اللهم صل على محمد وعلى آل محمد.
الكاتبه نون حيدر 🤍.
لا تنسون المتابعه والتصويت عمري .
زعل شياب ڪلش صعبه نتراضه .
_____________________
ضلت تصيح لا وكعت بالكاع ركضت عليها .
شبيك صافن جيب مي ركض جاب شمرته ؏ وجها ضليت اطبطب ؏ وجها بخفه
ميامي: عمه احجي شكو اصحي .
صرخت لمختار حتى يجي يساعدني صافن
ميامي: شبيها كُلي شصاير .
مختار : عمج داعمته سياره .
لطمت ؏ صدري وصرخت
ميامي : يمه هسه وين هو ، شلونه ، شلون صار هيج .
فرك وجهه محتار وضل يروح ويرجع
مختار : ماعرف ماعرف بس الي عرفته داعمته سياره.
رجعت ذبيت عليها مي وطبطبت ع وجهه
ميامي : كعدي عمه الله يخليج بس اصحي عفيه .
بدت تفتح عيونها تباوع عليه ودموعها تجري
مرت عمي : وليد اندعم عمج راح .
دفعتها وتراجعت ليوره بخوف وحيره
ميامي: لا تحجين هيج جذب مابي شي لا تخوفيني .
كامت وهي دايخه اتكأت ؏ الحايط إلى أن وصلت لغرفتها لبست العبايه واجتي باتجاهنا .
مرت عمي: مختار وديني للمستشفى.
مختار : يلا تعالي ركبي بالسياره .
ميامي : اريد اجي وياكم عفيه حباب اريد اشوفه .
مختار : بسرعه تحركي يلا ماضل وكت .
رحت وياها ركبت بالسياره وجسمي كُله يرجف تنفسي صار سريع ودكات كلبي قويه حسيته راح يوكف من قوه الدكه .
مديت ايدي ؏ ايدها لمرت عمي واني احاول اخليها تستمد القوه مني بس هيهات اثنينا تعبانات.
وصلنه للمستشفى نزلت بسرعه وسحبت مرت عمي ويايه نركض بالممر اريد بس اشوفه لو مهما يسوي ابقى احبه بي ريحه ابويه.
شفنه دكتور مقابيلنه ركضت مرت عمي عليه
مرت عمي : اذا ماتصير زحمه المريض وليد **** وين موجود.
الدكتور : المريض داخل العمليات ، بعد العمليه نخلي ٤٨ ساعه تحت الإشراف الطبي وان شاء الله خير .
اتكأت مرت عمي عليه ووجهه اصفر
مرت عمي: ياربي كومه بالسلامه ماعندي غيره ابو بيتي ياربي لخاطر جهاله .
مرت عمي: جهالي وينهم يمه .
ميامي : عمه بقوا يم اهلج .
كعدتها ؏ المسطبه وأخذت نفس طويل مختنكه شعور الفقدان يأذي نعاد كلشي بذاكرتي موت اهلي منظر الثلاجات والموتى بدت تغوش عيوني .
أنت تقرأ
قيود الحريه
Mystery / Thriller" ان الله لا يغير ما بقوم حتى يغيروا ما بأنفسهم " ذات ليله شعرت بأني مقيده بسلاسل الحريه أردت قسطا من الراحه لكن ظلامي لن يسمح لي بذلك اصبح فراشي انيساً لوحدتي وراحه لي من ألمي ، يخفف عني وجع الفقدان ذات يوم .... الكاتبه 𝑁𝑜𝑛 Haider القادم أ...
