الجزء الثاني عشر
__
بيوم جديد
سهام كانت بمكتبها تبع المستشفى و تشتغل بملفات في يدها، فجأه دخل عليها رجال معصب و سأل:أنتي الدكتوره سهام.
سهام ناظرت له:أيوه تفضل.
الرجال عصب وصرخ:أنا ابغا أعرف مين أعطاك الشهاده و سماك دكتوره؟ أنتي شخص فاااشل عينوك تكونين دكتوره لاطفالنا تعالجينهم بس للاسف قتلتيهم ابي اعرف انتي وش هو؟ ادميه ما عندك قلب ما عندك احساس قولي انتي تخرجتي اي قسم و جابوك هنا و قالوا دكتوره قولي ميين؟
سهام ساكته من طريقة كلامه اول مره يمر عليها واحد بذا الشكل.
الرجال صرخ:ردي ليه سااكته و الا البس اكل لسانك.
سهام وقفت و بعصبيه:تفضل اطلع برراا.
الرجال:أنا مو طاالع من هنا لين أشوفهم يرمونك براا هالمستشفى.
سهام:اللي ينرمي أنت مو أنا ،واحد بكبرك داخل علي و تغلط و تتكلم بسوء عني من دون أي سبب وش تسميه ، و بتشديد:مو قلة أدب و احترااام، اطللع برررااا.
الرجال رفع جواله:هذي الدكتوره فااشله جدا و تدعي انها دكتوره كمان.
سهام:لو سمحت قفل الجوال و اطلع بررااا جاي تتبلا عليي أنت.
المدير دخل لهم:خير وش فيه؟ ليه الصراخ؟
سهام:تعال شوف له يا دكتور داخل عليي يتبلا بشي أنا ماني فاهمته.
الرجال:لا تعرفين وش فيه؟
سهام:تفضل اطلع بررااا.
المدير:لحظه لحظه، ناظر في الرجال:وش السالفه لو سمحت؟
الرجال آشر على سهام:دكتورتكم ذي سوت لبنتي عملية....
سهام بحلقت عيونها بصدمه و أشرت على نفسها بسكوت....
الرجال:ايه انتي قررتي لها عملية زايده و بعد كم يوم اكتشفنا انها سليمه و شلنا الزايده عالفاضي.
المدير:عفواً بس متأكد انها الدكتوره سهام اللي شخصت بنتك.
الرجال:مللييوون في الميه هي.
سهام:كذاب و نصاب أنا دكتوره عامه مو جراحه و ثاني شي أعطني دليل يثبت إني أنا اللي شخصت بنتك مو دكتوره ثانيه.
الرجال:ايه ايه تبين تنكرين قدام المدير و إنك شخص بريء.
المدير:لو سمحت يا أخ اهدأ.
الرجال:ماني بهادي الين تطردون هالافعى من هنا.
سهام بلعت غصتها:والله سكت بزياده، و أخذت جوالها و تناظر له.
الرجال:الشرطه دقي عليهم أبيهم يجون يشلونك من هنا.
المدير دفه لبرا:تعال أنا و أنت نتكلم بالمكتب.
سهام:آلو يبه وينك؟ تعال بسرعه أنت أو حسام عندي مشكله وبغصه:رجال هنا متكلم عني و مصورني بالجوال يقول بيفضحني قدام العالم.
و ببكا:بسرعه يبه، و قفلت و جلست مكانها تبكي.
__
عند أبوحسام
أنهبل من الكلام اللي قالت له سهام و بسرعه دق على حسام و رد عليه:هلا يبه.
ابوحسام:وينك؟
حسام:رايح مشوار مع....
أبوحسام قاطعه:خل مشوارك و أرجع للمستشفى عند أختك.
حسام عقد حواجبه:ليه وش فيها؟
ابوحسام:واحد حيوان مصورها و يبي ينشرها بس ما أدري وش السالفه ما فهمت شي منها إلا إنها تبكي.
حسام صرخ:كيف يصورها وين حنا فيه؟
ابوحسام:حسام لا تسأل روح شوف لأختك و أنا جايكم بالطريق.
حسام:طيب طيب أبشر، و قفل و تنهد.
"وش السالفه"
حسام ناظر له:فيه مشكله عند سهام و رايحين لها.
__
عند منصور
رن على جوال وئام ولا ردت عليه و رجع رن ولا كان فيه رد.
تنهد و رمى جواله و صار يفكر كيف بيتعرف عليها و على حياتها الغامضه و كيف يقنعها بانهم يقدمون زواجهم عالشهر الجاي.
رن جواله و رد:هلا.
"هلا منصور دقيت"
منصور أبعد جواله و ناظر الاسم:هلا وئام، ايوه دقيت ليه صوتك كذا؟
وئام:توني صاحيه من النوم.
منصور:ابيي اعزمك الليله عالعشاء.
وئام:طيب.
منصور:غريبه وافقتي.
وئام:وش أسوي أحاول إني أرمي كل شي بيننا لورا و أنت كل مالك تتمرد و تمد يدك اخرتها بتذبحني.
منصور إبتسم:حلو ان تفكيرك كذا لان العشاء الليله فيه موضوع مهم أبيي أكلمك فيه.
وئام:اللهم اجعله خير.
منصور ضحك:كل خير لا تخافين.
وئام:اوكيه...نشوف.
منصور تذكر:كيف عمي؟
وئام:طيب الحمدلله أحسن من أول.
منصور:زين الحمدلله، متى بيداوم؟
وئام:ما تدري يمكن عالاسبوع الجاي...ليه تسأل؟
منصور:لا بس حاب أتطمن بس ،تبين شي؟
وئام:لا سلامتك.
منصور:يلا باي.
وئام:بايات ، و قفلت:افففف ليتني قلت لا.
__
عند سهام
رفعت رأسها و مسحت دموعها إنتبهت لدخول حسام:السلام عليكم.
سهام همست:و عليكم السلام.
حسام مشى لها وهي وقفت وحضنته وبكت:وش فيك؟
سهام ناظرت له و قصت له بكل شي.
حسام بحلق عيونه:و ليه تخلينه يروح؟
سهام بدموع:ما راح هو بغرفة المدير.
طبعا الشخص اللي جاء مع حسام كان واقف برا و لما سمع كل ذا راح للمكتب تبع المدير بسرعه بعد ماسأل عن مكانه و صادفه أبوحسام بالسيب و لما شافه معصب نادا عليه و لا سمعه:وليد...وليد وين رايح؟
وليد كان مايشوف أو يسمع أحد وراه فتح باب المكتب ودخل.
أبوحسام إنتبه لحسام و سهام اللي طلعوا و آشر له:تعال وليد دخل عليهم وهو شابب نار.
حسام أنهبل و مشى بسرعه ورا أبوه و سهام تجري وراهم كل شي إلا إنه يجي و يعمل مشكله بالمستشفى.
دخلوا وشافوا وليد نازل ضرب في الرجال و المدير يحاول يفكه بس مو قادر يبعده و بصراخ:تتقوا على حرمه يا قليل الخاتمه.
أبوحسام انهبل وجاء وسحبه بس مافيه فايده الين جاء حسام وسحبوه و هو يحاول يفك وصرخ حسام:ببس خلاص.
سهام واقفه عند الباب و يدها على قلبها.
المدير شال الرجال و حطه عالكرسي و ناظر في وليد:مو كذا التفاهم الله يعافيك.
الرجال يتنفس بقوه ويناظر في وليد بشراسه.
ابوحسام:انتوا رجال التفاهم مو كذا.
وليد بحقد:خله يتوب يتقوا على حرمه خله.
الرجال:اقول انثبر بس.
وليد وقف بيضربه بس حسام جلسه غصب:بس يا وليد.
سهام دخلت:اوكيه نخلص الموضوع الحين، اعطني اسم بنتك بالكامل.
الرجال:غيداء احمد ال...... عمرها ١٢ سنه.
سهام:و من متى جتني بنتك و قلت قرروا لها عمليه.
الرجال:من اسبوعين.
سهام:اول شي انت واحد كذاب انا مسؤوله عن الاطفال من عمرهم بالكوفله الين ١٠ سنوات و بس، ثانياً أنا مو جراحه أنا دكتوره فقط إذا شفت أن الطفل أو المريض اللي قدامي يحتاج لهالشي أخليه يراجع دكتور او دكتوره غيري، سمعت، ثالثا الفيديو اللي صورته بمكتبي أبيي منك قدام الكل تحذفه و الحين.
الرجال:أجل مين سهام عبدالرحمن ال.....
سهام:أنا مو سهام عبدالرحمن أنا سهام محمد، اللي تقصدها بقسم الباطنيه تبيها روح لها بس بعد ما تحذف الفيديو.
الرجال طلع جواله و قدام الكل حذف الفيديو:و أنا اعتذر و حقك عليي.
سهام ببررود:دكتور أنا مستقيله ، و طلعت.
الرجال نزل رأسه بأسى و أهلها ناظروا بعض بصدمه.
المدير:أنا هذا اللي كنت احاول اقوله لك يا سيد ولا كنت راضي تسمعني.
وليد وقف و طلع وراها.
الرجال:أعتذر والله.
حسام:اعتبره درس هالمره و المره الجاايه إنتبه قبل ما تتكلم.
أبوحسام طلع و حسام طلع وراه.
__
عند سهام
دخلت مكتبها و هي ساكته و جلست وشبكت يدينها ببعض و سندت رأسها عليها و غمضت عيونها.
"حبيبي"
سهام جاوبت من دون ما تفتح عيونها:وليد أبيي أجلس لوحدي شوي.
وليد:أنا آسف إذا سببت لك إحراج.
سهام ساكته.
وليد جلس جنبها:سوسو.
سهام بهدوء:أنا ما دقيت عليك لاني أعرف إنك بتشب نار و تجي تقلب المستشفى و كله من غيرتك و الحظ إنك كنت مع حسام و كلكم يالاثنين نار و شرار.
وليد:لا تلوميني يا حبي.
سهام:لا خلاص انهينا النقاش و استقلت.
وليد:حبيبي أنا مو ضد شغلك والله.
سهام ناظرت له:عارفه و الله بس اذا تكررت مثل هالغلطه وش بتسوي؟ تسكت! ابداً بتجي تسوي مصيبه ثانيه.
وليد همس:خلي اللي بعدين بعدين بس ما أبيك تكشرين و زواجنا بعد بكره خلاص افرديها ابيك تنزفين و أنتي مبتهجه لا تعفسينه.
سهام إبتسمت:و هذا اللي مخليني ما أشوفك و جيت اليوم.
وليد:ايه بس قلت لك باطلعها حقت ذا الشهر كلله.
سهام ضحكت بخفه.
اندق الباب و رفعوا عيونهم على طول و شافوا حسام:ابوي يقول تمشين الحين.
سهام وقفت:ايه بس استئذن و أمشي.
حسام:أوكيه انتظركم أنا بالسياره.
وليد:و المشوار.
حسام:تكنسل بسبب الاخت، و مشى.
سهام:الله يهدي بالك يا حسام.
وليد كشر:صاير لا يحتمل.
__
عند وئام
طلعت من غرفتها بعد ما لبست و كشخت و نزلت الدرج حبه حبه و اهلها كانوا جالسين.
ساره:شياكه و يدك مجبره ما تصلح.
وئام كشرت:سارون انطمي.
رانيا:على وين؟
وئام:مشوار.
ام حنان:لحالك أو مع منصور؟
وئام:مع منصور و لبست و رن جوالها:ذا هو يلا باي.
الكل:الله معك، بايات.
وئام طلعت و ركبت مع منصور و صافحته:كيفك؟
منصور:تمام.
وئام عدلت اللثمه:يلا.
منصور:عازمك على كوفي قبل ما نتعشا.
وئام:اوكيه.
منصور حرك سيارته و مشى.
__
بيت ابوحسام
بغرفة ابوحسام اللي كان هو و زوجته يناقشون موضوع و هالموضوع هو خطبة حسام.
ابوحسام برفض:لا
ام حسام:ليه البنت مثل القمر.
ابوحسام:لو ما بقى الا هي ماراح ازوج ولدي بهالبنت.
ام حسام:محمد من حقي افرح في ولدي.
أبوحسام ببرود:أنا كمان و الا ناسيه انه ولدي يعني.
ام حسام:صااير عنيد يا محمد ، و وقفت و طلعت برا.
ابوحسام:الله يصلحك بس.
__
بالكوفي
وئام بحلقت عيونها:نعععم.
منصور:اقول ليه ما نقدم زواجنا و نخليه الشهر الجاي.
وئام ببرود:طبعاً لا لان شرطنا بعد سنه الزواج.
منصور:كيف تبيني أصبر لبعد سنه يا حبي.
وئام:ذا كان شرطنا و أنت وافقت بنفسك صح أو لا.
منصور:صح.
وئام:حلو و بعدين، سكتت تاكل تشيزكيك و تكلمت:احنا علاقتنا في تدهور كل ما أقول تحسنت كسرت يدي أو جرحت وجهي فلا و الله خلنا كذا الين الله يفرجها.
منصور تنهد:أنتي لو تمسكين لسانك و ما تصديني كل ماجيت ابوسك او اتغزل فيك ما توصلنا للي انتي فيه الحين.
وئام رفعت حاجبها:اللي يبيني ياخذني مثل ما أنا.
منصور:اوكيه، و اتمنى انك تكونين صادقه معي ما تكذبين علي بعد.
وئام بشك:اكذب عليك مثل وش هو؟
منصور:حتى لو سألتك بتنكرين.
وئام تكتفت:جرب طيب.
منصور:كانت بينك انتي و حسام علاقة حب.
وئام انصدمت و سوت نفسها ما سمعت:عفواً.
منصور عاد:كانت بينك انتي و حسام علاقه حب قبل ما اخطبك.
وئام خافت و جاء في بالها حسام ما فكرت ابدا في نفسها و بهدوء:أنت قلتها كانت فاكيد جوابي ايه بس من يوم سمع اني انخطبت و رحت لنصيبي نساني كلياً معتبرني اخته و لا فيه شي ثاني.
منصور هز راسه بطيب وبهدوء:أتمنى انه ماعاد يكنلك بأي مشاعر.
وئام تاكل بهدوء و ناظرت فيه:خلص عشان نمشي.
منصور يشرب الكوفي و يناظر لها بهدوء.
__
بيوم زواج سهام و وليد
وين ماكان البنات يرقصون عالمنصه أغنيه رايقه و وئام جالسه تناظرهم و مبتسمه.
ام معتز قربت منها:حبيبي ما تقومين ترقصين.
وئام إبتسمت:ما أعرف أرقص.
ام معتز أشرت على نفسها:حتى أنا ما أعرف و شوفيني رقصت يوم زواج بنتي و باقي مخبيه لزواج معتز.
وئام إبتسمت لها.
خلصت الأغنيه و البنات جلسوا و هم يهفون على نفسهم.
لمياء اللي جات من السفر و فاجئت رانيا و الكل كانت تضحك و تهف على نفسها:وش ذا الحر.
ام معتز:و الله حر الرياض و الا نسيتيه.
لمياء ضحكت:لا لا بس مو لذا الدرجه.
رانيا:بنات بنات ذي اللي كانت تبيها عمتي ساره لحسام.
البنات ناظروا و رهام:ايوه.
حنان برفض:اسمحوا لي اسمحوا لي... ماااهههي حلوووه.
رانيا:عمتي عاجبتها عشان شعرها طويل.
ساره:حسام ما يحب الشعر الطويل يحب اللي لنص الظهر.
ام فهد:رفضها عشانها باقي صغيره.
وئام كانت تناظر فيها و تحاول ما تسمع كلام البنات.
رهام:ترا أبوي اللي رفض يخطبها يا خاله و حسام قال اذا ابوي مو راضي ما راح اعصاه.
رانيا:المهم عمتي تدور له عروسه ما غير تقز في البنات.
الكل ما عدا وئام:ههههههههه.
وئام من دون شعور طلعت جوالها وخلت واتس و ارسلت له:أحبك ❤
أنت لي و بس و لا اسمح إنك تكون لغيري، فهمت.
و قفلت الجوال و وقفت:بأطلع اشوف لسهام عن اذنكم، و مشت و هي تحاول تخبي غصتها.
طلعت لسهام وهي تزفر بقوه ما تبي تبكي، تعترف إنها اتخذت قرار غللط بحياتها بس وش تسوي كله عشان أبوها اللي ما ترفض له طلب و مستحيل تقول له لا، الا حسام لا تشوفه مع وحده غيرها هو ملكها و بس حضنه لها و بس غزله و قبلاته لها هي و بس ،فتحت الباب و دخلت و تسمرت مكانها لما شافته جالس و يناظر الجوال بصدمه مو مصدق اللي كتبت له هي تحبه باقي تحبه، إنتبه لها و رفع عيونه لها و ظلوا يناظرون بعض.
وئام إنتبهت لنفسها و قفلت الباب و لفت بتمشي بس الباب انفتح بسرعه؛لحظه لا تروحين.
وئام ناظرت:ليه؟
حسام:ابي...ابي اسأل اللي أرسلتيه صدق أو لا.
وئام عقدت حواجبها:وش أرسلت؟
حسام مشى لها و رفع الجوال لعيونها وهو مبتسم:هذا.
وئام تناظر مو عارفه وش ترد، قلبت فمها:شكله بالغلط لاني كنت أبيها لمنصور.
حسام إختفت إبتسامته و نزل الجوال بهدوء.
وئام:آسفه مو قصدي أرسلها لك، و مشت بضيق.
انكككرررت ليييه انكرت وش تحسين فيه ليه رافضه تقولين له كل شي ليييه؟ ذا حسام حبيب القلب و عشق الطفوله قولي له ان كل شي كذب قولي له ينتظرك قولي له ان كل ذا خطه مع أبوك عشان منصور و بس.
حسام تنهد:الله يصبرني على فراقك.
__
عند سهام
اللي كانت تعدل فستانها أستغربت ان حسام ماهو فيه و نادت:حساام.
حسام دخل و إبتسم:بسم الله عليك تهبلين.
سهام:حبيبي تسلم لي.
حسام:تنزفين الحين.
سهام:لا بعد ساعه تقريباً.
حسام:طيب تبين شي بأطلع أنا للرجال.
سهام:أبيك تنتظر عشان تتصور معي أول واحد.
حسام أتسعت إبتسامته:حبيبي أنتي.
__
بعد ساعه وقت زفة سهام
طلبت من أبوها وحسام هم اللي يمشون معها بينما وليد و ابو وليد وأبوحنان واقفين قدامها و مشت سهام و أبوها ماسك بيدها على موسيقى هاديه و حسام وراها و معه أمه اللي لابسه عبايتها و تمسح دموعها.
عند طاولة البنات
لمياء باعجاب:فستااانها خقق.
رانيا:و شكلها كمان.
حنان:وليد كمان طالع رزه كذا.
وئام تناظر لهم وهي ساكته.
وصلت سهام لوليد و سلمها أبوها لزوجها و ماكان من وليد إلا انه يمسك يدينها و يبوس جبينها.
أبو وليد و أبوحنان تقدموا وسلموا عليها وجلسوا شوي و طلعوا مع أبوحسام.
حسام سلم عليها و ناظر لوليد:تراها امانتك ليوم الدين.
وليد:بعيوني لا توصي.
حسام ضرب كتفه بخفه و إبتسم ونزل و انتبه لساره تركض له:حسام حسام أبيك ثواني.
حسام:وش فيك؟
ساره:أبيي أتصور معك.
حسام:يا ذا التصوير....يلا بسرعه.
ساره سحبته:بس عشان بأفصخ حجابي ، و سوت شعرها و رفعت جوالها و لقطت و حفظت، و لقطت واحده كمان:فديتك، و باست خده.
حسام إبتسم و اشر لأمه بيطلع و طلع.
__
عند وئام
رن جوالها برسائل و فتحته و كان منصور، عقدت حواجبها:غرريبه.
ارسل:وئوم بعد الزواج بتمشين معي فيه مشوار حاب نروحه مع بعض ضروري ولا يتأجل و كلمت عمي فيه و وافق، لااا تنسيين بتمشين معي.
وئام أرسلت:طيب....... فهمنا.
سهام و وليد طلعوا بالغرفه يتصورون صور الذكرى والفرح اللي كان باين عليهم إنهم فعلاً مبسوطين بيوم زواجهم واللي بيعيشون حياه جديده و مع بعض.
وبعد ما ودع الأهل العرسان كل عائله ودعت الثانيه.
وئام اللي واقفه تناظر وين سيارة منصور و فجأه رن جوالها و ردت:منصور وينك؟
منصور:بأمشي عندي شغل وخلي المشوار لبكره.
وئام ناظرت و شافت سيارة أبوها مشت:أبوي مشى يا منصور.
منصور:خلاص شوفي خالك باقي أركبي معه و يوصلك.
وئام ناظرت وانتبهت لسيارته اللي واقفه:طيب، وقفلت وناظرت في السيارتين ومشت بهدوء و ركبت جنب الراكب:السلام عليكم.
حسام:وعليكم السلام ، و ناظربحلق عيونه:وئام.
وئام:حسام الله يسعدك أمش وراء سيارة منصور.
حسام يناظر للسياره:ليه وش السالفه؟
وئام بحقد:الله ياخذه طلب مني أركب معه و لما سألته قبل شوي قال جاني شغل و أبوي مشى، تكفى حسام أمش وراه.
حسام:وًرهام؟
وئام:تركب مع خالي ،و بترجي:تكفى حسام.
حسام تنهد و كلم رهام:إيه هلا وينك؟
رهام فتحت الباب تبع وئام:هنا، و بحلقت عيونها:وئام.
وئام و حسام:اشششش.
رهام:آسفه.
حسام:اركبي بسررعه.
رهام قفلت الباب و ركبت وجات بالنص:وش معكم ليه جالسه معك؟
وئام طنشت رهام:حسام مشى أمش وراه.
حسام:طيب، و حرك حسام وراه.
رهام عصبت:وش السالفه؟
وئام لفت لها:رهام هذا الشي سر ما نبي أحد يعرف الله يسعدك بنعمل شوية تحريات.
رهام:اوكيه.
حسام بابتسامه:ذي ما تتفقين معها كذا لازم رشوه.
وئام فتحت شنطتها و فتشت و طلعت ١٠٠ ريال و أعطتها:تفضلي.
رهام ناظرت لها:بس.
وئام بحلقت فيها.
حسام طلع لها ١٠٠ و اعطاها:كذا تمام.
رهام أخذتها:تمام التمام.
حسام عشان يبيها تسكت:و بازيدك بس ذكريني.
رهام تقدمت و باست خده.
وئام:وأنا اقول ساره تشبه مين؟ انتي و ساره نفس الطبع.
رهام:توأمان.
حسام انتبه:وئام ماسك خط الدمام شكله بيطلع برا الرياض.
وئام:نروح معه عادي.
حسام انبسط:إذا هالشي يريحك أنا ما عندي مانع.
وئام:عندك ورقه و قلم؟
حسام ولع النور ورفع التكايه:شوفي هنا؟
وئام ناظرت و طلعت قلم:قلم بس.
حسام:افتحي ياقلبي ال..... افتحي الدرج ذا.
وئام فتحته و حصلت زي دفتر الملاحظات و طلعته و قفلت الدرج و كتبت.....
و بعد ثواني وهم يراقبون منصور و حسام ماكان محسسه انه يلحق وراه و كان بعيد عنه شوي.
رهام إنتبهت:حسام طلع النور اكيد أذن.
حسام:إيه حبيبي بس لازم ننتظر.
وئام:حسام دخل يمين.
حسام:شكله رايح ناحية المزارع.
وئام كتبت في الملاحظات.
دخلوا ورا سيارة منصور و صاروا يمشون وراه بمهل و وئام تكتب و توصف المكان، فجأه وقف حسام لما شاف منصور لف يمين و دخل من بوابه كبيره.
حسام لوئام:وش نسوي؟
رهام تقدمت عالمرتبه بحماس.
وئام:ما عليش تقدم شوي لين نشوف وش اللي جوا.
حسام مشى وخفف سرعته و ناظر ناحية البوابه و انتبهوا كلهم للرجال اللي لابسين اسود و شايلين مسدسات و بنادق و بصوت واحد صرخوا:ووووووووووه.
حسام دعس عالبنزين يهرب عشان لا ينتبهون له.
وئام بصدمه:وش ذا؟
رهام ضربت يد وئام:انتي متزوجه وش هو؟
وئام مسكت يدها:ااي.
حسام بحده:رهام يد البنت.
رهام:آسفه، بس ردي علي وش أنتي متزوجه؟
وئام ناظرت للقزاز وبهمس:و الله يارهام حتى أنا ما أدري وش هو هالانسان؟
حسام:بنبعد شوي عن هالمكان ونوقف عشان نصلي قبل ما تطلع الشمس.
رهام رجعت نفسها لورا:ما أصلي أصلاً.
وئام ناظرت لها:عيب.
رهام:لا تخافين فاهم الحياه.
وئام لفت عنها مبتسمه:خبله.
حسام:معنا ورا كرتون مويه نوضي منه.
وئام أشرت:كأن ذا مسجد.
حسام إنتبه و وقف و نزل يشوف اذا مفتوح او لا وكان مقفل.
حسام:مقفل المسجد مافيه الا دورات المياه مفتوحه، وركب:ما معنا الا البيت.
وئام بخجل:حسام خلاص صل أنت احنا عادي.
حسام:ما يجوز التاخير يا قلبي... سكت و بابتسامه:ماعليش.
وئام وجهت للقزاز وهي مغطيه وجهها من الحيا.
حسام ضحك:اوكيه، و طلع سجاده و فرشها و بسرعه راح يتوضا و صلى و بعد ما إنتهى ركب السياره و مشوا و بعد كم دقيقه ناظر حسام لرهام و كانت متمدده و شبه نايمه.
وئام رن جوالها وناظرت الرقم و كان منصور خافت:حسام منصور يدق.
حسام:ردي عليه ولا تحسسينه باي شي.
وئام:اوكيه ، و ردت و حطت سبيكر:هلا منصور.
_وينك؟
وئام:عند خالي محمد.
_ماقد رحتي البيت.
وئام:لا وصلنا عالاذان و جلسنا سوالف و توني انتبه لما دقيت.
_مين بيوصلك؟
وئام بنيه:ما أدري؟ يمكن حسام.
_شوفي اذا رحتي معه ذبحتك انتي وهو و دفنتك معه.
حسام بحلق عيونه و ناظر لها.
وئام:وليه تهدد يامنصور،لو ما شغلك اللي طلع لنا فجأه كان أنا بالبيت و نايمه و الا كان خل الكذب و لا توعد بشي تافه و خلنا نصبح مثل خلق الله و ترا خالي ما يرضا يركبني معه من دون ما يكون معي محرم.
_لو عمي مو داق و يحاتيك كان قلت لك انتظري انا باجي بس يلا هالمره سماح، سلام و قفل.
وئام بتكشيره؛الله ياخذك.
حسام:طنشيه.
وئام:عككر مزااجي.
رهام من ورا:ماعليش بس زوجك جززمه،(يكرم القاريء)
وئام لفت:مو زوجي، و فجأه طلع بطنها صوت الجوع.
حسام:جوعانه.
وئام:لا.
رهام:شي طبيعي وهي ما تعشت، تبي تذبح نفسها.
حسام بهدوء:ليه يا وئام؟
وئام:ما كان لي نفس للاكل.
رهام:ترا صحتك في تدهور و انتي مو داريه.
وئام لفت لها:نامي و اسكتي عني.
حسام ابتسم.
رهام:أحسن.
حسام:تبين نروح ماك الحين و نفطر لاني جوعاان.
وئام:لا ما ابغاه.
رهام:حسام انا ابغا.
وئام:لا تنسين ترا لابسين فساتين.
رهام كشرت:خلاص، خذ لنا ساندويشات من اي كشك.
حسام عجبته الفكره:اوكيه، و ناظر في وئام:تبين انتي بعد.
وئام ابتسمت:ايه.
حسام:تمام بس اعطوني طلبكم من الحين.
وئام و رهام طلبوا اكل.
رن جوال وئام و ردت:هلا يبه.
_وئام وينك؟
وئام:جايه في الطريق.
_وين في الطريق و ما فيه مسافه بين البيوت.
وئام:لاا انا جايه مع حسام و رهام ما رحنا البيت.
_فيكم شي يابوي.
وئام ضحكت:لا حبيبي بس جوعانين و ننتظر الكشك يفتح.
_طيب لا تتاخرين.
وئام:من عيوني، مع السلامه و قفلت.
حسام:كذبتي عليه.
وئام:الحين ايه بس اذا رحت البيت ينكشف كل شي.
لفت تشوف لرهام اللي اختفى صوتها و كانت ناايمه:نامت.
حسام:طريقة نومها غريبه.
وئام:تنسدح و تتكلم الين تنام هههههه.
سكتوا لثواني.
حسام:ممكن اسأل أو لا.
وئام تناظر له:اسأل.
حسام:ابي الصدق، اللي ارسلتيه كان لي او لمنصور.
وئام:امم...
حسام كرر:الصدق.
وئام بهدوء:لك.
حسام:اوكيه.
وئام:ادري انك تكرهني و إلى الحين تكرهني، بس انا.... انا ما الومك لاني خنتك و تزوجت احد غيرك بس و سكتت.
اخذت نفس و ناظرت له:قلبي رافض يحب غيرك.
حسام يناظر لها و يناظر للطريق و ابتسم:احس اني ضايع بكلامك.
وئام:انا كمان حسام ضايعه مثلك، انت تقول تكرهني و فجأه تسوي اللي ابيه.
حسام وقف على جنب و ناظر لرهام و لقاها في سابع نومه و ناظر لها و مسك يدها و حطها على قلبه و شد عليها:ذا راافض انه يكرهك راافض، ابي اقسي قلبي عليك بس رافض ابي انعجب بغيرك بس رافض ابي احب غيرك بس.. و بهمس:راافض... رافض انه يكون لغيرك واللي خلقني و خلقك اني اموت من غيرتي اذا شفته قدامي و يمسك يدك و يبوسها اغار اذا سمعت انكم طلعتوا مع بعض اغاار اذا تذكرت ان اسمك كان جنب اسمه بالعقد ابي اذبحه ما ابي اشوفه معععك و كمان، مد يده لوجهاا يمسح على خدها:الحيوان ضربك و مد يده عليك، و مسك يدها المكسوره:و كسر لك.... و سكت و بحزن:قولي لي وش اسوي؟
وئام بحزن:المشكله ان اللي تشوفه تمثيل أنا اللي اصد عنه و لا اكلمه و لا اتغزل فيه حسام والله اني احبك و اللي تحس فيه ناحيتي هو نفس احساسك، لا تفكر اني نسيتك.
حسام بتعب:و السواة يا نبضي؟
وئام:حسام انت تثق فيني.
حسام:اكييد.
وئام:كلها مسألة وقت و نرجع لبعض.
حسام:تعبت طيب.
وئام:انا كمان تعبت بس لا زم نصبر الين ربي يفرجها.
حسام:انتي شاكه بمنصور.
وئام عقدت حواجبها:شاكه فيه بوش هو؟
حسام:انه يخونك.
وئام ابتسمت:صدقني ما يهمني يخون أو لا.... نمشي الحين.
حسام لف نفسه و حرك من المكان.
وئام:حسام ابي تكون علاقتنا مثل قبل يعني ما نكلم بعض اوكيه ما ابي احد يشك بشي.
حسام:اوكيه.
وئام ابتسمت مبسوطه لانها عررفت انه كذاب من ناحية مشاعره بانه يكرهها ارتاح شي جواها انه ما يكون لغيرها و لا يحب غيرها.
__
عند العرسان
سهام صحت و انتبهت لوليد غااط بنوومه، ابتسمت و ناظرت لجوالها تبي تشوف الوقت و كان الظهر مسحت عيونها و قامت من السرير و هز جوالها و كان امها اخذته و طلعت للغرفه الثانيه:هلا يمه.
ام حسام:هلا حبيبي اززعجتك.
سهام:لا حبيبي صاحيه.
ام حسام:كيفك حبيبي و كيف وليد؟
سهام:بخير الحمدلله.
ام حسام:متى رحلتكم؟
سهام:عالعشاء كذا بس لازم نروح من بدري.
ام حسام:طيب يا ماما فيه غرض بارسله مع حسام طييب.
سهام:ماشي بس ترا بامر اسلم عليكم.
ام حسام:لا يا ماما لا تمرين و لا شي اصلا كلها اربع ايام و تجين حفلة حنان ،خلصوا اموركم و سافروا.
سهام:حتى وليد قال هالشي بس لما شافني كشرت غير رأيه.
ام حسام:هههه الله يوفقكم يا امي، تبين شي.
سهام:لا يا روحي سلمي على ابوي و رهام.
ام حسام:يوصل إن شاء الله. و قفلت.
سهام قفلت وانتبهت للساعه عدا وقت الصلاه، وقفت بسرعه و دخلت لوليد و راحت من ناحيته و هزته:وليد...وليد...وليييد.
وليد ناظر لها بعين واحده و الثانيه مقفله:وش بك؟
سهام:يلا صحصح صرنا الظهر و راح وقت الصلاه.
وليد مد يدينه بكسل و ناظر لها:يا اجمل صباحي و مسائي انتي.
سهام من الخوف وقفت:و انت اجملهم، يلا عشان تصلي و بعدها ارجع نام و مشت بسرعه لدورات المياه و قفلت.
وليد صرخ:طيب ليه تصحيني و انتي داخله قبلي للحمام. (يكرم القارئ).
و مسك جواله ويناظر له وللرسايل اللي وصلت له من اصحابه ويضحك على تعليقهم.
__
ببيت ابوحنان
حنان تصرخ:وئام مافيه روحه الين تجين و اعطيك التصميم اللي ابيه.
ام حنان:متى يمديها تسويه وحفلك بعد ٤ ايام.
حنان:هو نفسه بس غيرت فيه اشياء.
رنت السماعه.
ام حنان:ياااباالين افتحي الباب وناظرت لحنان:الحين تسحب نفسها سححب.
حنان:ماعليش الله يعينك اصبري عليها.
ام حنان:والله سكوتي عشان ابوك جايبها عشان لا اتعب و الا وش يتعبني كلكم ما تقصرون شايلين البيت.
حنان:مصيرنا بنروح يا قلبوشتي.
ام حنان تنهدت:الله يسعدكم و يوفقكم.
بالين:مين؟ حاضر و فتحت الباب:ماما ام هسام و هسام.
ام حنان صرخت:حيااكم.....
_
ام حنان صرخت:حيااكم تفضلوا.
حنان وقفت بسرعه ولبست طرحتها وجلست.
ام حسام وحسام:السلام عليكم.
ردوا السلام وصافحتهم وجلسوا و سألت مستغربه:وين البنات مالهم حس؟
حنان:رانيا وساره طالعين السوق و وئام بغرفتها ورايحه بعد شوي لشغلها.
حسام:خالي هنا؟
حنان:لا بالمركز.
حسام:وعيالك؟
حنان ابتسمت:مع فهد.
ام حسام:غريبه.
حنان:قلت له اني مشغوله اليوم وقال لي بيجي ياخذهم ويبعدهم عني.
حسام رفع جواله:بادق عليه واشوف وين هو؟
ام حسام:لاتدق لان مو مطوله.
ام حنان:اقول لك اجلسي وش اللي شوي.
ام حسام:يا ليت والله بس باقي اروح السوق عندي كم شغله ابي اخلصها.
ام حنان:خلصيها و ارجعي.
حنان:ياعمه ما شبعتي من السوق(تقصد بعد تجهيز سهام)
ام حسام بابتسامه:شايفه كيف اعشقه؟
"السلام عليكم"
صافحت عمتها و ناظرت لحسام بابتسامه:كيفك؟
حسام ببرود:هلا.
وئام عقدت حواجبها على طريقة الرد وضحكت لما تذكر اتفاقهم و جلست جنب حنان.
حنان:وش فيك انهبلتي؟
وئام بابتسامه:لا تذكرت حاجه و انفجرت اضحك، ما علينا وش تبين؟
حنان:ابغا اسوي تعديلات عالموديل.
وئام بحلقت عيونها:حنان حنان الحفل بعد كم يوم كيف اعدل فيه؟ ذبحتيني.
ام حسام:وش تعدلين فيه يالهبلا؟ يجنن الفستان
ام حنان:شفتي حتى عمتك عاجبها.
حنان طلعت الورقه:فيه اشياء بسيطه.
وئام ناظرت لها.
حنان:هذي الفتحه نقفلها.
وئام:طيب.
حنان:والذيل نقص فيه شوي.
وئام:من الحين باعطيك الذيل ما ينقص لانه لو انقص بيخرب الفستان كله.
حنان:طووييل يا بنت الحلال.
وئام:حنان ترا انتي تشوفينه طويل و الا تراه عادي.
ام حسام:ايه مو مثل فستان الاميرات.
حنان:طيب لا تغيرين فيه و ذي حاولي ترفعينها.
وئام بهدوء:بس.
حنان:ايه.
وئام اخذت الورقه وهمست:ترا انتي اول زوجه لفهد و يبي شي دللع، وقفت:يلا مع السلامه.
ام حسام وقفت ومشت معها وهمست لها:لا تغيرين شي بالموديل.
وئام:لا توصين حريص ،وغمزت لها.
ام حنان:وش معكم؟
وئام مشت و ام حسام رجعت لهم:ابغاها تعدل الطرحه وجلست.
حسام وقف بسرعه:يلا بامشي.
ام حسام:وين تروح؟
حسام:يمه بارجع لك ما باتاخر ،وطلع يلحق وئام وانتبه للسواق وصرخ:سااجد.
ساجد وقف وفتح الشباك:نعم بابا.
حسام قرب:امش شوي شوي.
ساجد هز راسه بطيب.
وئام نزلت الشباك:تركب معنا.
حسام بابتسامه تذوبها:تستقبليني معك.
وئام:السياره فاضيه حياك.
حسام قرص خدها:روحي لا تتاخرين.
وئام:استودعتك الله.
حسام أشر لها بباي ومشى لسيارته وهي مشت مع ساجد.
حسام رن على جوال فهد وطلع ورا ساجد و كان يكلم فهد و فجأه انتبه لسياره جايه بتصدم بسيارة ساجد لانه كان ماشي بنفس الاتجاه و حسام بسرعه تعدا ساجد و صار قدام السياره لكن صاحب السياره لف سيارته بسرعه للخط الثاني و ضرب في عمود الاناره.
حسام وقف سيارته و نزل و اشر لساجد يوقف.
ساجد نزل من السياره:والله هو بابا يجي بطريق أنا.
حسام تعداه و مشى لراعي السياره و فتح الباب بقوه و نزله و صرخ:أنت انهبلت.
الرجال ابتسم:آسف يالحبيب.
حسام عقد حواجبه من طريقة كلامه:انت صاحي والا وش حالتك انت.
الرجال اشر عالسياره:ابي اذبحهاا.
حسام:تذبح مين؟
الرجال:ذي البنت اللي بالسياررره.
حسام انهبل:ليه؟ و بعصبيه ضربه كف و طاح الرجال في الارض و رجع حسام شاله و يهزه:انت قول لي مين وازك عليها قول لي مييين؟
الرجال يضحك:عيب اقول لك.
حسام هزه:اقول لك تكلللم.
الرجال هز راسه بلا وهو مبتسم و همس:لا.
حسام فتح الباب اللي ورا و دخله بالسياره:اجلس هنا لين يجون الشرطه.
وقفل الباب بقوه و مشى لناحية سيارة ساجد و شافه واقف و باين وجهه مخطوف من الخوف و تكلم:بابا هو غلللط.
حسام ربت ع كتفه:عادي يا ساجد هذا شكله نايم، كلم انت الشرطه يجون بسرعه و مشى لوئام و فتح الباب:انتي بخير.
وئام بخوف:وش السالفه؟ كنت عالجوال.
حسام:زين ما انتبهتي، ارجعي البيت الحين و لا عاد تطلعين الا مع خالي.
وئام بصدمه:حساام.
حسام بحده:تدرين انه كان يذبحك.
وئام:و انا وش دخلني؟
حسام تنهد:شكله مرسول من احد.
وئام عقدت حواجبها:مرسول من مين؟
حسام رفع اكتافه:الله أعلم.
وئام ابتسمت بخفه:انا وش سويت بحياتي؟
حسام:روحي هونيها و تهون الحين نكلم الشرطه يجون يعملون الاجراءات.
وئام تنهدت و سندت نفسها عالمرتبه بحزن.
حسام مسك يدها و همس:حبيبي استهدي بالله.
وئام ناظرت له:كلم ابوي.
حسام:الحين اكلمه.
وئام رفعت جوالها و فتحته و ضغطت على اسمه واعطته:الحين.
حسام اخذ جوالها و ياشر على عيونه و حطه باذنه:آلـو.
حسام:سلام يا خال انا حسام.
_هلا حسام، تكلمني من جوال وئام؟
حسام:ايه ابي اقول لك انه....... و قص له باللي صار.
_حسام خلك معها و أنا جايك الحين لا تخليييها.
حسام:لا ما باروح جالس معها انا، مع السلامه و قفل.
اعطاها جوالها:خالي جاي بالطريق.
وئام همست:زين.
حسام:كلمت الشرطه يا ساجد.
ساجد:ايوه بابا يقول يجي الحين.
حسام:good،افتح سيارتي و جيب جوالي.
ساجد مشى لسيارة حسام و قريب من الموقع كانت فيه سياره واقفه مراقبه الحدث اللي صار كله و كان منه انه يرفع الجوال:الو..طال عمرك فشلت الخطه.
تنهد:وقت التنفيذ طلعت لنا سياره ثانيه و المكلف بالامر غير مسار طريقه وضرب بعمود الكهرب.
ابتسم بخبث:لا تخاف يمكن الحين قد ودع و مو يمكن الا اكيييد، مع السلامه و قفل.
حرك سيارته و مشى بهدوء من وسطهم دون ما يعطي اي اشاره او اهتمام.
__
ببيت ابو حنان
وئام دخلت و دخل معها غزل و غيث اللي كانوا مع فهد و اول ما سمعوا بالخبر جا لهم بسرعه.
حنان سمعتهم:عيالي وصلوا و بحلقت عيونها:وش رجعك انتي؟
ام حنان و ام حسام لفوا:الله وش فيك؟
وئام جلست و تنهدت:كان بيصير لي حادث.
شهقوا كلهم.
وئام:انا ما كنت منتبهه عالجوال طبعاً، و اسمع ساجد يقول كلمات ملخبطه و ما حسيت الا بذاك الصوت اللي قال طراااخ كانه في اذنني جووا، و اطالع الا والله سياره داخله بعمود و حسام نازل من سيارته و متوجه لها و يفتح الباب و ينزل ضرب في الرجال.
حنان:على المسسسكين.
وئام:لا مو مسكين انا والله المسكينه، حسام يقول كان ناوي يضرب في سيارتنا بس لما شافه تعدانا و صار قدامه و غير المساار ، يعني لو لا الله ثم حسام كان انا مكسره في المستشفى.
ام حنان:بسم الله على قلبك.
ام حسام بخوف:حسام وينه؟
وئام:كلنا بخير بس هو مع الشرطه و الرجال اللي صدم مات لانه كان و غمزت:مو صاحي.
ام حنان كشرت:الله يكفينا.
حنان:انتي احد داعي عليك.
وئام:هههه توني اقولها لحسام.
ام حنان:منصور عرف؟
وئام هزت راسها بلا.
ام حسام:غريبه ما وصلتي له الخبر.
وئام بحده:لازم ادق عليه و اقول له شوف صار و صار .
حنان بحزن:وئام وفستااني.
وئام:فستانك و الله ما اغير شي فيه و تلبسينه كذا.
حنان كشرت.
__
عندأبوحنان
دق عليه ابوحنان و خبره بالموضوع و كان منه الرد الباارد:بالله عليك، متى؟ و هي طيبه او لا.
هالشي خلا ابوحنان يعصصب و يسبه و يشتمه.
ابوحسام:يابن الحلال اهدا.
ابوحنان:كيف اهدا واللي اكلمه عنها تصير زوجته.
حسام محترق و يصحح:خطيبته يا خال.
ابوحنان:وش فرق يعني؟ لااا و بعد مكلمني وطالب مني اقدم زواجهم و هو تعاملله ززفت معها لااا و يرد علي كأنه عادي حتى لو ماتت، وبحقد:الله يجعل يومه قبل يومها ان شاء الله.
فهد بهدوء:يا عم ليش معصب انت؟ خله ينقلع عمره ما سأل اهم شي بنتك معك و طيبه.
حسام:فهد صادق اهم شي بنتنا معنا.
ابوحنان تنهد و زفر بقوه:ياارب.
حنان دخلت عليهم و معها القهوه و سلمت عليهم و حطت القهوه بتصب بس حسام وقف:عنك يا أم غزل.
حنان تركتها:تسّلم و جلست جنب فهد:ليه ابوحنان زعلااان، انتوا مزعلينه صح؟
ابوحنان ابتسم لها.
حسام و يصب قهوه:وئام وين؟
حنان:بغرفتها.
ابوحنان:نسيت منها، كيف نفسيتها؟
حنان:تمام ما غير تضحك.
ابوحنان ابتسم:والله من الصدمه.
غيث دخل يبكي و معه ام حسام و ام حنان.
حنان وقفت:وش فيه؟
ام حنان:لو اقول لك ما تصدقين.
ام حسام جلست:ينكتب بالتاريخ.
حنان:وش فيه؟
ام حنان:زعلان من وئام مشت و طنشته.
حنان بحلقت عيونها:أماانه ههههههه و حضنته:زعلتك خاله وئام.
غيث:ااه،(يعني ايه)
حسام:صادقه امي تنكتب بالتاريخ.
فهد:هذا وهم متعلقين ببعض.
ابوحسام:حلو حلو دام قدك رايحه.
ابوحنان:والله بيتعب هو اكثر منها.
حنان بحزن:وهذا اللي خايفه منه.
فهد:جيبيه،و اخذها منه و حطه بحضنه و يمسح دموعه.
كلهم يناظرون لفهد بابتسامه و عرفوا من جد انه طيب و يحب عيالها قبل ما يحبها.
وئام دخلت:السلام عليكم.
ردوا السلام و هي مشت لفهد:كيفك يا فهد؟
فهد بابتسامه:هلا والله الحمدلله، الحمدلله عالسلامه.
وئام بابتسامه:الله يسلمك، و مدت يدها لغيث:تعال.
غيث لف وجهه عنها و رفض يروح.
وئام شهقت:غيوثي.
كل اللي بالمجلس ضحك.
ام حنان:تستاهلين انتي اللي طنشتيه.
وئام بغبنه:وش اسوي مجبوووره.
حنان تمثل العصبيه:ولدي عنده كراامه حبيبي.
وئام لغيث:تجي معاي.
غيث هز راسه بلا.
وئام:احسن خلنا نتعود من الحين عالبعد ،و لفت بتجلس و ما كان فيه مكان الا جنب حسام و راحت جلست.
ابوحسام:و الله انا قلتها تتعودين من الحين عالبعد.
وئام:الله يصبرنا.
حسام همس لها:كيف صرتي؟
وئام من دون ما تناظر له:طيبه.
حسام لف لهم و شاف كيف يحرضوون غيث على وئام وهو بس يناظر لها.
وئام:ايه عبوا راسه علي.
الكل:ههههه.
وئام وقفت بخوف لما رن جوالها باسمه و ردت:هلا ، وطلعت لبرا.
منصور:كيفك؟
وئام ببرود:بخير.
منصور:ابوك كلمني قبل شوي و قال لي باللي صار.
وئام:اوكيه.
منصور:اوكيه وش هو؟
وئام:اوكيه يعني انتظر تكمل وش بتقول؟
منصور:اها تنتظرين اقول لك سلامتك يعني.
وئام:ايه بس اكيد نسيت.
منصور:لا ما نسيت ، و بحقد:لان الحرمه اللي تخون زوجها ربي يعاقبها وهذا كله بسبب خيانتك.
وئام عقدت حواجبها:أي خيانه؟
منصور:اسألي نفسك هالشي وش سبب هالخيانه؟ و الا لما اقول لك اركبي مع خالك تركبين مع ولد خالك و جنبه و ما ترجعين البيت الا الساعه ٩ الصباح.
وئام:كذااب مو ٩ الصباح.
منصور:بس ركبتي معه قدام و جنبه و رحتوا لحالكم.
وئام:لا مو لحالنا كانت رهام اخته معنا و بلاش تاليف قصص من راسك يا منصور.
منصور:كنت اتمنى اني بالف من راسي بس للاسف انه صدق، انتي تعرفين صبري قليل و ما احد يمسكني عن اللي اسويه.
وئام بقهر:اللي تبيه سوه بس حسام ابعد عننه، سمعت.
__
عند حسام
خرج ورا وئام ماسك جواله على انه جاه اتصال، ما خفت عينه عن تصرفها لما شافت رقم اللي متصل عليها و حس انه منصور، انتبه لها تطلع الحديقه طلع وراها بهدوء و كان سامع كل شي بينهم الين سكرت بعصبيه و دعت عليه من قلبها:الله ياخذك و يخلصني منك باقرب وقت.
حسام تنهد و مشى لها:لا يتغير مزاجك عشانه.
وئام بتكشير:تغير و نسيت.
حسام جلس قبالها:وش قال لك؟
وئام:يقول يعرف اني ركبت معك بهذاك اليوم و ما رجعنا الا ٩ الصباح.
حسام بحلق عيونه:رجعنا الساعه ٧ وشوي.
وئام ابتسمت:عاارفه بس كيف عرف اني ركبت معك؟
حسام بشك:لا يكون مأجر احد يراقبك.
وئام:تصدق مو بعييده عنه، بس انت انتبهت لاحد يلاحقنا بهذاك اليوم.
حسام قلب فمه:ما أعتقد اني شفت أحد بس ترا هو كان واقف الين مشى.
وئام:اجل شافنا و اعلى ما بخيله يركبه.
حسام ابتسم:و ماعندك الا ذا المثل.
وئام ضحكت بخفه:احسه ينررفز الواحد.
حسام غمز لها:اسأليني أنا.
وئام انفجرت ضحك.
حسام:الله لا يحرمني من هالضحكه.
وئام ابتسمت بخجل.
__
بيوم ثاني
و عند حنان بالضبط و بالمستشفى وقت ما كانت تشتغل على اوراق المرضى رن جوالها و ردت:هلا.
"السلام عليكم"
حنان عقدت حواجبها:وعليكم السلام و ناظرت في الجوال اسم ام طلال:هلا يا عمه.
ام طلال:كيفك يا حبيبي؟
حنان:انا بخير الحمدلله انتي كيفك و كيف اهل البيت كلهم.
ام طلال:بخير الحمدلله.
حنان:دوم يارب.
ام طلال:والله يا بنتي داقه عليك عشان اعتذر منك اني ما باحضر حفلة زواجك.
ام طلال:أفا يا عمه و تتركيني لحالي.
ام طلال:حبيبي ما انتي لوحدك فيه امك و خالتك و اهلك كلهم بيكونون معك، لكن يا بنتي، و بغصه:ما اقدر والله اشوفك واقفه جنب احد غير طلال سامحيني يا بنتي و كلامي لك والله مو اني معترضه على زواجك انتي باقي بعمر صغير و يحق لك تعيشين و ذي وصية المرحوم لكن والله ما اقدر يا امي اتمنى تسامحيني.
حنان ساكته وتاركه دموعها تعبر عن حزنها.
ام طلال كملت:والله يا عيني اني لما سألت عن الولد قالوا و النعم فيه و ابو حمد مدحه لنا و طيب و يحب عيالك، الله يوفقك يا امي و انتبهي لنفسك و لعيالك، مع السلامه و قفلت.
حنان نزلت جوالها وبكت بقوه تمنت انها ما قالت لها اي شي تمنت انها ما ذكرتها بزوجها و بزواجها الاول.
__
اليوم الموعود
حفلة حنان و فهد اللي كانت بحديقة بيت فهد و اللي كانت مفاجأه منه و كل التجهيزات كانت جميله جدا.
حنان اللي كانت مبتسمه للمصوره و تعطيها حركات دلع للتصوير .
فجأه
دخل فهد وهو شايل غيث و ماسك يد غزل:يعني تتصورين من دوننا و بزعل:افاا عليك بس.
حنان ابتسمت:هلا حياكم.
فهد باس خدها و ناظر للمصوره:خلصتي تصوير.
المصوره بابتسامه:تفضل يا عريس.
فهد:وش رايك تاخذين لنا صور مع هالصيصان اول.
المصوره:تمام، اوقف جنب العروسه و نزل الصبي جنب البنت.
فهد سوا اللي قال لها و بدأت تاخذ صور لهم منوعه لولا ازعاج غيث عليهم.
رانيا طلت من الباب و شافت فهد و نادت:يا فهد وقت دخولك غللللط.
فهد و حنان:هههههههه.
رانيا:حتى العشاء ماقد تعشوا الضيوف.
فهد:والله ادخل اي وقت ابيه و بمزااجي.
رانيا:ترا لما ناديناك عشان تنزف معها مو تتصور.
فهد:طيب وش صار لو ما انزفينا الحين و همس لغزل:امسكي بيد غيث و اطلعوا لخاله رانيا.
غزل مسكت يده:يللا غيوثي.
غيث مشى معها و طلعوا لرانيا و فهد قفل الباب و ناظر للمصوره:كملي تصوويرر.
حنان همست:الحين رانيا انفجرت.
فهد:بكيفها اهم شي نتصور.
__
عند رانيا
عصبت و سحبت غيث و غزل معها و طلعت لامها:فهد باذبحه.
ام فهد اللي كانت معطيتها ظهرها لفت:حرام عليك ولدي وحيدي.
رانيا:خالتي مو قلتي اذا دخل ناديه ينزفون.
ام فهد:ايه.
رانيا:طيب هو دخل يتصور و العشاء بيبرد.
ام فهد ضحكت:الله يهديه، خلاص يا عيني دام كذا نقوم الحريم للعشاء و بعدها ينزفون.
رانيا:براحتك.
وئام جات تسأل:زفه خلاص.
رانيا:لا عشاء.
وئام:من جدك؟ مو تقولون زفه.
رانيا:فهد حاس الدنيا علينا جالس يتصور معها.
وئام:يااااقلبببي خلاص خلوهم براحتهم.
رانيا تنهدت:تدرين شايله هم البيت الليله.
وئام:اسكتي لان امي باين عليها شوي و تنفجر.
رانيا:و فهد عيا الا يسافر بغزل و غيث.
وئام:كلمناه من اول و رفض.
رانيا ابتسمت:ربي يسعدهم و يوفقهم و يعوض حنان كمان.
وئام:آمين.
__
عند الرجال
حسام انتبه لمنصور برا و يدخن سيجاره، مشى له و جلس جنبه:وش فيك جالس هنا؟
منصور ناظر له:أخذ لي نفس.
حسام:ع بالي مايعجبك اجتماعنا جوا.
منصور:متعود عليها هالاجتماعات كيف ما تعجبني؟
حسام:اوكيه، فيه شي تفكر فيه و شاغل بالك.
منصور يسحب نفس:فيه غير بنت خالك.
حسام:اها وش فيها؟
منصور ابتسم:ماتبي زواجنا الا بعد سنه و حركاتها مو عاجبتني هاليومين.
حسام:ليه وش فيها حركاتها؟
منصور:حسام انا مو دلخ باللي يصير معها و بحياتها و الا واحده بسنها عاقله و متعلمه تروح مع ولد خالها اللي مو محرم و تلف معه لوقت متأخر.
حسام ببرود:هذا الشي عادي في عايلتنا لانه يعتبر مثل الاخوه و بعدين رهام اختي كانت معنا.
منصور بحده:و انا مو عادي عندي ابدداً، همس:انا عارف باللي بينكم.
حسام خاف جواته و بثقه:كان بيننا و من يوم تزوجتك صرت اكس عندها.
منصور ابتسم:ليه تدافع عنها.
حسام:انا ما ادافع عنها، انا اقول الصدق.
منصور:باقي تحبها وهالشي باين في عيونك حتى لما تتكلم عنها نبرة صوتك تتغير.
حسام:و اذا يعني احبها تفكر فيه شي بيتغير.
منصور بامر:ابعد عنها حساام اببععد عنها.
حسام:ما اقدر اقول لك اني بابعد لان بيتنا واحد.
منصور تنرفز منه و مسكه من ياقة ثوبه و شده بقوه:والله لاخليك تندم لو اعرف بس ان بينكم شي.
حسام همس:والله لو مسكت شعره منها انا اللي باخليك تندم و تموت نددم.
و دفه عالجدار و رفع اصبعه له:اللي سويته فيها ما راح اسكت لك عليه ولو انه في واحده من اخواتها كان قد رفعت عليك قضيه من زمان بس لانها وئام فهي تحاول تشوف فيك الشي اللي تتمناه برجل احلامها بس للاسف ما فيه الا انسان وصخ و حقير.
منصور صرخ:احترم نفسك.
حسام:مافيه داعي ترفع صوتك عشان يسمعون الرجال.
منصور بحقد:الأيام بيننا يا حسام.
حسام بتهديد:و حاب اقول لك و اكرر عليك لو تمسك منها شعره واحده او اسمع بس راح تكون نهايتك على يدي.
منصور رمى السيجاره و مشى من قدامه و دخل للرجال.
حسام زفر بقوه و مسح وجهه بتعب و دخل وراه.
__
عند فهد و حنان
انزفوا مع بعض و هم فرحانين و مبتسمين و ياشرون للي يصفرون لهم.
المصوره كانت قدامهم و تاخذ اكثر من لقطه عفويه لهم.
جلسوا وهم مبسوطين و وقف فهد لما طلعت له امه تسلم عليه و باس راسها و حضنها و رجع باس راسها.
ام حنان طلعت و حضنت بنتها و هي ماسكه غصتها غصصب.
و اخذت لهم المصوره احلى صوره.
__
وقت الوداع
حنان كانت بغرفة نومها و امها و اخواتها معها يرتبون شنطة السفر، وتقدمت تسلم على امها اللي تبكي و تمسح دموعها:روحي انتي ليه دموعك؟
ام حنان:فرحانه لك يا ماما والله فرحانه.
حنان حضنتها:جعل ما يفرح لي غيرك.
وئام و رانيا يبلعون غصتهم ما يبون يبكون قدامها.
ساره بدلع:بتوحشوني حنون.
حنان حضنتها:واو منها العياره واااو.
ابوحنان دخل:يلا بابا....فهد ينتظر.
حنان حضنت وئام و رانيا و طلعت مع امها و ابوها، هنا البنات انفجروا بكا ما عاد قدروا يمسكون انفسهم.
__
بالحديقه تحت
جلست وئام وهي تبي تبعد عن بكا و حزن امها و ام فهد و تفكر في منصور وحالها معه، حست نفسها انها خلاص عافته تبي تتخلص منه باسرع وقت،
كانت تتذكر كلام ام منصور لها:اذا ولدي هو اللي صدق رماك من الدرج فأكيد انك انتي اللي ضغطتي عليه، انسي حياتك الاولى حياة الدلع و افهمي انك صرتي الحين متزوجه.
غمضت عيونها بقوه وهي تحاول تتناسا هالشي، رفعت جوالها و رنت على جواله، ما تدري ليه و لما رد:لبيه.
وئام:حسام وينك؟
حسام:شوفيني وراك؟
وئام لفت:وين؟
حسام:لفي وجهك يسار.
وئام لفت وجهها:وين؟
حسام ابتسم لها:شوفيني هنا.
وئام ابتسمت:ايه شفتك، تعال ابيك.
حسام مشى لها:انا صاير مطلوب و كثيير.
وئام ابتسمت و نزلت جوالها.
حسام جلس عالطاوله قدامها:امريني.
وئام:ما يامر عليك، عندي اقتراح و ابي رأيك فيه.
حسام باهتمام:قولي.
وئام:نبي نروح الشرقيه نغير جو.
حسام:بس.
وئام رفعت حاجبها:مو عاجبك.
حسام:لا لا ههه حلو بس فكرت ان فيه شي ثاني.
وئام:يا ليت تكلمهم نروح نغير جو لان كل ما قلنا النفسيه تزين طلع شي و افسدها.
حسام قرب راسه و اشر على عيونه:من عيوني كم عندي وئام انا.
وئام ابتسمت:تسلم عيونك ،و وقفت:تعشيت.
حسام:الحمدلله بس ابي احلي.
وئام لفت بتمشي:دام كذا باروح اشوف اذا باقي شي من كيكة حنان و فهد.
حسام مسك يدها ورجعها له و همس:يا ليت لو تقدري أحلي مثل تحلايتي بملكة سهام لكن للاسف انك لغيري.
وئام عقدت حواجبها و تذكرت كل شي.
حسام غمز لها:لا تتأخرين عليه.
وئام ابتسمت و بعدت عنه بهدوء:ok. و مشت من عنده.
حسام تنهد و حط يدينه عالطاوله وهو مبتسم و يناظر لها كيف تمشي و من مشيها يحس ان روحه تمشي معها من كثر ما يحبها، لكن!
كانت فيه عين ثالثه مشاركتهم الجلسه و شافت كل شي بعينها و كل حركه منهم.
__
يـــتبــع ———>
