قيود الحريه

البارت الثامن والعشرون

اللهم صل على محمد وعلى آل محمد.

الكاتبه  𝑁𝑜𝑛 Haider  🤍 .

لتنسون التصويت و متابعه الحساب ، قراءه ممتعه.

وحسبالي من ابتعد .
تتغنى بدياري !!
تترسني وينك ؟
مختفي؟ضل بالي ؟
كل ظني اهمك صدك وتهمك اخباري ..
_______________________

رجعنا للبيت اخذت ورقه وقلم وكعدت اشوف تنظيم الوقت لطلاب السادس ..

دخل للغرفه ضحك من سمع صوت الفيديوا ..

حجيت بسرعه: شوف النصائح لازم تاكل زين والوقت اني انظمه الك الشغل هم نخلي يعني لا تخاف كلشي تحت السيطره..

تمدد وخله ايده فوك عيونه : شجاج بابا بعد وكت ..

وخرت ايده وحجيت : اسمعني فدوه ماكو بعد وكت انتَ خارجي يعني مو دوام نفسنا لا تختلف لازم تعتمد ؏ نفسك من باجر تروح تشتري كُتب خوش ..

هز راسه تمددت براحه وغفيت كعدت الصبح ؏ صوت المنبه شفته نايم بصفي الغرفه عباره عن دخان ..

كمت غسلت وحضرت ريوك وكعدته : يلا مُتيم حتى نطلع ..

عاط بيه : بويه اريد انطمر شني السالفه اليوم عطله مو دوام ..

ضليت الح إلى أن جرني وكعت عليه كرصته بطنه عيونه اكلتني اكل : انتِ لبوة شرسه موش بنيه ..

خليت عيني بعينه : لبوة ويا اليوصل يمي ويندك بشي يخصني ..

ضل يباوعلي بهيام نظراته تجرأت دفعته بسرعه لوه ايدي جرني عليّ : احب قوتج ،  عاشكج انا ميامي..

فلتت ايدي منه : استاهل موو؟

باسني وهو يشتم شعري : حيل ڪلش تستاهلين ..

ضحكت ومشيت طلعتله قميص نيلي وبنطرون بيجي وساعه نيلي خليتهن حضرت العطر مالته اخذت الملابس للحمام وياهن منشفه ..

صحته ضحك وكال : هنيالي بيج بويه صدك هنيالي ..

ضحكت بصوت عالي: لا تحسد نفسك تطير النعمه ..

جرني من خصري عليّ توترت حجيت واني ابعد عيوني منه : شويه اريد ابدل شبيك مُتيم  ؟

دفعني ؏ حايط خزرته وحجيت : دير بالك تسوي شي غلط مااسامحك..

ضحك بمكر خله راسه بركبتي كزبر جلدي باسني بهدوء عضيت ؏ شفتي مهدئه نفسي دكات كلبي تنسمع صوت انفاسه عاليه.

دفعته قوي ماابتعد ضربته راشدي ابتعد عني عيوني تخزر بي عيونه تريد تاكلني .

دااطلع من المكان سحبني من ايدي ولواها وره ظهري صرخت : اكسرها ميامي هاي ثاني مره وعلي اكسرها اذا تنمد عليه ..

همست بخفوت : واني اذا تتجاوز حدودك اشوفك شي عمرك ما راح تشوفه ..

دفعني بقوه وطلع لزمت ايدي ضليت امسح عليها ؏ كيفي ايده شثكلها جان كسر ايدي حيوان ..