"ماما ممكن انزل شوية ؟"قالتها مروة وهي علي أمل ان توافق والدتها
"لا"قالتها والدتها بدون النظر لها
تحركت مروة ناحية والدتها الجالسة علي أريكة الصالة ونزلت علي ركبتيها قائلة بتوسل "بالله يا ماما"
"أنا قولت معاقبة لمدة أسبوع "
"يا ماما كفاية تلت أيام ، المسامح كريم "
"أنا قولت لا "قالت والدتها بغضب
قالت مروة وهي علي وشك البكاء"يا ماما أنا اتخنقت من قعدة البيت "
"معلش عشان تتعودي تسمعي الكلام "
"يا ماما مكنش بإيدي ......."
قاطعتها والدتها قائلة "قفلي علي الموضوع ، أنا قولت لا يعني لا "
ونهضت تغادر الصالة
"طب النت طيب "قالتها مروة بصوت منخفض يائس .
ظلت مروة جالسة علي ركبتيها حزينة يائسة تشتم في حظها هذا
الان تعيش بلا نت او خروجات من المنزل ما هذه الحياة البائسة الهاتف ليس له فائدة دون انترنت
"يارب " قالتها مروة وهي تتمني ان تنتهي مدة العقاب بسرعة
__________________________________________
الساعة ٢:٢٣
"شباب"
الساعة ٢:٢٥
"نعم"
الساعة ٢:٢٦
"نعم"
الساعة ٢:٢٦
"أنا هدخل مالك الجروب ، عشان نتفق علي أيام " كتبها حازم علي جروب الواتس
"طيب"قالها مصطفي
"مالك (مع وضع ملصق علي شكل رجل يمشي ببطئ)"قالها عمر ثم قال بعدها
"معني مش بطيق الواد دا ، بس كله من أجل النجاح "
"اه صحيح بمناسبة سيرة مالك حد شاف فيكم مروان ؟!" قالها مصطفي بإستغراب
"مروان ، ياااه بقاله تلت أيام مختفي"تذكر حازم الان أن مروان في اختفاء
"ياااه تصدق "قالها عمر بإستغراب فهو لم يشعر باختفاء مروان
"بصراحة أنا مكنتش ملاحظ " أرسل عمر هذه الرسالة بعد رسالته الاولي
رد عليه حازم"مش ممكن يكون في حالة اكتئاب وانطفاء"
"وممكن يكون مات"رد عليه مصطفي
قام عمر بالرد علي رسالة مصطفي قائلا"ممكن بردو"
"لا إله الا الله ، وهنعمل ايه "قالها حازم بتعاطف كبير
"احنا دلوقتي ندخل مالك عشان الامتحان أهم من مروان ، وبعدين ننزل ندور على قبره "
كاتب هذه الرسالة عمر
"طب ممكن ويكون عايش "كتبها حازم وهو يفكر هل مات مروان حقا ام لا
رد عليه عمر كاتبًا "خلاص احنا ندخل مالك بردو عشان دا الاهم ، وبعدين ندور على مروان "
أنت تقرأ
أربعة فتيان ومعيد أحمق ✔️
Adventureفتاه تقع في حب المعيد الأحمق الذي لا يراها سوي فتي مسبب للمشاكل بل الجامعة كلها تراها فتي ولا أحد يعرف انها فتاه ماذا سيحدث عند اكتشاف أمرها نبذة عنها قولتلي بقي اسمك ايه ؟! قال الفتي بتوتر شديد:هيثم ليردف الشخص الذي يقف خلفه قائلا :ولا ...انت...
