اللهم صل على محمد وعلى آل محمد.
الكاتبه نون حيدر 🤍.
لتنسون التصويت و متابعه الحساب.
قراءه ممتعه.
اعلل بالوصل روحي عِلني
سوالفكم بدلالي عّلني
الليالي الجنت صاكرهن عَلني
غدت عجله مخالبهن عليه
_____________________
المُتيم : صعدت بالكوستر وانطلقنا للمجهول تفكيري مشتت وكلبي يوجعني نسى وصيه امي وحبها الي نسى كلشي .
الهوى يضرب بوجهي البرد قارص وانا بطرك التيشيرت اباوع ؏ طريق وصافن ما غفت عيني .
فززني صوت الحجي وهو يكول
الحجي : يلا بويه وصلنه لدار المحنه.
هزيت راسي بالموافقه ونزلت بقيت انتظر الحجي جان يدفع الكروه.
بدت مرحله جديده بحياتي هل معاناه هي الي ربتني هي الي وصلت المُتيم لهل قوه" الي يأذي يقوي " وفعلاً هل عباره جانت تتردد دوم بداخلي.
ضلينه نفتر نسأل ع مكان شغل ماجنه نلكه صار الليل وبطني تطلع صوت دليل ع شده الجوع البرد ماينحمل.
صاح عليه الحجي وهو يطبطب بصفه
الحجي : تعال بويه.
اتجهت لمكانه وكعدت تجيت ظهري ع حايط الشارع فارغ بس كم سياره .
حط ايده ع جتفي وهمس بحنيه
الحجي : توضى بهل مي الي يمك صلي ركعتين شكر وليدي .
نزلت راسي خجلان منه ماعرف شلون اسأله
المُتيم : ماعرف اتوضى وماريد اصلي شنو فائده الصلاه شحصلتوا من صليتوا؟
مسح ؏ راسي بحنيه ويحجي بهدوء وهو يحاول يفهمني
الحجي : الصلاه عمود الدين بدونها تضل تايه وضايع ابسط مثال يابويه هسه انتَ الله كلشي منطيك ليش ماتصلي مطالب منك شي بس تصلي الخمس فرائض هل خمس دقايق جاي يأثرن عليك لا بويه .
بالعكس انتَ تقرب من الله وشوف السعاده الي راح تملي حياتك احنه مانسوى شي بدون ربنا هو سندك ، اهم شي هي واول شي تتحاسب عليه صلاتك ياابني شتكول لربك اذا سألك ليش ما تصلي ؟
الخجل احتل ملامحي ماعرفت شجاوبه
المُتيم : راح اصلي اسف عمي مستحي انا .
هز راسه بالرفض واردف بحنيه
الحجي : مو عيب انك ماتصلي بس العيب انك تدري وماتصليها وتدري باهميتها بحياتنا ، لا تعتذر من ابوك يابعد هلي اعتذر من الله وخلي اعتذارك بالصلاه .
ومن هل لحظه بدت تنصلح حياتي علمني الوضوء بالبطل مال المي الي اشترينا و وكف هو يصلي ويحجي وانا اردد ورا ايدي ترجف مستحه والحيل باد .
أنت تقرأ
قيود الحريه
Mystery / Thriller" ان الله لا يغير ما بقوم حتى يغيروا ما بأنفسهم " ذات ليله شعرت بأني مقيده بسلاسل الحريه أردت قسطا من الراحه لكن ظلامي لن يسمح لي بذلك اصبح فراشي انيساً لوحدتي وراحه لي من ألمي ، يخفف عني وجع الفقدان ذات يوم .... الكاتبه 𝑁𝑜𝑛 Haider القادم أ...
