اللهم صل على محمد وعلى آل محمد .
الكاتبه نون حيدر 🤍.
لتنسون التصويت و متابعه الحساب قراءه ممتعه.
من تشح عنهم يعرفونك عزيز.
الناس من تمرض تدور العافيه .
______________
تفاجأت البلازما متفلشه بالكاع ومكسوره الشاشه نزلت عيوني عليه كاعد بالكاع و ايده تنزف دم .
تقربت منه جريت ايده بستها همست بحنيه
ميامي : شبيك باوعلي ليش هيج تسوي عفيه ؟
شمر نفسه بحضني نزلت دموعه ؏ ايدي تصمنت دايبجي معقوله مسحت ؏ شعره
ميامي : منو وياك ليش هيج معصب ؟
المُتيم : تعبت حيل ماصدكت اكدر اوكف ع رجليه بعد التعب المريت بي ماريد لا اشوفه ولا اتذكر اريد انسى كلشي يخصهم تعبان انا ميامي والله تعبان .
نزلت دموعي ويا صرت ابجي فوك راسه وايدي تمسح ع ظهره
ميامي : اني يمك مااعوفك بكل وكت راح تشوفني ساندتك مااتركك ابد .
هدأ ماحجه شي ، بعدت راسه باوعلي عيونه حمر وذبلانات
ميامي : حاجيني فدوه كوم اسبح حتى تصحصح.
هز راسه بالموافقه كام ديروح للغرفه دنكت اشيل الكزاز الي بالكاع.
تقرب مني باسني براسي ونزل راسه
المُتيم : عوفيهن بابا انا اشيله لا تنجرح ايدج ميامي اني...
ميامي : لا روح اسبح انتَ تعبان بـعدين نحجي .
لمينا الصاله سوه بقت بس البلازما شالها خلاها ع صفحه وراح للغرفه .
نظفت المكان زين طلعت للمطبخ سويتله عشه وعصير برتقال .
اخذتهن لغرفتنا طلع من الحمام ينشف بشعره
ميامي : تعال اكل .
شمر المنشفه جر باكيت الجكاير ورثها
المُتيم : ماشتهي اكلي انتِ .
بعدت الصينيه وبرطمت شفايفي
ميامي : اذا ماتاكل مااكل يلا لو اني لو انتَ اليوم .
ضحك وبقى يدخن توسلت بي
ميامي : حباب والله جوعانه تعال اكُل ويايه .
هز راسه واجه بصفي بديت اكل لكيته صافن بس يحرك بالخاشوكه لزمت ايده انتبهلي
المُتيم : ها بابا ؟
اخذت الخاشوكه رفعت ايدي إله
ميامي : اكل يلا .
ضحك وهمس بخفوت وعيونه بعيوني
المتيم: مو طفل اني كتلج ماشتهي.
قربتها منه وعيوني تخزره بلكت يخاف
أنت تقرأ
قيود الحريه
Mystery / Thriller" ان الله لا يغير ما بقوم حتى يغيروا ما بأنفسهم " ذات ليله شعرت بأني مقيده بسلاسل الحريه أردت قسطا من الراحه لكن ظلامي لن يسمح لي بذلك اصبح فراشي انيساً لوحدتي وراحه لي من ألمي ، يخفف عني وجع الفقدان ذات يوم .... الكاتبه 𝑁𝑜𝑛 Haider القادم أ...
