الكاتبه نون حيدر 🤍
لا تنسون متابعه الحساب والتصويت .
اللهم صل على محمد وعلى آل محمد كما صليت على ابراهيم وعلى ال ابراهيم انك حميد مجيد
قراءه ممتعه 🤍
الجزء المحذوف من كلماتنا ، النظره التي نحتفظ بها ، الأحلام التي لا نخبر احداً عنها ، النبره التي نخفيها ، الذكريات التي نتظاهر بنسيانها هي نحن في الحقيقه .
__________________
رجعت من شغلي اباوع ؏ الطريق و افكر بالماضي فجأه طلعت كبالي عائله ديلَعبون ابنهم بقيت صافنه لـ؏ـد اني ليش ما عشت هذا الشعور ليش عافوني ليش نعافيت بالأصل ليش راحوا ليش بقيت عمري كُله بحسره كلمه ماما وبابا الدمعه صارت بنص عيني اخذت نفس طويل وزفرته وكأنُ بهذا النفس دااطلع كل تعب كلبي ممنوع اضعف اني اقوى من هيج .
نزلت من السياره وفتت للبيت دخلت لغرفتي اجتاحتني ذكرياتي حتى هنا شوكت ارتاح حضرت ملابسي وأخذت حمام بارد وكعدت اكتب مذكراتي الي جنت اكتبها بالطفوله ولحد هذه اللحظه جان هذا الدفتر بالنسبه الي دكتور نفسي رجعت بذاكرتي للماضي صار وكت احجيلكم عن اول تعب مر عليه .
عوده للماضي....
ميامي :كعدت الصبح ؏ ريحه الجاي المهيل وصوت امي وضحكه ابويه سمعت ماما تصيحني .
ام ميامي : يلا ولج يوم كعدي عاد تنبل صايره .
ميامي : هسه ماما بس عشر دقايق .
ام ميامي : عيوني بنيتي يلا اليوم جمعه حتى ادز ابوج يجيب كاهي وكيمر .
ميامي : بس سمعت بالكاهي طفرت يلا يلا راح اكوم اغسل .
كمت من الفراش ورتبتت جربايتي ماما معلمتني اول ما اكعد افوت اسبح وافرش اسناني .
كملت ورحت اركض بست بابا وماما اكثر شي احبه الصبح شوفتهم وجودهم بحياتي وضحكتهم جنها العيد الي يجي بعد صيام ٣٠ يوم .
اباوع الشمس طالعه وبابا طلع يجيب الكاهي والكيمر وصوت ماما وهي تطلب مني اساعدها كُلهن بكلبي.
اجه بابا وكعدنه ؏ الريوك واكيد مثل أي عائله عراقيه الوالد لازم يطلع اخبار من الصبح واحنه مجبورين نسمعها .
ام ميامي : حبيبتي امي اليوم اخذج نشتري ملابس مال مـَدرسـَه ما بقى شي ؏ دوامج شدي حيلج هل سنه مابقى شي وتصيرين اعداديه خوش امي.
ميامي: ڪلش متحمسه لهل سنه مامي متدرين شكد فرحانه رغم يكولون صعبه.
ام ميامي: ماكو شي صعب حبيبتي احنه بيدنا نصعبها ونسهللها كلها حجج مال صعبه ما اكدر وغيرهن بنفس الوكت هي فتره تتعبين بيها وبعدها تلعبين .
أنت تقرأ
قيود الحريه
Mystery / Thriller" ان الله لا يغير ما بقوم حتى يغيروا ما بأنفسهم " ذات ليله شعرت بأني مقيده بسلاسل الحريه أردت قسطا من الراحه لكن ظلامي لن يسمح لي بذلك اصبح فراشي انيساً لوحدتي وراحه لي من ألمي ، يخفف عني وجع الفقدان ذات يوم .... الكاتبه 𝑁𝑜𝑛 Haider القادم أ...
