصرت:عادي فهد صديقي و معتز و بعدين دام انك تشجع النصر ما أنت صديقي.
معتز:وش تشجعين؟
غزل تلعب بحواجبها:الهلال.
حسام بفخر:اهل البيت كلهم هلاليين.
فهد تكلم:غزل لو كنت نصراوي بتصيرين صديقتي.
غزل ابتسمت له:لا عشانك صديق خالو حسام.
معتز:و انا يييع اذا شجعت النصر.
غزل خجلت و نزلت راسها.
ضحكوا عليها.
معتز اخذ الطلبات و رن على مطعم هرفي.
فهد همس لحسام:يعني ذولا عيال حنان اللي قلت لك عنها بذيك الليله.
حسام هز رأسه بايه.
فهد بتساؤل:كم لها من يوم مات زوجها.
حسام بتخمين:امممم سنه و نص تقريباً.
فهد:و تزوجت غيره؟
حسام هز رأسه بلا.
فهد:حادث و الا وش هو؟
حسام همس:الله يكفينا و يكفي الجميع الخبيث و كان في الرأس و صعب علاجه ،بس ماشاء الله عليها كانت مرره قوويه.
فهد تنهد:لا حول و لا قوة الا بالله.
حسام رن جواله و انقفل عشان البطاريه:يووووه، ناظر له:جوالك يا فهد.
فهد طلع جواله و اعطاه.
حسام:غزل حافظه رقم ماما.
غزل:ايوه و جات عنده و اعطته الرقم.
حسام:شكرًا يا بطله و كلم:هلا حنان، تمام الحمدلله، و وقف و طلع برا يكلمها.
فهد تنهد و قفل عيونه و سند راسه لورا، كانت أخر توقعاته انها تكون متزوجه او ارمله مثل ما عرف حس كل شي تقفل بوجهه و زادت اكثر لما سمع اغنية محمد عبده،،، اواه يا قلب.
أواه يا قلبٍ عليل تعلَّقت
في حب منهو بالنواعس فتني
حاولت عيني تمتنع ما تملكت
حبه مَلك قلبي وفكري وظني
ليلة لقانا يا ضميري تلوعت
هاجت شجوني والعيون أهملني
عز الله اني بالموده تحملت
محدٍ فزعلي وخفف الحمل عني
حبه ذبحني ليتني ما تولعت
منه العذاب و زايد الشوق مني
لى قلت أبسلى رغبتي ما تمكنت
انا الذي في حبه ابكي و اغنيّ
لو إني من اول للغرابيل ثمَّنت
ما جيت حد حماه ولا طعني
فتح عيونه لما حس باحد يسحب ثوبه و شاف غيث واقف عنده و بيده علبة مويه ،إبتسم له بحزن و أخذها من يده و شربه على مهله و لما خلص غيث صفق بيده الثنتين و فهد ضحك عليه:بالعافيه حبيبي.
__
(بيت حسام)
ابوحنان: لقيت فله قريبه من هنا صاحبها مسافر للخارج و عارضها للبيع بس باقي أكلم البنات و أمهم عشانها.
أبوحسام:الله يكتب مافيه الخير.
ابوحنان:آمين و كأنه تذكر:أقول لك محمد ذا منصور اللي جانا ذاك الليله هو نفسه جاركم اللي مات أبوه و دخل مصحه نفسيه.
أبوحسام:إيه هو والله العظيم أنا انصدمت لما شفته عندنا بالمسجد ذاك اليوم الولد ماشاء الله متغير و صاير رجال و اشتغل في واحده من الشركات المعروفه، عقد حواجبه:و جاء خطب سهام و رفضت.
ابوحنان:و ليه أنت رفضت؟
ابوحسام:ياخي مطلعين عليه كلام و ما حبيت بنتي تطيح بشي مو زين.
ابوحنان:و الناس تتكلم بالعكس و بكيفها لمتى بنصدقها يعني و سهام قول مو نصيبها و أنا أقول لك ايه.
ابوحسام:صادق والله.
__
عند وئام
وئام بتردد:ما ما أدري وش أقول؟
صابرين:خذي راحتك حبيبي و ناقشي نفسك زززين و بعدها اعلمينا بالامر رغم اني عارفه بترفضين لانك ما تحبين الرياض.
البنات ضحكوا.
ام حنان:شكرًا كثير استاذه صابرين ما قصرتي.
صابرين:العفو و شكراً على تربيتك لهالفراشه الحلوه.
ام حنان بابتسامه:تسلمي.
صابرين ناظرت لوئام:فكري و ردي لي خبر بكره لان رحلتي الجمعه أنا.
وئام بابتسامه:ان شاء الله.
صابرين:يلا انا باستئذن، و سلمت على وئام و أهلها و مشت.
ام حسام:يلا بنات حسام برا.
ساره:مو السواق.
ام حسام:رفض يرجعنا السواق في ذا الوقت.
و طلعوا كللهم و ركبوا.
حسام بابتسامه:كيف ليلتكم؟
ام حسام:جميله.
حسام ناظر في المرايه:وئام كيف عرضك؟
وئام ما ناظرت له:الحمدلله مر كل شي على خير.
حسام بعد نظره:الحمدلله.
حنان بهدوء:حسام وين عيالي؟
حسام:مع فهد؟
حنان نطت:وين مع فهد و مين فهد؟
حسام:يا بنت الحلال اهدي و اسمعي.
حنان:وش اسمع عيالي مع واحد ما أعرفه و تقول اهدي.
ام حنان:حنان خليه يكمل.
حسام بهدوء:فهد اخ و ثقه و مو غريب و بعدين عيالك ناموا في الاستراحه و ابتلشت فيهم مو قادر اشيل مين و اترك مين؟ قام فهد شال غيث و انا شلت غزل و حلف عليي يوصلهم لما عرف اني باجيبكم انا و مافيه مكان في السياره و ركبهم معه هو وليد و قال عشان امهم تطمن أنا جاي وراك و شوفيهم ماشيين وراي.
حنان وكانها ارتاحت:طيب ،وسكتت و بعدين تكلمت:فهد هاه.
حسام:yes.
سهام من دون انذار ضحكت بخفه و حنان ناظرت لها:وش فيك؟
سهام ناظرت لها و انفجروا ضحك.
وئام اللي مو عارفه وش السالفه و اللي في السياره كلهم يناظرون لهم مستغربين.
حسام:الله يكفينا شركم يا ثنتين.
رانيا خزرتهم:قصدك الله يشفيهم.
وئام:وش فيكم خلوهم يضحكون.
سهام:غيرانين و تذكرت:اقول لك وئام ذي اللي اسمها صابرين معها اخوان.
وئام ساكته تراجع السؤال و الكل ساكت.
حنان دخلت عرض:ايوه معها خمسه أخوان و هم ثلاث بنات.
وئام:مثل ما قالت حنان.
سهام:متزوجين كلهم؟
حنان عقدت حواجبها:ايوه و ليه تسألين؟
سهام:ردي انتي.
حنان:الاثنين الكبار و واحد منهم خطب وئام.
وئام دقتها.
سهام تفاجئت:أمانه.
حنان مطنشه:والله اذكر لما جونا في جده و عمل لهم ابوي عزيمه خاصه لما رفضته الاخت.
وئام و هي تناظر حسام كيف تغيرت ملامحه و كأنه تضايق:مو نصيبي.
سهام قدمت رأسها:وينك عنها يا عمه لما رفضت؟
ام حنان تلعب في جوالها:خالك تارك بناته على راحتهم وانا على كلمته ما اقول شي.
سهام:أنا أقول إهتمامها فيك مو لله.
ام حسام:مو رافع ضغطي الا اخوي و زوجي اللي يخلون العرسان الزينين يروحون من يدينهم.
رانيا:لانهم عارفين انا بننغث في حياتنا.
سهام:لا مو عن غثاثه بس يبون لنا الزين.
حنان لفت:ترا الزواج قسمه و نصيب و كل شي فيه حلو.
رانيا:مع أبوي أجمل و بعدين بدال ما تكلميني ليه ما تقولين للي جنبك هي اللي يجونها عرساان و ترفض.
حنان سكتت.
وئام ردت لها:رانيا لو تكلمينها من اليوم لبكره ما راح ترضا الا بكلامها في ذا الموضوع.
رن جوال حسام و رد:هلا فهد.
حنان دق قلبها و قدمت رأسها تسمع.
حسام إبتسم:طيب ماشي بالسرعه المطلوبه، ضحك:كيف العيال؟، حلو ان شاء الله يكملون الين نوصل بسلام ،مع السلامه.
حنان بسرعه:عيالي باقي نايمين.
حسام:اايه.
ام حنان ضحكت و ناظرت لحسام:حبيبي حسام تقدر تزيد سرعه شوي.
حسام:عمتو وش سالفتك انتي و فهد؟
ام حنان:طفشت يابوي ابي اوصل البيت.
رانيا:لازم تتعودين عشان اذا سكنا في العليا يكون المسافه طويله نفس كذا.
ام حنان لفت لها:مين قال نسكن بالعليا.
البنات مصدومين.
وئام ناظرت لهم:أنا ماعاد قلت لكم إنه مزح.
رانيا:كذااابه.
ام حسام:حتى أمك كذبت علينا.
ام حنان:أنتي تهونين بس محمد لا و كله من بنتي و ابوها.
حسام:أنا ما أدري ليه تبون تطلعون من البيت و البيت كبير.
رهام بزعل:صرنا مو حلوين.
ام حنان:فديت قلوبكم يا أمي انتوا، أصلًا من أول نبي نشتري بيت هنا في الرياض و خالكم يدور الحين.
ساره:أنتوا انقلوا و أنا باجلس مع عمه ساره.
ام حسام:فديت رووحك.
رهام:ساره لو عندنا اخو ثاني خطبناه لك بس واحد و محجوز.
ساره بمزح:الواحد ذا أنا ابيه.
وئام لفت لها واعطتها نظره محترمه.
ساره:ترا امزح لا تصدقون.
حسام إبتسم و ناظر في المرايه و انتبه لوئام تناظر في ساره و ساره ترسل لها بوسه.
وئام لفت نظرها و هي فيها الضحكه.
ام حنان:حسام قربنا.
حسام:ايه احسبي ٥ دقايق ان شاء الله و انتي عند الباب.
ام حسام لفت لها:وش عندك انتي؟
ام حنان بضحكه:اشتقت لاخوك.
كل اللي في السياره ضحكوا.
ام حسام:قووللي كذا من اول.
ام حنان مدت لها الجوال و ام حسام تقرا و فعلا كان مرسل لها ابوحنان رسالة اشتياق"مااصعب لحظات الشوق ومااقسى لحظات البعد وانتظار الحبيب مااصعب ان تحتاج لنبضه شوق و همسه عشق فتلتفت تبحث عن الحبيب فلا تجده مااقسى ان تناديه فلا يجيبك وما اشقى ان تطلبه فلا يستجيب،
نوري وحشتيني مووت اخر مره تروحين و تتركيني"
ام حسام اعطتها جوالها و ضحكت.
وئام بهدوء:عمه ساره ممكن سؤال؟
أم حسام:قولي يا روحي.
وئام:اخذتي خالو محمد عن حب.
ام حسام ابتسمت:لا.
حنان:ماما و بابا االي أخذوا بعض عن حب.
ام حسام:عبدالله و نوره اللي اخذوا بعض عن حب بس انا و خالكم محمد لا.
رهام:كيف تزوجتوا و عرفتوا بعض؟
ام حنان:تكذب عليكم كانت تنهبل في محمد.
ام حسام:أنا كنت أحبه و إلى الحين بس هو لا و السبب في زواجنا أمكم.
رهام:يعني عمه نوره واسطه.
ام حنان:اقص لهم.
ام حسام:هههه قولي لهم.
ساره:ممكن تقصوون بسرعه قربنا من البيت.
ام حنان:ذا الله يسلمكم ابوكم وابوكم و سكتت.
سهام ضحكت:لخبطت ههههه.
البنات ضحكوا عليها.
ام حنان:المهم احنا طبعا اقارب و كان جدكم مقرن(ابو عبدالله) الله يرحمه يسوي عزايم بالويكند و طبعاً يجمع أخوانه و عيالهم كللهم، ذاك الوقت أنا مملكه على عبدالله و كان هو و محمد رايحين جايين و يشرفون عالسفر، المهم جدكم نادا على عبدالله و شفت محمد يطلع وراه و انا طلعت لساره و قلت لها ادخلي بسرعه تحضرين معي و أنا تعبت لوحدي، و طبعا امكم كان فيه ناس متكلمين عنها و خطبوها و ما تعرف الرجال و كذا، االمممهم دخلت امكم و انا دخلت معها نحط الفواكه و اخر لمسه طبعا و انا احط و ارفع راسي و امكم واقفه مكانها و اناظر فين تناظر الا والله محمد واقف عند الباب يناظر لها و أنا مثل الطفل اناظر لهم.
البنات:هههههه.
ام حنان:المهم سمعت صوت جدتكم حصه الله يرحمها امي طبعا كاانت شديييده.
ام حسام قاطعتها:الله يرحمها.
حسام:اي و ربي اذكرها ما تروح من راسي.
ام حنان:المهم اني صرخت انا عليهم و محمد طلع و امكم ولا قدرت تتحرك من مكانها و دخلت امي و قالت خلصتوا وانا اللي رديت عليها و امكم و لا تكلمت باقي خاقه على اللي عند الباب.
حسام مسك يد امه و باسها:فديت اللي خااق، و ضحك.
ام حسام بضحكه:أبوك ماخذ عقلي.
ام حنان كملت:المهم أمي ناظرت لها و هزاتها قالت لها وين تناظرين وين عقلك؟ و أمكم ساكته لانها تحب أمي و تحترمها و ماهي قادره لانها ام الحب و تمون.
ام حسام قاطعتها:لانها زوجة عمي و عيب نغلط عالكبير اما الحين الوحده بعشر ألسنه.
ام حنان ضحكت:صادقه، و تكمل:بعد ذا العزيمه امكم رفضت الرجال لان السبب ابوكم
و محمد حبيبي راح لجدكم و طلب يد ساره بعد ما انا قلت له ان ساره بنت حلال و مدحتها له و هو وافق على طول لاني عرفت من اليوم اللي شافها تعلق قلبه و راح اليوم الثاني و خطبها و تزوجوا و جابوكم.
سهام:زواجكم كان سوا.
ام حنان:لا انا قبل و بعدها بكم شهر امك و ابوك.
سهام:ماحملتي بدري يعني.
ام حنان:ما كتب لي الا بعد ما جابت امك حسام، و حملت هي فيك و انا حملت بحنان.
حنان:يعني خالو محمد تزوجها عن حب.
ام حنان:لا باعجاب.
رانيا:يمه وين اعجاب الله يسلمك قولي اثنينهم يحبون بعض و نفهمها خلاص.
ام حسام:ترا السالفه ناقصه.
ام حنان:شي خاص ما نتكلم فيه.
رهام:ترا والله تونا ندري عن قصة حبهم.
وئام بدلع:اخخخخخ.
ام حنان:وش فيك؟
وئام:متخرفنه عالقصه والله؟ خالو محمد ياخذ العقل الحين فكيف كان في شبابه و عمه ساره تحبه.
حنان:راحت فيها هههههه.
ام حسام بنيه:حسام شبه ابوه في شبابه يا وئام اذا تبين تعرفين كيف شكله؟
وئام ابتسمت.
ساره:و انا اقول ابوي و خالو محمد على مين طالعين بالكرم الحاتمي.
ضحكوا عليها.
سهام:ما لقيتي الا ذا اللي تعلقين عليه.
ساره:لاني مستغربه وش العزايم اللي هابين فيها.
حسام قاطعهم:هذا البيت و وصلنا بالسلامه.
ام حنان و هي تفتح الباب:تسلم حبيبي.
حنان تناظر ورا:عيالي عيالي.
فهد لما شاف حسام يدخل بالسياره وقف برا شوي عشان اهله يقدرون ينزلون و ياخذون راحتهم.
وليد:باقي نايمين.
فهد و هو يناظر لهم:قلبي يوجعني لما اشوفهم يكبرون من دون اب، كأني اتذكر طفولتي مع أمي.
وليد مسك يد فهد:حنا معك فهود.
فهد ابتسم:أدري بس من جد يعني الابو نعمه و المفروض كل واحد عنده أب و أم يشكر ربي و يحمده عليهم.
وليد:الله يرحم من مات و يطول بعمر اللي باقي لهم عيشه بهالدنيا.
فهد همس:آمين.
وليد:قدم سيارتك.
فهد قدمها و انتبه للي دخلوا و حنان و حسام واقفين يتكلمون، دخل فهد السياره بهدوء و وقف و نزل و حنان تقدمت مع حسام.
فهد:باقي نايمين ، و فتح الباب الخلفي و شال غيث و هو مغطيه ببطانيته الصغيره و سمى عليه و أعطى حسام و حسام ناول حنان و بعدها أخذ غزل.
حنان:شكرًا يا فهد تعبناك معنا.
فهد إبتسم:لا مافيه تعب و لا حاجه.
حنان لفت عنه و هو ظل يناظرها الين دخلت لجوا، تنهد و رجع ركب سيارته لما حسام كان يكلم وليد.
حسام:خلاص الويكند ذا الثمامه ما تلفون يمين أو يسار.
وليد:بأجي مع أهلي يوم الجمعه.
فهد تذكر:أيي الجمعه ان شاء الله.
حسام:و ليه ما تجون الخميس؟
وليد:نخليكم براحتكم بعدين ننشب لكم عادي.
حسام:ههههه أحلى من ينشب والله.
وليد:يلا تصبح على خير.
حسام:الله يحفظكم تلاقون الخير، و قفى لهم يدخل و انتبه للي تقفل الباب وراها، عقد حواجبه:باقي هنا ما دخلتي.
وئام:جاني اتصال و جلست أكلم.
حسام:المكتب.
وئام هزت رأسها بايه.
حسام وقف قدامها:قبل ما تدخلين؟
وئام وقفت ساكته.
حسام:ناظري فيني و قولي أنا اشبه ابوي صدق.
وئام ابتسمت:فيك من خالو محمد بس.
حسام همس بابتسامه:وش هو؟
وئام:أشوفك أجمل منه.
حسام اتسعت ابتسامته:لان عيونك تشوفيني كذا.
وئام:يمكن، ممكن ادخل.
حسام فتح الباب:تفضلي.
وئام دخلت بهدوء و إنتبهت لابوها جالس و حاضن أمها و يكلم البنات و سلمت:السلام عليكم.
و حسام سلم من وراها و ردوا السلام.
أبو حنان وقف و حضنها:يا بعد قلبي و روحي أنتي مبروك مبروووك.
وئام و هي حاضنته:يبارك بعمرك يا تاج رأسي.
ابوحسام:مبروك يابوي.
وئام:الله يبارك فيك يا خالي.
حسام:غريبه باقي سهرانين و أنت يابوي تكتب في التاريخ.
ابوحسام:ما جاني نوم و أنتوا باقي برا.
رانيا ناظرت له بخبث:قول عمه ساره و أعذرك مثل أبوي أول ما شاف أمي حضنها كأن له سنين.
أبوحنان و هو يشد نوره له:قلبي ذي كيف ما اشتاق لها.
أبوحسام ابتسم:هي غير و أنتوا غير.
رانيا غمزت له:فديت اللي غيير.
سهام:ابوي مو جريء زي خالي عبدالله على فكره.
وئام تغير السالفه:حنان طلعت فوق؟
الكل:ايه.
وئام وقفت:عن إذنكم ،و طلعت لفوق و توجهت للشقه و هي تحس نفسها ميته من التعب و فتحت الباب بهدوء و إنتبهت لحنان جالسه جنب عيالها و تمسح مكياجها، إبتسمت:وحشوني المعفنين.
حنان إبتسمت:نايمين مو حول أحد.
وئام:شكلهم لعبوا كثير.
حنان:الله يسعد حسام.
وئام سكتت و بهدوء تكلمت:أقول حنان تشمين العطر اللي اشمه.
حنان هزت رأسها بايه:عطر حسام كأنه.
وئام بتأكيد:لا مو من عطور حسام.
حنان رفعت أكتافها:ما أدري أول مره اشمه والله، يمكن عطر اصحاب حسام لان العيال كانوا معهم طول الوقت.
وئام:اها قولي كذا، وقفت:أنا بأدخل أخذ شاور و أطلع احط رأسي.
حنان:حمام الهنا.
وئام:حطي غيث أو غزل معي عالسرير لا تنامون كلكم في سرير واحد.
حنان:طيب يا قلبي.
وئام دخلت التواليت و حنان نطت بسرعه على غزل و غيث تشم العطر و تغمض عينها، همست:مستحيل أنسى ريحته من بين مليون رجال.
__
يـــتبـــع ————>