اللهم صل على محمد وعلى آل محمد .
الكاتبه نون حيدر 🤍.
لتنسون التصويت و متابعه الحساب.
قراءه ممتعه .
حوبه الأبيض كلب تحرك خضار ايامكم.
_____________________________
انداريت ماحسيت الا عمي واكف ورايه كلبي وكع بس لا ينتبه على مُتيم شيخلصني منه اليوم .
عم ميامي: ليش تأخرتي اليوم .
ميامي : ماتأخرت عمو بس بعت الجرك كله حتى هاي الفلوس شوفهن.
جرهن من ايدي بحقاره : فوتي جوه يلا .
طبيت حيلي يرجف انفاسي انحبست بصدري بالكوه اتنفس من الخوف بس شعجب ماشاف مُتيم لعد وينه .
فتت جوه حضرت ملابسي فتت جوه الدوش وافكر طبيعتي من اني وصغيره من افوت للحمام اضل افكر لحد ما يتعب دماغي ، التفكير المفرط دمار واني اعاني منه .
سديت المي ولبست ملابس طلعت صليت ومشطت شعري لاحظته طولان اكثر من قبل مع انُ مدااعتني بي عجيب .
طلعت حضرت الغده ويا مرت عمي ع السفره بدت تتمسكن
مرت عمي: عيوني وليد اليوم جاينا خطار تستقبله لو لا .
رفع راسه عمي مستفهم: منو ؟
مرت عمي : اخويه مختار .
خزرها : شعنده جاي هذا .
مرت عمي نزلت دموعها: يا يا لعد هذا جزات التعب ماتستقبل اخويه .
عم ميامي: خلي يجي بس يحترم نفسه خوش .
كال الحمدلله وكام من السفره
مرت عمي حجت : عوفي المواعين أليوم اني اغسلهن.
غمزتلها: شعجب يابه منج من الشيطان لو لان وافق عمي يجي اخوج.
همست وهي تتقرب مني : اي والله بيني وبينج فرحانه يلا خلي اغسلهن .
اخذتهن وكامت ياربي كون دائما فرحانه حتى تغسلين المواعين.
غسلت ايدي وفتت لغرفتي تمددت واني افكر برده فعل عمي غريبه هو طبيعته يحب الخطار خصوصا اهل مرته شعجب ضاج من كالتله هيج .
اهووو هسه اني شعليه انام احسن .
غفيت كعدت العصر ع صوت رجال غريب يا هذا منو اجه؟
هاا يمكن هذا اخوها لمرت عمي فتحت الباب صدر منها صوت هو التفت كصني كص بنظراته من فوك ليجوه هذا شبي .
شكله عادي هو ضعيف كُلش حاجبه مطبور واللبس خزي الالوان ابد مامتناسقه.
سلمت عليه ورحت للمطبخ شلون يباوع ايع كزبر جلدي .
فتحت الثلاجه لكيت بيها فواكه اخذتهم ورتبتهن بماعون.
مااحس الا صوت بالمطبخ فزيت درت ظهري لكيته مختار ياساعه السوده جنه اخته.
أنت تقرأ
قيود الحريه
Mystery / Thriller" ان الله لا يغير ما بقوم حتى يغيروا ما بأنفسهم " ذات ليله شعرت بأني مقيده بسلاسل الحريه أردت قسطا من الراحه لكن ظلامي لن يسمح لي بذلك اصبح فراشي انيساً لوحدتي وراحه لي من ألمي ، يخفف عني وجع الفقدان ذات يوم .... الكاتبه 𝑁𝑜𝑛 Haider القادم أ...
