خرج حازم من دردشة المجموعة إلي دردشة مصطفي"
"مصطفي ، عايزك في خدمة انت والمطوة بتاعتك "
وجدت مصطفى رسالة جديدة تظهر لكن هذه المرة لم تكن من المجموعة بل كانت من شات انفرادي باسم
"حازم إزعاج"
برسالة مضمونها
"مصطفي ، عايزك في خدمة انت والمطوة بتاعتك "
استغرب مصطفي مما قرأه فرد قائلاً "ليه؟!"
لتأتيه رسالة مضمونها "هقولك بكرة ، بس متنساش "
"هو عايز المطوة ليه ؟! .......اوعى يكون عايز يقتل ممدوح "
___________________________
في اليوم التالي ~
الساعة الحادية عشرة ~
"ماما فين الفطار"
"مفيش؟!"
اتسعت عينا مروة بصدمة"مفيش؟!....ليه"
"عشان كل مرة بعمله مبيتكلش "قالت والدة مروة بغضب
"يا ماما حرام عليكي أنا جعانة ويومي طويل في الجامعة "
"معلش "ردت والدتها ببرود
"يا ماما بقا ، ايه معلش دي "
"طب هاتي فلوس "
"ليه"
"ليه ايه يا ماما عشان أفطر في الجامعة "
"فين مصروفك"
تردد مروة في الإجابة"مصروفي ....مصروفي ...امم"
"أيوة مصروفك فين ...أكيد خلصتيه أول يوم في الشهر"
"لا طبعا مصروفي معايا ..بس أنا عيناه لحاجة أهم"لم تجد مروة كذبة الا هذه
ردت عليها والدتها وهي تعرف ان ابنتها تكذب كعادتها"انتي هتقوليلي "
"هتديني فلوس ولا أمشي "قالت مروة بغضب
"امشي"
ضربت مروة الأرض بقدمها وهي تزن علي والدتها "يا ماما بقا ....يا ماما بقا ...أنا بنتك الوحيدة بتعملي فيا كده ليه ...هاتي فلوس بقا عشان أفطر يا ماما "
"بس بس بس، خلاص خدي بس دي أخر مرة ، أنا بديكي مصروف كل شهر وانتي بتخلصيه في يوم
مش عارفه أَكفيكي منين"
"ما أنا لما أتخرج هشتغل ان شاءالله "
"لما نشوف"قالتها باستهزاء
"خدي دول ومفيش غيرهم"
لترد عليها مروة متصنعة اللطف "ثانكيو مامي "
نزلت والدتها لتحضر حذاء المنزل الخاص بها من الأرض ثم قالت"غوري يابت من هنا "
هربت مروة علي الفور حتي لا تصطدم بحذاء والدتها الطائر
"الله يقطع أبو النت علي البلد دي ، أستغفر الله
الصبر من عندك يا رب "
أنت تقرأ
أربعة فتيان ومعيد أحمق ✔️
Adventureفتاه تقع في حب المعيد الأحمق الذي لا يراها سوي فتي مسبب للمشاكل بل الجامعة كلها تراها فتي ولا أحد يعرف انها فتاه ماذا سيحدث عند اكتشاف أمرها نبذة عنها قولتلي بقي اسمك ايه ؟! قال الفتي بتوتر شديد:هيثم ليردف الشخص الذي يقف خلفه قائلا :ولا ...انت...
