اللهم صل على محمد وعلى آل محمد 🤍.
الكاتبه نون حيدر 🤍.
قراءه ممتعه .
لتنسون التصويت و متابعه الحساب .
بوجه العتب و ابريك ذمه .
طولك ، فراشك عيب المه.
ياهو أغلى مني ورحت يَمّه.
بُعدك كوي و كلبي لويته.
__________________________
عم ميامي : اني قررت من باجر تطلعين تشتغلين.
اجتاحتني مشاعر ماعرف شأوصفها خذلان ، حزن ، ألم كلهن بيه .
ميامي همست متفاجأه : بس عمو شلون اشتغل .
عم ميامي: شنو شلون اشتغل شيرادلها روحه للقاضي .
ميامي : عمو بعدني صغيره ودراستي ، مستقبلي وين يروحن ؟
عم ميامي: اذا اشتغلتي زين عود اخليج داومين.
ميامي : عمو تحجي صدك شلون تأمن تخليني بالشارع اخاف اني ما متعوده اطلع وحدي مو انوب اشتغل !
عم ميامي : و الله هذا الموجود يعجبج وغصباً عليج لا تتعايرين ؏ راسي مااكعدج بيتي بلاش اشتغلي وعيشي .
ميامي : زين قابله اني خلي مأجرين ببيت اهلي واعتبرها مال عيشتي .
عم ميامي: هذا الإيجار اليه وتشتغلين من باجر خلص الحجي .
عافني وطلع بقيت متصنمه بمكاني شلون ليش ماعرف بس ضايعه وتايهه ماعندي قوه تخليني اواجهم.
صافنه بالفراغ افكر شنو الي منتظرني شنو راح يصبر وين وشلون راح اتقبل فكره اشتغل واني بنيه صعبه .
رحت لغرفتي رميت نفسي ؏ سرير بتعب ، أشعر بانطفاء غير مسبوق ما اعرف شنو اسوي اترك كلشي عند الرحمن كمت توضيت وضليت اصلي مادري شكم ركعه بس كأنُ دااعوض الي فات من عمري.
ماعندي غيرك سند ياسندي اوكفلي ياربي أعني ؏ ما أصابني.
ومنا بدت رحله عذاب جديده ...
كعدت الصبح ؏ صوت عمي وهو يصحيني حتى اكوم اجيبله فلوس للأسف بس بالاسم عم بس يروحون الاهل يروح سندك وهاي حالتي.
غسلت وجهي وبدلت اسود بنطرون وقميص رفعت شعري كعكه بشكل مبعثر مااهتميت ابد هو شبقى حتى اهتمله.
توجهت نحو عمي المحترم وكتله:عمو شنو راح اشتغل ؟
عم ميامي : اتفقت اني وابو المخبز ينطيج چـرك بس بالمقابل من تاخذين فلوس نصه لابو المخبز والباقي اعتبره إيجار عيشتج .
شكد نجرحت كرامتك من تنجرح صعبه محد يحس و يقدر !
هزيت راسي بالموافقه و توكلت ؏ الله فعلاً تمشينا للمخبز شو هذا بكل صلافه يباوع عليه وعمي الهيبه بصفي مايحجي شغله هذا شبي ؟
أنت تقرأ
قيود الحريه
غموض / إثارة" ان الله لا يغير ما بقوم حتى يغيروا ما بأنفسهم " ذات ليله شعرت بأني مقيده بسلاسل الحريه أردت قسطا من الراحه لكن ظلامي لن يسمح لي بذلك اصبح فراشي انيساً لوحدتي وراحه لي من ألمي ، يخفف عني وجع الفقدان ذات يوم .... الكاتبه 𝑁𝑜𝑛 Haider القادم أ...
