قام إسحاق بوضع ملابسه ثم بدأ بفك ازار قميصه وقام بازالته
وفي نفس الوقت وردة كانت تلعب بالمياه
سمع إسحاق صوت المياه فادار وجهه ليري وردة تجلس علي الارض وهى شبه عاريه
انتبهت وردة له فقامت بالصراخ والقت الإناء بوجهه
الذى جرح رأسه وجعله يفقد توازنه لوهله حاول أن يمسك بشئ لكن ورده قامت بدفعه فوقع في المياه لكنه كان ممسكا بيدها فوقعت معه
ظل الاثنان يديران ظهرهما للآخر وهما في قمه الإحراج
وردة / انت از زز ازاي تعمل كدا ....يابيه انت عشان باشا دا ميخليش ليك الحق تعمل كدا أن...
إسحاق / استنى بس انتى إلى جايه هنا ليه
وردة / الناس بتيجي الحمام ليه
إسحاق/ قصدى جايه الحمام دا ليه
وردة / انت إلى جاى هنا ليه دا مكان الخدم عشان يستحموا فيه
إسحاق/ يعنى من كل عقلك هنعمل المكان دا كله للخدم
فكرت وردة لوهله حتى علمت أنها دخلت المكان الخطأ
ظلت صامته لأنها هى الملامه والمخطئه
إسحاق/ ايه سكتى ليه ولا انتى جايه مفكره انى هقع في حبك
ورده / عشم ابليس في الجنه
إسحاق/ ايه ؟!
وردة / انا ماعرفش المكان هنا عشان كدا دخلت هنا
انا هخرج دلوقتي البس هدومي خليك زي مانت لحد اما اغير واوعي اشوفك بتبص
إسحاق/ انتى مفكره انى بكل مكانتى هبص لخدامه زيك
انا البنات هيا الي بتيجي لحد عندى مش العكس
وردة / طيب خليك قد كلمتك
خرجت وردة وبدأت ترتدي ملابسها بسرعه وهى تنظر إلي إسحاق حتى تتأكد أنه لا يسترق النظر
إسحاق/ انتى مش واخده بالك انك تماديتي شويه في كلامك ليا وانك شغاله عندى
وردة / وانت مسمعتش إنه زمن العبيد خلص من زمان
إسحاق/ لا دانتى وقحه
وردة / وانت ديكتاتوري
إسحاق / ( باندهاش ) عرفتي الكلمه دي منين
ورده / ملكش دعوة عرفتها منين ..انا صحيح شغاله عندك بس انا مش ملكك
انتهت وردة من ارتداء ملابسها
ورده / انا خلصت وخارجه
التفت اليها إسحاق بسرعه قبل أن تخرج
إسحاق / استنى راحه فين .
وردة / ان...
ايريني / إسحاق بيه انت كويس ..انا سمعت صوت وجيت بسرعه اشوف في ايه
شعرت وردة بالخوف الشديد فإذا علمت ايريني ماحدث ستظن أنها فعلته عمدا وبالتأكيد ستعاقب
نظر اليها إسحاق وكأنه يحاول طمئنتها
أصبح يحب تلك الأحداث التى تحدث بينها منذ رآها اول مره
فقد أزالت وردة الملل الذي كان يسيطر عليه في هذا المكان
إسحاق/ لا مفيش حاجه انا بس الي وقعت
ايريني / وقعت ؟! ...حصلك حاجه
إسحاق / لا انا كويس
ايريني / بس ...
إسحاق / خلاص .. قلت اني كويس امشى دلوقتي
ايريني / امرك .لو احتجت اى حاجه انا موجودة
إسحاق / لا متقفيش امشى انتي انا مش هعوذ حاجه دلوقتي مش بحب حد يتطفل علي وقتى الخاص
ايريني / حاضر انا همشى
رحلت ايرينى رغم تعجبها من كل هذا لكن لم تشك في اى شئ
إسحاق/ خليكي شويه متطلعيش دلوقتي لو شافتك هتتعاقبى
وردة / انت ليه بتساعدني دايما
يعني شويه تغلط في شرفى وشويه تساعدني انى احافظ عليه
انا مش فاهمه انت مبسوط وانت بتعذبني
إسحاق/ أنا..
قاطعته ورده بسرعه
وردة / ايه دا ايه الدم دا
إسحاق/ آه..دا عشان حد معين كل اما يشوفنى عاوز يعمل عاهه
وردة/ انت بتهزر
إسحاق / انا قولت حاجه ؟
اقتربت ورده عليه بسرعه وقامت باخد طرف ملابسه ووضعته علي الجرح حتي يتوقف الدم عن الخروج
إسحاق / انتى بتعملي ايه ؟!
وردة / دا عشان الدم يقف
إسحاق / وانتي كدا هتوقفه ليه بيسمع كلامك
وردة / قرأت قبل كدا أنه الدم زي المياه كدا ماشى في حاجات زي الخرطوم ولما بيحصل قطع في الخرطوم دا بيبدا حاجه تبني نفسها علي القطع الي فيه عشان يوقف الدم أنه يخرج
وانا كدا بساعدها إنه يقف بسرعه
ظل إسحاق صامتا منبهرا من كل هذا
لكنه بدأ بالشعور بشئ داخله هذه اول مره يخاف أحدا عليه بحق
حتي ردة فعل وردة كانت تلقائيه مما جعله يعلم أنها طبيعتها وليست مصطنعه
يديها الدافئتين لم توقف نزيف رأسه فقط
بل أدخلت الدفئ علي قلبه
امسك يدها لوهله وهو ينظر إليها حتي هيا بدأت تنظر إليه
والصمت يعم المكان وهو يقترب منها ببطئ
وعينيه لا تتحرك من عليه يبدو أن الكره قد دخلت المرمى
اخيراا الثلج قد اذابه شمس دافئه اخيرا الضوء قد دخل علي حياته
تلك الأصوات.. دقات قلبه التى تعلو هذه اول مره يشعر بهذه المشاعر
وبدون وعى منه قام بتقبيلها .....
صدمت وردة بكل هذا وقامت بدفعه وخرجت بسرعه البرق بدأت بالرقد الي غرفتها
من حسن حظها أنه لما يكن أحد في الرواق
دخلت بسرعه ثم أقفلت الباب خلفها ......
