اللهم صل على محمد وعلى آل محمد .
الكاتبه نون حيدر 🤍.
قراءه ممتعه .
ليله واحده قادره ؏ صنع إِنسان اخر لا يشبه الذي قبله .
_______________________
وجان اشوف منظر بحياتي مراح انسى حسيت بكل الوجع بشكم دقيقه الكلام بحد ذاته عجزت عنه
شفت بابا مدد باقي بس نص الراس والرجلين ماكو بس صدر وايدين
لو ماما جمالها المختفي بسبب هل انفجار الي أطفأ روحي قبل ما ياخذهم
عجزت وعجزت بس دموعي تنزل واتلمس بوجهي اريد اعيط بكل صوتي بس بهل لحظه حتى صوتي تخلى عني مابقالي احد صفيت بلا سند
للحظه ردت اجذب عيني لا مو هم شلون يعوفوني وحدي واني حتى اخوه ماعندي مستحيل يجوز اني متوهمه
اباوع حتى عمي كام يبجي هذا شبي ليش ديبجي اهلي عايشين ذوله غير عالم ماابجي اني ديضحكون عليه شويه ويجون جايبيلي ملابس
هدمت كل أحلامي كلمه الدكتوره
الدكتوره: همَ مو ؟
هز راسه عمي بالموافقه واردف
عم ميامي:اي .
يعني هاي هي زين شسوي ياربي اخذ روحي ساعدني اموت بلكت يوكف كلبي بهل لحظه والحكهم
قاطع دعائي ودموعي المابطلت عمي وهو يكول
عم ميامي : اريد اكمل شهاده الوفاه مالتهم حتى ندفنهم قبل الليل .
ضليت اضرب بأيدي بكل قوتي ؏ كرسي
ميامي : لا لا لاااا حضنت بابا واردد بصوت الي بداخلي المحد يسمعه بابا لا تعوفني عليك الله انت مو تحبني حباب لا تروح وين ابقى اني حاجي ماما بلكت ترد هي تحبك
هزيت بايده التارسها الدم اريده يقرب ايده يم ماما حتى تكعد .
ماكو استجابه سحبتني الدكتوره ليبره ضلت تحجي تحاول تفهمني .
الدكتوره : حبيبتي مايصير هيج ياعمري كلنا ؏ هذا الطريق وهذا يومهم .
ضليت ابجي محد يحس بوجعي صدك لو كالوا ميحس بالوجع غير صاحبه
ضلت واكفه تمسح ؏ راسي وعمي كمل اجراءات كلهن رجعني للبيت علمود يروح يجيب توابيت ويغسللهم
اول ماطبيت مرت عمي اجتي بوستني وأخذت بخاطري كلمه البقيه بحياتك تجرح شتفيد هاي البقيه هو العمر َ خلص وياهم
أنت تقرأ
قيود الحريه
Mystery / Thriller" ان الله لا يغير ما بقوم حتى يغيروا ما بأنفسهم " ذات ليله شعرت بأني مقيده بسلاسل الحريه أردت قسطا من الراحه لكن ظلامي لن يسمح لي بذلك اصبح فراشي انيساً لوحدتي وراحه لي من ألمي ، يخفف عني وجع الفقدان ذات يوم .... الكاتبه 𝑁𝑜𝑛 Haider القادم أ...
