الجزء التاسع
__
(بعد شهرين تماماً )
(بزواج لمياء و باخر السهره )
طلعت لمياء مع زوجها و رانيا دموع الفرح ما وقفت ما ندمت ابداً انها صادقتها.
أم حنان:يلا يا بنات الرجال ينتظرون برا.
البنات وقفوا ولبسوا عباياتهم و طلعوا و إنتبهوا لأبو حنان واقف و يأشر لهم.
و راحوا له و صرخ:نوره و ساره الثنتين و رهام معي أنا و محمد والباقي مع حسام.
وئام بسرعه:رهام و ساره واحده تبدل معي.
ساره مسكت يد رهام:ما نقدر نفترق عن بعض.
وئام كشتهم بخفه و طلعت مع حسام و قلبها يدق صار لها شهر ما تدري ميت أو حي.
ركبوا البنات السياره و كان صمت.
حسام ناظر لسهام:خلاص.
سهام ناظرت لوراء:ايوه رهام و ساره مع أبوي.
حنان:الحمدلله عيالي عند أهلهم.
حسام ناظر للمرايه يفكرها ماهي فيه و انصدم لما شافها بالنص و جالسه بهدوء و ما تناظر له.
حسام تنهد و سمعوه و حرك السياره و مشوا من القاعه و بين ماهم في الطريق حنان و سهام تبادلوا أطراف الحديث في الزواج عشان ينعنشون.
سهام:شفتي ذيك اللي لابسه اورانج تصير من أقارب منصور خطيب وئام.
حنان بتفاجئ:بالله عليك.
سهام:إيه تصير أظن زوجة عمه أو خاله، و لفت:صح وئام.
وئام بهدوء:ما أدري والله.
حنان:كيف ما تدرين؟
وئام:و أنا صادقه ما أعرف إلا هو وأمه وش عرفني بالباقي.
رانيا بطنازه:أشك حتى مشروبه المفضل ما تعرفينه.
وئام ناظرت لها:تصدقين ما سألته.
رانيا ضحكت بسخريه:زواجه آخر زمن.
وئام :ترا مو شرط أعرف وش مشروبه المفضل يا...... مريضه.
حنان:اشش أبوي، يدق و ردت:هلا حبيبي،ايه كلنا مع حسام، لفت لوئام:أبوي يقول لك أكلتي و الا نستدعي الإسعاف من الحين.
وئام ضحكت بخفه:لا يتطمن أكلت و شبعت الحمدلله.
حنان:تقول تطمن أكلت، ضحكت:الله يحفظك حبيبي، و قفلت.
سهام:خالي يقصد أي إسعاف ،و بتخمين:منصور.
رانيا:لا إسعاف حقيقي سجلنا الشهر الماضي حالات اغماء للاخت وئام.
سهام شهقت و لفت لهم:من جدك.
حنان:اي والله، كلها بسبب سوء التغذيه و الارهاق.
سهام:على فكره باين فيك والله التعب.
وئام بحزن:وش أسوي لازم اخلص شغلي قبل بوقت.
سهام:اوكيه بس مو ترهقين نفسك كذا أعطي صحتك مجاال.
وئام رفعت أكتافها بعدم اهتمام.
سهام:الله يهديك راسك يابس.
وئام همست لحنان:يمشي على بيض، و حنان ناظرت لها و تنحنحت:حسام كيف الزواج عندكم؟
حسام:بارد والله.
سهام:ما فيه طق.
حسام هز رأسه بلا:زوجك من الطفش قام ينكت علينا.
سهام ضحكت:بعمري عنه.
حسام مبتسم:انهبل.
وئام رن جوالها و شافت و كان منصور و صمتته.
حنان بهمس:لييه؟
وئام بهمس:ما أبغا أرد هنا.
رانيا:حسام كيف معتز؟
حسام:مبسوط ما عليه و ناظر لها من المرايه:ليه تسألين؟
رانيا:أسأل عشان أخته تزوجت و راحت ما لهم غير بعض.
حسام:الله يوفقها ويستر عليها.
الكل:آمين.
رن جوال وئام مره ثانيه و حسام انزعج:سهام قفلي جوالك.
سهام:مو لي.
وئام ردت:نعم.
حنان بحلقت عيونها و ناظرت لها.
وئام:انا بخير، و سكتت، كملت:في السياره رايحين البيت.
ابتسمت بسخريه:مع مين يعني؟ و تسمع وش يقول و بطفش:خلصت! ترا أنا ما صرت معك بنفس البيت تسألني وين تروحين و مع مين لو سمحت بلا أسئله سخيفه
اذا ما عندك شي قفل،مع السلامه، و قفلت.
حنان:كان ضربتيه أحسن.
رانيا:و الا كف مخمس.
وئام:مالك دخل أنتي و هي بكيفي أتكلم معه مثل ما أحب، تأففت:افففف.
و بغصه:أنتوا وهو و أبوي و أمي كلكم عليي تروا أنا مضغوطه من جميع الجهات.
حسام يا رف هالبنوته:صوتك يا عروسه لا ينبح قبل الزواج.
وئام تنحنحت تعدل صوتها:خلك في نفسك.
حسام بتريقه:تامرين طال عمرك.
سهام:وئام اهدي ترا هم كذا الرجال لازم يسألون و عشان يتطمن كمان.
وئام:و انا ما طلبته يتطمن ليته فالح في شي غير الاسئله، و بقصد:و لو سمحتوا ما تدخلون باي شي لانكم مو عارفين وش اللي يصير بيننا.
حسام تنهد و فتح الاف ام و علا في الصوت عشان ما يسمع صوتها ابداً.
__
عند منصور
قفل الجوال و رماه في الارض وهو معصب و بوعيد:ماشي يا وئام أنا تكلميني كذا والله لاعلمك مين منصور و اني لاخليك تمشين صح معي، مااششي.
ضرب الكوب و طاح و انكسر:حقيره، سكت عليك كثير.
__
عند بيت ابوحنان
وقفت سيارة حسام و سيارة ابوحسام و نزلوا الكل، ابوحنان تقدم لحسام:كثر خيرك حبيبي.
حسام بابتسامه:و خيرك.
ابوحنان:ابيك يوم تفضالي كذا و تجي تتغدا معنا لان فيه موضوع حاب اكلمك فيه.
حسام:أبشر من عيوني.
ابوحنان:يلا حبيبي الله معك.
حسام مشى بسيارته و أبو حنان دخل لجوا و طلع لفوق و رن جواله و رفعه:هلا وغلا.
"عبدالله وينك؟"
أبوحنان عقد حواجبه:في البيت وش فيه؟
"لازم تجينا المركز الحين، صار فيه إطلاق ناار بالعمليه و تصاوبوا إثنين من عندنا"
أبوحنان:لاحول و لا قوة الا بالله، جايكم أنا مسافة الطريق، و قفل،
دخل غرفته و بسرعه غير ملابسه و طلع.
أم حنان طلعت وراه:استودعتك الله ، و انتبهت له لين طلع من البيت نهائياً.
لفت بتدخل بس سمعت صوت صراخ وئام و حنان و خافت راحت لهم و دخلت لهم و هي تسمع حنان:من قلة الادب انك تكلمين زوجك بهالطريقه و قدامنا ولا حتى حسام المسكين اكلتيه.
وئام بانزعاج:حنان اطلعي برا و وفري نصايحك لنفسك.
حنان اشرت على نفسها:أنا الغلطانه صح، اوكيه و طلعت.
ام حنان:وش فيه يا وئام؟
وئام:لا تشغلين بالك يمه ،سألتها تصرف الموضوع:ابوي وين راح شفته طلع.
ام حنان تنهدت:استودعته الله طلع لشغله.
وئام:الله يحفظه.
ام حنان:تصبحين على خير.
وئام:تلاقين الخير يا عيني. و قفلت الباب ورا أمها، أخذت نفس و ناظرت للساعه باقي نص ساعه عالاذان.....، قررت تعمل لها كوب كوفي و تلتهي بكم رسمه.
__
عند حنان
دخلت غرفتها و هي معصبه وقفلت الباب بقوه وجلست تفك حلقانها و بعصبيه:و أنا وش دخلني فيها أنصحها و من متى تسمع كلام أحد أساساً.
رن جوالها وتذكرت إنه في الشنطه و بسرعه فتحتها وطلعت الجوال وتنهدت من الإسم، فهد وش يبي يا ترا من بعد اللي صار لي معه و بوحه لي بمشاعره، قررت ترد:هلا.
فهد بزعل:والله العظيم فكرت إنك بتقفلين بوجهي.
حنان بهدوء:هلا فهد.
فهد:هلا فهد هاه طيب وش فيه صوتك؟
حنان:نوم و تعب و كلها.
فهد:تدرين إن صوتك وحشني.
حنان:فهد أرجوك لا تبدأ.
فهد:لا أبدأ وش هو، التغزل فيك و أنا أحبك.
حنان بطفش:أي حب يا فهد الله يرضا عليك، ليش ما تفهم اني ارمله معها بزران و مستحيل تفكر انها تتزوج.
فهد:و الارمله ذي أشوفها بعيوني أجمل شخص و ابيها تكمل حياتها معي أنا و ابي عيالي منها هي.
حنان:مستحيل فهد.
فهد:ليه تصعبينها يا روح فهد.
حنان تصرف:أمك تعرف إنك تبيني.
فهد قلب فمه:لا ما قد كلمتها عنك.
حنان:اوكيه فهد إذا أنت تبيني أمك ما راح توافق عليي و اذا كان ردها عكس هالشي رغم انه مستحيل كلمني وقتها، باي فهد، و قفلت.
فهد ساكت و يناظر في الفراغ، نزل الجوال بهدوء و بلع ريقه:حنان معها حق، أمي بتكون عقبتي الوحيده.
__
بمركز الشرطه
أبوحنان يشوف لأوراق الجنود اللي تصاوبوا في المهمه و يتواصل مع المستشفى اللي تشرف عليهم.
و كان معه بالمكتب عسكر متكلفين بنفس المهمه و يراجعون الخطه.
أبوحنان:على كذا فيه واحد منا غلط.
الرقيب:مو حنا حضرة النقيب هم عرفوا إنا بنهجم بأي وقت و الدليل كلام أحد منهم بالشفرات.
أبوحنان بإهتمام:يعني فيه عمليه ثانيه.
الرقيب:فيه عمليه ثانيه بس ما نعرف وين المكان و اللي كنا نراقبه من شهر اختفى حتى هجومنا البارح ما كان متواجد فيه ابداً، ولا هو مسافر ولا متواجد ببيته كمان.
أبوحنان:الله يرحمه اذا.
الرقيب الثاني:معقولة حضرة النقيب يكون قتلوه.
أبوحنان ناظر له:أكيد لان مو أول واحد يقتلونه كل ما هجمنا على مكان و كان الشخص اللي مراقبينه يختفي فجأه فمعناته قتلوه و راح يوضح معنا مثل باقي شلته.
الرقيب:و العمل طال عمرك.
ابوحنان بضياع:مو عارف، ما أبيي اضحي بناس غير اللي تصاوبوا و راحوا.
الرقيب:إذا على كذا راح نتحول للخطه الثانيه.
أبوحنان ناظر له:يمكن ليه لا.
الرقيب الثاني:حضرة النقيب أنت متاكد إنها بتنجح هالخطه.
أبوحنان بابتسامه:ان شاء الله كم باقي وقت على العمليه الجايه.
الرقيب بتحزير:تقريبا...خمسه ايام.
الرقيب الثاني:بس لازم نستعجل.
ابوحنان:إن شاء الله.
الرقيب:أنا ادري بتزعل من كلمتي بس الشخص اللي نكلفه بهالمهمه قد المسؤوليه.
ابوحنان بابتسامه:لا تخاف هذا ذراعي اليمين بكل شي وهو قدها.
الرقيب الثاني:الله يحفظه لك.
ابوحنان:آمين، اوكيه شباب أنا رايح البيت أي شي جديد كلموني على طول وطمنوني كمان عالعيال.
الرقيب أعطاه تحيه:حاضر طال عمرك.
أبوحنان حياه و طلع من المركز كلله و باله مشغول حييل ما توقع أن هالقضيه بتكون صعبه كذا.
__
بيوم جديد ،ببيت فهد
كان يناظر مع أمه الاخبار و كل شوي يناظر لها يبي يتكلم يحس لسانه ينربط تنهد بصوت مسموع.
أمه لفت له:وش فيك يمه؟
فهد كشر:لا سلامتك مافيه شي.
أم فهد:فهد لا تكذب.
فهد ناظر لها.
ام فهد إبتسمت:من اليوم و أنت فيك، تبي تقول حاجه و مو قادر.
فهد فجرها في وجهها:يمه أبيي أتزوج.
أم فهد اتسعت ابتسامتها:اجمل خبر سمعته اليوم.
فهد عدل جلسته:دامه أسعد خبر فان شاء الله لما اقول لك مين هي تفرحين أكثر.
ام فهد بفرح:حلو دام هي اختيارك، و ضربت يده وغمزت:من هي قول لي؟ من العائله؟
فهد بتوتر:ابدا ماهي من العائله.
ام فهد:طيب مو من العائله فاكيد نعرفهم.
فهد:تمام عليك نعرفهم بس من قرابه بعيده بس مو بعيده كثير.
ام فهد:طيب دام من قرابه بعيده فقول لي أنت.
فهد حك راسه وناظر في امه:ااا، حنان.
ام فهد عقدت حواجبها:من حنان؟ و كانها تذكرت: لا يكون بنت ابو سلمان عاد ذيك العائله ماشاء الله.......
فهد قاطعها:لا لا يمه حنان بنت خال حسام الدكتوره حنان.
ام فهد و كانها استوعبت:حنان عبدالله ال...
فهد:ايه
ام فهد بانفعال:انهبلت أنت و تاشر:قصدك الارمله و بصدمه:فهد مو من جدك.
فهد:يمه اهدي الله يعافيك أنا أحبها و أبيها.
أم فهد ضربت فخوذها:ذا اللي بيجنني.
فهد:يمه بوش هو أجننك أنا أبيها و بعدين مافيها شي يعيب أو ينرفض.
ام فهد:لا انهبلت أنت خاالص.
فهد بترجي:يمه الله يخليك افهميني.
أم فهد بزعل:أفهمك بوش هو انهبلت البنت معها ولدين و بيصيرون بذمتك يالمجنون و بعدين ما لقيت الا هي من بد بنات خلق الله.
فهد:وش أسوي اذا بنات خلق الله ما أبيهم و أبيها هي.
ام فهد وقفت:تاليها أعرف اني ما راح اوافق على زواجك منها ابد ، وتركته.
فهد تنهد و غطا وجهه:ما راح استسلم.
__
ببيت ابو حنان
دخلت وئام البيت بعد ما رجعت من العمل بتعب و بين ماهي تمشي سمعت أصوات أهلها يسولفون و يضحكون و من بين أصواتهم صوت حسام اللي خلاها توقف في نص الصاله، ناظرت في المرايه و قربت تناظر و تمسك على فكها و كشرت:الله يشل يدك يا منصور ،و تألمت بخفه و عدلت نفسها ومشت ناحيتهم:سلام.
الكل سكت بالبدايه و ردوا السلام.
وئام متخصره:لا والله تتغدون من دوني.
أبوحنان إبتسم:تعالي حبيبي.
أم حنان:وش نسوي تأخرتي و عندنا ضيف.
وئام جلست بابتسامه ومن دون ما تناظر له:حياك حسام.
حسام:الله يحييك ، و يناظر لها لإنها كانت من دون لثمه و شاف كيف كانت ضعفانه حييل.
أم حنان:وش تبين اغرف لك يا ماما.
وئام:تسلمين يا عيونها باغرف لي انا انتي تغدي.
ام حنان تقرب لها الصواني.
ساره إنتبهت و شهقت:وش ذا.
وئام ناظرت لها و بعدين ناظرت لنفسها:وش هو؟
رانيا تناظر:باين أحد طااقك من قلب.
حنان لفت وجهها و بحلقت عيونها:وئام وش ذا؟
وئام بعدت:وش فيكم مكبرينها أنتوا.
أبوحنان عقد حواجبه:و ليه ما يكبرونها؟ أنتي شفتي وجهك طيب.
وئام ببرود:شفته يبه و السبب أنا لو ما تدخلت ما كان صار لي كل ذا.
حسام:المفروض كف مثل هذا ترفعين عليه شكوى.
وئام ما تناظر له ابد:ما فيه داعي و أنا اللي دخلت نفسي غصب.
ابوحنان وقف و راح لها و مسك وجهها و لفه له:اشوف، يوجعك.
وئام كشرت:شوي.
ابوحنان تركها:الله يكسر يد اللي مدها عليك.
وئام بضحكه:آمين.
رانيا:صاير عندكم عنف.
وئام و هي تاكل:و على سبب سخيف.
حنان و كأنها تذكرت:جيتي مع السواق.
وئام هزت رأسها بلا.
حنان:إيه استغربت دخلتي و عيالي مو معك.
ساره:مع مين جيتي أجل.
وئام كشرت:مين يعني؟ منصور.
ساره كشرت:مالت عليه والله.
ابوحنان:عيب يا سارون.
حسام بتريقه:صار من العايله.
ساره كشرت:مالت عليه و يخسى يكون من عايلتنا.
ابوحنان:سارووون.
ام حنان:فهم زوجته قبل ساره.
وئام لامها:تاخذ راحتها في السب ماعندي مشكله.
ابوحنان بحلق عيونه:تراه زوجك يا العاقله.
وئام بعدم اهتمام:خير ان شاء الله.
حنان:لا تتعب نفسك يبه بكل كلمه تلاقي رد اسوا من الثاني.
رانيا:ما شاف علامة الجودة اللي في وجهك.
وئام ناظرت لها:لا كنت لابسه لثمتي.
رانيا:كان وريتيه نشوف وش يسوي عنتر زمانه.
وئام نزلت ملعقتها:الحمدلله.
أم حنان بصدمه:ما اكلتي شي.
حنان مسكتها:هيي حتى فطور اليوم لقمتين أجلسي تغدي عالأقل.
وئام وقفت:شبعت الحمدلله، سفره دايمه ، و اخذت اغراضها:استئذن، و طلعت.
رانيا:غريبه ذا البنت.
أبوحنان ترك ملعقتها:الحمدلله و وقف:تغدا حبيبي البيت بيتك.
حسام إبتسم له:تسلم.
ابوحنان طلع و لحق وئام و دق بابها و سمعها تسمح بالدخول و دخل:فاضيه أكلمك شوي.
وئام و هي جالسه تفك إكسسوارها:ايه حبيبي.
أبوحنان جلس جنبها:أول شي من ضربك؟
وئام سكتت.
ابوحنان:منصور صح.
وئام نزلت رأسها و بحزن:إيه.
ابوحنان رفع رأسها:أول مره.
وئام هزت رأسها بايه.
ابوحنان:و السبب.
وئام:ماقدرت اتقبله يبه والله ما قدرت.
ابوحنان:بابا احنا باقي في بداية الطريق.
وئام:و بتطول هالبدايه.
ابوحنان:شوي، تنهد:افتحي اذنك ززين و اسمعي وش اقول لك لان دورك بدأ من الحين.
وئام باهتمام:أمرني.
ابوحنان:الليله أبيك تكلمينه و تعزمينه على مطعم
و تبدأين معه صفحه جديده.
وئام بغبنه:حاضر.
أبوحنان مسك يدها:بابا لا تخافين بكل مكان تكونين معه أنا معين مراقبين عليكم لو شافوا حركه مو طبيعيه على طول بيكونون عندك.
وئام:إن شاء الله.
أبوحنان باس رأسها: الله يرضا عليك، وقف:أنا بأنزل عشان الحق حسام و نتقهوا شاهي مع بعض.
وئام:عوافي.
ابوحنان:الله يعافيك، و بتردد:اا تبين تنزلين تتقهوين معنا؟
وئام ابتسمت:لا حبيبي باخذ شاور و انام.
ابوحنان:نوم العوافي، و طلع.
وئام تنهدت:صعب أكون معه بنفس المكان، وقفت و أخذت روب الحمام و دخلت تبرد على قلبها شوي.
__
بمكان ثاني
كان يصرخ:أنا أكثر من مره أقول لكم تنتبهون خسرنا نص البضاعه اللي دافعين فيها مبلغ مو شوي.
أحد الرجال إسمه الذيب:أنا والله طال عمرك كان عندي احساس من ذا اللي اسمه حسين و لازم نعرف إنا ما نثق باي أحد لازم العمليه اللي بعدها يكون من رجالنا.
تنهد:معك حق لازم ننتبه و خصوصا ان البضاعه الجايه مهمه جداً لازم نختار شخص ثقه.
ابتسم:ما فيه غير الشبل.
الذيب:بس طال عمرك بعده صغير.
اتسعت ابتسامته:صغير لكن نبيه.
الذيب:طال عمرك خايف عليه و بعده عريس ما فرحنا فيه.
تنهد:لا تخاف مو اول مره نكلفه بمهمه زي كذا، اتصل عليه وخله يجيني الليله.
الذيب رفع جواله بضيق:مالك الا اللي تحب طال عمرك.
__
عند حسام
طلع من بيت خاله و هو معاه و راح يشوفون فيلا حسام اللي كان مضبطها و بانيها.
ابوحنان:الله يبارك لك يابوي.
حسام:آمين.
ابوحنان:حبيت تصميمك لا هي كبيره و لا صغيره.
حسام:قلت ما راح اكبرها مرره لان اذا جوني عيال بالمستقبل يكون فيه مساحه يبنون فيها.
أبوحنان باعجاب:عين العقل يا أبوي عين العقل.
رن جوال أبوحنان و كان منصور و رد بحده:نعم ، و مشى عن حسام: هلا منصور كيفك؟
بعتب:المفروض ما أكلمك و لا أرد عليك بعد اللي سويته في بنتي، اشر على نفسه:أنا بنتي اللي عمري مامديت يدي عليها و من يوم خلقت تجي أنت تضربها كف ليه و باي حق.
منصور بتبرير:رفعت صوتها عليي.
ابوحنان بحده:ذا مو تبرير يا منصور أنا أبوها و ترفع صوتها علي و كله من ضغط شغلها و ضغطنا عليها و تجي حضرتك و تضربها.
و بهدوء:المفروض إنكم بفترة تتعرفون فيها على بعض تتغزلون ببعض كلمه حلوه منك كلمه حلوه منها مو تبدأ بها بكف، يعني ما ألومها لو جات لي و قالت خل منصور يطلقني.
منصور بخوف:لا يا عم الا الطلاق انا ماصدقت ألقاها.
ابوحنان:قول لنفسك هالكلام، تنهد:الله يهديكم يابوي والله ترا بتندمون على هاللحظات اللي مريتوا فيها كذا.
منصور:طيب تسمح لي يا عم أجي الليله و آخذها معي نتعشا برا.
ابوحنان:الله يحييك بس كلمها أول.
منصور:إن شاء الله تامر بشي.
ابوحنان:تسلم.
منصور:في أمان الله ، و قفل.
ابوحنان تنهد و قفل و مشى لحسام:حسام مشينا يابوي.
حسام بهدوء:توكلنا على الله.
و طلعوا اثنينهم من عند فلة حسام و ١٠ دقايق و صاروا ببيت ابوحنان و نزل و ودعه، اما حسام على طول توجه لبيت منصور و الشياطين براسه لما سمع كلام خاله لمنصور و انه صفقها هو و كان السبب باللي بوجهها، نزل بسرعه و راح للباب و دق السماعه مره مرتين ثلاث و ردت الشغاله:مين؟
حسام بحده:منصور فيه؟
الشغاله:أيوه مين يقول.
حسام:قولي حسام جاركم يبيك تحت بسررعه.
الشغاله:حاضر، و قفلت.
و بعد دقايق فتح منصور الباب و إبتسم:هلا حسام.
حسام لف له و بحقد صفقه ككف ققووي.
منصور بحلق عيونه و مسك وجهه:وش فيك انهبلت؟
حسام بحقد:والله العظيم و هذاني احلف يمين بالله لو اسمع انك ماد يدك عليها مرره ثاانيه لاقصها لك.
و بصراخ:انت حسبالك ان ما وراها سند حسبالك ما وراها رجاال، لا حبيبي غلطاان و آشر لنفسه:أنا أخوها و قريبها اللي بيكون واقف معها بأي شي حتى قداامك أنت و أبوها و بصراخ:سمعت، الززم حدك يا منصور و الا والله لانسيك من هو انت و هالمره احمد ربك ما كسرت لك ضلوعك، ضرب كتفه:خلك رجاال.
و مشى من عنده و ركب سيارته و حرك.
منصور مسك كفه و بحقد:الايام بيننا يا ولد ابوك.
__
عند حسام
وقف عند باب بيتهم و تنهد و مسح وجهه؟ ناظر لجواله متردد يدق عليها أو لا، تراجع عن اللي بيسويه و اخذ جواله و نزل.
دخل البيت و ما كان فيه احد و طلع على طول لغرفته و قفل على نفسه الباب و حط اغراضه عالكوميديانه و انسدح على بطنه بتعب، سحب المخده اللي كان فيها ريحة عطرها وحضنها و صار يستنشقه بهيام تذكر همسها و كلامها اللي ذوبوه وقت ما كانوا مع بعض، زفر بقوه:عجزت أنساك يا وجع قلبي.
__
عند فهد
جلس مع أمه اللي تكلم و يأشر لها:أمي أبغا أكلمك استعجلي.
أم فهد أشرت له باسكت.
فهد تنهد و مسح شعره:يارب صبرك.
أم فهد:ان شاء الله حبيبي و أعطينا خبر إذا بتروحين مع السلامه، قفلت ناظرت في فهد:وش تبي؟
فهد:أبيك تطلعين اللي معك و يخصني.
أم فهد ببرود:وش أطلع لك؟
فهد:الشيء اللي أخذتيه من درج مكتبي.
أم فهد:رجعته مكانه.
فهد:يمه ترا أنا شايفك البارح و أنتي طالعه و هي بيدك.
ام فهد:ليه صورة واحده مو حليله لك بمكتبك و بين أغراضك.
فهد:لأنها من أشيائي الخاصه وقف:يمه أنا غير هالبنت ما أحب و ما باتزوج و لا أفكر ان عيالي يكونون من غيرها ابدداً.
و لف:عن إذنك...
ام فهد قاطعته:لحظه....
فهد لف لها ساكت.
ام فهد:و إذا ما أخذتها وش بتسوي؟ اذا البنت ما تبيك وش بتسوي؟ أنا سمعت إنها رافضه تتزوج بعد أبو عيالها أي احد.
فهد:رفضت الرجال كلهم ايه بس أنا لا لأن هي تدور على اللي يبي عيالها قبلها و أنا مستحيل أتركها و خصوصاً إني متعلق فيهم ولا أبيهم يعيشون مثل ما عشت أنا لانك تعبتي معي و أنتي شايله هالحمل لوحدك و انا ما ابي اشوفها تشيل هالحمل وحدها
و بترجي:يمه أفهميني تكفين.
أم فهد طنشته:يصير خير.
فهد أستسلم لأمه و طلع من البيت.
أم فهد بلعت غصتها و شغلت التلفزيون تلتهي به.
__
عند وئام
تناظر نفسها في المرايه و تعدل شعرها، تنهدت:كأني رايحه لقبري، حطت الطرحه على رأسها و أخذت شنطتها و طلعت و إنتبهت لحنان تصفر لها و إبتسمت لها.
حنان:إيه الحلاوه دي يا بنت.
وئام بدلع:مررسي.
حنان:شفتي غزل؟
وئام:كانت عندي بالغرفه قبل شوي و باين عليها طفشااننه.
حنان بتخمين:قالت لك شي؟
وئام هزت رأسها بلا و سألت:مثل ايش؟
حنان ما تبي تتكلم:لا ولا شي.
وئام:عن إذنك بأنزل.
حنان صرخت:انبسطي.
وئام أرسلت لها بوسه و نزلت و إنتبهت لأمها بالصاله:مساءك فل.
أم حنان إبتسمت:هلا حبيبي مساءك ورد، و بإعجاب:وش هالكشخه؟
وئام لفت على نفسها:عاجبك.
ام حنان:قمر بكل حالاتك.
وئام باستها:فديت روحك، ناظرت:وين أبوي؟
أم حنان بتعب:بمكتبه طول اليوم، أتمنى الحين أطلع أحس إني ضقت من كثر ما أنا جالسه بالبيت.
وئام:طيب يمه كلمي عمه ساره و اطلعوا أي كوفي تستانسون و الا زوروا صحباتكم.
ام حنان بتفكير:شكلي والله.
وئام:عن إذنك بأروح أشوف لأبوي قبل ما يوصل منصور.
أم حنان:طيب حبيبي ، و أخذت بسرعه سماعة التليفون و دقت على أم حسام.
وئام دخلت لعند أبوها بعد ما دقت الباب و بابتسامه:كيف الحلو؟
ابوحنان:هلا والله، هاه طالعه.
وئام جلست:انتظر مسيو منصور.
ابوحنان:أبي نتفق الحين، ما تبوزين طول الليله ابتسمي له و دلعيه و كلام حلو و هالاشياء اللي تلعبونها علينا.
وئام كشرت:يببه.
ابوحنان:هاه هاه قلنا من دون تكشير.
وئام إبتسمت بتسليك:طيب أحاول.
ابوحنان:الليله أبيك تاخذين تقرير كامل اتصالاته مواقع يروح لها كل شي أبيك تكونين نبيهه لما تكونين معه.
وئام تنهدت:طيب.
ابوحنان:أنتي قدها بابا.
وئام وقفت بعد ماسمعت رنة الجوال:توكلت على الله ،تبي شي.
ابوحنان:أستودعتك الله.
وئام طلعت من عند ابوها و هي ترجف، تعوذت من الشيطان و انتبهت لامها تقفل السماعه و مبتسمه:مع السلامه يمه.
ام حنان:بحفظ الرحمن.
و طلعت وئام من البيت و ركبت مع منصور بابتسامه:سلام.
منصور إبتسم:هلا كيفك؟
وئام بابتسامه:بخير......، و بالقوه:حبيبي و أنت؟
منصور بحلق عيونه:نعم.
وئام:أنت كيفك؟
منصور:لا اللي قبل.
وئام:أقول بخير.
منصور صرخ:لا لا اللي قبل.
وئام:حبيبي قصدك.
منصور:إيه ذي وينها من زمان.
وئام ببرود:الله عاد أنت كأنك أول مره تسمعها.
منصور ناظر لها:منك أي والله أول مره، عدلي لثمتك طلعنا من الحاره.
وئام سوت لثمتها و ناظرت له:وين بنتعشا؟
منصور:حبيبي فين تبغا تتعشا؟
وئام:عادي اي مطعم أبيي أشوف ذوقك.
منصور:أوكيه عندي لك مطعم تدمنين عليه، تصيرين داخله خارجه و يكسبون من تحت يدك.
وئام إبتسمت و بتسليك:صدق والله، اذا وزني زاد فبسببك.
منصور:قمر بكل حالاتك فديتك ، و مسك يدها و باسها.
وئام إبتسمت بخفه.
__
عند حنان
حنان واقفه عند باب غرفة غزل:غزل اطلعي بسرعه.
غزل راميه الشرشف على وجهها:ما أقدر.
حنان:غزل أبيي اتكلم معك.
غزل بتفكير:لا أريد ذلك.
حنان بملامح جامده:غزل ما أكرر و أقول اطللعي من عندك.
غزل:لا استحق أن أشم هواء نقي؟
حنان إبتسمت غصب و أخفتها:غززل أتكلم عربي أنا اطلعي من عندك.
ابوحنان باستغراب:وش فيك تصرخين؟
حنان تنهدت:يبه المعفنه ذي مسويه غلط بالمدرسه.
أبوحنان:وش سوت؟
حنان:أدخل و أسألها؟
ابوحنان دخل و جلس على سريرها:غزل حبيبي نزلي ذا من على وجهك ولا تخافين أنا معك و ماما ما راح تسوي لك شي.
غزل:أمااان يعني.
أبوحنان بضحكه:إيـه.
غزل بعدت الشرشف عنها وناظرته:هااه بعدته.
أبوحنان:قولي وش سويتي عشان ماما تزعل منك.
غزل ناظرت لأمها و بعدين لجدها:سويت غلط بالمدرسه.
أبوحنان:طيب وش سويتي؟
غزل:شديت شعر واحده من البنات.
أبوحنان:افا يا غزل، لييه؟
غزل نزلت رأسها بحزن:اسفه.
حنان بعصبيه:ذي حركات أولاد و الا بنات مو عيب تسوين فيها كذا.
غزل صرخت:لا مو عيب و هي تكلمت على بابا الله يرحمه، اصلاً أنتي ما تدرين وش يصير معاي في المدرسه كل البنات عندهم بابات (جمع اب) إلا انا ما عندي و كل مره يروحون مع بناتهم في السياره مو مع سواق مثلي انا، و تركتهم و طلعت.
حنان و أبوحنان صاروا ينادونها:غززل... غزل.... غززل......
و لحقوها و كان من غزل تفتح باب غرفة الضيوف اللي تحت و تدخل و تقفله بالمفتاح.
حنان و أبوحنان صاروا يدقون عليها:غزل أفتحي..... حبيبي أفتحي مو حلو تقفلين لحالك.
غزل صرخت و تبكي:اتركووني في حالي.
حنان صارت تدق:غزل أفتحي الباب.
أبوحنان:غـــزل ،و سكت.
حنان بخوف:يبه وش اسوي؟
ابوحنان بهمس:لا تسوين شي أنا باتصرف ، و مشى للتليفون و ضغط أرقام بيت اخته أم حسام و ردت رهام:آلو
أبوحنان:سلام رهام حسام عندك؟
رهام:لا و الله طلع مع أصحابه.
ابوحنان:شكراً حبيبي ، قفل تنهد و راح مكتبه و رفع جواله و رن على حسام و بعد ثواني جاه الرد:هلا و غلا.
ابوحنان:هلا بك حبيبي آسف عالازعاج بس أنت قريب.
حسام:إيه أمرني.
أبوحنان قص له باللي صار مع غزل و طلب منه يجي يحاول فيها إنها تطلع و خصوصاً إنها تحب حسام.
حسام وقف:تامر أمر مسافة الطريق، مع السلامه و قفل.
فهد:وين رايح؟
حسام:عطني مفاتيحك أبيي أروح لبيت خالي عبدالله.
فهد:عسى ماشر.
حسام:غزل مقفله على نفسها الباب و عيت تفتح لهم و أمها منهبله.
فهد وقف:بأروح معك.
حسام:قصدي تجلس تسمر معهم و يجيبونك بعدين.
فهد:لا لا بأروح معك أشوف لغزل ما ندري وش بيصير؟
حسام:توكلنا على الله.
استاذنوا من العيال و مشوا.
__
عند وئام و منصور
وئام تركت الملعقه:الحمدلله.
منصور:وش أكلتي أنتي تراك ما مسحتي الصحن.
وئام:حرام عليك أكلت كثيير.
منصور:إيه أكل البسه.
وئام تمسح يدينها و ناظرت لمنصور اللي رد على جواله:هلا.
ناظرلها و هي إبتسمت له.
منصور:قول وش تبي؟ طيب أي ساعه.
وبتفكير:حلو حلو دام كذا أحوّل لك الليله.
إن شاء الله، هلا مع السلامه و قفل.
وئام:شغلك؟
منصور هز رأسه بايه.
وئام سندت دقنها على يدها:أي شركه تشتغل؟
منصور:شركة الـــ..... تعرفينها؟
وئام عقدت حواجبها:كأني سمعت فيها.
منصور:إيه لانها مو ذاك الزود صيتها.
وئام:اها، انت السكرتير؟
منصور هز رأسه بايه:و انتي وش شغلك؟
وئام بابتسامه:مصممة ازياء بس منصب مديرة الفرع.
منصور:يا لبببييه؟ عاد ذا يكلف راتب محترم.
وئام:نعمه الحمدلله، اللي أبيك تعرفه إن شغلي رقم واحد بحياتي.
رن جوال منصور و ناظر له و أنصدم لما شاف الرقم و وقف:عن إذنك شوي.
وئام ببرود:تفضل.
منصور رد:هلا يا الذيب ، و طلع.
وئام إبتسمت بسخريه و طلعت جوالها و صارت تكتب في الملاحظات.
__
عند حسام
وصل مع فهد و نزلوا بسرعه و رنوا الجرس و فتح لهم أبوحنان:هلا حبايبي حياكم الله.
حسام و فهد سلموا عليه و دخلهم بعد ما طلب طريق.
حسام:المعذره يا عم بس جبت فهد لأني عارف إن غزل تحبه و تسمع له أكثر مني.
أبوحنان إبتسم:البيت واحد يابوي.
حسام:وينها؟
أبوحنان مشى مع حسام و فهد و آشر على الباب:هذا يابوي اذا ماعاد سمعتوا لها صوت اكسروه.
حسام:لا أن شاء الله ما يحتاج كل ذا.
و قرب من الباب و دقه:غزل حبيبي أفتحي الباب هذا أنا خالو حسام.
حسام يقرب أذنه و ينادي:غزل.
غزل ببكا:ما أبيي أفتح لك رووح.
فهد:أبعد يا حسام ،و صرخ:غزل حبيبي أنا عمو فهد أفتحي الباب ليه مقفله عليك و علميني مين مزعلك؟
غزل جاوبته:ماما.
فهد:طيب حبيبي أفتحي الباب نتفاهم أنا و اياك.
حنان جات من وراهم و توترت لما شافت فهد:آسفه حسام كلفنا عليكم تجون.
حسام:لا وش دعوه؟
غزل مسحت دموعها و فتحت الباب و لما شافته قدامها ركضت له وحضنته وهو إبتسم و شد عليها:وش فيك حبيبي؟
غزل تبكي.
تنهد الكل براحه و أبوحنان همس:تعال فهد هنا.
فهد وقف وهو حاضنها و مشى ورا أبوحنان من دون ما يناظر لحنان وجلسوا بالصاله.
فهد بعد غزل عنه و ناظر لها:قولي وش فيه؟
غزل بغصه:ماما زعلانه مني لاني شديت شعر واحده من البنات.
فهد:طيب ليه شديتي شعرها؟
غزل نزلت رأسها و مسكت قميصه تلعب فيه:لانها تكلمت على بابا الله يرحمه.
حسام مسح على فمه بقوه و ذا كله من القهر، من تيتمت و مشاكلها بالمدرسه كثرانه علشان هالموضوع.
فهد بهدوء:طيب حبيبي المفروض لما قالت كذا كان رحتي للمدرسه حقتك و قلتي لها شوفي ذي تكلمت....
قاطعته غزل:إسمها صبا.
فهد إبتسم:طيب كان قلتي صبا تكلمت و قالت كذا و كذا عشان هي تعاقبها، بس تضربينها مو صح بعدين يقولون عنك إنك مو حلوه، و بنبرة سؤال:تبين يقولون غزل مو حلوه.
غزل هزت رأسها بلا.
فهد:شفتي كيف، عشان كذا أي أحد يقول لك حاجه تروحين لمعلمتك، خلاص حبيبي.
غزل هزت رأسها بايه و كانها تذكرت:بس عمو فهد كلهم يقولون إحنا عندنا بابا و أنتي لا و كل احده ما تجي مع السواق تجي مع بابتها.
حسام:ما عليك منهم، تدرين ليه يقولون كذا لأنك زي الأميرات مثل سندريلا و فُـله مو يوصلونهم سواقين بالخيل.
غزل هزت رأسها بايه.
حسام:أنتي كذا أميره عشان كذا يغارون.
غزل:بس...... و سكتت.
فهد:شوفي غزل اي احد يقول لك كذا قولي عندي بابا ،شوفي عندك جدو عبدالله مو مثل بابا تشوفينه.
غزل ناظرت لجدها اللي يناظر لها مبتسم:أيوه.
فهد:شفتي عندك أربعه بابا جدو عبدالله و جدو محمد و خالو حسام و أنا.
غزل إبتسمت له برضا.
فهد:عشان كذا لا تصدقينهم، ترا ماما أجمل شي بالدنيا هي كل شي، أنا كنت مثلك يقولون ما عنده أب بس كنت اقول لهم عندي أم اللي هي مامتي أنا و ما أسمع وش يقولون أطنشهم لأنهم كذابين.
، تنهد بخفه:خلاص حبيبي.
حنان تناظر له بحزن.
غزل:طيب أنا ماعاد أبغا السواق يوديني المدرسه دامك تقول ان ابويه و خالو حسام هم مثل بابا ابغاهم هم يودوني.
حنان:غزل أنا كل صباح أروح معك.
غزل بزعل:لا مو كل صباح تروحين.
فهد:خلاص أوعدك بكره أنا اللي أوديك للمدرسه.
أبوحنان:فهد لا تتعب نفسك احنا موجودين.
حنان:تسلم فهد ما يحتاج.
فهد:لا ما فيه تعب أنا بكره أوديها المدرسه و حسام كمان ، و ناظر فيه.
حسام قمط:إيه بكره ااا أقصد إن شاء الله.
فهد:شفتي كيف نحبك؟
غزل إبتسمت.
فهد رفع إصبعه:بس توعديني يا غزل تروحين لصديقتك ذي وتستسمحين منها و تقولين لها آسف.
غزل كشرت:و إذا رفضت.
فهد:كلمي معلمتك عادي.
غزل حضنته:شكراً.
فهد بعد عنها:عفواً، يلا تروحين تنامين عشان بكره اجي بدري و أخذك للمدرسه.
غزل بحماس:طيب ،و باست خده و نزلت من حضنه و راحت لأمها.
حسام وقف:تعالي غزل أطلعك غرفتك، و ناظر في حنان:فيه أحد؟
حنان وقفت:لا حياك الكل ناايم.
حسام:يلا غزول ، و طلع معها و حنان أشرت لحسام تكلم فهد.
حنان بخجل:يعطيك العافيه فهد ما كان فيه داعي والله تتعب نفسك.
فهد:لا عادي ما سويت شي كله عشان غزل.
ابوحنان:جميلك ذا يا حبيبي ماراح أنساه ابداً.
فهد:والله ما سويت شي وش فيكم محسسيني إني غريب يا عم ترا أنت اشوفك ابوي و الله.
ابوحنان:الله يحفظك لأمك و تسلم على هالتربيه.
فهد ناظر لها:متى دوام غزل؟
حنان:تطلع من هنا سته أو سته و خمسه.
فهد:اوكيه.
حنان:أكرر شكري لك أستاذ فهد.
فهد:العفو.
حنان:تصبحون على خير. و طلعت لفوق.
ابوحنان وقف:أفا يالعلم ما ضيفناك شي ، و كان بينادي حنان بس فهد حلف له ما يبي يشرب شي.
__
عند وئام و منصور
منصور وقف بمواقف البنك و وئام خافت و صارت تتلفت يمين و يسار،
منصور استغرب و سألها:وش فيك؟
وئام:ليه جايين هنا وهو مقفل.
منصور ياخذ محفظته:إيه مقفل بس جاي أحوّل فلوس لواحد من الشباب، فتح بابه:آمني السياره بعد ما أنزل شكلي مطول لانه باين فيه كثير قبلي.
وئام:اوكيه.
منصور نزل و قفل الباب و وئام ناظرت لين أختفى من قدامها، فتحت النور بسرعه و فتحت درجه و صارت تدور فيه و تدور في الأوراق و ما كان فيه شي يوضح لها غير إنها للشغل رجعتها بترتيب و قفلت و فتحت تبع التكايه و صار تدور فيه بس كان فاضي للأسف و قفلته، انغبنت و ناظرت ورا و بسرعه نطت لوراء و فتحت النور و دورت بالجيوب و كانت فاااضييه تماماً.
زفرت بقوه و رجعت مكانها بعد ما قفلت النور و ضربت طبلون السياره بعصبيه.
__
عند حسام
اللي طلع مع غزل و سألها:غزل وين غرفة خاله وئام؟
غزل أشرت له:ذي.
حسام إبتسم و راح للباب بس تراجع لانه تذكر إنها موجوده و يمكن تكون صاحيه أو نايمه، ناظر لغزل:وين غرفتك؟
غزل أشرت له بمكان غرفتها و راح معها و دخلوا سوا و هي انسدحت وهو غطاها:تصبحين على خير يا أميره.
غزل إبتسمت:و أنت من أهله.
حسام قفل الباب و طلع و إنتبه لحنان تطلع الدرج، إبتسم لها.
حنان إبتسمت بخجل:خجلت من صديقك والله لما جاء معك.
حسام:هذا فهد يحب الخير للكل.
حنان:الله يسعده، نامت غزل؟
حسام:حطيتها بسريرها و طلعت بس شكلها مدوخه.
حنان:والله فشيله اللي صار قبل شوي.
حسام:لا عادي اصلاً كلهم الاثنين متعلقين في بعض.
حنان بحزن:و لا أبيي هالشي حسام لأنها بتتعب.
حسام إبتسم:كيف ببتعب؟
حنان:يعني يتزوج و ينشغل بحياته.
حسام أتسعت إبتسامته:حنان م نخبي على بعض، غمز لها:فهد كلمك و قال إنه يبيك صح.
حنان ما نفت:صح بس قلت له مستحيل.
حسام:ممكن أعرف ليه؟
حنان بحزن:صعب حسام.
حسام:مافيه شي صعب دام فهد يحبك و يحب عيالك و مستعد انه يسوي المستحيل عشان تكونين له.
حنان:أنا قلت له اذا أمه موافقه يمكن هالشي يتغير.
حسام:هو كلم أمه بس يقول إلى الحين ما أعطته أي جواب.
حنان إبتسمت بسخريه:اكيد ما راح توافق ان ولدها الوحيد يتزوج بأرملة و يكفل عيال غيره.
حسام:صدقيني فهد غيير.
حنان:نقفل الموضوع حسام.
حسام:مثل ما تحبين دكتوره، وقف:انا باروح تاخرت على فهد.
حنان وقفت:شكراً حسام.
حسام مشى:العفو، لف لها:سلمي على عمتي و البنات، مستغرب الكل نايم هالوقت.
حنان ضحكت:امي و عمه ساره راحوا لصديقتهم و ساره نايمه و رانيا من يوم تزوجت لمياء قافله عليها بغرفتها و تتابع افلام و تنام بدري ووو، كملت:وئام طلعت تتعشا مع منصور و أكيد جايه.
حسام تنهد:استودعتها الله، يلا حنون عن إذنك.
حنان:ليله سعيده.
حسام ابتسم:و لك كمان و نزل.
حنان بحزن:و الله حالكم يا الاثنين أردى من بعض ،مشت لغرفة عيالها تطمن.
__
عند وئام
وصلوا للبيت و هي ميته نووم و كمان زعلانه لأنها مالقت شي بهالمهمه.
منصور وقف سيارته:وصلنا حبيبي.
وئام فتحت الباب:شكراً عالسهره الحلوه و كانت بتنزل بس وقفها منصور:تعالي تعالي.
وئام:وش فيه؟
منصور:مافيه هديه قبل النزول.
وئام كشرت:مرره ثانيه منصور.
منصور:متى مره ثانيه و أنا أبيها الحين.
وئام عشان تفك نفسها قربت منه وباسته على خده:خلاص.
منصور:فيه احد يبوس باللثمه.
وئام تنهدت و فتحت الباب:ماعندي غيرها باي منصور.
منصور صرخ:طيييب.
وئام قفلت الباب بدون إهتمام و مشت و طلعت مفاتيحها و فتحت الباب و دخلت بهدوء و سمعت صوت فهد و حسام و قفلت الباب عشان يطلع صوت، سكتوا و وئام مشت ولا شالت لثمتها و لما صارت قدامهم التفتت لهم وسلمت:السلام عليكم.
ردوا عليها و فهد كان منزل رأسه و معطيها ظهره.
وئام:أعتذر ما أدري إن عندك ضيوف.
ابوحنان:لا تخافين بابا ذا فهد من أهل البيت.
وئام:حياك الله فهد.
فهد:الله يسلمك.
وئام ناظرت لأبوها:تبي أسوي لكم شي.
أبوحنان:دامك جيتي سوي شاهي.
فهد:لا يا عم تسلم ماله داعي، وقف:حنا نستئذن.
حسام وقف معه:أي والله ورانا دوامات.
أبوحنان وقف معهم:سامحونا ي أابوي تعبناكم معنا.
وئام بعدت عن الطريق و صارت عند الدرج و تناظر لهم.
حسام ناظر لها و يناظر لفهد و أبوحنان يتكلمون و هم متجهين للباب الرئيسي.
حسام لف و مشى لها و وئام بسرعه و بنبرة امر:اوقف مكانك لا تقرب.
حسام وقف مكانه يناظر لها.
وئام:عندك شي قوله مكان ما أنت واقف.
حسام ابتسم بسخريه:لهالدرجه مو طايقتني و كارهتني و إلا عشان صرتي حرم منصور ال.... فانتي شايفه نفسك فووق.
وئام:مو مجبوره اجاوبك، تكتفت:قول وش تبي؟
حسام بهدوء:ما ابيي شي غير إني أتطمن عليك بس، كيف سهرتك؟
وئام:حلوه.
حسام:أهم شي انبسطتي.
وئام بكذب:الحمدلله ما قد شفت نفسي مبسوطه هالكثر.
حسام:وهذا اللي يهم إني أشوفك مبسوطه.
وئام:شكرًا.
حسام:تصبحين على خير.
وئام:تلاقي الخير.
يناظرون لبعض كأن كل واحد ينتظر متى الثاني يبدأ يجري و يستقبله بحضنه.
حسام إبتسم لها ولف عنها متضايق و طلع.
وئام مسكت قلبها و راحت للشباك اللي يطل عالمواقف و فتحت الستاره و هي تناظر له يكلم أبوها و يبوس رأسه و باين على وجهه الضيق و ركب السياره، تنهدت:وحشتني يا حسام زين جيت عشان أشم ريحتك اللي إشتقت لها، وش كنت بتسوي لو ما وقفتك مكانك.
تركت الستاره بقوه و مسحت دموعها و جلست تنتظر أبوها تقص له باللي صار و كانت تتذكر الإتصال اللي شغل تفكيرها و كأنه شي مددبر.
"بابا حبيبي"
وئام ناظرت له:لبيه.
أبوحنان جلس جنبها:هاه بشري لقيتي شي أو سمعتي شي أو شفتي شي، أعطيني الزبده.
وئام:بابا اهدا ممكن.
ابوحنان:اوكيه اوكيه، هديت يلا.
وئام إبتسمت:ما لقيت شي أو شفت شي دورت على اللي أنت طاالبه مالقيت إلا أوراق للشركه و أوراق إيصال و من هالكلام، غيرها لا.
أبوحنان ضرب يدينه ببعض:خساره.
وئام:بابا تسمح لي اسألك أسئله و تجاوبني عليها.
ابوحنان:قول لي بابا.
وئام:الحين هي كم عمليه.
ابوحنان:تقريباً عشر عمليات نجحت منها ٦ عمليات و فشلت عمليتين بس العمليتين الجايه هي أخطر العمليات لان البضاعه قوويه و دافعين فيها فلوس و عليها حررس.
وئام:طيب بابا العمليات لها أسماء.
ابوحنان:إيه بابا كان لها أسماء و كلها كان مثل الجوري الورد التوليب الأوركيد و كذا اسم.
وئام بحلقت عيونها له:و كل ذا السم مسمينه بأسماء الورد وش ذنبه طيب؟
أبوحنان ضحك:طيب بابا أطلعي أنتي نامي وراك دوام.
وئام أخذت شنطتها و طلعت بعد ما باست خده و تمنت له أحلام سعيده.
أبوحنان وقف و كان رايح لمكتبه بس إنتبه لفتح الباب و إبتسم لما دخلت زوجته و سلمت عليه.
أبوحنان تكتف:لا كان جلستي كمان.
ام حنان إبتسمت و باست خده:آسف حبيبي، أخذنا الوقت بالسوالف.
أبوحنان قرب منها و همس:لو ما البوسه اللي بخدي كان صارت عللووم ثانيه.
أم حنان ضحكت:اوكيه بس أنا ما أحد أخرني إلا أختك.
أبوحنان مسكها من خصرها:انبسطتي اهم شي.
ام حنان بعدت يده:ايه انبسطت و ابعد يدك بناتك في البيت، فكت طرحتها و تلعب بشعرها:تطلع معي.
أبوحنان رجع شعرها لورا:اخلص كم شغله و اجيك.
ام حنان:أنام يعني.
أبوحنان باس خدها:إذا جاك النوم.
أم حنان عرفت قصده وضحكت بخفه وطلعت.
__
يـــتبــع ———>
