اللهم صل على محمد وعلى آل محمد .
الكاتبه نون حيدر 🤍
قراءه ممتعه .
هَلي شيب العَلي مو كد مواليدي .
_________________________
مااحس غير صوت عالي انطرشت صوت ، عياط ، بجي ، صوت عروس وزوجها راح بالانفجار ، صوت الام وشلون انفجعت بولدها ، صوت الطفل الي تيتم ، الأخ الي نفجع باخو ، الصديق الي يدور ؏ صديقه ، وكلمه حسبي الله ونعم الوكيل .
من الصدمه مدااعرف شسوي ياربي ساعدني مالي غيرك كأنُ اذكرت اهلي جوه اي والله اهلي رحت اركض اريد افوت جوه والمره لزمتني لج يمه تحتركين نار بعدها .
ميامي : خاله اهلي جوه بس افوت اشوفهم خاله ماعندي غيرهم بس عوفيني .
دااحاول افك ايدها والنار بعدها تفحم المجمع وماضل بي بس ريحه الدم واللحم المحترك مابقى بي شي ضليت اصرخ بعلوا صوتي.
ميامي : لج خااااااله عوفيني يرحم اهلج مااااااماا بابا وينكم انهد حيلي بهل لحظه انكسرت روحي وانطفت الدنيا بعيني .
بعد انتظار ساعات كعدت بالكاع حيلي مهدود ضايعه وتايهه ماعندي قوه اشوفهم بعده صوت الانفجار يتردد بمسامعي بعدني ممستوعبه شصار اجوي الإطفاء واخيرا بس بعديش بعد ما بقى بس الهيكل
بس شفتهم ركضت عليهم سدوا وحاوطوا المكان صرخت بكل صوتي اهليييي اهلي بس اريد اشوفهم طفوا النار الي بقت بس حركان الكلب شيطفي؟
اباوع ماكو بشر واني تلعب نفسي من الدم مع هذا دست ؏ نفسي ودخلت ماكو احد وين راحوا عيني تفتر دور ؏ أهلها
شلون بيه ياربي المن اكول لازم اصعد اشوفهم اني عفتهم فوك اكيد هسه كملوا ملابسي اي اي كملوها صعدت ؏ درج بس الدم ماكو بشر القسم الفوك وكع كله
شافني واحد من الناس واجه جرني بره واني بعدني اصرخ صوتي طبك ومااحس بعد الدنيا ضلمت بعيني
فتحت عيني اخ راسي يمه مدااكدر استوعب شصار الصدمه الي تعرضتلها دمرتني
شفت الدكتوره فوك راسي دااسالها ؏ عائلتي وشصار بيهم نزلت دموعي واني دااحاول احجي بس مدايطلع صوت
الدكتوره : الحمدلله ؏ سلامتج ماما
ميامي : اشرتلها ؏ بلاعيمي اريد احجي ماكو صوت
الدكتوره: حبيبتي بسبب الصدمه الي تعرضتيلها فقدتي النطق لبعض الوقت وبعدها يرجع صوتج
ميامي: هزيت براسي وبقيت اباوع ؏ فراغ وصافنه نكلبت حياتي كلها بساعه وبطلعه وحده
الدكتوره : حبيبتي ماما إذا تعرفين رقم احد اقاربج حتى نخبرهم
ميامي: بقيت افكر المن اخابر خوال ماعندي و اهل امي اساساً مااعرف عنهم شي بقى بس عمي وليد اخو بابا الوحيد اشرتلها اوكِ بايدي
جابت تلفوني وخلته بأيدي الي ماوكفت رجفتها بالكوه فتحت الرمز وطبيت ؏ رقم عمي دكيت وانطيتها تجاوبه
دموعي مستمره كميه الخوف من المستقبل ، الحزن ، الضياع كلهن بيه
بعد ساعه تقريباً اجه عمي بس مالمست بوجه حزن او قهر لا طبيعي جان
عم ميامي : ها بابا ميامي شصاير
ميامي : كلمه بابا فززت جروحي الماهدن ما اريد احد يكلي هل كلمه
عم ميامي :ليش ماجاوبين احجي يمعوده
طبت الدكتوره وجاوبته: السلام عليكم
عم ميامي : وعليكم السلام شصاير احجي وياها و ما ترد
الدكتوره: صار انفجار بمجمع بالكراده والبنيه تعرضت لحاله إغماء وتم نقلها لهاي المستشفى الطفله بسبب الصدمه فقدت النطق واحتمال متكدر توكف ؏ رجلها بسبب التعب .
عم ميامي:خير ان شاء الله زين شكد راح تطول ،و اخويه وزوجته وينهم ؟
الدكتوره :النطق بقت هي وسباعيتها راح انطيها علاج وتستمر عليه ، بالنسبه للي جانوا بالانفجار هواي جثث اجتي تفضل وياي واتعرف عليهم .
ميامي : ضليت اضرب بأيدي اريد اروح وياهم يجوز مو هم اي هم ميعوفوني يعرفون ماعندي غيرهم اضيع بلاهم
انتبهت الدكتوره عليه وجابت كرسي وساعدتني اكوم لان جربت وماكدرت اوكف
هذا كله وعمي ولا يمه ما كال خلي اساعدها الغربه تساعد و هو ماكو
اخذتني لثلاجه الموتى خفت بصراحه بحياتي ماشايفه هيج بدت تفتح بالثلاجات وحده وحده وعيني ماوكفت بجي
اخترعت واني اشوف جثه عباره عن صدر ورجل وحده بس الايد ماكو والراس والرجل الثانيه واهز براسي لا لا وادعي يارب كون مو وياهم ياربي ماعندي غيرك معين
ضليت اردد بكلبي ربي اني مسني الضر وانت ارحم الراحمين امي جانت دائما تكلي لمن تخافين كوليها ١٠٠ مره
استمرت تكشف وهذا الموقف بحياتي مراح انسى العالم ماباقي بيهم شي مدمرين وحالات شحجي وشكول
فززني عمي و هو يكول
عم ميامي : تريدين تطلعين؟
ميامي : هزيت راسي لا .
عم ميامي : تخافين بابا خلي نطلعج
ميامي : ضليت اهز براسي بمعنى لا
عافني و سكت لحد ما وصلنا لوحده منهن وفتحت الدكتوره الجثه حتى نتعرف عليها
وجان اشوف .....
_______________
لتنسون التصويت ومتابعه الحساب 🤍
احبكم اني
أنت تقرأ
قيود الحريه
Mystery / Thriller" ان الله لا يغير ما بقوم حتى يغيروا ما بأنفسهم " ذات ليله شعرت بأني مقيده بسلاسل الحريه أردت قسطا من الراحه لكن ظلامي لن يسمح لي بذلك اصبح فراشي انيساً لوحدتي وراحه لي من ألمي ، يخفف عني وجع الفقدان ذات يوم .... الكاتبه 𝑁𝑜𝑛 Haider القادم أ...
