اللهم صل على محمد وعلى آل محمد.
الكاتبه 𝑁𝑜𝑛 Haider 🤍.
لتنسون التصويت و متابعه الحساب قراءه ممتعه.
وبنفسي ماضلت ثقه
خايف اعاشر وانمل
ومادري روحي شكد مهم
حتى ويا اليحبني صدك
ماكمت اجرب ازعل
_____________________طبيت للمدرسه سألت البنات ؏ الصف مالتي بدت الدروس واحد ورا الثاني .
حسيت بغربه الأصدقاء وطن يلمنه .
من جنت بمدرستي صديقاتي ويايه مااحس نفس احساسي هسه.
امشي وحدي وماعندي ولا صديقه خصوصاً المتوسطه يخوف نوعاً ما عالم غريب مو كلهن زينات لهيج ماختلطت هواي .
انتهى الدوام ضليت بره واكفه انتظر المُتيم لمحته اجه ويا عمه بالسياره .
فتح الباب ونزل برطمت شفتي وحجيت : صارلي شكد واكفه والله تعبت وانتَ ماكو .
ضحك وهمس وهو يرجع شعري وره أذني كزبر جلدي : وعيونج الحلوه ازدحام لهيج تأخرت ، مره ثانيه اطلع من وكت واجيج ماشي بابا؟
هزيت راسي بالموافقه اخذ الجنطه مني وفتح الباب .
وصلنا للبيت سلم ؏ عمه ودخلنا تنهدت بتعب : اليوم كُلش مُتعب جان .
شمرت نفسي ؏ القنفه ضحك وكعد ؏ طرفها : اول يوم تتعبين لان عندج كسل بعدين عادي تكومين انتِ تكعديني مو اني اكعدج.
ماحجيت شي بس ابتسمت جر ايدي باسها : روحي سبحي وصلي حتى تسولفيلي.
هزيت راسي بايجاب وكمت اخذت حمام بارد استرخت اعصابي .
صليت بكل حُب مثل كُل مره يمكن محد يصدك بس من احلى اللحظات بحياتي واني اصلي احسها اكبر انجازاتي.
كمت الصلاه ضليت اسبح وادعي.
شلتهن وكمت اباوع ؏ فراش يسوي واهس للنوم واني منا نعسانه.
تمددت وغفيت بدون ما احس ؏ نفسي كعدت ؏ صوت المُتيم .
وهو يوخر خصلات شعري بايده الخشنه: بابا كومي اكلي وبعدين نامي .
ماحجيت مسطوره والنعس بعيني تنهد وحجه: ميامي بابا كعدي يلا .
افتح بعيوني واغمض ماحس إلا راشدي ؏ وجهي فزيت : صارلي ساعه وكع لساني وانا الغي تعاي اكليلج لكمه وبعدها نامي مايصير هيج.
خزرته والشرار يتطافر من عيني عضيت شفتي واني اصرخ بصوت مكتوم : شبيك ما تكلي هو هيجي يكعدون اعضك والله .
ضحك وجر ايدي ساحلني ورا لكيته مسوي غده انقهرت عليه حجيت بهدوء : اسفه والله جان المفروض اسويلك وانام .
جر الكرسي وكعدني انطاني الخاشوكه واني صافنه ؏ رزانته وهدوئه حجه وهو يجر نفس من الجكاره : حالج حالي بابا مثل ما اني جاي تعبان انتِ هم جايه تعبانه وانتِ مو مجبوره تسوين انا اعرف واخدم نفسي بنفسي.
أنت تقرأ
قيود الحريه
غموض / إثارة" ان الله لا يغير ما بقوم حتى يغيروا ما بأنفسهم " ذات ليله شعرت بأني مقيده بسلاسل الحريه أردت قسطا من الراحه لكن ظلامي لن يسمح لي بذلك اصبح فراشي انيساً لوحدتي وراحه لي من ألمي ، يخفف عني وجع الفقدان ذات يوم .... الكاتبه 𝑁𝑜𝑛 Haider القادم أ...