أربعة فتيان ومعيد أحمق ✔️

النهاية 💜🍃

وكان من الجميل تركك لها والتنازل عنها لي ، فكان هذا أول الطريق لفهم مشاعرنا .

ظهر انعكاس لصورة طلال علي المرٱه الطويلة أمامه ، وهو يكاد ان يقتل  بذبحة صدرية من فرط  السعادة عليه

"كل دا ولسة ملبستش الناس وصلت تحت " كان هذا صوت مصطفى الذي افسد الجو الجميل الذي كان يعيشه طلال

نظر له طلال ببتسامة سعيدة " منا لابس اهو "
كان يرتدي طلال بدلة انيقة جدا باللون الأسود ويضيف علي اناقتها الودة البيضاء الموضوعة بداخل الجيب ، وحذاء براق وانيق

نظر له مصطفى بتفحص قائلا "فين الكرفتة "

اعاد طلال نظره للمرٱه مرة اخري قائلا "مش مهم يا عم "

"عشان جيسيكا تقتلك صح ؟ متعرفش ان الكرفتة بنفس لون الفستان بتاعها ؟"

ضرب طلال جبهته بيده قائلا "اوبس نسيت ، طب اعمل ايه دلوقتي انا مش بعرف البس الحجات دي "

"تعالي هساعدك " امسك بها مصطفى ثم عرض علي طلال المساعدة

(بعد دقيقتين)

اقتحم  عمر غرفة طلال ليري ما سبب هذا التأخير
"ايه يا جماعة دي العروسة خلصت وانتم لسة !"
قالها بتعجب

"اصبر يا عم انت كمان سبني انا في موقف صعب دلوقتي "

قال عمر باستغراب وهو يتقدم نحوهم "انت بتعمل ايه "

"بلبس طلال الكرفتة "

"يعني كل التأخير دا عشان الكرفتة ؟!" سأل متعجبا

تقدم عمر اكثر من مصطفي ودفعه بعد ان اخذ منه الكرافت قائلا "ابعد يلا ، انا ال هعملها "

"انت عارف لو مكناش في مناسبة  مهمة زي دي كنت هعمل فيك ايه " قالها مصطفى بتوعد لعمر

هنا دخل حازم قائلا بصوت عالي"استهدوا بالله يا جماعة ، مش كدا "

"أنا من يوم ما عرفتك لغاية اللحظة دي وانت مبتغيرش الجملة دي "قالها عمر ساخرا من حازم

نظر له حازم بقرف ثم التفت لطلال ومصطفى قائلا
"ايه رأيكم في البدلة "

كان حازم يرتدي بدلة انيقة جدا و عصرية هو الاخر مثل بذلة طلال لكن باللون الأبيض المائل للون السكري وبدون وردة معلقة على الجيب فقط منديل

"ايه المبهر فيها ما احنا كلنا لابسين نفس البدلة " افسد مصطفى سعادة حازم عندما نطق بهذا الكلام

"بس عليا احلي علي فكره "

"اطلع بره يلا "هذا كان رد مصطفى

"اوف " نطق بها حازم وهو مغادرا الغرفة
............................................

(في غرفة جيسيكا)

"نفسي اعرف ايه المغزي من توحيد اللبس دا ، اصحاب العروسة نفس اللون ، و اصحاب العريس نفس اللون " كان هذا صوت تذمر مروة
وبالمناسبة كانت ترتدي فستان طويل باللون اللبني الهادئ ومغرز ببعض اللالئ الصغيرة من ناحية الصدر والتي تنسدل بكثرة من ناحية الوسط وكأنها تعطي مظهرا للبحر الصافي الملئ باللٱلئ
وحذاء ابيض ذو كعب عالي يمنح مروة طولا
وايضا كانت كلا من شقيقة جيسيكا و ريتاج يرتدون نفس اللون ولكن باختلاف التصميم