اللهم صل على محمد وعلى آل محمد.
الكاتبه نون حيدر 🤍.
لتنسون التصويت و متابعه الحساب قراءه ممتعه.
أخفيك حباً والعيون فواضحُ .
_______________
انفتح الباب ركضت ختلت وره البرده سمعت صوت ضحكته هزت كلبي هز .
تقدم باتجاهي واني اوهم نفسي مراح يشوفني اي مايشوف.
جر البرده قوي خليت ايدي ؏ وجهي غطيت عيوني وخرت اصبع واحد حتى اشوف وجهه.
جر ايدي قوي عليه حضني حسيته يريد يدخلني بضلوعه دكات كلبه تنسمع شابكني باثنين اديه.
دفعني ؏ الحايط باسني القسوه مسيطره عليه.
دفعته قوي ضربني راشدي بكل قوته الدوخه دمرتني بس ضليت ثابته اباوع بعيونه بتحدي.
رجع ضربني راشدي ثاني دفعت ايده قوي لواها وره ظهري صرخت بصوت خافت همس بأذني قشعر جلدي .
المُتيم : رجعتلج ميامي مو انا الانعاف وعيونج !
ميامي : شتريد جاي ماكفاك الي سويته بيه تعبت منك اني تعبت .
سحب ايدي كعدني ؏ الجربايه جاب مي وانطاني شربته ودكات كلبي تزيد ماتنقص حجه بحده .
المُتيم : صار فتره يهددوني بيج بس اجيب الجماعه البقيه ياخذوج مني حاولت شكد مااكدر ماخليج تعرفين حتى ماتتوتر اعصابج بس انتِ اخخ الله ..
سكت باوع بعيوني بقهر عضيت شفتي ماحجيت شي .
المُتيم : كلشي سويته علمودج تالي تنهزمين مني ميامي ماتوقعتها منج ابد تغافليني لو شنو الوضع ؟
ميامي : شنو الي يثبت انطيني دليل؟
رفع عيونه عليه باوع بصدمه والشرار يطلع منهن جر تلفونه خابر وفتح سماعه.
المُتيم : هلا حبيب شلونك اكلك هل فتره شجاي يصير التهديدات عن شنٰـو بالضبط؟
_عن زوجتك المُتيم جاي ندور لا يضل بالك وعلي نسحلهم سحل .
المُتيم : مشكور حبيبي.
سد التلفون ضحك باستهزاء وهز ايده كام وكف جريت ايده اندار عليه.
المُتيم : نعم ست ميامي ؟
ميامي : الشك اكل كلبي تخيل تشوفني كل يوم اخابر ومن اشوفك أسد التلفون لو حاجيلي من البدايه مجان سويت هيج .
بلعت ريكي واردفت
ميامي : والله احبك بس الشيطان لعب بعقلي !
نتر ايدي تفاجأت منه شال الجكاير والمفتاح وهمس .
المُتيم : لبسي عبايه وحجاب خلي نرجع وراي التحاق بسرعه .
هزيت راسي بالموافقه اخذت العبايه ولفيت الشال .
سحب ايدي ونزلنه يركض ركض بالدرج وبطني تأذيني ماحجيت شي.
أنت تقرأ
قيود الحريه
Mystery / Thriller" ان الله لا يغير ما بقوم حتى يغيروا ما بأنفسهم " ذات ليله شعرت بأني مقيده بسلاسل الحريه أردت قسطا من الراحه لكن ظلامي لن يسمح لي بذلك اصبح فراشي انيساً لوحدتي وراحه لي من ألمي ، يخفف عني وجع الفقدان ذات يوم .... الكاتبه 𝑁𝑜𝑛 Haider القادم أ...
