الا ليت قلبي لم يستجب لحبك

الجزء السابع

الجزء السابع
__
عند حسام و فهد
كانوا بالسياره و سوالف و فهد كل شويه يطل على غيث و غزل.
رن جوال حسام و رد:هلا سهام.
عقدحواجبه:وش فيك؟
سهام قصت له باللي صار و رد باستغراب:وش عرفها هي بكل ذا؟
تنهد:طيب و لا يهمك أنا باكلمها و بينحل كل شي ان شاء الله.
كرر كلامه:سهام قلت لك أنا باكلمها، روقي ولا تشيلين هم، مع السلامه، وقفل و لف لفهد اللي يتكلم.
فهد:غزل تبين مويه حبيبي.
غزل:لا شكراً.
فهد وقف عند محل ألعاب و ناظر في حسام:تنزل معنا.
حسام:لا أنتوا أنزلوا و أنا بأخلص من مكالمه و أجيكم.
فهد:براحتك، و نزل و فتح باب غيث و شاله و نزلت غزل معه و مسك يدها و دخلوا للمحل.
حسام تنهد و رفع جواله و دق على وئام و ما ردت عليه و رجع دق مره ثانيه و ما كان فيه رد و كرر ٣ و ٤ بس ابد ما فيه رد.
تنهد و أرسلها عالواتس:حبيبي ردي عالجوال.
_ابيك ضروري.
_ردي الله يعافيك.
و انتظر رد منها و لا كان حتى فيه متصل.
___
عند فهد
وبين ما يخير العيال في ألعاب لهم، غزل أشرت على لعبه لباربي و فهد قال لها تجيبها و هي تاخذ اللعبه بس كانت أطول منها أحد مسك اللعبه و أعطاها و هي لفت و ابتسمت:عمو.
ابوحمد ابتسم:هلا يا روح عمو ,و باس خدها:وش تسوين هنا؟
غزل:جينا مع عمو فهد يشتري لنا ألعاب.
أبوحمد عقد حواجبه:مين هذا؟
غزل أشرت على فهد و إنتبه له أبوحمد يبوس خد غيث و يعطيه لعبته.
أبوحمد مسك يد غزل و مشى فيها لمكان وين فهد واقف و بدون سلام:ممكن أعرف عيالنا وش يصلحون معك؟
فهد ناظر له:عفواً.
ابوحمد بحده:كلامي واضح عيال أخوي وش يسون مع غريب مثلك؟
فهد:روق لو سمحت أنا ماخذهم من بيت أمهم.
ابوحمد بصراخ:بصفتك وش هو؟
فهد ضرب كتفه:هد يالاخو و ترا أنا فاهم قصدك و خلك من هالحركات، ناظر في غزل:تعرفين ذا يا غزل.
ابوحمد قاطعه:كلمني أنا مو تكلم البنت.
فهد غمض عيونه:اللهم طولك ياروح.
ابوحمد سحب غيث و مسك يد غزل:يلا يا عمو امشوا معي.
فهد أخذ غيث منه بالقوه و مسك غزل و رجعها معه:مافيه داعي للفضايح و تفضل انقلع عن وجهي لا يجيك شي تندم عليه.
ابوحمد كان بيتكلم بس سكت لما حسام سلم عليهم
"سلام"
حسام إنتبه للرجال اللي واقف و إبتسم:هلا ابوحمد.
ابوحمد:هلا حسام ،و سلم عليه.
فهد بقرف:ننتظرك عند الكاونتر يا حسام، و شال غزل و حطها في العربيه مع الاغراض و غيث و مشى فيها.
ابوحمد آشر له:هذا مين و كيف يروح و عيال اخوي معه.
حسام:اهدأ يابو حمد ذا فهد صديقي و هم معي.
ابوحمد بحده:حتى لو كان صديقك يظل غريب و خبر بنت خالك العيال أمانتها و ما تعطي واحد مثل هالاشكال و الا بيصير علم ثاني ، و مشى.
حسام انصدم من كلامه و كشر:الله يشفيك بس.
فهد اللي حط الألعاب عند الكاونتر و طلع صرافته يحاسب و أخذ الأغراض و حطها بالسياره و ركب العيال و هو مكشر بعد اللي صار.
ناظر لغزل:مين الرجال اللي قبل شوي يا غزل.
غزل:هذا عمو اخو بابا الله يرحمه.
فهد:الله يرحمه.
غزل:أنا ما أحبه.
فهد استغرب:ليه؟
غزل:زمان كان يتضارب مع بابا و آخر شي ماما بكت منه و قال يبي يتزوجها بس ماما رفضت.
فهد إبتسم لها:ماما قويه.
غزل هزت رأسها بايوه:بس لا يدري أحد إني قلت لك لأن ما يبوني أعررف.
فهد:طيب حبيبي.
حسام فتح الباب و ناظر في فهد:ياخذه المريض.
فهد همس:اششش، و شغل سيارته و حرررك.
__
ببيت أبوحنان
حنان قفلت الجوال مكشره:الله ياخذك.
سهام:مين قصدك؟
حنان:حسام مكلمني الحين و قال لي أخو طلال قابلهم في المحل وتخانق مع فهد عشان العيال.
سهام كشرت:انا من بعد سالفة طلبه إنه يتزوجك و كرهته أكثر.
حنان:حسيت إني خجلت من فهد.
سهام:ولا يهمك تلاقين حسام خارط له كل شي.
حنان تنهدت:الله يستر بس.
__
عند وئام و رانيا
وئام خلصت من ترتيب غرفتها و جلست و انتبهت لجوالها و كله مكالمات من حسام و فتحت الواتس و انتبهت لرسالة حسام و ردت:نعم وش تبي؟ و قفلت و انتبهت لرانيا:ثبتت معك اللوحات.
رانيا:الغرا الي جبتيه باايخ و غريته بغرا مسدس.
وئام:حرام عليك رانيا و كيف اذا أبيي أنقلها البويه بتتقشع.
رانيا:مو شرط تنقلين كل يومين خليها راكزه بمكان واحد.
وئام:طيب، انا بانزل اخذ مويه تبين اجيب لك.
رانيا:يا ليت.
وئام لفت ونزلت و اخذت علبتين مويه من الثلاجه و فتحت الفريزر تذكرت لما قالوا حسام جايب باسكن و انتبهت لاسمها كان مكتوب عليه و كانت نكهة التشيزكيك اللي تحب، إبتسمت و أخذته معها وطلعت من المطبخ و فجأه سمعت صوت صراخ و كان من مكتب ابوها الصوت و قربت من الباب تسمع الا و ابوها و خالها اللي يصرخون و انصدمت من الكلام اللي سمعته و غطت فمها.
__
بيوم جديد
حنان وصلت غزل للمدرسه و بعد ما تطمنت عليها و تعرفت على مدرساتها توجهت للمستشفى اللي رجعت له و اللي كل ذكريات جميله عاشتها مع طلال راح ترجع تعيشها مره ثانيه.
تذكرت فهد و طلعت جوالها و كانت متردده تدق عليه بهالوقت لانه وقت شغل و السبب الثاني تبي تعتذر عن اللي سواه عم عيالها.
تنهدت و سندت رأسها على القزازه تفرقع أصابعها محتاره و ضغطت على رقمه تجرب حظها و كان يرن ولا فيه رد، ارتاحت و قفلت جوالها لان مو عارفه كيف تبدأ بكلامها.
فجأه رن جوالها وناظرت و كان فهد، توترت و أخذت نفس و ردت بهدوء:آلو.
فهد:السلام عليكم.
حنان إبتسمت لما سمعت صوته:وعليكم السلام، أعتذر عالازعاج.
فهد:لا مافيه إزعاج يا الغاليه كيفك و كيف العيال؟
حنان:كلنا بخير و أنت؟
فهد:أنا وش هو؟
حنان:أنت كيفك كيف صحتك؟
فهد تنهد:بخير الحمدلله لولا الشغل.
حنان:الله يكتب أجرك.
فهد:آمين، داومتي.
حنان:داومت بمدرسة غزل و تطمنت عليها و الحين أنا رايحه عالمستشفى، بس تذكرت إني أبيي أكلمك و شكلي دقيت بوقت غلط.
فهد:لا والله مو وقت غلط بالعكس انفتحت نفسي عالصباح لما طمنتيني على غزل خصوصاً، عالعموم أمريني وش تبين أخدمك فيه.
حنان طول ما هو يتكلم مبتسمه:فهد.
فهد:سمي.
حنان:سم الله عدوك، انا آسفه عاللي صار لك من قبل عم العيال.
فهد كشر:و لا يهمك بس ليه جبتي طاارييه الحين.
حنان بضحكه:انت اللي سألت وش أبيي و هذا هو سبب إتصالي.
فهد:ولا يهمك يا قلب فهد لو كنت مكانه أكيد راح تكون ردة فعلي مثل ردة فعله لأني شخص غريب بالنسبه له.
حنان:الله يسعدك ما تقصر و شكراً على كل شي تسويه للعيال.
فهد:عيوني هم الاثنين عيووني، يمكن تستغربين اهتمامي فيهم بس حاب اقول لك اني مريت بنفس التجربه حقت عيالك و مابيهم يذوقون اللي ذقته رغم إني عارف لا أبوك و لا أهلك مقصرين معك بهالشي بس أحب عيالك و أحب اشوفهم فرحانين.
حنان تنهدت:ربي يحفظك يا فهد ما تدري كيف ريحني كلامك الله يحفظك من كل شر.
فهد ابتسم:و يحفظك يا حنون، أماانه أي شي تحتاجينه و تحسينه صعب عليك كلميني أنا موجود لك.
حنان سكتت.
فهد:تبين اي شي ثاني؟
حنان همست:سلامتك.
فهد إبتسم و ظلوا ساكتين ما فيه كلام بس كل واحد منهم ما يبي يقفل.
"وصلنا ماما"
حنان ناظرت الشباك و إنتبهت إنها وصلت للمستشفى، تكلمت:فهد أنا وصلت المستشفى و شكراً على كل شي.
فهد:اوكيه حبيبي good luck لأول يوم.
حنان:thanks, بااي. و قفلت.
و نزلت بسرعه و ناظرت له استجمعت قوتها و دخلت بكل ثقه و هي مبسوطه و كلها طاقه.
__
بييت ابوحسام
عالغدا
ابوحسام:شوفوا وش اللي انتوا تبونه و نجيبه كله.
أم حسام:مافيه شي كثير دام ما فيه الا احنا و اهله و اختك و بناتها و اللي زايدين ام معتز و بنتها و ام فهد و جارتنا ام منصور.
رهام بتريقه:و بس.
حسام:بلاش أم منصور.
ام حسام:مسكينه حبيبي مالها أحد ما راح يضيق المجلس فيها.
سهام:وصديقاتي.
ابوحسام:خليهم بالعرس.
سهام حطت ملعقتها و ناظرت في أبوها:و اذا مافيه عرس.
ام حسام:ليه و عرسكم بعد شهر.
سهام:و مين قال بعد شهر يالحبيبه.
ابوحسام:متفقين مع زوجك انه بعد شهر.
سهام اشرت على نفسها:من دون ما ترجعون لي.
سكتوا كلهم.
سهام بقهر:مو يكفي الحفله ذي محددينها من دون شوري، حتى حزني على جده إلى الحين ما برد.
حسام يصرف:رهام اغرفي لي من ذا.
سهام بحده:انا اتكلم جاوبوني ليه انا اخر واحده تدري.
ابوحسام:وش فيها يابوي لو احتفلنا فيك.
سهام وقفت:فيها و نص و الا بنت البطه السوداء ما ينقال لها شي.
ام حسام ببرود:انتبهي لكلامك.
سهام:سفره دايمه ، و مشت.
حسام بهدوء:يبه الله يهديك كان أخذت رأيها اول.
ابوحسام:على ان وليد يقول لها.
حسام:ولو اتفقوا مع بعض مو من دونها.
ابوحسام:ان شاء الله بعد الغداء اروح لها.
رهام رفعت يدها:يارب يا كريم نفرح في حسام قررييب.
ضحكوا كلهم و ام حسام:آمين.
__
عند سهام
دخلت غرفتها و ارسلت لوليد عالواتس
_وليدي اذا فاضي كلمني.
_الحين و ضروري.
و تركت جوالها و هي قافله معها، و شوي جاها اتصال و ردت:هلا وليد.
وليد:هلا بك يا روحي.
سهام بقهر:شوف أنا زعلانه منك حيييل.
وليد:أفا ليه؟ بوش هو زعلتك؟
سهام:كيف تتفق مع أبوي على زواجنا و يكون بعد شهر و لا حتى أعطيتني خبر.
وليد:و الله يا قلبي على ان عمي يعطيك الخبر.
سهام:وهو يقول وليد يعطيك الخبر و اثنينكم تكذبون عليي.
وليد سكت.
سهام بعصبيه:الزواج ما يتحدد الين أخلص أغراضي كامله و الين أعرفك و أفهمك صح و تعرفني و تفهمني و ما فيه شي تصلحه و تتفق فيه مع أبوي إلا لما تكلمني أنا أول ، فهمت.
وليد:من عيوني.
سهام بحده:مع السلامه، و قفلت في وجهه و تنهدت:خليك تفتح دماغك شوي.
__
بيت ابوحنان
وئام و هي حاضنه غيث و نايم:عندي موديلات فساتين إذا تبون و أنا باخيطها لكم.
رانيا لحنان:أنتي متاكده انه بعد شهر زواج سهام.
حنان:ذا اللي سمعته من عمه ساره.
وئام:أنا شايله هم الحفله أكثر من الزواج.
حنان كشرت:حتى أنا والله و اكبر شي اللي بحضنك.
وئام ابتسمت و باست راسه:فديت قلبه.
رانيا تنهدت:خايفه يتوافق يوم زواجها مع لمياء.
حنان:مين لمياء؟
رانيا:بنت ابومعتز.
وئام:قالوا بعد شهرين صح.
رانيا هزت راسها بايه.
أم حنان نزلت الدرج:وئام ابوك يبيك بالمكتب.
وئام:وش فيه؟
أم حنان جلست منفسه:وش عرفني أطلعي و شوفي وش يبي؟
البنات استغربوا اخلاق امهم اللي قلبت فجأه.
وئام نزلت غيث عالكنب و وقفت و طلعت لابوها.
حنان:وش فيك يُـمه؟
ام حنان ببرود:ما فيني إلا العافيه.
رانيا:وش صاير لا تخبين توك كنتي تضحكين و تبتسمين و فجأه قفلتي.
أم حنان طنشتهم.
رن جوال وئام و ناظرت رانيا و إنصدمت للأسم و عرفت إنه حسام قفلت في وجهه و هي تغلي لانها كانت حاقده بعد كل اللي صار بهذاك الليله.
حنان:مين؟
رانيا رفعت اكتافها:ما أدري.
وئام رجعت لهم:رن جوالي يا بنات.
رانيا ناظرت لها:أيوه، و بهمس:نبضك.
وئام أخذت من دون إهتمام و طلعت.
حنان:وش فيها أختك؟
رانيا رفعت أكتافها:ما أدري.
حنان أخذت الخداديه و رمتها:و أنتي مامعك إلا ما أدري.
رانيا ضحكت و ناظرت أمها اللي بالها مو معهم ابداً.
__
عند وئام
رن جوالها و شافته حسام و ردت من دون نفس:نعم.
حسام بصراخ:لاا كان ما رديتي احسن.
وئام:والله جوالي و بكيفي و المفروض إني ما أرد أصلاً عليك.
حسام:تعوذي من أبليس وخلينا نتفاهم على رواق.
وئام:طبعاً لا لأن ما فيه أي شي نتفاهم عليه.
حسام:أحبك طيب.
وئام بقهر:و اذا تحبني تدخل علي بغرفة النوم و تاخذ راحتك يعني و كمان ناسي إنك مو محرم لي.
حسام:والله العظيم ما سويت لك شي إلا مسكت يدك وصورتها.
وئام مسكت راسها تنهدت:أكثر من مره أقول لك ان الحب احترام و هالشي دوم اكرره لك صح أو لا.
حسام:صح.
وئام:اوكيه، نتيجة غلطك تحملها، باي حسام، و قفلت من دون ما تعطيه أي مجال للكلام أو التبرير.
دخلت لعند أبوها و تحاول تكون طبيعيه و غصب تبتسم إذا شافته و إبتسمت.
ابوحنان:وش فيك؟
وئام راحت له و حضنته و ماحست نفسها إلا و هي تبكي.
أبوحنان خاف:بابا وش فيه؟
وئام ناظرت و بصوت كله بكا:أحبك لانك أماني بهالدنيا من بعد الله.
ابوحنان إبتسم بحزن و باس جبينها و حضنها.
بعد وقت بعدت عنه و مسحت دموعها و أخذت مناديل و مسحت عيونها و وجهها و ناظرت له:أمرني أمي قالت إنك تبيني.
ابوحنان:دامك كذا منهاره باجله لبعدين.
وئام:لا والله كلي آذان صاغيه.
ابوحنان تنهد:شوفي أنا قلت هالموضوع بالذات ما لازم اقول لك لان خالصين عليه من زمان بس حبيت يكون عندك خبر بهالشي لانه يهمك و ثانياً عشان هالبلد.
وئام باهتمام:الموضوع ذا كان صراخك أنت و خالو محمد أول ما نقلنا هنا.
أبوحنان بحلق عيونه:أنتي سمعتي اللي دار بيننا.
وئام قلبت فمها:مو كله بس... أبيي أقول لك إيه موافقه و أنا مستعده أضحي بعمري عشانك.
ابوحنان برفض:لا مو أنتي اللي تدفعين ثمن....
وئام حطت اصبعها على فمه:بابا أنا موافقه و غير كذا ما عندي أي كلام.
ابوحنان ظل ساكت و تنهد و ناظر فيها:وئام أنتي متأكده المسأله حياه أو موت و كمان حسام و حبـ.......
وئام قاطعته و إبتسمت:متأكده و نص و أنا بنت عبدالله.
__
عند حسام
اللي قفل من وئام و هو مكشر ما يعرف وش يسوي، فتح الواتس و ارسل لها:
رجيتك تقبلين عذري ولا تغضين عني الطرف رجيتك والرجا يجري مثل دمي بكلمه وحرف رجيتك يا بعد عمري تراعين قلبي لانه يحبك.
و طلع من الواتس و دق على فهد اللي طلب منه يقابله بأي كوفي و يغير على نفسه جو.
طلع من غرفته و هو ماخذ الكاب حقه و وجهه معفوس.
أمه انتبهت له و وقفت في وجهه:وش فيك حبيبي؟
حسام ناظر لها ساكت.
أمه مسكت وجهه:ياماما وش يوجعك؟ قول لي.
حسام ما تحمل و حضنها و بغصه:مافيني شي ياروح حسام، بس ضايق حالي شوي.
أمه:بعمري يا حبيبي.
حسام بعد عنها:سلامتك و باس رأسها و إبتسم غصب:ارتحت لما حضنتيني، أنا بأروح عن إذنك.
أمه مسكت يده:وين بتروح؟
حسام:متفق مع فهد نتقابل برا، تبين شي؟
أمه هزت رأسها بلا:سلامتك، بس خذني معك لتحت أبوك مو لاقيته هنا.
حسام ضحك و نزل مع أمه و إنتبهت لسهام المكشره:وش فيك أنتي بعد؟
سهام صرخت:عندك بنت اخ الذبح فيها حلال.
أم حسام عقدت حواجبها:يكفينا شرك و أي واحده فيهم؟
سهام بقهر:وئام المصون كنتك المستقبليه، اقول لها البارح أرسلي صور الفساتين اللي عارضينها بالفرع قرأت و لا أرسلت شيء من البااارح و الحين أدق عليها ما ترد.
حسام تنهد من سمع إسمها و ناظر في أمه:بأمشي يا عيني تبين شي.
أم حسام ابتسمت:ربي يخليك لي حبيبي.
حسام إبتسم:ويخليك لي يارب، مع السلامه و طلع.
أم حسام جلست:و أنتي ليه معصبه دقي على البيت و ريحي نفسك.
سهام ناظرت لأمها:خالو عبدالله ما عندهم تليفون.
أم حسام:طيب دقي على رانيا او حنان و خلص الموضوع، مافيه داعي تعصبين و تراك عروسه فريلاااكس.
سهام بطفش:كل ما سويت شي قلتوا عروسه و عروسه ، و اخذت جوالها و طلعت.
أم حسام همست:الله يهديكم.
__
عند وئام
دخلت غرفتها و رمت نفسها على سريرها و زفرت بقوه، اخذت جوالها و انتبهت لرسالة حسام و فتحتها و قرأت كلامه و همست:آسفه يا أول و آخر حبيب، و طلعت من إسمه و إنتبهت لرسائل سهام و طنشتها و قفلت الجوال و ناظرت في الفراغ و فجأه إنفجرت تبكي.
__
عند حسام
الي جالس بالكوفي مع فهد و قال له مشكلته.
حسام:فقول لي فهد وش الحل؟ أنا تعبت والله و ما حسيت نفسي إلا و اقول لك اللي بقلبي.
فهد نزل يدينه اللي كانت على ذقنه:أنت صدمتني صراحه يعني كل ذا و ما تبيها تزعل منك.
حسام بتعب:فهد حس فيني تكفى.
فهد:حااس فيك والله بس اللي سويته خطأ، خلنا من ذا بس وش راح تكون ردة فعل أبوك او أبوها و شافك بدال أختها اللي علمت أكيد راح تقوم الدنيا.
حسام تنهد:تعبت يا فهد و أنا أراضيها.
فهد:كيف تراضيها يا مهبول و ذا الشي غللط من أساسه.
حسام باستسلام:و الحل؟
فهد قلب فمه:ما فيه حل الا بيدها هي، يا إنها تسامحك و يادار ما دخلك شر يا انها بتسحب عليك ولا تعطيك وجه.
حسام و هو ينزل الكوفي من يده:و أجاوبك أنا إنها بتسحب ولا تعطيني وجه.
فهد إنفجر ضحك على شكله.
__
(يوم جديد)
رانيا نازله من الدرج و هي لابسه و كاشخه و إنتبهت لأهلها جالسين و أشرت لهم:يلا باي.
حنان أستغربت:وين رايحه؟
رانيا:عند لمياء.
حنان:و ليه ما قلتي نتفق مع سهام و نروح كلنا.
رانيا و هي تعدل لثمتها:مره ثانيه إن شاء الله ، و أشرت بيدها:تشااوو ، و طلعت.
حنان تنهدت:الله يصبرني عليكم.
و ناظرت جنبها و شافت وئام سرحانه و ناداتها:اللي ماخذ عقلك يتهنى به.
وئام انتبهت لها و ناظرتها:وش تبين دكتوره حنان؟
حنان:ابيي سلامتك ،وين سارحه يالاخت صار لك كم يوم مو على بعضك.
وئام:فيني اللي فيني وش له تسألين؟
حنان وقفت و جلست جنبها:وئام وش فيك صدق ما أقابلك إلا و دموعك أربع أربع.
وئام كشرت:حنان بلاش تسألين لان اللي فيني يخصني، وقفت:تصبحين على خير ، و مشت.
حنان انصدمت من طريقة كلامها و اسلوبها:وش السالفه و الله مو صاحيه أختي ابداً.
__
عند رانيا
وصلت لبيت لمياء و نزلت مع بوكيه الورد و بوكس شوكلت و كان فيه شخص يناظر من شباك غرفته و إستغرب من زايرهم لأن أول مره يشوف هالسياره و عرف مو من قرايبهم، ترك كل شي و نزل يسأل أمه و وقف في نص الدرج لما شاف لمياء تحضنها وهي بلثمتها و رجع درجه واحده و إنتبه لها لما فصخت لثمتها من بعد ما طمنتها لمياء أن ما أحد حولها بس هو كان فيه و لا إنتبهوا له و تنهد لما شافها و عرفها رانيا بنت خال حسام.
رانيا دخلت و هي مبسوطه و تسولف للمياء بفرح إنها أنبسطت في الرياض.
__
(بيوم جديد، ببيت ابوحنان)
و بعد دوامات الكل حنان كانت تطمن على غزل أول ماجات من المستشفى و لما فتحت غرفتها أستغربت إنها مو موجوده، قفلت الباب و خمنت إنها أكيد موجوده بغرفتها مثل دائماً و فتحت ولا كانت موجوده، فكرت حنان إنها بواحده من غرف خالاتها نايمه و تراجعت إنها تطل عليهم و فصخت عبايتها و طلعت لها ملابس تاخذ شاور و ما بين ما هي بتدخل سمعت صوت شهقات بكاء و لفت و قالت:مين هنا؟
و ساكته تسمع الصوت ززين و كان فعلا بنفس الغرفه تركت ملابسها و قربت شوي و إنتبهت للصوت ناحية السرير و بحلقت عيونها:غزل ماما ، و مشت لها و حضنتها.
غزل حضنت أمها و تبكي بقوه.
حنام بخوف:بسم الله وش فيك يا ماما؟، و مسكت وجهها:وش فيه أحد مزعلك؟
غزل هزت رأسها بلا.
حنان:طيب ليه تبكين يا روحي.
غزل ببكا:أنا سمعت أبويه و خالو حسام اليوم يقولون عمو فهد صار له حادث ، و بكت و ناظرت في أمها:ما ابغاه يموت زي بابا هو يحبنا أكثر منك و من أبويه أو أي أحد.
حنان حزنت و حضنت بنتها:بس حبيبي بس و تذكرت أن اليوم شافت معتز و وليد بالمستشفى.
غزل بعدت عنها:ماما الله يخليكي كلمي خالو حسام و قولي له عمو فهد وش صار له؟
حنان إبتسمت و مسحت دموع غزل:طيب حبيبي بس ممكن اول اخذ شاور.
غزل هزت راسها بايه.
حنان باست جبينها و دخلت تاخذ شاور.
__
عند وئام
صحت من كثر ما جوالها يرن و ناظرت في الاسم و كان حسام، تنهدت و ردت بصوت كله نوم:خير.
حسام بهدوء:شوفي مسألة إنك تقرأين الرسايل و ما تردين عليي فهذا الشي أنا ما ارضى فيه.
وئام:و أنا أقول لك لا عاد ترسل لي اي شي لإنك بتتعب.
حسام:ليه العناد لييه؟
وئام:حسام...أنسى إني عايشه بهالدنيا و إنتبه لنفسك، و قفلت في وجهه، تنهدت و هي تحاول تمنع نفسها ما تبكي.
__
نرجع عند حنان
اللي مسكت جوالها و دقت على حسام و غزل جالسه قدامها، إبتسمت لها و بسرعه تكلمت:سلام عليكم كيفك حسام؟
حسام بضيق:طيب الحمدلله و أنتي؟
عقدت حواجبها:أنا طيبه،،،وش فيه صوتك كذا؟
حسام؛تعرفين تعب الشغل.
لانت ملامحها:اها سلامتك، المهم دقيت عليك عشان اسألك عن فهد، وش فيه؟
حسام:صار عليه حادث البارح و الحمدلله ماجاه شي بس انكسرت يده و أخذوا له أشعه و طمنونا عليه.
حنان:الحمدلله دام كذا.
حسام:خالي خبرك؟
حنان:لا والله غزل، قصتها قصه دخلت عليها و هي تبكي، تعرف كيف تحبه و متعلقه فيه.
حسام:يا قلبي عليها.
حنان بتفكير:طيب حسام هو باقي بالمستشفى أو طلع.
حسام:اليوم ما أعتقد بس أظن بكره.
حنان:يستقبل أحد في المستشفى؟
حسام:إيه العيال زاروه و أنا باقي يمكن عالمغرب.
حنان:تقدر تمر عليي تاخذني أنا و غزل.
حسام:إيه أكيد.
حنان:تسلم.
حسام بتردد:حنان ممكن سؤال.
حنان:تفضل.
حسام:كيف تصرف وئام عندكم في البيت.
حنان مسكت رأسها:وووه حسام اسكت، اول مررره احسها شخص غريب، صايره تصرخ فينا و تجلس لحالها و اذا مريت من غرفتها و شفتها خارجه وجهها كله مفقع بكا و إذا سألناها تقول شي خاص فيني و الا وش دخلكم؟
حسام:صار لي كم يوم أدق عليها ما ترد عليي.
حنان:انسسى ترد عليك حسام إلا إذا ربي يفرجها عليك.
حسام إبتسم:آمين، يلا أشوفك بعد المغرب باي.
حنان:إن شاء الله باي. و قفلت و ناظرت في غزل:عمو فهد طيب و بنروح مع خالو حسام نزوره.
غزل إبتسمت:نزوره و ناخذ له ورد.
حنان:اللي تبين يا روح ماما.
غزل حضنتها:شكراً يا أحلى ماما بالدنيا.
حنان باست خدها بقوه و حضنتها.
__
عند سهام
كانت تكلم وليد و إنها مره متوتره كل ما قرب موعد حفلتهم.
وليد:لا تلبسين أبيض ألبسي لون ثاني.
سهام بضحكه:و ليه ما ألبس أبيض.
وليد:هو ما يصلح إلا يوم الزواج.
سهام إنفجرت ضحك.
وليد ببراءه:وش فيك تضحكين؟
سهام:هههههه بطني ههههههه.
وليد بزعل:ليه تضحكين؟
ابتسم:أمزح معك ترا بس أبي اشوف وش تقولين عني.
سهام:اقول يا بختي فيك.
وليد:صدق.
سهام بدلع:والله.
وليد:طيب ينفع أجيكم بعد هالكلام الحلو.
سهام إبتسمت و ناظرت ساعتها:إيه و الوقت باقي بدرري، انتظرك.
وليد:جايك جايك و قفل.
سهام انفجرت تضحك:اخ يا ربي مجنون ياوليد.
__
عند حنان و حسام
اللي دخلوا المستشفى و كانت غزل تتوسطهم و شايله بوكس ورد و تمشي معهم، دخلوا قسم التنويم و دقوا باب غرفة فهد الخاصه و فتحت لهم أم فهد و رحبت فيهم و دخلت غزل من دون ما تسلم و واقفه تناظر في الغرفه و قربت و شافت فهد ساند نفسه و إبتسمت.
حسام شافها واقفه و مسك أكتافها و مشاها:روحي سلمي عليه.
غزل مشت له و إنتبه لها و إبتسم و بصوت مبحوح:هلا و غلا بحبيبي.
حسام رفعها له و باسها و حطت البوكس في حضنه:الحمدلله عالسلامه.
فهد متخرفن:يسلمك ربي من كل شر.
حسام سلم عليه و تحمدله بالسلامه و حنان جلست و تحمدت له بالسلامه.
ام فهد:حياكم الله حبايبي أعز من زارنا.
حنان و حسام:الله يسلمك تسلمين يا خاله.
فهد آشر لغزل:تعالي جنبي.
غزل وقفت و حسام شالها و حطها ناحية يده السليمه.
فهد حضنها من الجنب و باس رأسها:حبيتي المدرسه الجديده؟
غزل:حلوه بس اللي في جده أحلى.
فهد إستغرب:ليه؟
غزل:البنات شايفين أنفسهم.
الكل ضحك.
فهد باس خدها:فديت روحك.
غزل بخوف:عمو فهد توجعك يدك.
فهد:مو كثير.
غزل:مو رابط حزام الأمان.
فهد:لا ما ربطته عشان كذا يدي أنكسرت.
غزل تناظر ليده بحزن و تلمسها بخفه.
حسام:ترا اليوم سوت لأمها منااحه عشانك.
حنان:اي والله دخلت غرفتي و هي تبكي و لا احد درا عنها و انا توني داخله من دوامي و قصت لهم القصه كلها.
ام فهد بحزن:يا قلبي عليها.
فهد ناظر لها:تدرين اني أحبك.
غزل ابتسمت.
فهد:والله أحبك و باس رأسها و ناظر في حنان:كثر خيركم عالزياره.
حنان بابتسامه:واجبنا.
ام فهد تصرف:كيف عروستكم يا حسام؟
حسام إبتسم و صار يسولف لها عن سهام.
فهد ناظر في حنان و إبتسم لما ناظرت له و بادلته الإبتسامه.
تكلم بهمس:شكراً.
حنان اتسعت ابتسامتها و ناظرت في ام فهد اللي قلبها بكل حركه كانت بين حنان و فهد.
__
عند سهام
فتحت لوليد الباب و دخل و بيده كيس هدايا و لما شافها باس خدها و حضنها له.
سهام بعدت عنه:خلاص وليد أبوي بيجي و إحنا كذا.
وليد بعدم إهتمام:يجي وش صاير يعني غير إنك حلالي، و قرب يبوسها.
سهام بعدت عنه و مسكت يده و سحبته معها للمجلس و كل ذا عشان تخاف أحد يشوفهم و يعلقون على حركات وليد الجريئه.
__
(بيوم جديد)
و هاليوم كان حفلة سهام و وليد اللي كانت حفله مختصره بين الاهل و الجيران.
بغرفة سهام
لبست فستانها بمساعدة وئام اللي كان أكيد من تصميمها.
وئام:تمام عليك أو تحسينه ضيق.
سهام ناظرت لها:أنا والله اللي سمنت و كله من شوكلاتات وليد.
وئام ابتسمت لها و هي تحاول تضبطه من فوق.
سهام:ضبط معك.
وئام:ايه حبيبي بس أعدل ورقته، ناظرت لها:الله يتمم فرحك يارب.
سهام:و فرحك يا عيني.
انفتح الباب بقوه:سهام.
وئام و سهام خافوا من طريقة فتح الباب و كشروا.
سهام:وجع يا غبيه.
رهام:حسام يبي يدخل عندك.
سهام:قولي له ينتظر الين اخلص و بعدها تطلع وئام.
رهام:ترا المعازيم يتعشون و أمي تقول تنزفين بعدها على طول.
سهام:كثير الناس.
رهام:لا صديقاتك و أهل وليد و خالاته و الباقي تعرفينهم بس حول ال ٢٠ مو كثير.
سهام:شكراً.
رهام:أي خدمه.
وئام أخذت جوالها:أنا بأنزل.
سهام:وين بتروحين؟
وئام كشرت:جوعانه بأنزل أتعشى، إذا بغيتي شي دقي على جوالي.
رهام:أي والله أنزلي لان تعبت أجاوب من كثر مايسألون عنك.
وئام:يلا عن إذنك ، و مشت.
رهام:بأنزل معها.
سهام:طيب.
رهام:حسام وينك؟
حسام:هاه هنا، كان واقف عند شباك الصاله اللي مقابل غرفة سهام.
رهام:لف وجهك للشباك لان وئام بتعدي معي بننزل.
حسام لف للشباك.
رهام:يلا وئومه.
وئام طلعت و إنتبهت له لاف عالشباك و كاشخ بشماغ سكري و ثوب سكري و لابس جزمه سوداء مع الساعه و الكبك، لفت نظرها عنه و تمشي و هي ترجف.
رهام صريحه و ما تقدر تسكت و عبرت لها:فستانك و شكلك مللفت وكل الحريم عيونهم فيك.
وئام ابتسمت:تسلمين.
حسام سمعها و بسرعه لف يناظرها بس للاسف كانت معطيته ظهرها بس ابتسم لما شاف لون فستانها و طريقة شعرها.
تنهد و دخل عند سهام اللي أول ما شافته إبتسمت على طول.
حسام صفر و مد يده يمسكها و دورها:وش هالحلاوه؟
سهام بخجل:شكراً.
حسام:والله رحت فيها يا وليد.
سهام ضربت كتفه:حسااام.
حسام انفجر يضحك و ناظر لفستانها:فستانك جممييل.
سهام غمزت:من تصميم الحب.
حسام بإعجاب:فديت يدينها بسم الله عليها.
سهام:كيف الرجال عندكم امتلا المجلس.
حسام:لا والله مو كله الحين يتعشون هم و طلعت أنا أتطمن عليك و بأنزل.
سهام:فديت قلبك حبيبي، تسلم.
حسام يعدل غترته:تبين شي؟
سهام:سلامتك.
حسام طلع من عندها و هي أخذت جوالها و جلست تناظر فيه.
__
عند وئام
جلست عالطاوله بعد ما غرفت لها من الميز و تناظر للبنات و هم يسولفون ويضحكون و ما حست إلا بواحده تبوس خدها و ناظرت فيها و إبتسمت.
"جعله عوافي يا حبيبي".
وئام توترت:الله يعافيك يا خالتي.
أم حنان:من هنا يا أم منصور المغاسل.
أم منصور:الله يخلف عليكم يا عيني و يديم أفراحكم و يجعل عينك تشوف بناتك عرايس و في بيوتهم و بين عيالهم.
أم حنان بابتسامه:آمين يارب، و مشت معها.
حنان غمزت:صرنا بوسات وحركات.
رانيا:عاد هي كانت حاطه عينها على سهام و راحت و الحين وئام و محجوزه و المره الجايه ساره عاد ساره و رهام ما فيه اي مبرر يرفضونه.
ساره ردت عليها:قصدك أنتي و تاخذك بالقوه.
البنات:ههههههه.
وئام نزلت ملعقتها بهدوء:من العيب إنكم تتكلمون فيها بهالطريقه و تغتابونها بهالشكل، عجوز مثل عمر جدتي لازم لها الإحترام.
البنات سكتوا.
وئام كملت:و ما أعتقد أن فيها شي تدور له على عروس مو أول أو آخر واحد يتزوج، وقفت:سديتوا نفسي.
البنات يناظرون في بعض ساكتين.
رهام:قلت لكم أختكم مرريضه.
ساره ناظرت لها:أحترمي نفسس.
حنان بتأييد:لا والله أيقنت إنها مريضه فعلاً.
لمياء:بس هي صادقه أخذنا ذنبها و حنا نتكلم فيها.
رانيا:وئام صار لها فتره مو مضبوطه و هالشي لازم نكشفه.
__
عند الرجال
وليد بهمس:اقول لك حسام الحريم ما زفوا أختك.
حسام:مستعجل أخ وليد.
وليد:وحشتني والله.
معتز:ارفع علومك يا رجال.
وليد خزره:خير زوجتي ترا.
حسام:ترا توك كنت قبل امس عندها.
معتز:كمااان.
فهد:أنتوا وش دخلكم تنغصون عليه خلوه حلااله.
وليد غمز له:فاهمني فهودي.
حسام:شباب مين اللي بعد وليد.
معتز:فهد، و آشر عليه.
فهد:أنا لا.
حسام:تراك أكبرنا يا الاخو.
فهد:أدري بس ما نخطي الخطوه الا لما نتأكد منها.
حسام:يا عيني.
معتز:جواب نقول عنه عين العقل.
وليد وقف:عن إذنكم.
حسام:وين رايح انت؟
وليد:أبوك يناديني.
حسام رفع رأسه و إنتبه لابوه يأشر لوليد و وقف:بأمشي معكم.
معتز وقف:تسحبوني لو كذب.
ضحكوا عليه الشباب.
معتز بابتسامه:والله أمزح بأمشي أعدل شماغي.
حسام مشى معه و وليد قدامهم و طلع مع أبوحسام.
أبوحسام فتح الباب:ها يا بابا فيه أحد.
رهام:لحظه بابا و لفت:وئام بسرعه.
(سمعوا قفلة باب قويه)
أبوحسام مسك راسه:بيباني تكسرت.
رهام لفت لأبوها:يلا بابا أدخلوا.
وليد و أبو حسام دخلوا و حسام معهم.
رهام كانت لابسه عبايتها طبعاً و كاشفه وجهها لأن عندهم عادي و صار من العايله:حسام و بابا بس وليد اللي بيدخل عشان أهله.
أبوحسام:طيب حبيبي بس نوصله للباب.
رهام:أمي تقول ممنوع.
ابوحسام:دام فيها أمك أنا بأروح للرجال، و مشى.
رهام:و أنت حسام؟
حسام آشر لها بتعالي و مشت له:نعم.
حسام همس لها:وئام وين؟
رهام:دخلت غرفة جدتي، ليه؟
حسام:أحد معها.
رهام:لا دخلت تشوف لولد حنان و قالت إذا طلع العريس نناديها.
حسام:اوكيه.
رهام مشت لوليد و دخلت معاه على زفة الدخول و كان بيدها الكاميرا.
حسام أخذها فرصه و تسحب لغرفة جدته و دق الباب و رجع دق مره ثانيه و فتحت الباب و لما شافته شهقت، حط يده على فمها يسكتها و دخل معها للغرفه.
__
عند وليد
دخل بابتسامته الحلوه ومشى لوين سهام واقفه و باس جبينها و باس رأس أم حسام وحضن أمه.
(البنات)
لمياء بفرح:ماشاء الله يجننون مع بعض.
رانيا هزت رأسها بايه و مبتسمه.
حنان:الله يوفقهم.
رانيا تناظر:وين وئام؟
حنان:دخلت تشوف لغيث.
ساره:فاتها كل ذا.
رانيا وقفت:أنا بادخل أخذ مويه، تبون شي اجيبه.
البنات:لا . سلامتك . شكراً.
رانيا مشت ودخلت لجوا الفيلا وفكت لثمتها و الطرحه وعدلت شعرها و إنتبهت للباب الفاصل بينهم و بين الرجال مفتوح و مشت تقفله و وقفت عند الباب و انتبهت للي واقف يبي يقفله، شهقت و هي تناظر فيه و هو رجع رأسه و نفسه من شهقتها و يناظر فيها.
رانيا خزرته و سحبت الباب وقفلته بقوه خلت معتز واقف مكانه و مصدوم من حركتها.
__
عند حسام
دخل و قفل الباب و سحبها لحضنه:ولا كلمه ، و بعد يده.
وئام مصدومه و تناظر فيه.
حسام إبتسم و باس خدها و حضنها بقوه.
وئام مصنمه مكانها و بغصه:حسام أبعد عني.
حسام وهو حاضنها و بهمس:لا.
وئام بلعت غصتها و بهمس:ما يصير اللي تسويه.
حسام:ما يهمني أحد، و باس رقبتها بخفه.
وئام حست بقشعريره بجسمها و رفعت يدها على صدره تبعده:خلاص.
حسام ضمها أكثر:و الله ما أتركك ألين تقولين لي إنك راضيه عني و سامحتيني.
وئام:مسموح بس أبعد عني.
حسام بعد عنها و هو مبتسم و مسك يدينها وباسها و يناظر فيها بابتسامه.
وئام سحبت يدينها منه:خلاص ابعد عني و اطلع.
حسام تنهد:ما راح اتركك و انا ما صدقت اشوفك.
وئام بعصبيه:مو جيت تعتذر خلاص قلنا لك مسموح روح عني ، و لفت عنه.
🫢🫣🔞حسام تنهد و مشى ناحيتها و لفها له و بسرعه باسها بشفايفها بحب.
وئام انهبلت و صارت تدفه عنها و تضرب صدره وهو شاد عليها و بعد ثواني بدأت تتجاوب معه و لفت يدينها حول رقبته.
انهبل حسام على حركتها و لا توقع، أنفاسهم مختلطه بعض قلوبهم تدق مع بعض حبهم يكبر أكثر.
حسام بعد عنها شوي و همس:سامحيني بس ما عاد فيني أصبر أكثر.
وئام بنفس الهمس:أبيك كلك يا حسام.
حسام باس جبينها وهو حاضنها:و أنا لك كلك و بأروح الحين أفتح لأهلي الموضوع.
وئام:لا تروح و خلك معي لإنك ما تدري وش بيصير، قربت منه و باست نحره، فكت ازارير ثوبه و قربت و باست صدره و شالت غترته و عقاله و حسام ذاب من حركاتها و شالها من خصرها وهو يبوسها برقبتها.
نسوا كل شي حولهم العائله الفرح الاصدقاء كل شي نسووووه.
__
عند العرسان
سهام إنفجرت ضحك على وليد اللي قص لها بسوالف زملاءه و حسام.
وليد بقهر:مو كل واحد منهم بيتزوج والله لأنشب لهم.
سهام:طنشهم يا عيني ولا كأن أحد موجود.
وليد أقتنع:صادقه والله دام القمر جنبي مالي و مال النجوم.
سهام أتسعت ابتسامتها و بينت غمازاتها.
وليد تخرفن:أموت عالغمازات أنا.
__
عند البنات
لمياء:هلا معتز، يلا حبيبي جايين، ناظرت في رانيا:ايه ليه؟
ابتسمت:وش صار؟ طيب و نادت رانيا:رانيا.
رانيا ناظرت لها:هلا.
لمياء:معتز يقول لك السلام لله.
رانيا كشرت:قولي له مع نفسه.
لمياء:سمعت وش قالت؟ و ضحكت:يلا مع السلامه. و قفلت.
رانيا:بتروحون؟
لمياء هزت رأسها بايه:تدرين؟ توني أعرف إنك أنتي و معتز مثل توم و جيري.
رانيا ضحكت بخفه.
لمياء:ولا أدري وين بيوصلكم ذا المناقر.
رانيا ناظرت في حنان اللي ماخذه ورده من بنتها و تهمس لها في أذنها.
حنان:من وين؟
غزل همست لها:من عمو فهد و قال لي أعطيك من دون ما أحد يدري.
حنان إبتسمت:شكراً، و حطتها عالطاوله و غزل مشت عنها.
رفعت جوالها و شافت رساله منه و فتحتها:اعتذر اني اهديك بهالطريقه و من دون سبب، بس صدقيني ذي مرحلة اللي سكنتي قلبي.
حنان إبتسمت و قفلت الجوال و تنهدت.
__
عند حسام و وئام
حسام يعدل ثوبه و يناظر في وئام اللي حاضنه غيث و معطيته ظهرها، عدل شماغه و راح لها و جلس وراها:تحسين بشي؟
وئام:شوية دوخه.
حسام همس لها:صح كان بيصير شي كبير لكن وجود غيث في هالغرفه له حكمه من الله، بس، مسح رقبتها و صدرها:ذا وش نسوي فيه؟
وئام ناظرت له:عادي يتغطى.
حسام:آسف و الله يشهد ماكان قصدي يوصل لكذا.
وئام إبتسمت:بنضحك اذا تذكرنا هالشي، ناظرت في غيث و بعدت عنه بشويش و التفتت لحسام و حضنته:خلك معي شوي.
حسام:وش يوجعك؟
وئام ناظرت له و تمسح على خده:أبيك تعرف إنك حبيبي و دنيتي و نبضي و كل شي حلو صار لي، و الله قلبي ما يحب غيرك ولا بيحب غيرك و عيوني ما تشوف غيرك حبيب يا بعد كل الدنيا و ما أسمح لأي أنثى تأخذك مني حتى لو كنت بالحياه الثانيه.
حسام خاف لما شاف دموع بعيونها:بالله وش فيك؟
وئام إبتسمت له.
حسام ضحك بخفه:أحبك، و باس رأسها:تبين شي قبل ما أروح.
وئام بحزن:أحبك أضعاف ما تحبني بس سامحني.
حسام إبتسم و باس شفايفها لأخر مره و بعد عنها:لا تطلعين كذا و تفضحينا و الموضوع بأخلصه الليله مع الأهل، غمز لها و طلع.
وئام لفت لغيث و نزلت دموعها تبكي:سامحني حسام سـامـحـني يا بعد الدنيا، و حضنت غيث وهي تبكي.
__
بآخر الليل
وين ما الكل مشى و جالسين بالصاله كلهم ماعدا وئام و يتكلمون باللي صار بالملكه.
أم حنان:العريس بسم الله عليه ما توقعته كذا.
سهام إبتسمت لها.
أبوحنان:أي والله ماشاء الله عليه.
أبوحسام:هو و أخوه الكبير ما بينهم فرق من ناحية الأدب و الاحترام اللهم إن وليد نكتي شوي و ذاك عااقل.
ساره:حضرت زوجة بدر؟
سهام:ايوه لابسه كحلي.
رانيا:هي اللي حامل.
سهام هزت رأسها بايه.
حنان:غريبه ما شفت عذاري.
سهام كشرت:مسافره باريس.
ساره:ادعس، باريس مره واحده.
أبوحسام:ايوه بدأ الحش.
البنات:ههههههههه.
ابوحسام:أم فهد حضرت؟
ام حسام:ايه حضرت و اول الحضور جات و اخر الحضور مشت.
رانيا:عشق ذاك الانسانه.
ابوحنان:فهد لو قالوا لي زوجوه والله لازوجه لواحده من بناتي.
حنان إبتسمت.
أبوحسام:أي والله رجاال بسم الله عليه.
أبوحنان توه ينتبه:وين وئام؟
البنات يناظرون في بعض.
حنان:نايمه مع غيوثي جوا.
حسام أتسعت إبتسامته لما تذكر اللي صار و جاء بيتكلم بس ساره قاطعته.
ساره:من يلومها طول اليوم أم منصور تبوسها و ترقص معها كأنها ناويه على شي.
أم حنان و أبو حسام ناظروا في بعض و سكتوا.
أبوحنان إبتسم و وقف:شي طبيعي يا أبوي، دام جبتوا سيرتها الأسبوع ذا فرحنا في سهام و الاسبوع الجاي عقد وئام على منصور .
الكل انصدموا و حسام ناظر له ساكت.
أم حسام:وش هو يا عبدالله؟
أبوحنان كرر:عقد وئام الأسبوع الجاي.
حنان بحلقت عيونها:تقولها صادق يُـبه.
رانيا برفض:مسستحييل.
سهام بلعت ريقها و قربت من حسام اللي جمد مكانه و حضنت يده و همست:حسام.
حسام ساكت يناظر في خاله مو مستوعب.
أبوحنان بإستغراب:وش فيكم؟
أم حسام صرخت:وش اللي وش فينا؟ كيف تزوجها لواحد غير ولدي كيييف؟
ابوحسام:ساره اهداي.
ام حسام بعصبيه:اطلع منها يا محمد ،و ناظرت في أخوها:تاخذ واحد من الشارع و تزوجه بنتك و ولدي اللي يبيها من كذا صغره و تأشر بيدها:و تزوجها لغيره وبحزن:وصية أمي، ناظرت في أم حنان:نوره و وصية امي لكم وين راحت؟
ام حنان ساكته.
رانيا بهمس:حنان تدرين؟
حنان بهمس:من وين أدري توني عارفه بالسالفه.
أم حسام صرخت:نووره وصية امي وين؟
ام حنان بحزن:كلمي أخوك سوا كل شي من رأسه.
ام حسام ناظرت له:تكلم يا عبدالله.
"ابوي ماله دخل هذا قراري انا".
ناظروا وشافوا وئام ماشيه ناحيتهم و فاتحه لثمتها لاول مره قدامهم و وقفت جنب أبوها:لا تصرخين عليه و أصرخي عليي أنا اللي وافقت.
أم حسام بحزن:ليه طيب ليه؟
وئام بكل قوه:نصيبي و جاء لحد بيتنا و دق الباب و طلب حسب الأصول.
ام حسام بحزن:و حسام.
وئام دق قلبها من إسمه و تحاول تقوي نفسها و بتمثيل:يعيش مع غيري.
ام حسام صرخت:بس يبيك أنتي يبيك و مسكت كتوفها و هزتها:إصحي يا مجنونه هوو يحببك افههممي.
سهام:يُـمه خلاص.
وئام بعدت يد عمتها و قربت منها:ولدك ما كان عنده عذر انه يتاخر كل هالسنوات و يجي بس شكله مو ناوي إنه يعرس و أنا اللي بسني صاروا معيلين ب ثلاث و أربع و مستقرين ببيت أزواجهم و أنا تعبت أنتظر ولدك و شفت نصيبي.
ناظرت له و بجرأه:هو يعرف إني أحبه و يعرف هو أيش بالنسبه لي بس كثرة الانتظار تملل الواحد و أنا مليت.
أم حسام مدت يدها و بحقد تصفقها كف:يا خاينة العشره، بس أبو حنان مسك يدها:لا يا أختي مو بنتي اللي تضربينها.
الكل شهق و أبوحسام وقف و سحب زوجته:يا بنت الحلال مو كذا التفاهم.
أم حنان وقفت و سحبت بنتها.
ابوحنان بهدوء:أنتي حاولتي تمدين يدك على بنتي و أنا واقف بس أنا مستحيل أسوي نفس حركتك و أقول لك إن ذا نصيب و مكتوب عند رب العالمين.
وئام بهدوء:خلها يابوي تضربني مثل ما تحب بس حابه اقول لك يا عمه ان هالكف ما بيرجع شي.
حسام وقف و مشى ناحيتها و بحده:واحده خاينه و كذابه مثلك ما ابيها تدخل بيتنا و تعتبه.
وئام بضحكه:و الله اعتقد بيت خالي مو بيتك و هو إذا قال هالكلام و وجهه لي فمن عيوني، راح أخليه ينسى ان عنده بنت اخت اسمها وئام.
حسام صرخ:أننناااا اللي اقول مو ابوي.
ابوحسام صرخ:حسااام.
ابوحنان:حسام ترا أنا وااقف.
حسام ناظر له:خلك برا الموضوع ،و ناظر لها:قدامهم كلهم بعد اللي صار الليله صدقيني بيوصل لخطيبك المصون ، و بتريقه:يا يا..... ، و سكت.
وئام بتحدي:كمل وش يا و تسكت.
حسام إبتسم على جنب:شي خاص بس صدقيني راح اسوي اللي ببالي و باقل من شهر راح تكونين مطلقه و بعدها نشوف مين اللي يدوس بساطكم و يرجع يتزوجك يا بنت أبوك.
وئام حقدت من كلمته و صفقته كف.
البنات شهقوا.
ابوحنان مسكها و سحبها و صرخ:بس يا وئام.
أم حنان صرخت:انهبلتي أنتي بـعـد ما أنتوا محترمين أحد إثنينكم.
أم حسام صرخت:الله يكسر يدك و أبوحسام مسكها بالقوه:اتركني يا محمد..
حسام ناظر لها و وئام صرخت:أعلى ما بخيلك اركبه ، و نفضت نفسها من أبوها:اتررركني بابا.
حسام بلع غصته و أخذ مفاتيحه و بيطلع وقف لعندها يناظر لها لآخر مره وهو بينفجر.
أم حسام:حسام إذا تحبني لا تطلع.
حسام ما سمع لها و طلع.
أم حسام:حسااام.
سهام:أمي خليه.
أبوحنان:أستغفر الله و أتوب إليه يلا أنتظركم بالسياره، وطلع وطلعت وئام معه.
ام حنان راحت لاخوها و باست رأسه:السموحه منك يا أخوي.
أبوحسام إبتسم و مسك يدينها:اللي صار صار يا روح أخوك و الله يوفقها و يسعدها و أمانتي عليكم ما تقولون لها كلمه.
ام حنان:إن شاء الله، يلا مع السلامه. و طلعت و طلعوا البنات وراها.
أم حسام انفجرت تبكي.
ابوحسام حضنها له:بس يا بنت الحلال.
سهام جلست جنب امها:يمه لا تبكين.
أم حسام بعدت عن زوجها و ببكا:مغبونه على ولدي مغبونه عليه.
ابوحسام:روحي ساره استهدي بالله و اسمعيني.
ام حسام:محمد ما أبيي اسمع شي أنت متفق معه صح أو لا.
ابوحسام:والله مو متفق معه بشي بس اعطاني خبر من قبل و صار بيننا اكثر من كذا.
ام حسام تضرب فخذها:ولدي ولدي ،و غطت وجهها.
سهام و هي تبكي:يمه تكفين اهدي.
رهام ساكته.
ابوحسام:و عسى أن تحبوا شيئاً و هو شر لكم.
ام حسام بعدت يدها عن وجهها:كلموه خلوه يرجع الحين.
سهام وقفت:أنا باكلمه بس أنتي اهدي.
ابوحسام حضن زوجته وباس جبينها.
سهام دقت على جواله ولا رد و رجعت دقت ولا رد، ناظرت في أبوها:ما يرد.
أبوحسام آشر لها باسكتي.
سهام تنهدت و صعدت لفوق و رهام لحقتها.
__
عند حسام
لما طلع من البيت ركب سيارته و حرك مو عارف وين يروح، يحس نفسه مصدوم، متلخبط و مو عارف وش يسوي حب قلبه راحت من يده و للابد.
رفع جواله و دخل على اسمها يبي يكتب لها شي بس مو قادر يحس نفسه مخنووق دق على فهد و رد عليه:هلا ابو محمد.
حسام بغصه:هلا فهد، وينك؟
فهد:في البيت، وش فيك؟ صوتك مو عاجبني.
حسام:راحت يا فهد راحت.
فهد خاف:من هي اللي ياخذك.
حسام بكى:فهد تكفى تعال والله مو عارف وش أسوي بنفسي.
فهد:طيب طيب أنت وين.
حسام:على طريق الرياض الشرقيه.
فهد:وقف عندك يا حسام ولا تتحرك و قفل.
حسام قفل الجوال و صار يبكي بقوه:ليه يا وئام ليه حرام عليك ، ليه يا نبض حسام ليه ؟ ، وصررررخ بقهر.
__
يـــتبـــع ————>