اللهم صل على محمد وعلى آل محمد.
الكاتبه نون حيدر 🤍.
قراءه ممتعه ، لتنسون التصويت و متابعه الحساب .
امس بالليل طيفك مر بالعيون .
وكعدت وياك ساعه وعاتبيتك.
فجأه وراح طيفك .
فزت الروح.
كلبت الليل كله و مالكيتك .
_________________________
تمددت والوجع تارس روحي ، الانتقام والحقد ملن كلبي .
غفت عيوني ، التعب المريت بي ما اتمنى لعدوي.
فتحت ع صوت عياط وهوسه حاولت اكوم رفعت نفسي الدم مغركني تصنمت بمكاني ودموعي تنزل بهدوء.
تفكيري ، خوفي ، مستقبلي ، حياتي كل هذني شراح يصير بيهن ماعرف ضايعه تايهه انُ ماتعرف باجر شنو راح يصيرلك أصعب شي .
سندت نفسي وكمت بالكوه امشي طلعت للمخزن اخذت ملابس ودخلت للحمام فتحت المي نزلت دموعي ويا اختلط دمع الوجع والماي كلبي دا يأذيني محد يحس بي .
كملت سبح وبدلت ع كيفي جسمي ياذيني طلعت واني اتحسب ع مختار طلعت بوجهي مرت عمي سحبتني من ايدي ونيت بألم
ميامي : اخخ ايدي والله توجعني.
صاحت بيه بغضب تمشي وتجر بايدي
مرت عمي : تعاي شوفي حبيب الكلب شمسوي باخويه .
طبيت للصاله كاعد مُتيم ومختار وجهه ازرك عيونه مطفيه نصدمت من منظره شهكت متفاجأه
ميامي : هاي شنو؟
دفعتني مرت عمي كبالهم خزرني عمي وسحبني بصفه
عم ميامي : احجيلي كلشي بدون جذب .
نزلت دموعي واني ابررله بتعب
ميامي : والله مامجذبه عليك كل الي صار مختار سببه .
جر شعري بايده الضخمه وضربني براشدي
عم ميامي: لا تخليني اغسل عارج هسه شجاب مختار عليج احجي هذا منو الكاعد يهوبز .
توجهت عيوني للمتيم عاتبته بيهن ليش هيج سويت بيه كله بسببك
ميامي : ماعرف عفيه عوفني .
أشر لمرت عمي سحبتني من ايدي وطلعت بيه عيون المُتيم تلاحكني شددت ايدها عليه وشمرتني بالمخزن
مرت عمي : صوتج مايطلع اني اعلمج فوك شينج وعارج كواة عينج امداها لتربيه اهلج.
ميامي : كافي عاد ماتستحين ؏ نفسج اخوج سوه كلشي وجايه تحاسبيني شبقيتي هااا شبقيتوا للغربه انتِ وعمي إلى متى مو حرام عليكم تعبت تعبت .
تفلت عليه وطلعت كعدت واني مكسوره مابيه حيل لأي شي اعتلت الاصوات واسمع المُتيم يصرخ نكسر كلبي عليه
متيم :خلي عندك غيره شويه طفله لك هاي طفله امانه عندك هم محسوبين ع بشر انتو .
كلامه اجه ع جرحي مكسوره جنح ماكو اليدافعلي .
أنت تقرأ
قيود الحريه
Mystery / Thriller" ان الله لا يغير ما بقوم حتى يغيروا ما بأنفسهم " ذات ليله شعرت بأني مقيده بسلاسل الحريه أردت قسطا من الراحه لكن ظلامي لن يسمح لي بذلك اصبح فراشي انيساً لوحدتي وراحه لي من ألمي ، يخفف عني وجع الفقدان ذات يوم .... الكاتبه 𝑁𝑜𝑛 Haider القادم أ...
