ယစ်မူးပျော်ဝင်ဖွယ်║မြန်မာပြန် 『Completed 』

Chapter-60

~Unicode~

_ဒီနေ့ အလုပ်ရှုပ်နေလား ?

လျန်ကျွယ်က ရှန်ထင်ဝေ့ထံမှ စာလက်ခံရရှိခဲ့ချိန်တွင် သူ၏ဘေးဖက်ရှိ အရောင်းဝန်ထမ်းက ဆိုင်အတွင်းမှ ထုတ်ကုန်အသစ်များအကြောင်း ရှင်းပြနေခဲ့ခြင်းဖြစ်သည် ။ လျန်ကျွယ်က အချိန်အား တစ်ချက်ကြည့်လိုက်ချိန်တွင် ခြောက်နာရီကျော်မျှသာ ရှိသေးကြောင်းအား တွေ့လိုက်ရသည် ။ ရှန်ထင်ဝေ့ထံမှ အစပြု၍ သူ့အား စာပို့လာဖူးသည်မှန်သော်ငြား ယခင်တစ်ခေါက်က သန္ဓေသား၏ ဆေးစစ်ချက်ရလဒ်အား ပြောပြလာခြင်းမျှသာ ။

လျန်ကျွယ်က ပြန်မေးလိုက်သည် ။ " ဘာဖြစ်လို့လဲ ?"

ရှန်ထင်ဝေ့က အလျင်အမြန်ပဲ စာပြန်လာခဲ့လျက် သူ့အား ပြန်မေးလာသည် : " ကျွန်တော်နည်းနည်း မသက်မသာဖြစ်နေလို့... ဒီနေ့ စောစောပြန်လာလို့ ရမလားဟင် ?"

အမှန်တကယ်တမ်းတွင် ရှန်ထင်ဝေ့မှာ အတော်လေးကို ထိန်းထိန်းသိမ်းသိမ်းရှိလှသည့် လူစားမျိုးဖြစ်သည် ။ သူ့‌အနေနှင့် ထိန်းချုပ်နိုင်စွမ်းတို့ ကင်းမဲ့သွားသော အကြိမ်ရေက နည်းပါးလွန်းလှပြီး ထိုအချိန်တိုင်းတွင်လည်း သူသုံးလေ့ရှိသည့်ဆင်ခြေက " စိတ်ကြွလာခြင်းအပိုင်းအခြား " ဟူ၍သာ ။ လျန်ကျွယ်မှာ ရှန်ထင်ဝေ့ကဲ့သို့ ဝိရောဓိဆန်လွန်သည့်လူမျိုးအား တစ်ကြိမ်တစ်ခါမှ မတွေ့ဖူးခဲ့ပါချေ ။ များ‌သောအားဖြင့် တသီးတသန့်နေတတ်ကာ နူးညံ့သည့်အသွင်အပြင်လေးအား ချိတ်ဆွဲထားမည်ဖြစ်သော်လည်း ရံဖန်ရံခါမျိုး၌ ထိုတည်ငြိမ်အေးချမ်းမှုနှင့် လုံးဝပင် ဆန့်ကျင်ဖက်ဖြစ်သော စိတ်မရှည်လက်မရှည်မှုတို့အား ထုတ်ပြလာပေလိမ့်မည် ။ ယမန်နေ့ညတုန်းက " လိင်ပိုင်းဆိုင်ရာ စွဲလမ်းနေခြင်း " ဆိုသည့် စကားလုံးမှာလည်း ရှန်ထင်ဝေ့၏ အရှက်တရားတို့အား နှိုးဆွရန်အတွက် သာမန်ကာလျှံကာ ထုတ်ပြောလာခဲ့ခြင်းမျှသာ ဖြစ်သော်လည်း ယခု စိတ်ငြိမ်သွားခဲ့ချိန်တွင်တော့ လျန်ကျွယ်မှာ ရှန်ထင်ဝေ့က တကယ်ပဲ လိင်မှုကိစ္စအား စွဲလမ်းနေသလားဟု သိချင်သွားခဲ့ရတော့သည် ။

သိပြီဖြစ်ကြောင်း စာပြန်နေခဲ့ရင်းနှင့်ပင် အရောင်းဝန်ထမ်း၏ စကားများအား ဖြတ်ပြောလိုက်သည်  ။