اللهم صل على محمد وعلى آل محمد
الكاتبه نون حيدر 🤍
قراءه ممتعه.
لتنسون التصويت و متابعه الحساب عمري 🤍
من باوعتلي تفاجأت
يكتل سواد عيونها .
مصدوم كمت اعرك خجل
ماشفت وحده بلونها .
تنعشك بس ماتنكره
غميت الي يكرهونها .
وحلوه بشكل ماتنوصف
جذبوا ليوصفونها .
معقوله راح تصير الي .
هيج والي يزفونها .
______________________
كملت الرسمه اخذتها لغرفتي او بالأحرى المخزن لان عمي مايقبل انام بغرفه ولده يخاف عليها لا تتوسخ عيني.
بدت الذكريات تهاجمني حولت كل افكاري السلبيه هاي إلى ايجابيه اكوم اتمرن استمريت تقريباً ساعتين .
ميامي :يمه متت تعب دخيلك ياربي .
هسه اسوي تمرين التنفس اووي جد مرتاحه نفسيتي كملت كلشي ماعندي شي اسوي صدك دوامي بعد كم يوم شلون احاجي الهيبه يخليني اداوم .
اجتني فكره اي اكدر اسويها واثقه من نفسي راح اخلي يقتنع.
بديت اقرا قرآن اندك الباب صدقت وسديت القرآن وبسته كمت خليته على الرف وطلعت افتح الباب.
ميامي : منو ؟
عم ميامي: اني افتحي الباب .
فتحت الباب وبديت بالخطه ابوس ذكائي .
ميامي : الله يساعدك عمو .
عم ميامي: ويساعدج بنتي .
ميامي : سوده عليه شلون بيك بهل حر تشتغل لو بيدي اسوي كلشي بمكانك .
عم ميامي: والنعم منج عمي الف رحمه على البطن النكلتج مامقصره انتِ .
ميامي :تعال عيني عمو
فات للبيت ركضت جبت مي بارد صبيت بالكلاص وقدمته اله نزعته الجواريب وفركت رجليه .
عم ميامي مسح ع راسي : الله يرضى عليج بنتي .
ميامي : لا عمو انتَ الغالي تدلل عليه عيوني .
كمت صبيت غده وكعدت يمه تسمحلي اكل وياك؟
عم ميامي: طبعا يابه بدون ما تسألين مدي ايدج واكلي .
ميامي : حبيبي عمو اروحـلـك اني فدوه .
بدينه ناكل ضليت مركزه بالبصل اريد ادمع وابجي حتى تكمل المسرحيه.
احتركت عيوني اي هيج تمام.
ميامي : احمم عمو اريد احاجيك بشغله .
عم ميامي: اي كولي .
ميامي :عمو بس امانه عندك هاي ابويه من زمان وصاني اكمل دراستي واني وصيه الغالي عندك عيوني .
عم ميامي: والشغل ؟
ميامي :عادي اشتغل وادرس بس اهم شي اكمل دراسه .
أنت تقرأ
قيود الحريه
Mystery / Thriller" ان الله لا يغير ما بقوم حتى يغيروا ما بأنفسهم " ذات ليله شعرت بأني مقيده بسلاسل الحريه أردت قسطا من الراحه لكن ظلامي لن يسمح لي بذلك اصبح فراشي انيساً لوحدتي وراحه لي من ألمي ، يخفف عني وجع الفقدان ذات يوم .... الكاتبه 𝑁𝑜𝑛 Haider القادم أ...
